Afgreiðslufundir byggingarfulltrúa

Sótt er um byggingarheimild til að byggja nýtt geymsluhúsnæði með nettóflatarmál upp á 19,6 m2. Sambærilegur geymsluskúr var rifinn fyrir um ári síðan vegna slæms ástands og verða sökkull og plata endurnýtt. Ekki er til deiliskipulag fyrir svæðið. Fyrri skúr var byggður árið 2013 og staðfestir nágranni á Grundarvegi 9 með undirritun samþykki sitt fyrir byggingunni, en skúrinn stendur upp við lóðamörk.

Eigandi kjallaraíbúðar á Grundargötu 12b sækir um að hún verði skráð sem atvinnuhúsnæði.

Sótt er um byggingarleyfi fyrir 50,4 m2 bílskúr að Fagurhólstúni 7. Bílskúrinn yrði á steyptum undirstöðum og með steypta botnplötu. Bílskúrinn yrði byggður úr timburgrind og timburþaki en klætt með báruáli. Bílskúrinn stendur við lóðamörk. Ekki er til deiliskipulag fyrir svæðið.

Sótt er um byggingarleyfi fyrir óupphitað og óeinangrað 60 m2 stálbogahús á jörðinni Innri-Látravík. Húsið yrði notað sem hesthús. Undirstöður eru úr járnbentri steinsteypu og klæðning hússins er báraðar málmplötur. Húsið yrði staðsett við hlið fjárhúsa sem eru svipuð að lögun og stærð og nýtir sömu aðkomu Ekki liggur fyrir deiliskipulag, en skv. aðalskipulagi er svæðið landbúnaðarland. Samkvæmt aðalskipulagi Grundarfjarðarbæjar er heimilt að gera ráð fyrir mannvirkjagerð sem búskapur og landbúnaðarnot jarðarinnar kalla á.