UMFG - samtal um aðstöðumál

Til máls tóku JÓK, BÁ, GS og MM.

Lögð fram tillaga um að stofnaður verði rýnihópur, skipaður 2 fulltrúum Ungmennafélagsins og 2 fulltrúum bæjarstjórnar, sem hafi það hlutverk að skilgreina þarfir UMFG fyrir aðstöðu, horft til 10-15 ára fram í tímann, og vinna þarfagreiningu fyrir íþróttaaðstöðu.

Samþykkt samhljóða.

Til máls tóku JÓK og GS.

Hlutverk hópsins er að skilgreina þarfir UMFG fyrir aðstöðu og vinna þarfagreiningu fyrir íþróttaaðstöðu. Í upphafi verði sett niður markmið og lýsing fyrir starfi vinnuhópsins.

Samþykkt samhljóða.

Nefndin lýsir yfir ánægju með að þessi vinna sé farin af stað.

Nefdarmönnum líst vel á að þessi vinna sé komin í gang.

Í forsendum sem bæjarstjórn lagði upp, var óskað eftir áætlun um kostnað við að byggja um 1.200 m2 stórt hús, u.þ.b. 30 x 40 metrar, en að einnig yrði gerð grein fyrir hve mikið kostnaður breyttist ef farið væri af stað með 200 m2 stærra eða minna hús. Húsið væri staðsett í námunda við grunnskólann.
Undirstöður og grind hússins væru hannaðar með það fyrir augum að unnt yrði að stækka (lengja) húsið síðar. Í húsinu verði gert ráð fyrir (a) valkosti með gervigras og (b) valkosti með hefðbundnu gólfi.

Heiðrún Ösp og Jóhannes frá Eflu fóru yfir áætlunina og svöruðu spurningum bæjarráðsfulltrúa.

Að lokinni yfirferð var þeim þakkað fyrir komuna og góðar upplýsingar.

Bæjarráð stefnir að því að kynna þessi gögn fyrir stjórn UMFG.

Einnig kynnt að bæjarstjórn lét gera næmnigreiningu um fjárhagsþol bæjarins til byggingar húss allt að 800 millj. kr. Niðurstaðan er að slík fjárfesting er fjárhag bæjarsjóðs ofviða. Forgangsverkefni er að auka tekjur bæjarsjóðs, til að eiga svigrúm til lækkunar skulda og frekari fjárfestinga eins og þessarar.

Farið yfir og rætt um valkosti og kostnað.

Málið er áfram til skoðunar og vilji bæjarráðs/bæjarstjórnar er að vinna áfram að undirbúningi, í samvinnu við UMFG.

Fulltrúum UMFG var þakkað fyrir komuna og góðar umræður.