Nesvegur 4b og 6 - sameining á lóð

Erindi frestað þar sem lóð 4b er úthlutuð og ekki liggur fyrir undirritaður samningur við núverandi lóðarhafa.

Skipulags- og umhverfisnefnd samþykkir að Hótel Framnes láti gera deiliskipulag þar sem lóðir Nesvegar 6 og 4b verða sameinaðar. Deiliskipulagið verði unnið samkvæmt gildandi skipulagslögum. Í deiliskipulaginu skal koma fram hvernig Hótel Framnes hyggst leysa bílastæðamál við hótelið og skal gera ráð fyrir a.m.k. 1 bílastæði á hverja 50 m2 húsnæðis.
Nesvegur 12 er í eigu Grundarfjarðarbæjar en Olíudreifing ehf er með lóðina samkvæmt þjóðskrá, en gera þarf nýja lóðarleigusamning.

Skipulags- og umhverfisnefnd leggur til að deiliskipulagið verði auglýst og kynnt samkvæmt 43.gr. í skipulagslögum nr. 123/2010. Bílastæðamagnið verði breytt í 1.stæði pr. 80m². Ef til kemur að bílasæði vanti á lóð miðað við byggingamagn, þarf að gera kvöð á viðkomandi lóð þar sem auka bílastæði verða staðsett.

Skipulags- og umhverfisnefnd frestar erindinu vegna ábendingar Skipulagsstofnunnar og leggur til að aðalskipulagsbreytingin og deiliskipulagið verði auglýst samhliða.

Lagt fram bréf Skipulagsstofnunar frá 21. janúar sl., varðandi tillögu að breytingu að deiliskipulagi Framness, austan Nesvegar. Jafnframt lagðir fram tölvupóstar frá skipulags- og byggingafulltrúa frá 9. mars sl. til Skipulagsstofnunar og svarpóstur Skipulagsstofnunar frá 26. mars sl. Í bréfi Skipulagsstofnunar er enn tekið á því að nauðsynlegt sé að gera breytingu á gildandi aðalskipulagi samanber lýsingu á aðalskipulagsbreytingu frá 2013 eða fresta deiliskipulagsbreytingunni þar til heildarendurskoðun aðalskipulagsins er auglýst.

Allir tóku til máls.

Tillaga að bókun:
”Bæjarstjórn samþykkir að aðalskipulagsbreytingarferli á Framnesi verði haldið áfram. Lýsing var auglýst í desember 2013. Bæjarstjórn felur skipulags- og byggingafulltrúa að láta gera tillögu að aðalskipulagsbreytingunni að teknu tilliti til innsendra athugasemda við lýsinguna á aðalskipulagsbreytingunni.
Jafnframt verði óskað eftir fundi með Skipulagsstofnun vegna deiliskipulagsbreytinga á svæðinu með það í huga að finna leið til þess að flýta afgreiðslu deiliskipulagstillögunnar eins og frekast er kostur.“

Fyrirliggjandi tillaga samþykkt samhljóða.

Skipulags- og umhverfisnefnd leggur til að deiliskipulagið verði endurauglýst og kynnt samkvæmt 43.gr. í skipulagslögum nr. 123/2010. Ef til kemur að bílasæði vanti á lóð miðað við byggingamagn, þarf að gera kvöð á viðkomandi lóð þar sem auka bílastæði verða staðsett.