Fasteignagjöld 2024

Bráðabirgðaálagning fasteignagjalda fyrir árið 2024 kynnt, sem og samanburður. Farið yfir forsendur og breytingu milli ára.

Breyting á sorpmálum, undirbúningur útboðs og endurskoðun sorpsamþykktar eru í vinnslu. Gjaldtaka verður skoðuð samhliða.

Vísað til næsta fundar bæjarráðs.

Vegna hækkunar sem varð á fasteignamati fyrir árið 2023 samþykkti bæjarstjórn í lok árs 2022 að lækka lóðarleigu A úr 2% í 1,5% og fráveitugjald A úr 0,2% í 0,19% fyrir árið 2023. Fasteignamat 2024 stendur nánast í stað eða lækkar milli ára, eftir flokkum.

Gjaldskrá vegna sorpgjalda er í vinnslu vegna nýrra laga um sorpflokkun og breytinga sem gerðar verða á næsta ári í samræmi við það, sbr. yfirstandandi vinnu við undirbúning á útboði sorpmála.

Farið yfir framlagt yfirlit og rætt um álagningarprósentur. Áfram í vinnslu hjá bæjarráði.

Farið yfir forsendur og breytingu milli ára og gengið frá tillögu til bæjarstjórnar um hækkun lóðarleigu íbúðarhúsnæðis úr 1,5% í 2% og hækkun fráveitugjalds vegna íbúðarhúsnæðis úr 0,19% í 0,2%, sem er það álagningarhlutfall sem verið hefur í mörg ár. Á síðasta ári voru þessi hlutföll lækkuð vegna hækkunar á fasteignamati á yfirstandandi ári. Á næsta ári er gert ráð fyrir svipuðu fasteignamati eða lægra, eftir flokkum.

Samþykkt samhljóða.

Farið yfir tillögu bæjarráðs til bæjarstjórnar um hækkun á lóðarleigu íbúðarhúsnæðis (flokkur A) úr 1,5% í 2% og hækkun fráveitugjalds vegna íbúðarhúsnæðis úr 0,19% í 0,2%, en hvort tveggja var lækkað vegna ársins 2023 þegar fasteignamat hafði hækkað töluvert milli ára.

Bæjarráð gerir tillögu að hækkun 2024 þar sem fasteignamat nánast stendur í stað eða lækkar milli ára.

Tillaga bæjarráðs samþykkt samhljóða.