Bæjarstjórn

Málsnúmer 1801012Vakta málsnúmer

Málsnúmer 1802006Vakta málsnúmer

Málsnúmer 1709037Vakta málsnúmer

Málsnúmer 1802010Vakta málsnúmer

Málsnúmer 1802001Vakta málsnúmer

Málsnúmer 1802009Vakta málsnúmer

Málsnúmer 1802011Vakta málsnúmer

Málsnúmer 1505019Vakta málsnúmer

Málsnúmer 1801003FVakta málsnúmer

• 9.1 1501066 Lausafjárstaða
  Bæjarráð - 508 Lagt fram til kynningar yfirlit yfir lausafjárstöðu.
  
• 9.2 1709010 Greitt útsvar 2017
  Bæjarráð - 508 Lagt fram til kynningar yfirlit yfir greitt útsvar árið 2017, þar sem fram kemur að hækkun milli áranna 2016 og 2017 sé 2,5%, sem er mun lægra en áætlað hafði verið.
  
• 9.3 1712002 Sýslumaðurinn á Vesturlandi - Afskrifabeiðnir
  Bæjarráð - 508 Lögð fram beiðni Sýslumannsins á Vesturlandi frá 27. nóvember 2017, þar sem óskað er eftir afskriftum á fyrndum kröfum að fjárhæð 241.722 kr.
  
  Bæjarráð samþykkir samhljóða afskrift ofangreindra krafna.
  
• 9.4 1801012 Ljósleiðari, blástur
  Bæjarráð - 508 Lögð fram verðtilboð í blástur og tengingar ljósleiðarastrengja í dreifbýli Grundarfjarðar. Tilboðin voru opnuð 12. janúar sl. Um var að ræða lokaða verðkönnun. Fjórum aðilum var boðið að vera með. Eftirfarandi þrjú tilboð bárust:
  
  1. TRS ehf., Selfossi, 11.543.840 kr.
  2. Rafal ehf., Hafnarfirði, 10.389.560 kr.
  3. SH Leiðarinn ehf., Hveragerði, 11.000.000 kr.
  
  Allar fjárhæðir eru með virðisaukaskatti.
  
  Tilboðin hafa verið yfirfarin.
  
  Bæjarráð samþykkir samhljóða að ganga til samninga við lægstbjóðanda.
  
• 9.5 1711013 Grundargata, framkvæmdir
  Bæjarráð - 508 Lagt fram bréf bæjarins ásamt teikningum að fyrirhuguðum framkvæmdum við Grundargötu vegna framkvæmda sjávarmegin við götuna, ofan við hús nr. 4-28.
  
  Jafnframt lögð fram þrjú bréf húseigenda sjávarmegin við Grundargötu þar sem þeir gera athugasemdir við fyrirhugaðar framkvæmdir og óska eftir því að fallið verði frá því að breikka gangstétt við götuna, þar sem bílastæðum mun fækka við þá framkvæmd.
  
  Bæjarráð felur skipulags- og umhverfisnefnd að gera tillögur að úrlausn málsins m.t.t. sjónarmiða íbúa.
  
  Samþykkt samhjóða.
  
• 9.6 1801024 Skipulagsstofnun, deiliskipulag á Sólvallareit
  Bæjarráð - 508 Lagt fram til kynningar bréf Skipulagsstofnunar frá 8. janúar sl. þar sem stofnunin heimilar að deiliskipulag á Sólvallareit verði auglýst í B-deild Stjórnartíðinda. Jafnframt lögð fram auglýsing sem birtist í B-deild Stjórnartíðinda 18. janúar sl.
  
  Deiliskipulagsuppdráttur hefur verið undirritaður og sendur Skipulagsstofnun.
  
  Bæjarráð lýsir yfir ánægju með framgang mála.
  
• 9.7 1801034 Minjastofnun Íslands, deiliskipulag á Sólvallareit
  Bæjarráð - 508 Lagt fram bréf Minjastofnunar frá 17. janúar sl. varðandi umsögn stofnunarinnar um deiliskipulag á Sólvallareit. Í bréfinu kemur fram að engar minjar eru skráðar á umræddum skipulagsreit og gerir Minjastofnun engar athugasemdir við deiliskipulagið.
  
  Stofnunin minnir samt á það að finnist fornminjar á svæðinu beri að tilkynna um það.
  
  Bæjarráð vísar erindinu til skipulags- og umhverfisnefndar.
  
