Lagt fram bréf frá Heilbrigðisstofnun Vesturlands (HVE) frá 11. sept. sl. þar sem stjórnendur HVE eru á einu máli að gera sitt besta til að fá sjúkraþjálfara til að nýta aðstöðu sem til staðar er á heilsugæslustöðinni í Grundarfirði.
Bæjarstjóra falið að eiga fund með forstjóra HVE og kanna hvort ekki sé unnt að fá sjúkraþjálfara sem starfa á vegum stofnunarinnar í Stykkishólmi til þess að vinna í Grundarfirði tiltekna daga.
Heyrst hefur að til standi að minnka viðveru lækna í Grundarfirði frá því sem nú er. Eins og kunnugt er, þá er læknir staðsettur í Grundarfirði virka daga frá mánudegi til föstudags.
Á starfsmannafundi Heilbrigðisstofnunar Vesturlands (HVE) var rætt um það að læknir í Grundarfirði yrði færður til Ólafsvíkur tvo hálfa daga í viku, sökum þess að bið væri lengri eftir læknaþjónustu í Ólafsvík en í Grundarfirði. Þá hefur verið til athugunar að læknir í Grundarfirði yrði með símatíma fyrir sjúklinga í Ólafsvík.
Gangi þessar hugmyndir eftir skerðist viðverutími lækna í Grundarfirði um 20% frá því sem nú er.
Allir tóku til máls.
Bókun bæjarstjórnar: "Því er harðlega mótmælt að þjónusta lækna í Grundarfirði verði minnkuð frá því sem nú er. Slík aðgerð yrði í algerri mótsögn við áform ríkisstjórnarinnar um að efla heilsugæslu á landsvísu. Komi til aðgerða af þessu tagi yrði viðvera lækna í Grundarfirði skert um 20% frá því sem nú er. Enginn læknir er í Grundarfirði um helgar.
Ákvörðun af þessum toga getur haft veruleg áhrif á líðan fólks í samfélaginu og ákvarðanatöku fólks um það hvort það vill setjast að í samfélaginu eða ekki.
Bæjarstjórn Grundarfjarðar leggur ríka áherslu á það að fallið verði frá fyrirhuguðum aðgerðum.
Jafnframt furðar bæjarstjórn sig á samskiptaleysi HVE við bæjaryfirvöld."
Lagt fram bréf Grundarfjarðarbæjar til heilbrigðisráðherra, dags. 15. desember 2017 varðandi læknaþjónustu í Grundarfirði.
Jafnframt lagt fram bréf forstjóra Heilbrigðisstofnunar Vesturlands (HVE) til heilbrigðisráðherra varðandi málið.
Allir tóku til máls.
Bæjarstjórn Grundarfjarðar telur mjög mikilvægt að læknisþjónusta í sveitarfélaginu sé góð og verði sjö daga vikunnar. Jafnframt harmar bæjarstjórn viðhorf forstjóra HVE til læknisþjónustu í Grundarfirði.
Bæjarstjóra falið að fá fund með heilbrigðisráðherra um málið.
Bæjarstjóra falið að eiga fund með forstjóra HVE og kanna hvort ekki sé unnt að fá sjúkraþjálfara sem starfa á vegum stofnunarinnar í Stykkishólmi til þess að vinna í Grundarfirði tiltekna daga.
Samþykkt samhljóða.