Áhugi er fyrir því að haldin verði sjálfsstyrkingarnámskeið fyrir unglinga. Ræddar ýmsar hugmyndir og tillögur að námskeiðahaldi og hvort mögulegt sé að fá styrki fyrir slíku.
Stefnt að því að geta haldið sjálfsstyrkingarnámskeið í byrjun næsta skólaárs. Gjarnan mætti halda námskeiðið í samstarfi við skólann svo allir nemendur viðkomandi árganga hafi jafnan möguleika á þátttöku.
Ungmennaráð var sett saman árið 2015 og var nokkuð virkt það ár. Nú er hluti ráðsins fluttir úr Grundarfirði og því mikilvægt að finna nýtt fólk.
Samþykkt að kynna ungmennaráðið fyrir nemendum 8.-9. bekkjar til að sjá hvort hægt verður að fá nemendur til að bjóða sig fram í ráðið, einn aðalmann og tvo varamenn.
Mikill áhugi hefur verið fyrir uppsetningu hreystibrautar og æfingasvæði í bænum sem gæti hentað fyrir allan aldur. Þríhyrningurinn þykir ákjósanlegur staður fyrir slíka braut.
Menningar- og markaðsfulltrúa falið að athuga með verð á slíkum brautum og möguleika á styrkjum til fjármögnunar.