Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2303006Vakta málsnúmer

Málsnúmer 2302002FVakta málsnúmer

• 4.1 2301020 Lausafjárstaða 2023
  Lagt fram yfirlit yfir lausafjárstöðu.
  Bæjarráð - 601
• 4.2 2302010 Greitt útsvar 2023
  Lagt fram yfirlit yfir greitt útsvar í janúar 2023. Bæjarráð - 601 Skv. yfirlitinu er greitt útsvar 38,2% hærra í janúar 2023 en í janúar 2022. Ekki er marktækt að horfa eingöngu til janúar mánaðar, þar sem greiðslur vegna fyrra árs berast oft í janúar og þær geta verið mismunandi milli ára.
  
• 4.3 2302009 Sýslumaðurinn á Vesturlandi - Afskriftarbeiðnir
  Lögð fram beiðni Sýslumannsins á Vesturlandi um að afskrifaðar verði fyrndar kröfur vegna álagðra opinberra gjalda, að fjárhæð 2.844.045 kr., auk dráttarvaxta.
  Bæjarráð - 601 Bæjarráð samþykkir beiðni Sýslumannsins og Vesturlandi um að afskrifaðar verði fyrndar kröfur, að fjárhæð 2.844.045 kr., auk dráttarvaxta.
  
  Samþykkt samhljóða.
  
• 4.4 1910006 Grunnskóli og íþróttamannvirki - Orkuskipti
  Óli Þór Jónsson, hjá Eflu og Sigurbjartur Loftsson, hjá W7 slf., sátu fundinn undir þessum lið.
  
  Lögð fram skýrsla Eflu með verðkönnunargögnum vegna gerðar borhola fyrir varmadælur við Sundlaug Grundarfjarðar.
  Bæjarráð - 601 Óli Þór og Sigurbjartur kynntu verðkönnunargögnin.
  
  Óla Þór og Sigurbjarti var þakkað fyrir kynninguna. Unnið verður áfram að framvindu málsins.
  Bókun fundar Vísað er til liðar 7 á dagskrá þessa fundar.
  
• 4.5 2301007 Framkvæmdir 2023
  Lögð fram úttekt Eflu á hljóðvist í íþróttahúsi.
  Bæjarráð - 601 Farið yfir úttekt Eflu.
  
  Til áframhaldandi vinnslu.
  
• 4.6 2301016 Sundlaug - Opnunartími og þjónusta
  Lagður fram verðsamanburður á gjaldi árskorta í sundlaugar, ásamt tölvupósti frá íþrótta- og tómstundafulltrúa.
  
  Bæjarráð - 601 Lagt til að árskort í Sundlaug Grundarfjarðar verði valkostur sem bætist við gjaldskrá ársins 2023. Gjald fyrir árskort yrði 35.000 kr.
  
  Samþykkt samhljóða.
  Bókun fundar Til máls tóku JÓK og GS.
  
  Bæjarstjórn staðfestir ákvörðun bæjarráðs.
  
  Samþykkt samhljóða.
  
• 4.7 2302021 Hopp Snæfellsnes - Umsókn um rekstur á rafskútum
  Lagt fram erindi SnæHopp ehf. um leyfi til reksturs á stöðvarlausri deilileigu fyrir rafskútur í Grundarfirði.
  Bæjarráð - 601 Bæjarráð tekur vel í erindið.
  
  Lagt til að skipulags- og umhverfisnefnd verði falið að taka fyrir erindið og leggja mat á það.
  
  Samþykkt samhljóða.
  Bókun fundar Allir tóku til máls.
  
• 4.8 2009041 Grundargata 30 - þróun og framtíðarnot
  Lagðir fram fundapunktar starfshóps um framkvæmdir að Grundargötu 30.
  Bæjarráð - 601 Bæjarráð samþykkir ákvarðanir starfshópsins.
  
  Samþykkt samhljóða.
  
