Hugmynd að myndbandi á sviði íþrótta- og æskulýðsmála

Íþrótta- og æskulýðsnefnd líst mjög vel á þá hugmynd að gera kynningarmyndband um íþrótta- og tómstundastarf í Grundarfirði. Nefndin felur íþrótta- og tómstundafulltrúa að kanna frekari möguleika á framkvæmd og kostnaði við gerð slíks myndbands.

Á síðasta fundi var íþrótta- og tómstundafulltrúa falið að kanna frekari möguleika á framkvæmd og kostnaði við gerð kynningarmyndbands um þær íþróttir og tómstundir sem í boði eru í Grundarfirði.

Íþrótta- og tómstundafulltrúi hefur átt samtöl við Tómas Frey um myndbandsgerð og fóru fram góðar umræður um mögulega útfærslu á slíku, um efnistök og um markhópa.

Íþrótta- og æskulýðsnefnd felur Tómasi að setja saman hugmynd að útfærslu, í samræmi við umræður á fundinum.

Tómasi var þakkað fyrir hans innlegg og komuna á fundinn.

RDB fór yfir hugmyndina og stöðuna á kynningarmyndbandi fyrir Grundarfjörð. Íþrótta- og tómstundafulltrúa var falið að kanna hvort Tómas Freyr sem er að vinna myndbandið gæti komið inn á næsta fund til að fara yfir stöðuna á verkefninu.

Tómas kynnti fyrstu drög og fóru fram góðar umræður um drögin. Nefndin bað Tómas um að vinna áfram í myndbandinu og koma með lokaútfærslu í lok janúar.

Farið var yfir myndbandið og líst nefndinni mjög vel á það.
Lagðar voru til nokkrar breytingar.
Stefnt er að því að myndbandið verði fullunnið fyrir næsta fund nefndarinnar sem fyrirhugaður er 1. mars nk.

Lagt fram til kynningar myndband sem unnið hefur verið fyrir Grundarfjarðarbæ, að ósk íþrótta- og tómstundanefndar, til að nýta sem markaðsefni.