Hafnarstjórn

Lagt fram afrit af bréfi frá Samgöngustofu dagsett 5. apríl sl., þar sem minnt er á aðkomu Samgöngustofu að hafnarframkvæmdum.
Sérstaklega er vísað til 6. gr. hafnarlaga nr. 61/2003.
Jafnframt lagt fram yfirlit yfir kostnað við fyrirhugaðar hafnarframkvæmdir í Grundarfjarðarhöfn á árabilinu 2016-2020.
Helstu framkvæmdir þar eru lenging Norðurgarðs og fyllingar tengdar því.
Gerð var grein fyrir fyrirliggjandi yfirliti.
Hafnarstjóra og formanni hafnarstjórnar falið að vinna að framgangi mála í samvinnu við Vegagerðina, Samgöngustofu og fjárveitingavaldið.
Sérstaklega þarf að skoða hvort Grundarfjarðarhöfn er í réttum flokki fiskihafna. Hafnarstjórn Grundarfjarðar telur að höfnin uppfylli allar þær kröfur sem stór fiskihöfn þarf að uppfylla.

Lögð fram drög að rammaskipulagi fyrir höfnina, sem unnið er af Alta.
Farið var yfir fyrirliggjandi tillögu og ræddar hugmyndir hafnarstjórnarmanna til tillögugerðarinnar.
Hafnarstjórn mælir með því að bæjarsjórn Grundarfjarðar beiti sér fyrir að nýr vegur fyrir þungaumferð inn í bæinn verði settur á samgönguáætlun sem fyrst.
Hafnarstjóra falið að öðru leyti að koma ábendingum hafnarstjórnar á framfæri við Alta.

Lagt fram yfirlit yfir skuldir sem tillaga er um að afskrifa.
Hafnarstjóri gerði grein fyri málinu alls er um að ræða kröfur að fjárhæð 143.860 kr.
Hafnarstjórn samþykkir að afskrifa tilgreindar kröfur.

Lagt fram bréf frá Hafnarsambandi Íslands, þar sem boðað er til Hafnarsambandsþings 2016, sem haldið verður á Ísafirði dagana 13. og 14. okt. 2016.
Fulltrúar Grundarfjarðarbæjar munu mæta á þingið.

Lagt fram upplýsingablað um sýninguna Sjávarútvegur 2016, sem haldin verður í Laugardalshöll dagana 28. til 30. sept. nk.
Hafnarstjóra falið að kanna aðkomu Grundarfjarðarhafnar að sýningunni.

Hafnarstjóri gerði grein fyrir skyldum hafna til þess að vinna áætlanir af ýmsum toga.

Lagðar fram fundargerðir stjórnar Hafnarsambands Íslands nr. 834, 835 og 836.