116. fundur 24. mars 2026 kl. 16:30 - 18:00 í Ráðhúsi Grundarfjarðar
Nefndarmenn
  • Ólöf Guðrún Guðmundsdóttir (ÓGG) formaður
  • Ragnheiður Dröfn Benidiktsdóttir (RDB)
Starfsmenn
  • Hinrik Konráðsson (HK) íþrótta- og tómstundafulltrúi
Fundargerð ritaði: Hinrik Konráðsson (HK) íþrótta- og tómstundafulltrúi
Dagskrá
Fundur settur og gengið til dagskrár.

1.OP-5 Útivistarkraginn

Málsnúmer 2510017Vakta málsnúmer

Bæjarstjórn samþykkti í október sl. tillögu verkefnisstjóra skipulags- og umhverfismála, íþrótta- og tómstundafulltrúa og forstöðumanns menningar- og markaðsmála, um að stofna samráðshóp um skipulag og nýtingu útivistarkragans ofan þéttbýlis (OP-5). Þremenningarnir lögðu til að samráðshópurinn væri skipaður aðilum úr þeim nefndum er málið varðar, þ.e. skipulags- og umhverfisnefnd, íþrótta- og tómstundanefnd og menningarnefnd (aðilar úr öðrum nefndum kallaðir inn eftir þörfum), sem og fulltrúum bæjarstjórnar. Hlutverk samráðshópsins verði að fá hagaðila saman að borðinu til þess að mynda sameiginlega sýn um svæðið, forsendur fyrir frekari ákvörðunum og uppbyggingu.



Búið er að tilnefna fulltrúa allra í hópinn, nema íþrótta- og tómstundanefndar.

Óskað er eftir að íþrótta- og tómstundanefnd tilnefni fulltrúa í samráðshópinn.

Íþrótta- og tómstundanefnd tilnefnir Ragnheiði Dröfn Benidiktsdóttur sem sinn aðila í samráðshópinn.

Gestir

  • Nanna Vilborg Harðardóttir verkefnisstjóri skipulags- og umhverfismála - mæting: 16:30

2.Gönguleiðir og hjólreiðastígar

Málsnúmer 2311027Vakta málsnúmer

Farið yfir stígamál á íþróttasvæðinu í Grundarfirði í samvinnu með Nönnu Vilborgu verkefnisstjóra skipulags- og umhverfismála hjá Grundarfjarðarbæ.

Íþrótta- og tómstundanefnd lýsir yfir ánægju með þá vinnu sem hefur verið lögð í undirbúning að stígagerð á íþróttasvæðinu. Farið yfir fleiri hugmyndir fyrir stíga og uppsetningar á mönum á íþróttasvæðinu.

Gestir

  • Nanna Vilborg Harðardóttir verkefnisstjóri skipulags- og umhverfismála - mæting: 16:30

3.Félagsmiðstöðin Eden

Málsnúmer 1612019Vakta málsnúmer

Umræða um starfsemi félagsmiðstöðvarinnar Eden.
Íþrótta- og tómstundanefnd leggur til að breyting verði gerð á opnunartíma Eden. Nefndin leggur til að opnunartímar verði færðir um 30 mínútur fyrr en nú er, til að hann falli betur að útivistartíma barna. Opnunartími Eden á kvöldin er nú frá kl. 20:00 - 22:00 en útivistartími þeirra barna sem stunda Eden má vera lengst til kl. 22:00 samkvæmt útivistarreglum í barnaverndarlögum. Með þessu er líka verið að tryggja að börn fái nægan svefn, en hann er börnum og unglingum nauðsynlegur.

Nefndin leggur til að félagsmiðstöðin Eden bjóði upp á starf fyrir fleiri árganga en gert er í dag, þ.e. að 5. og 6. bekkur fái að taka þátt í starfsemi Eden, með svipuðum hætti og tíðkast í okkar nágrannasveitarfélögum.

Nefndin hvetur bæjarstjórn til að huga að sér húsnæði/rými fyrir félagsmiðstöðina svo starfsemin geti haldið áfram að dafna án takmarkana.

4.Umgengnisreglur íþróttamiðstöðvar Grundarfjarðar

Málsnúmer 2603019Vakta málsnúmer

Tillaga að endurskoðuðum umgengnisreglum fyrir íþróttamiðstöð Grundarfjarðar lagðar fram.

Nýjar umgengnisreglur fyrir íþróttamiðstöðina lagðar fram og samþykkti nefndin þær samhljóða.

5.Umræða og skoðun á reglum um kosningu á íþróttamanni Grundarfjarðar

Málsnúmer 2601003Vakta málsnúmer

Tillaga um breytingar á reglum um kjör íþróttamanns Grundarfjarðar.



Í 2. grein reglnanna kemur fram að "Skilyrði er að viðkomandi hafi lögheimili í Grundarfjarðarbæ og sé á fimmtánda aldursári." Lagðar eru til breytingar á orðalagi hvað varðar aldursmörk.

Lagt er til að bætt verði við 2. grein "... og sé á fimmtánda aldursári eða eldri."

Samþykkt samhjóða.

6.UMFG - Samstarfssamningur

Málsnúmer 2201005Vakta málsnúmer

Lögð fram til kynningar drög að samstarfssamningi Grundarfjarðarbæjar við UMFG, en íþrótta- og tómstundafulltrúi hefur rætt við fulltrúa félagsins um málið.



Einnig lagður fram listi yfir verkefni sem formaður UMFG hefur sinnt og óskar UMFG eftir stuðningi bæjarins til að ráða framkvæmdastjóra félagsins í 50% stöðu.

Íþrótta- og tómstundanefnd lýsir yfir ánægju með drög að samstarfssamningi. Nefndin tekur undir það með stjórn UMFG að þörf sé á framkvæmdarstjóra og vonast eftir að bæjarstjórn taki vel í þá beiðni UMFG.
Lokið við fundargerð að loknum fundi og rafræns samþykkis aflað hjá fundarmönnum.

Fundi slitið - kl. 18:00.