• 4.9 2205002 Úttekt á aðgengi opinberra bygginga í Grundarfirði
  Lögð fram úttekt Óskar Sigurðardóttur um aðgengi opinberra bygginga í Grundarfirði.
  Bæjarráð - 601 Í samstarfi við Sjálfsbjörgu, lét umhverfis- og skipulagssvið gera úttekt á aðgengi opinberra bygginga í Grundarfirði. Í skýrslunni koma fram tillögur að úrbótum sem hægt verður að nota til þess að sækja um framkvæmdastyrki, t.d. Römpum upp Ísland.
  
  Bæjarráð vísar skýrslunni til frekari skoðunar hjá skipulags- og umhverfisnefnd og felur umhverfis- og skipulagssviði frekari framgang málsins.
  
  Samþykkt samhljóða.
  
• 4.10 2302018 Félag eldri borgara, samtal um ýmis mál jan. 2023 - minnispunktar bæjarstjóra
  Lagðir fram til kynningar minnispunktar bæjarstjóra frá fundi hennar með formanni Félags eldri borgara í Grundarfirði.
  Bæjarráð - 601
• 4.11 2302017 Lionsklúbbur Grundarfjarðar - Þakkarbréf bæjarstjóra v. 2022
  Lagt fram til kynningar þakkarbréf bæjarstjóra vegna 2022 til Lionsklúbbs Grundarfjarðar.
  Bæjarráð - 601
• 4.12 2302020 Kvenfélagið Gleym-mér-ei - Þakkarbréf bæjarstjóra vegna 2022
  Lagt fram til kynningar þakkarbréf bæjarstjóra vegna 2022 til Kvenfélagsins Gleym-mér-ei.
  Bæjarráð - 601
• 4.13 2302019 Kvenfélagið Gleym-mér-ei - Bréf bæjarstjóra um búnað í samkomuhúsi 15.02.2023
  Lagt fram til kynningar bréf bæjarstjóra til Kvenfélagsins Gleym-mér-ei um búnað í samkomuhúsi.
  Bæjarráð - 601
• 4.14 2302008 Grunda.pol - Happy New Year and news from Grunda.pol
  Lögð fram til kynningar áramótakveðja frá Grundapol í Paimpol, Frakklandi, ásamt fréttum.
  Bæjarráð - 601 Bæjarráð þakkar Grundpol fyrir góða kveðju og sendir bestu kveðjur til baka.
  
• 4.15 2301028 Háskólinn á Hólum - Staða málstefnu í stoðkerfi ferðaþjónustunnar
  Lögð fram til kynningar skýrsla Háskólans á Hólum um stöðu málstefnu í stoðkerfi ferðaþjónustunnar.
  Bæjarráð - 601
• 4.16 2302022 Mennta- og barnamálaráðuneytið - Þátttaka í þjóðfundi heima í héraði um framtíð skólaþjónustu
  Lagt fram til kynningar boð Mennta- og barnamálaráðuneytisins til þjóðfundar um framtíð skólaþjónustu, sem haldinn verðu 6. mars nk.
  Bæjarráð - 601
• 4.17 2302025 Samband íslenskra sveitarfélaga - Bókun stjórnar Samtaka orkusveitarfélaga
  Lögð fram til kynningar bókun stjórnar Samtaka orkusveitarfélaga varðandi arð af nýtingu náttúruauðlinda til raforkuframleiðslu.
  Bæjarráð - 601
• 4.18 2302027 Lánasjóður sveitarfélaga - Bréf til allra sveitarstjórna vegna aðalfundar Lánasjóðs sveitarfélaga
  Lagt fram til kynningar bréf Lánasjóðs sveitarfélaga, dags. 10. febrúar sl., þar sem auglýst er eftir framboðum í stjórn lánasjóðsins.
  Bæjarráð - 601
• 4.19 2302029 Hafnasamband Íslands - Ársreikningur 2022
  Lögð fram til kynningar drög að ársreikningi Hafnarsambands Íslands vegna ársins 2022.
  Bæjarráð - 601

