Kaffihús í Sögumiðstöð

Lögð fram drög að auglýsingu um rekstur kaffihúss í Sögumiðstöðinni.
Bæjarráð samþykkir samhljóða að auglýst verði eftir rekstraraðilum kaffihúss í Sögumiðstöðinni á grundvelli fyrirliggjandi auglýsingar.

Umsóknarfrestur um rekstur kaffihúss í Sögumiðstöðinni rann út 22. febrúar sl. Alls bárust þrjár umsóknir sem lagðar voru fram á fundinum. Umsóknir bárust frá eftirtöldum aðilum:

1) Heiðdís Lind Kristinsdóttir og Elín Hróðný Ottósdóttir
2) Olga Sædís Aðalsteinsdóttir og Elsa Fanney Grétarsdóttir
3) Josué Goncalves Martins

Bæjarráð vísar umsóknununum til nánari úrvinnslu og umsagnar í menningarnefnd.

Umsækjendur mættu til fundar við menningarnefnd og farið yfir málin. Lagðar fyrir spurningar og spjallað. Reiknað með að taka viðtal við aðra sem allra fyrst og taka í kjölfarið ákvörðun um rekstraraðila.

Á fundi sínum 25. feb. sl. vísaði bæjarráð umsóknum um rekstur kaffihúss í Sögumiðstöðinni til nánari úrvinnslu og umsagnar í menningarnefnd.
Lögð fram niðurstaða menningarnefndar, þar sem nefndin greinir frá því að hún boðaði til viðtals við sig tvo aðila sem sótt höfðu um reksturinn.
Að vandlega íhuguðu máli leggur menningarnefndin til að gengið verði til samninga við Olgu Sædísi Aðalsteinsdóttur og Elsu Fanneyju Grétarsdóttur um reksturinn.
Bæjarsjórn samþykkir samhljóða tillögu menningarnefndar.

Lagt fram yfirlit unnið af bæjarstjóra er sýnir hugmyndir að fyrirkomulagi samnings milli Grundarfjarðarbæjar og rekstraraðila kaffihúss í Sögumiðstöðinni.
Jafnframt lögð fram drög að samningi milli bæjarins og fyrirtækisins Svansskála, varðandi rekstur kaffihússins. Gerð var grein fyrir fyrirliggjandi gögnum og viðræðum, sem átt hafa sér stað við nýja rekstraraðila, fulltrúa félagasamtaka og annarra sem málið varðar.

Bæjarráð mælir með að gengið verði frá samningi við nýjan rekstraraðila á grundvelli fyrirliggjandi gagna.
Samþykkt samhljóða.

EG vék af fundi og RG tók við stjórn fundarins.

Lagður fram samningur milli Svansskála og Grundarfjarðarbæjar, varðandi rekstur á kaffihúsi í Sögumiðstöðinni að Grundargötu 35.

Samningurinn samþykktur samhljóða.

EG tók aftur við stjórn fundarins.