Íþrótta- og tómstundanefnd

Fyrir lágu alls fimm tilnefningar íþróttamanna vegna ársins 2018 frá íþróttafélögum og frá deildum UMFG. Gengið var til kjörs á íþróttamanni ársins í samræmi við reglur þar að lútandi. Niðurstaða lá fyrir en verður haldið leyndri þar til íþróttafólk ársins verður heiðrað á aðventudegi Kvenfélagsins Gleym-mér-ei í samkomuhúsinu sunnudag 2. des. nk.
Bæjarstjóri mun sjá til þess að farandbikar verði áritaður og að verðlaunaskjöldur verði útbúinn fyrir íþróttamann ársins. Aðrir íþróttamenn fái blómvönd. Öll fái þau áritað skjal.

Fulltrúum íþróttafélaganna var þökkuð koman og viku þau af fundi.

Ragnheiður Dröfn gerði að umræðuefni, að enginn fulltrúi úr ungmennaráði Grundarfjarðarbæjar hefði tekið þátt í ungmennaþingi Vesturlands 2.-3. nóvember sl.

Heiður, fulltrúi með ungmennaráði, kom á fundinn.
Heiður og bæjarstjóri skýrðu frá því að gengið hefði verið eftir því að fulltrúar eða varafulltrúar í ungmennaráði tækju þátt, en fulltrúarnir hefðu ekki gefið kost á sér eða átt tök á því. Ungmennaráð tók hins vegar þátt í landsfundi og málþingi sveitarfélaga um jafnréttismál 18. september sl. en yfirskriftin var „ungt fólk og jafnréttismál“.

Umræða varð um ýmis atriði sem snerta fjölskyldumál, s.s. samskipti kynslóða og forvarnir.
Samþykkt var að fá forvarnafulltrúa FSN til að koma og ræða við nefndina síðar.

Í tengslum við þennan lið var einnig rætt um eftirfarandi atriði:
- skák; hvernig megi efla áhuga og færni grunnskólanemenda í skák
- 100 ára fullveldi: hátíð í grunnskóla 1. des.
- fræðslu inní grunnskóla um vímugjafa

Nefndin leggur til að leitað verði eftir sameiginlegum fundi með öllum íþrótta- og æskulýðsfélögum í bænum, þar sem félög og ráð kynni stuttlega starfsemi sína fyrir nefndinni og hvert öðru. Einnig verði rætt um sameiginleg hagsmunamál og mál sem íþrótta- og æskulýðsnefnd getur unnið að eða stutt við. Fundurinn verði ennfremur nýttur sem liður í endurskoðun fjölskyldustefnu bæjarins - þar sem færi gefist til umræðu um tiltekin efni sem snerta stefnuna.