Starfsáætlun og verkefni skólanefndar

Rætt m.a. um að fá fund með FSS og Ásgarði um frekari þróun og skerpingu á ákvæðum um sérkennsluteymi.

Bæjarstjóri sagði frá vinnu við fjárhagsáætlunargerð komandi árs og rætt var um vinnu við endurbætur sem fram hafa farið á leiksvæðum leik- og grunnskóla og sem fyrirhugaðar eru víðar.

Farið yfir og rætt um eftirfarandi atriði sem fyrir liggja sem efni skólanefndar á þessum fundi skv. fyrirliggjandi starfsáætlun nefndarinnar:

- Skólanámskrá leik-, grunn- og tónlistarskóla, innihald þeirra og hvernig þær eru unnar.

- Sérfræðiþjónustu við nemendur, um þjónustu og fyrirkomulag.

- Sérfræðiþjónustu við kennara og starfsfólk skólanna, en það er fyrst og fremst Félags- og skólaþjónusta Snæfellinga sem sér um þá þjónustu. Einnig er Grundarfjarðarbær að kaupa þjónustu af Ásgarði, skólaþjónustu, sbr. nýja menntastefnu og fleira sem Ásgarður aðstoðar við.

Á döfinni er að skólanefnd fái nýjan forstöðumann Félags- og skólaþjónustu inn á fund til sín. Stefnt að því í upphafi næsta árs.

- Nemendaverndarráð, fyrirkomulag í grunnskóla og leikskóla.

- Innleiðing menntastefnu. Farið yfir helstu skref, Gunnþór og skólastjórar gerðu grein fyrir stöðunni.

Gunnþór E. Gunnþórsson frá Ásgarði var gestur fundarins, í fjarfundi. Hann fór yfir stöðuna í innleiðingu menntastefnu, einkum í vinnu með leik- og grunnskóla.

Rætt um fundardaga skólanefndar, en einn fundur féll út (desemberfundur) og verður efni hans þjappað á aðra fundi fram til vorsins.

Rætt um fyrirhugaðan fund með bæjarstjórn.

Skólanefnd mælir með því við nýkjörna bæjarstjórn að ný skólanefnd eigi kost á að styðjast við slíka áætlun í sínu starfi.