  Samþykkt samhljóða.
  
• 9.8 1801023 Nesvegur 13
  Bæjarráð - 508 Lagt fram bréf frá húseiganda að Nesvegi 13 frá 11. janúar sl. þar sem gerðar eru athugasemdir við deiliskipulag og fyrirhuguð byggingaráform að Sólvöllum 2.
  
  Bæjarráð bendir á að deiliskipulagstillagan var auglýst og kallað eftir athugasemdum, en athugasemdafrestur rann út 19. desember 2017. Athugasemdir bárust því of seint, en leitast verður við að taka tillit til þeirra eins og kostur er. Erindinu vísað til kynningar í skipulags- og umhverfisnefnd.
  
  Samþykkt samhjóða.
  
• 9.9 1801018 Brú lífeyrissjóður, samkomulag um uppgjör
  Bæjarráð - 508 Lagt fram bréf Grundarfjarðarbæjar til Brúar lífeyrissjóðs varðandi drög að samkomulagi um uppgjör iðgjaldagreiðslna sem bárust sveitarfélögum landins þann 4. janúar sl.
  
  Kallað var eftir sundurliðun útreikninga á kröfunni og hafa þau gögn borist. Á grundvelli sundurliðunarinnar hefur verið farið yfir kröfuna og gerðar leiðréttingar. Miðað við það mun heildarkrafan lækka um rúmlega 400 þús. kr.
  
  Bæjarráð leggur til að gengið verði frá uppgreiðslu kröfunnar.
  
  Samþykkt samhljóða.
  
• 9.10 1801030 Skipulagsstofnun, lýsing fyrir gerð deiliskipulags við Kirkjufellsfoss
  Bæjarráð - 508 Lagt fram til kynningar bréf Skipulagsstofnunar frá 11. janúar sl. varðandi lýsingu fyrir gerð deiliskipulags fyrir Kirkjufellsfoss. Í bréfinu kemur fram að Skipulagsstofnun hefur yfirfarið gögnin.
  
• 9.11 1801040 Beiðni um aukna þjónustu við eldri borgara í Grundarfirði
  Bæjarráð - 508 Lagt fram bréf frá 17. janúar sl. þar sem óskað er eftir aukinni þjónustu við eldri borgara í Grundarfirði.
  
  Slík þjónusta er annars vegar veitt af sveitarfélaginu í gegnum Félags- og skólaþjónustu Snæfellinga (FSS) og hins vegar af ríkinu í gegnum Heilsugæslu Grundarfjarðar.
  
  Bæjarráð vísar erindinu til umfjöllunar hjá FSS, en óskar jafnframt eftir því að haldinn verði fundur með fulltrúum FSS, heilsugæslu og dvalarheimilins Fellaskjóls með áherslu á aukna samvinnu aðila um bætta þjónustu við aldraða í Grundarfirði.
  
  Samþykkt samhljóða.
  
• 9.12 1801032 Íbúðalánasjóður, Grundargata 69, leigusamningur
  Bæjarráð - 508 Lagt fram bréf Íbúðalánasjóðs frá 18. janúar sl. varðandi leigusamning um Grundargötu 69 sem rennur út 28. febrúar nk.
  
  Bæjarráð samþykkir samhljóða að leita eftir framlengingu á leigusamningnum.
  
• 9.13 1801031 Persónuvernd
  Bæjarráð - 508 Lagt fram erindi Sambands íslenskra sveitarfélaga frá 16. janúar sl. varðandi innleiðingu á nýjum persónuverndarlögum.
  
  Bæjarráð vísar málinu til umfjöllunar í skólanefnd og felur jafnframt skólastjórnendum leik-, grunn- og tónlistarskóla að kynna sér málið.
  
  Bæjarráð telur mikilvægt að kallað sé eftir áliti sérfræðinga á því hvernig best sé staðið að persónuverndarmálum í sveitarfélaginu, til samræmis við ný lög.
  
  Samþykkt samhljóða.
  
• 9.14 1801037 Rekstrarleyfi gististaða
  Bæjarráð - 508 Farið yfir gögn og afgreiðslur vegna umsagna á rekstrarleyfisumsóknum gistiheimila í Grundarfirði.
  
  Bæjarráð áréttar fyrri ákvarðanir bæjarstjórnar um að ekki séu veittar jákvæðar umsagnir um rekstrarleyfisumsóknir í íbúðabyggð, þar sem sú starfsemi samræmist ekki gildandi skipulagsáætlunum, né ákvæðum skipulagslaga nr. 123/2010 og -reglugerðar nr. 90/2013 sem og ákvæðum laga um mannvirki nr. 160/2010.
  
