Bæjarráð

Lagt fram til kynningar.

Lagt fram til kynningar staðgreiðsluyfirlit fyrir fyrstu átta mánuði ársins. Skv. yfirlitinu er greitt útsvar 11,3% hærra en á sama tíma á fyrra ári.

Lagt fram og yfirfarið rekstraryfirlit frá byrjun árs til 30.09.2015 miðað við stöðu bókhalds.

Lögð fram launaáætlun miðað við raunlaun fyrstu níu mánuði ársins. Heildarlaunagreiðslur eru um 21,8 millj. kr. hærri en fjárhagsáætlun gerði ráð fyrir, sem er um 7,4% hækkun.

Lagður fram listi yfir ógreiddar viðskiptakröfur 30.06.2015.

Farið yfir verðlagsforsendur vegna gerðar fjárhagsáætlunar 2016. Ráðgerðir eru tveir vinnufundir með bæjarráði fyrir fyrri umræðu í bæjarstjórn.

Um starf skipulags- og byggingafulltrúa sóttu sjö manns. Bæjarráð ásamt bæjarstjóra og skrifstofustjóra fóru yfir umsóknir og tóku viðtöl við fjóra umsækjendur.

Bæjarráð samþykkir samhljóða að ráða Gunnar Sigurgeir Ragnarsson í starfið.

Lagt fram bréf Golfklúbbsins Vestarr dags. 07.09.2015, þar sem m.a. óskað er eftir endurskoðun á gildandi samningum milli klúbbsins og Grundarfjarðarbæjar.

Bæjarráð tekur jákvætt í beiðni klúbbsins og felur bæjarsjóra að móta drög að nýjum samningi í samráði við golfklúbbinn.

Bæjarráð óskar klúbbnum jafnframt til hamingju með 20 ára afmælið.

Lögð fram umsókn Sunnevu Gissurardóttur um íbúð eldri borgara að Hrannarstíg 34.

Bæjarráð samþykkir samhljóða að úthluta Sunnevu íbúðinni. Skrifstofustjóra falið að ganga frá samningum.

Lagt fram fundarboð vegna haustþings SSV 7. okt. nk., ásamt dagskrá fundarins. Tilnefna þarf þrjá fulltrúa Grundarfjarðarbæjar á fundinn skv. 5. gr. laga SSV.

Samþykkt samhljóða að fulltrúar Grundarfjarðarbæjar á fundinum verði Eyþór Garðarsson, Rósa Guðmundsdóttir og Elsa Bergþóra Björnsdóttir. Fulltrúar til vara verði Jósef Ó. Kjartansson og Hinrik Konráðsson.

Lögð fram teikning af fyrirhuguðum framkvæmdum við Sundlaug Grundarfjarðar.

Samþykkt samhljóða að vísa málinu til afgreiðslu í skipulags- og umhverfisnefnd. Jafnframt samþykkt að láta vinna útboðsgögn fyrir verkið.

Lögð fram ályktun frá fundi samstarfsnefndar lögreglu og sveitarfélaga sem haldinn var í Borgarnesi 14.09.2015.

Lögð fram tillaga að bókun:

”Bæjarráð Grundarfjarðar telur brýnt að fjárveiting fáist til niðurgreiðslu á halla fyrri ára hjá embætti lögreglunnar og að í fjárlögum ársins 2016 verði tryggt nægjanlegt fjámagn til þess að unnt verði að ráða hið snarasta í störf lögreglumanna í Grundarfirði, sem er sjálfsögð þjónusta sem þarf að vera til staðar í sveitarfélaginu.”

Samþykkt samhljóða.

Lagt fram til kynningar.

Lagðar fram skoðunarskýrslur vegna aðalskoðunar leiktækja við leik- og grunnskóla og á opnum leiksvæðum.

Bæjarráð fagnar því að slík skoðun hafi farið fram og felur umsjónarmanni fasteigna að vinna að lagfæringu á þeim athugasemdum sem fram koma í skýrslunum.

Lagður fram þjóðarsáttmáli um læsi, sem undirritaður var 22.09.2015 af mennta- og menningarmálaráðherra, bæjarstjóra og forsvarsmanni Landssamtaka heimilis og skóla.

Bæjarráð fagnar tilkomu sáttmálans og hvetur til þess að hann verði kynntur vel í leik- og grunnskóla bæjarins svo ákvæði hans nýtist til þess að efla lestrarkunnáttu í sveitarfélaginu.

Lagt fram til kynningar bréf slitastjórnar Eyrbyggju-sögumiðstöðvar frá 14.09.2015 þar sem óskað er eftir staðfestingu innanríkisráðherra á slitum Eyrbyggju-sögumiðstöðvar, sbr. 8. gr. skipulagsskrár sjálfseignarstofnunarinnar Eyrbyggju-sögumiðstöðvar.

Lögð fram til kynningar fundargerð heilbrigðisnefndar frá 07.09.2015 ásamt fylgigögnum. Annars vegar er fjallað um þrifnað og umgengni utanhúss á Vesturlandi og hins vegar um meðferð númerslausra bíla og ónýtra bílhræja.

Lagt fram til kynningar bréf frá Alta dags. 23.09.2015, þar sem óskað er eftir tækifæri til að kynna starfsemi fyrirtækisins er lýtur að gerð skipulagsvinnu.

Samþykkt samhljóða að þiggja boð um kynningu frá Alta við fyrstu hentugleika, þar sem fyrirtækið kynni starfsemi sína fyrir bæjarstjórn og skipulags -og umhverfisnefnd.

Farið yfir starfsmannamál.

Lögð fram og kynnt umræðuefni á fundi forsvarsmanna Grundarfjarðarbæjar og þingmanna kjördæmisins, sem fram fór á Hótel Hamri í Borgarnesi 30.09.2015. Meðal umræðuefna voru fyrirhugaðar framkvæmdir við stækkun hafnarinnar, kvótamál og lög um stjórn fiskveiða, málefni fatlaðra, jöfnun húshitunarkostnaðar og átak til leitar á heitu vatni, málefni flóttamanna, samskipti bæjarfélagsins og Íbúðalánasjóðs varðandi íbúðir í eigu hans í bæjarfélaginu, vegamál, viðhald og þjónusta vega, aukin hálkueyðing og snjómokstur. Ennfremur voru rædd málefni Kvíabryggju, löggæslumál o. fl.