Málsnúmer 2301007FVakta málsnúmer

• 5.1 2301023 Hlíðarvegur 7 - Umsókn um byggingarleyfi
  Lögð fram umsókn um byggingarleyfi fyrir 163,6 m2 einbýlishúsi við Hlíðarveg 7 samkvæmt aðaluppdráttum frá Teiknistofunni Kvarða, dagsettum 22. janúar 2023.
  Um er að ræða hús með staðsteyptum undirstöðum og plötu. Burðarkerfi útveggja og þaks er úr timbri, útveggir verða klæddir með báruðum málmplötum og sement-fiber plötum. Nýtingarhlutfallið á lóðinni er 0,28. Þar sem lóðin er á ódeiliskipulögðu svæði vísaði byggingarfulltrúi umsókninni til skipulags- og umhverfisnefndar.
  Skipulags- og umhverfisnefnd - 246 Skipulags- og umhverfisnefnd tekur vel í framkomnar hugmyndir og felur skipulagsfulltrúa að grenndarkynna byggingaráformin skv. 1. mgr. 44. gr. skipulagslaga nr. 123/2010 fyrir lóðarhöfum Hlíðarvegs 2, 5, 6 og 9 og Grundargötu 7, 9, 11. Berist engar athugasemdir úr grenndarkynningunni er byggingarfulltrúa falið að gefa út byggingarleyfi að uppfylltum skilyrðum 2.4.4. gr. byggingarreglugerðar nr. 112/2012 m.s.br.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.2 1803056 Skerðingsstaðir Deiliskipulag
  Lögð fram til afgreiðslu tillaga landeigenda Skerðingsstaða að deiliskipulagi vegna hótels í landi Skerðingsstaða ásamt samantekt athugasemda og umsagna sem bárust á auglýsingartíma tillögunnar og tillögu skipulagsfulltrúa að svörum skipulags- og umhverfisnefndar skv. 3. mgr. 41. gr. skipulagslaga nr. 123/2010 m.s.br. sem byggir á niðurstöðum umræðna á 243. fundar skipulags- og umhverfisnefndar 6. desember sl. en þá fól nefndin skipulagsfulltrúa að vinna áfram drög að svörum við athugasemdum í samræmi við umræður og tillögur fundarins og leggja fullmótuð drög fyrir fund nefndarinnar.
  
  Bæjarfulltrúar voru boðnir velkomnir inn á fundinn undir þessum lið og er þeim þakkað fyrir þátttöku í umræðum. Halldór Jónsson hrl. sat einnig fundinn undir þessum lið en auk hans hefur Ívars Pálssonar lögmaður aðstoðað nefndina við mótun umsagna vegna athugasemda sem bárust á auglýsingartíma tillögunnar. Bæjarfulltrúar og Halldór yfirgáfu fundinn áður en nefndin tók málið til afgreiðslu. Skipulags- og umhverfisnefnd - 246 Skipulags- og umhverfisnefnd telur framlagða tillögu landeigenda Skerðingsstaða að deiliskipulagi fyrir hótel í grundvallaratriðum vera í samræmi við Aðalskipulag Grundarfjarðar 2019-2039. Nefndin telur að tillagan og umhverfisskýrslan ásamt viðaukum gefi í meginatriðum greinargóða mynd af fyrirhuguðum framkvæmdum, starfsemi og mögulegum umhverfisáhrifum. Nefndin samþykkir fyrir sitt leyti framlagða tillögu með eftirfarandi skilyrðum:
  
  1. Að meginhugmynd sú að hótelbyggingu sem kynnt hefur verið með deiliskipulagstillögunni verði áfram ráðandi í hönnun hennar, enda hefur landeigandi að mati nefndarinnar brugðist við sjónarmiðum umsagnaraðila á margvíslegan hátt, t.d. með formun ráðgerðrar byggingar, vali á yfirborðsefnum, lágmörkun lýsingar o.fl. Verði gerðar umtalsverðar breytingar á útlitshönnun byggingarinnar eða ásýnd, þá geti það kallað á breytingu á deiliskipulagi. Mat á því hvort slíkar breytingar kalli á breytingu á deiliskipulagi er hjá sveitarfélaginu.
  