  Bæjarráð bendir á að endurskoðun aðalskipulags sé í gangi, þar sem fyrirhugað er að leggja skýrar línur um fjölda gistirýma í íbúðabyggð í þéttbýli sveitarfélagsins. Þar til þeirri vinnu hefur verið lokið og aðalskipulag samþykkt verða ekki veittar jákvæðar umsagnir um ný rekstrarleyfi í samræmi við fyrri bókanir bæjarstjórnar. Áætlað er að endurskoðun aðalskipulags verði lokið fyrir lok kjörtímabilsins í lok maí nk.
  
  Samþykkt samhljóða.
  Bókun fundar Til máls tóku EG, HK, JÓK, RG og BP.
  
  Lagt til að bæjarstjóra verði falið að leita til Skipulagsstofnunar í því skyni að fá ráðgjöf um þá þætti málsins er varða skipulagslega þætti þess.
  
  Samþykkt samhljóða.
  
• 9.15 1801041 Samgöngumál
  Bæjarráð - 508 Lagt fram bréf Akraneskaupstaðar frá 16. janúar sl. varðandi samgöngur á Vesturlandi.
  
  Bæjarráð tekur undir ályktun bæjarstjórnar Akraness, þar sem skorað er á samgönguyfirvöld um að bregðast nú þegar við ástandi Vesturlandsvegar á Kjalarnesi og að frekara fjármagn fáist til úrbóta vegna tvöföldunar vegakaflans. Á undanförnum árum hefur margsinnis verið vakin athygli á brýnni nauðsyn þess að framkvæmdum á Vesturlandsvegi verði hraðað umfram þær áætlanir sem birtast í langtímasamgönguáætlun.
  
  Að öðru leyti er vísað til Samgönguáætlunar SSV.
  
  Samþykkt samhljóða.
  
• 9.16 1801038 Forsetaskrifstofa, heimsókn
  Bæjarráð - 508 Forseti sænska þingsins, ásamt fylgdarliði, mun sækja Grundarfjörð heim 2. febrúar nk.
  
• 9.17 1801039 Íbúðalánasjóður, heimsókn
  Bæjarráð - 508 Fulltrúar Íbúðalánasjóðs munu koma til fundar við forsvarsmenn Grundarfjarðarbæjar 1. febrúar nk.
  
• 9.18 1801033 Fjarðabyggð, svarbréf vegna umsókna um nám utan lögheimilissveitarfélags
  Bæjarráð - 508 Lagt fram til kynningar bréf Fjarðarbyggðar frá 22. janúar sl. þar sem staðfest er greiðsluþátttaka sveitarfélagsins vegna grunnskólanáms utan lögheimilissveitarfélags.
  

Málsnúmer 1801004FVakta málsnúmer

• 10.1 1801044 Styrkumsóknir til SSV
  Menningarnefnd - 12 Menningar- og markaðsfulltrúi kynnir þær umsóknir sem sendar voru til Uppbyggingarsjóðs Vesturlands.
  
  Varðandi fræðslu- og upplýsingaskilti þá kallar menningarnefnd eftir því að fá upplýsingar um stöðu verkefnisins í mars þar sem áætluð verklok eru um miðjan maí.
  
  
• 10.2 1801045 Ljósmyndasamkeppni Grundarfjarðar 2018
  Menningarnefnd - 12 Metþátttaka var í Ljósmyndasamkeppni Grundarfjarðar árið 2017 en þá var þemað "veður".
  Ræddar ýmsar hugmyndir að þema fyrir árið 2018 og var ákveðið að hafa það "fuglar og dýr".
• 10.3 1801046 Rökkurdagar 2018
  Menningarnefnd - 12 Ákveðið að hinir árlegu Rökkurdagar verði haldnir í kringum tímabilið 10.-20. október.
• 10.4 1801047 Stefnumótun um menningarhús Grundarfjarðar
  Menningarnefnd - 12 Bæjarstjórn kallaði eftir stefnumótun menningarnefndar um framtíð og hlutverk menningarhúsa bæjarins. Menningarnefnd mun kynna sér málin nánar og gera tillögu að stefnu. Bókun fundar Til máls tóku EG og EBB.
• 10.5 1801048 Sögumiðstöðin
  Menningarnefnd - 12 Farið yfir samning Grundarfjarðarbæjar og Svansskála sem rekur Kaffi Emil í Sögumiðstöðinni. Nefndin vill að Sögumiðstöðin nýtist betur fyrir fólkið í bænum eins og verið hefur í gegnum tíðina og lagt var upp með í samningi. Endurskoða þarf samninginn og hyggst nefndin boða rekstraraðila á sinn fund til að fara yfir stöðu mála.

