Útboð á sölu byggingarréttar á miðbæjarreit

Bæjarstjórn felur bæjarráði og bæjarstjóra umboð til ákvarðanatöku málsins.

Samþykkt samhljóða.

Bæjarráð ræddi fyrirliggjandi gögn og vísar þeim til samþykktar í bæjarstjórn.

Samþykkt samhljóða.

Til máls tóku JÓK, BÁ og LÁB.

Fyrirliggjandi útboðsgögn innihalda fyrirfram skilgreindar reglur um útboð byggingarréttar á lóðunum (miðbæjarreit) og fela í sér frávik frá Samþykkt um úthlutun lóða í Grundarfirði og að hluta til gjaldskrá fyrir gatnagerðargjöld í Grundarfirði.

Bæjarstjórn samþykkir fyrirliggjandi útboðsgögn og auglýsingu.

Samþykkt samhljóða.

Með vísan í framlögð gögn leggur forseti til að tilboði bjóðanda verði tekið.

Bæjarstjórn felur bæjarstjóra að ganga til samninga á grundvelli tilboðsgagna, eins og ráðgjafar mæla með.

Samþykkt með 6 atkvæðum. GS sat hjá.

Helgi gerði grein fyrir gögnum og samskiptum um málið.

Bæjarráð samþykkir, á grunni framlagðra gagna og upplýsinga ráðgjafa um samskipti við bjóðanda, að gerður verði skilyrtur kaupsamningur um byggingarrétt á reitnum, í samræmi við útboðslýsingu og tilboð sem barst. Bæjarráði er ljóst að vikið hafi verið frá nánar tilgreindum formsatriðum útboðslýsingar um stöðu kaupanda, sbr. nánar framlögð gögn.

Helga S. Gunnarssyni, ráðgjafa, falið að annast áframhaldandi samskipti við bjóðanda og bæjarstjóra falið að ganga frá kaupsamningi við bjóðanda.

Samþykkt samhljóða.

Bæjarstjórn samþykkir að veita bjóðanda frest til að skila umbeðnum gögnum í samræmi við útboðsskilmála til að unnt sé að ganga til samninga á grundvelli fyrri ákvarðana í málinu. Frestur er veittur til hádegis mánudag 9. mars nk. þannig að ákvörðun um framhaldið geti legið fyrir á fyrirhuguðum fundi bæjarstjórnar 12. mars nk.

Samþykkt samhljóða.

Svar bjóðanda lagt fram. Fyrir liggur að ekki verður af samningssambandi við bjóðanda.

Bæjarstjórn áréttar að fyrri skilmálar, sem samþykktir voru 2025 um nýtingu lóðar, eru óbreyttir.

Til máls tóku FÞÞ, SGG og BJJ.

Bókun D-listans:

Á síðasta kjörtímabili var unnið að ýmsum hugmyndum um framtíðarskipan húsnæðismála sveitarfélagsins, m.a. í tengslum við grundvallandi vinnu að uppbyggingu á miðbæjarreit. Fulltrúi D-listans telur rétt að taka þann þráð upp að nýju, með það að markmiði að styðja við uppbyggingu og þjónustu í Grundarfirði og jafnframt til að nýta eignir sveitarfélagsins betur og bæta aðstöðu fyrir starfsemi þess.

Talsverð vinna hefur þegar farið fram vegna miðbæjarreitsins og vísast um það til bókana í skipulags- og umhverfisnefnd, bæjarráði og bæjarstjórn á fyrri hluta árs 2025.

Í samræmi við markmið í aðalskipulagi skilgreindu bæjarstjórn og skipulags- og umhverfisnefnd skýrar forsendur fyrir uppbyggingu á reitnum. Fyrir liggja skipulagsheimildir sem gera ráð fyrir uppbyggingu húsnæðis fyrir miðbæjarþjónustu, með blandaðri atvinnu- og íbúðabyggð.
Við þá vinnu var lögð áhersla á að á jarðhæð yrði verslun og þjónusta og þannig stuðlað að auknu lífi og starfsemi í miðbænum; hjarta bæjarins og ekkí síst fyrir íbúa bæjarins.

Lagt er til að auglýsa miðbæjarreit að nýju og í samhengi við það, að kanna hvort vilji sé fyrir því hjá bæjarstjórn að taka hluta framtíðarbyggingar á leigu. Slík ákvörðun getur styrkt enn frekar forsendur verkefnisins og aukið áhuga byggingaraðila. Slíkt húsnæði gæti eftir atvikum nýst fyrir starfsemi bæjarskrifstofu eða aðra starfsemi sveitarfélagsins.

Samhliða verði skoðaðar forsendur þess að selja núverandi húsnæði bæjarskrifstofu og slökkvistöðvar að Borgarbraut 16, skrifstofuhúsnæði við Grundargötu 30 og mögulega húsnæði áhaldahúss að Nesvegi 19.

Jafnframt verði hafðar í huga þarfir Björgunarsveitar, en húsnæði hennar er skv. aðalskipulagi víkjandi vegna framtíðaráforma um uppbyggingu þjónustu fremst á Framnesi, eins og undirstrikað var með aðalskipulagsbreytingu 2023.

Á móti verði kannaður sá kostur að byggja hentugt iðnaðarhúsnæði á lóð sem í deiliskipulagstillögu heitir Íshúsgata 16 og er við hlið fiskvinnslu SC hf. Lóðin var tekin frá fyrir "björgunarmiðstöð" eins og samþykkt var samhljóða í bæjarráði, hafnarstjórn, skipulags- og umhverfisnefnd og svo bæjarstjórn í febrúar og mars sl.

Þar verði horft til þess að húsnæðið geti rúmað þá starfsemi sem nú er í slökkvistöð og áhaldahúsi, og eftir atvikum aðra starfsemi. Mikilvægt er að okkar mati að horfa til hagkvæmrar nýtingar byggingarreitsins í heild og kanna hvort rétt sé að nýta þá uppbyggingarmöguleika sem lóðin býður upp á til fulls.

Jafnframt verði kannaður áhugi lögreglunnar á Vesturlandi á því að fá aðstöðu í slíku húsi og hvort unnt sé að taka mið af þörfum lögreglunnar við frekari útfærslu þess.

Þar sem skipulagsvinna vegna þeirra lóða sem um ræðir er þegar langt komin, og fyrir liggja samþykktir um að viðkomandi lóð sé tekin frá fyrir þessi not, þá ætti að vera unnt að kanna þessa kosti og móta tillögur um framhaldið á tiltölulega skömmum tíma.

Tillaga til afgreiðslu:
Lagt er til að bæjarstjórn samþykki að fela bæjarstjóra og bæjarráði, í samráði við ráðgjafa sveitarfélagsins, að vinna framangreindar hugmyndir áfram og leggja fyrir bæjarstjórn tillögur um næstu skref ásamt mati á fjárhagslegum og rekstrarlegum áhrifum hvað varðar þann þátt sem snýr að fasteignum bæjarsjóðs.

Bókun B-lista:

Við fögnum öllum hugmyndum til uppbyggingar í Grundarfirði og leggjum til að málinu verði vísað til umfjöllunar og vinnufundar bæjarstjórnar.

Samþykkt samhljóða.