Starf skipulags- og byggingafulltrúa hefur nú verið auglýst í tvígang án þess að umsóknir hafi borist í starfið.
Til máls tóku JÓK, HK, ÞS, RG og SÞ.
Lagt til að bæjarráði, í samstarfi við forseta bæjarstjórnar og bæjarstjóra, verði veitt umboð til að leita annarra leiða til þess að tryggja starfsemi skipulags- og byggingafulltrúaembættisins. Í því felst einkum að leita að starfsmanni með tímabundna ráðningu í huga, en aðrar leiðir gætu einnig komið til greina.
Bæjarráð leggur til að starf skipulags- og byggingafulltrúa verði auglýst að nýju. Jafnframt er bæjarstjóra falið að skoða möguleika á að kaupa þjónustu á sviði skipulags- og byggingamála og ennfremur að skoða samstarf á Snæfellsnesi
Unnur Þóra Sigurðardóttir, formaður skipulags- og umhverfisnefndar sat fundinn undir þessum lið.
Starf skipulags- og byggingafulltrúa var nýverið auglýst í þriðja sinn. Þrjár umsóknir bárust um starfið, auk eins erindis sem óljóst er af gögnum hvort sé umsókn. Óskað hefur verið eftir frekari gögnum til að upplýsa um hæfni umsækjenda.
Unnur Þóra Sigurðardóttir, formaður skipulags- og umhverfisnefndar, sat fundinn undir þessum lið.
Í ljós hefur komið að umsóknir um starf skipulags- og byggingafulltrúa voru fjórar, en kallað var eftir nánari upplýsingum frá umsækjendum.
Eftir yfirferð á umsóknum er ljóst að enginn umsækjenda uppfyllir nauðsynleg skilyrði skv. auglýsingu um starfið. Á grundvelli mats á fyrirliggjandi gögnum hafnar bæjarráð því öllum umsóknum.
Samþykkt samhljóða.
Á 218. fundi bæjarstjórnar var bæjarráði í samstarfi við forseta bæjarstjórnar og bæjarstjóra veitt umboð til að leita annarra leiða til þess að tryggja starfsemi skipulags- og byggingafulltrúaembættisins.
Bæjarráð samþykkir samhljóða að auglýst verði staða skipulags- og byggingafulltrúa.