Málsnúmer 1801005FVakta málsnúmer

• 11.1 1801049 Fellasneið 8, lóðaumsókn
  Árni Þór Hilmarsson sækir um lóðina Fellasneið 8 Skipulags- og umhverfisnefnd - 185 Skipulags- og umhverfisvernd samþykkir erindið og felur skipulags- og byggingarfulltrúa að veita Árna Þór Hilmarssyni lóðina að Fellasneið 8.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.2 1712013 Grundargata 12 og 14, lóðaumsókn.
  Sæmundur Runólfsson sækir um lóðina Grundargötu 12 Skipulags- og umhverfisnefnd - 185 Skipulags- og umhverfisvernd samþykkir erindið og felur skipulags- og byggingarfulltrúa að veita Sæmundi Runólfssyni lóðirnar að Grundargötu 12 og 14.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.3 1801050 Fellasneið 3, lóðaumsókn
  Garðar Hafsteinsson sækir um lóðina að Fellasneið 3. Skipulags- og umhverfisnefnd - 185 Skipulags- og umhverfisvernd samþykkir erindið og felur skipulags- og byggingarfulltrúa að veita Garðari Hafsteinssyni lóðina að Fellasneið 3.
  
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.4 1801053 Ártún 2 - gönguhurð breyting
  Sótt er um leyfir til að setja gönguhurð að Ártúni 2 Skipulags- og umhverfisnefnd - 185 Skipulags- og umhverfisvernd tekur vel í erindið og felur skipulags- og byggingarfulltrúa að veita framkvæmdarleyfi.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.5 1801054 Nesvegur 21, Byggja soghús.
  Þorgrímur sækir um fyrir hönd Lavaland að byggja soghús við Nesveg 21. Skipulags- og umhverfisnefnd - 185 Skipulags- og umhverfisvernd tekur vel í erindið og felur skipulags- og byggingarfulltrúa að veita framkvæmdarleyfi.
  
  Ólafur Tryggvason vék af fundi undir þessum lið.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.6 1710052 Nýtt deiliskipulag Sólvallareits
  Sótt er um byggingarleyfi vegna byggingar á Sólvallareit ásamt stöðuleyfi fyrir gáma. Skipulags- og umhverfisnefnd - 185 Skipulags- og umhverfisvernd samþykkir erindið og felur skipulags- og byggingarfulltrúa að gefa út byggingarleyfir ásamt því að veita stöðuleyfi.
  
  Bókun fundar RG vék af fundi undir þessum lið.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
  RG tók aftur sæti sitt á fundinum.
  
• 11.7 1704007 Berserkseyri, lýsing á aðalskipulagi
  Aðal- og deiliskipulag Berserkseyrar. Skipulags- og umhverfisnefnd - 185 Skipulags- og umhverfisnefnd samþykkir breytt Aðalskipulag Berserkseyrar og deiliskipulag vegna frístundarbyggðar að Berserkseyri.
  
  Skipulags-og umhverfisnefnd telur að þegar komi til framkvæmda á deiliskipulagssvæðinu að þá þurfi færa vatnslögnina út fyrir byggingareitinn á Berserkseyri ytri og sé það gert á kostnað eigenda Berserkseyrar sem staðið hafi í framkvæmd þessari.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.8 1709016 Grundargata, framkvæmdir
  Lagðar fram teikningar ásamt umsögnum íbúa vegna gangstétta við austanverða Grundargötu.
  Skipulags- og umhverfisnefnd - 185 Skipulags- og umhverfisvernd frestar erindinu og leggur til að farið verði í þá vinnu að útfæra hvernig best sé að breikka gangstéttar við austanverða Grundargötu án þess að mikil skerðing verði á bílastæðum.
  
  

Málsnúmer 1801056Vakta málsnúmer

Málsnúmer 1801055Vakta málsnúmer

Málsnúmer 1710013Vakta málsnúmer

Málsnúmer 1801002Vakta málsnúmer

Málsnúmer 1801008Vakta málsnúmer