Grundargata 12 og 14, lóðaumsókn.

Sæmundur Runólfsson sækir um byggingarlóðir f.h. óstofnaðs hlutafélags. Lóðir sem um er sótt Grundargata 12 og 14. hafa verið auglýstar til úthlutunar. Umhverfis- og Skipulagsnefnd frestar erindinu og óskar eftir fullnægjandi lóðarumsóknum og upplýsingum um fyrirhuguðar byggingarframkvæmdir.

Skipulags- og umhverfisvernd samþykkir erindið og felur skipulags- og byggingarfulltrúa að veita Sæmundi Runólfssyni lóðirnar að Grundargötu 12 og 14.

Lagt fram bréf dags 5. apríl sl. frá lóðarhafa lóðanna Grundargötu 12 og 14 þar sem óskað er eftir heimild til þess að starfrækja gistingu fyrir ferðamenn í húsunum sem byggð verði á lóðunum, ef húsin hvorki seljast né leigjast á almennum markaði.

Allir tóku til máls.

Bæjarstjórn telur sér ekki fært að verða við erindinu, en bendir á að við endurskoðun aðalskipulags bæjarins verður sett fram stefna um möguleika á rekstri gistiheimila fyrir ferðamenn í íbúðabyggð.

Samþykkt samhljóða.

Skipulags- og umhverfisnefnd samþykkir grenndarkynninguna.

Signý Gunnarsdóttir vék af fundi undir þessum lið.

Skipulags- og umhverfisnefnd hefur yfirfarið umsagnir vegna grenndarkynningar sem lýtur að fyrirhuguðum byggingaráformum að Grundargötu 12-14.

Alls bárust fimm umsagnir.

Skipulags- og umhverfisnefnd samþykkir að fela byggingarfulltrúa í samráði við skipulagslögfræðing bæjarins, að koma með tillögur að svörum til umsagnaraðila.