  2. Að fornminjar á skipulagssvæðinu, nánar tiltekið gamli bæjarhóllinn, verði verndaður á framkvæmdatíma og að landeigandi geri grein fyrir verndunaráformum í umsókn um byggingar- og/eða framkvæmdaleyfi.
  
  3. Að fjöldi, gerð, fyrirkomulag og frágangur bílastæða verði bundinn í deiliskipulaginu (þ.e. 0.5 stæði fyrir hvert hótelherbergi og 1 stæði fyrir 60-manna rútu fyrir hver 25 herbergi auk stæða fyrir fatlaða) sbr. gr. 5.3.2.5 í skipulagsreglugerð nr. 90/2013. Upplýsingar um bílastæði skuli koma fram á uppdrætti og í greinargerð. Breytingar á skilmálum um bílastæði kalla á breytingu á deiliskipulagi.
  
  4. Að uppfylltar verði ítrustu kröfur um fráveitu- og hreinsibúnað (ítarlegri en tveggja þrepa skv. umsögn Heilbrigðiseftirlits Vesturlands), vöktun og mótvægisaðgerðir komi til bilana og/eða skyndimengunar í fráveitukerfi bygginga og/eða svæða utanhúss. Þar sem um er að ræða sérstaklega viðkvæman stað við Lárvaðal, sem er á verndarsvæði Breiðafjarðar, skal við veitingu byggingar- og/eða framkvæmdaleyfis leggja sérstaka áherslu á að fráveitu- og heilbrigðismál séu með þeim hætti að ekki stafi af þeim hætta á mengun.
  
  5. Að gerðar verði ítrustu kröfur um frágang vegna framkvæmda sem tengjast vatnsöflun. Bæta skal við í greinargerð að vatnsból og lagnir frá því skuli uppfylla ákvæði reglugerðar nr. 536/2001 og að slík vatnsból séu háð starfsleyfi.
  
  6. Að landeigandi leitist sérstaklega við að lágmarka hverskyns truflun eða neikvæð áhrif sem starfsemi hótelsins kann að hafa á fugla, fiska og annað lífríki í, á og við Lárvaðal, sem tilheyrir verndarsvæði Breiðafjarðar. Lögbundnir umsagnaraðilar skulu leggja mat á þennan þátt við meðferð starfsleyfisumsóknar.
  
  7. Að landeigandi hefti ekki aðgengi almennings að Lárvaðli sbr. gr. 5.3.2.14 í skipulagsreglugerð nr. 90/2013 en þar segir: "... Við afmörkun lóða á svæðum utan þéttbýlis skal þess gætt að rými sé fyrir aðkomu að og meðfram vötnum, ám og sjó".
  
  8. Að engar framkvæmdir verði innan 50 m frá Lárvaðli og að framkvæmdasvæðið fari ekki inn fyrir þau fjarlægðarmörk sbr. gr. 5.3.2.14 í skipulagsreglugerð nr. 90/2013: "Utan þéttbýlis skal ekki reisa mannvirki nær vötnum, ám eða sjó en 50 m“.
  
  9. Að bæta skuli við örnefnunum „Breiðafjörður“ og "Lárvaðall-sjávarlón" á skipulagsuppdráttinn og sýna afmörkun verndarsvæðis Breiðafjarðar. Jafnframt skal í greinargerðinni árétta að Lárvaðall sé á verndarsvæði Breiðafjarðar, að þar sé mikilvægt vistkerfi með fjölbreyttu lífríki og að hönnun hótelsins og starfsemi þess taki mið af því.
  
