Fram voru lagðar þrjár tilnefningar íþróttamanna vegna ársins 2023 frá íþróttafélögum.
Farið var yfir tilnefningar og reglur sem um kjörið gilda.
Gengið var til kjörs á íþróttamanni ársins í samræmi við reglurnar. Niðurstöðu verður haldið leyndri þar til íþróttafólk ársins verður heiðrað, sem verður á gamlársdag.
Íþrótta- og tómstundafulltrúi mun sjá til þess að farandbikar verði áritaður og að verðlaunaskjöldur verði útbúinn fyrir íþróttamann ársins. Aðrir íþróttamenn fái blómvönd. Öll fái þau áritað skjal.
Fulltrúum íþróttafélaganna var þökkuð koman og viku þau af fundi.
Gestir
Hinrik Konráðsson f.h. Golfklúbbsins Vestarrs - mæting: 16:30
Góðar umræður fóru fram um hvatagreiðslur.
Nefndin telur að hvatapeningar geti virkað sem hvati fyrir börn til að stunda íþróttir.
Nefndin telur einnig að með hvatagreiðslum geti það aukið fjölbreytileika á vali barna til íþrótta- og tómstundaiðkunar.
Nefndin óskar eftir því að bæjarstjórn taki málið til umræðu.
Nefndin leggur áherslu á að klára gerð og uppsetningu á sögu Þríhyrningsins.
Íþrótta- og tómstundafulltrúa falið að kanna stöðu á styrk sem fékkst til skiltagerðar og kanna með útfærslu og hönnun á skiltum. Einnig óskaði nefndin eftir því að það yrði haldið áfram að bæta við leiktækjum fyrir yngri börn, bæta við lýsingu í garðinn og ganga frá sviði, í samræmi við hugmyndavinnu um gerð/hönnun garðsins.
Lokið var við fundargerð eftir fund og rafræns samþykkis aflað frá nefndarmönnum.