26. fundur 10. febrúar 2026 kl. 16:00 - 17:15 í Ráðhúsi Grundarfjarðar
Nefndarmenn
  • Björg Ágústsdóttir (BÁ) formaður
  • Arnar Kristjánsson (AK)
  • Garðar Svansson (GS)
Starfsmenn
  • Hafsteinn Garðarsson (HG) hafnarstjóri
  • Sigurður Valur Ásbjarnarson (SVÁ) skipulagsfulltrúi
Fundargerð ritaði: Björg Ágústsdóttir bæjarstjóri
Dagskrá
Dagskrárliður 3 í fundargerð var ritaður af skipulagsfulltrúa.

Formaður setti fund, gengið var til dagskrár.

1.Deiliskipulag Grundarfjarðarhafnar

Málsnúmer 2508010Vakta málsnúmer

Fyrir liggja drög að deiliskipulagstillögu sem unnið hefur verið að frá því að auglýsingu vinnslutillögu lauk 1. desember sl. Drögin voru lögð fram á 275. fundi skipulags- og umhverfisnefndar í gær, 9. febrúar 2026, og sátu fulltrúar í hafnarstjórn og hafnarstjóri þann fund sem gestir nefndarinnar.



Hafnarstjórn vísar í bókun um málið í fundargerð 275. fundar skipulags- og umhverfisnefndar, sem haldinn var í gær, 9. febrúar 2026. Hafnarstjórn og hafnarstjóri voru gestir á þeim fundi og tóku þátt í umræðu um þetta mál.

Hafnarstjórn samþykkir fyrir sitt leyti og leggur til við bæjarstjórn að auglýst verði framlögð tillaga að nýju deiliskipulagi Grundarfjarðarhafnar, í samræmi við 41. gr. skipulagslaga nr. 123/2010, að teknu tilliti til ábendinga í umræðum skipulags- og umhverfisnefndar um viðbótarskýringarmyndir.

Samþykkt samhljóða.

Gestir

  • Sigurður Valur Ásbjarnarson skipulagsfulltrúi, í fjarfundi - mæting: 16:00

2.Grundarfjarðarhöfn - Framkvæmdir og verkefni 2026

Málsnúmer 2602009Vakta málsnúmer

Rætt um verkefni hafnar, skipulags- og lóðarmál á hafnarsvæðinu m.t.t. framtíðarþróunar, nýtingu lóða o.fl.



Til frekari skoðunar.

Gestir

  • Halldór Jónsson hrl., í fjarfundi - mæting: 16:00
  • Sigurður Valur Ásbjarnarson skipulagsfulltrúi, í fjarfundi - mæting: 16:00
Björg vék af fundinum áður en dagskrárliður 3 var tekinn til umræðu.



3.Norðurgarður D_framhald fyrirspurnar

Málsnúmer 2509007Vakta málsnúmer

Framhald máls sem verið hefur til úrvinnslu vegna lóðarinnar Norðurgarðs D (eða nú Norðurgarðs 9).
Skipulagsfulltrúi sagði frá viðræðum lögmanns bæjarins/hafnarinnar við lögmenn kaupanda hússins á þessari lóð, í framhaldi af erindi um lóðina. Það er mat lögmanns bæjarins að bréf, sent af hálfu kaupanda hússins í desember sl., krefjist ekki formlegra viðbragða, enda virðist vera samkomulagsvilji um að leysa málið. Málið er þannig til úrlausnar hjá skipulagsfulltrúa, í samráði við lóðarhafa. Þeir munu hittast síðar í vikunni og fara yfir fyrirkomulag byggingarreits og skilmála lóðarinnar, sbr. deiliskipulagstillögu sem nú er í vinnslu (dagskrárliður 1).

Gestir

  • Sigurður Valur Ásbjarnarson, skipulagsfulltrúi, í fjarfundi
Lokið við fundargerð að fundi loknum og rafræns samþykkis aflað frá fundarmönnum.

Fundi slitið - kl. 17:15.