  10. Að bæta skuli við greinargerðina að vegtenging við þjóðveginn verði útfærð nánar í hönnun svæðisins og skuli það gert í fullu samráði við Vegagerðina eins og gildir um allar framkvæmdir innan 50 m veghelgunarsvæðis. Kalli hönnun vegstæðis á verulega breytingu, skal það gert á grundvelli breytingar á deiliskipulagi.
  
  11. Að leitað verði leiða til þess að lágmarka ljós- og hávaðamengun sem starfsemin kann að valda utan svæðisins. Lögbundnir umsagnaraðilar skulu leggja mat á þennan þátt við meðferð starfsleyfisumsóknar.
  
  12. Að brunahönnun hótelsins taki mið af hæð og umfangi byggingarinnar með tilliti til aðgengis að slökkvivatni í samræmi við gildandi reglugerðir og þess búnaðar sem tiltækur er hjá slökkviliði sveitarfélagsins og áætlaðs viðbragðstíma. Staðsetja skal brunahana á uppdrætti.
  
  13. Að eftirfarandi upplýsingar verði færðar inn á skipulagsuppdrátt: 1 m hæðarlínur, leiðbeinandi staðsetning rotþróar, leiðbeinandi staðsetning hreinsibúnaðar fráveitukerfis. Að öðru leyti er vísað til 7. kafla skipulagsreglugerðar nr 90/2013.
  
  Skipulags- og umhverfisnefnd samþykkir framlagða tillögu skipulagsfulltrúa dags. 16. febrúar 2023 að umsögn skipulags- og umhverfisnefndar vegna athugasemda sem bárust á auglýsingatíma tillögunnar, með þeim ábendingum sem fram hafa komið á fundinum.
  Bókun fundar ÁE vék af fundi undir þessum lið.
  
  Til máls tóku JÓK, BS, GS og BÁ.
  
  Bæjarstjórn samþykkir afgreiðslu skipulags- og umhverfisnefndar og framlagða deiliskipulagstillögu með þeim skilyrðum og óverulegu breytingum, sem skipulags- og umhverfisnefnd bókaði í liðum 1-13 (sjá fundargerð nefndarinnar).
  
  Bæjarstjórn samþykkir einnig tillögu skipulagsfulltrúa að svörum/umsögn skipulags- og umhverfisnefndar við athugasemdum/umsögnum sem bárust á auglýsingatíma tillögunnar.
  
  Bæjarstjórn felur skipulagsfulltrúa að koma svörum til þeirra sem gerðu athugasemdir og umsagnir um deiliskipulagstillöguna.
  
  Ennfremur felur bæjarstjórn skipulagsfulltrúa að ljúka frágangi deiliskipulagsins með því að hlutast til um lagfæringar á því í samræmi við afgreiðslu þessa og senda það með öllum tilheyrandi gögnum til Skipulagsstofnunar sbr. 3. mgr. 41.gr. og 1. mgr. 42. gr. skipulagslaga nr. 123/2010 m.s.br.
  
  Einnig liggur fyrir fundargerð svæðisskipulagsnefndar sveitarfélaganna á Snæfellsnesi, sbr. dagskrárliður 3, þar sem svæðisskipulagsnefnd fjallaði um málið.
  
  Samþykkt samhljóða.
  
  ÁE tók aftur sæti sitt á fundinum.
  
• 5.3 2302012 Vegagerðin - vinnslutillögur í tengslum við áningarstað við Kirkjufellsfoss
  Lögð fram til kynningar tölvupóstsamskipti bæjarstjóra við Vegagerðina um frekari öryggisráðstafanir á vegi í og við áningarstaðinn við Kirkjufellsfoss.
  
  Öryggisteymi Vegagerðarinnar skoðaði aðstæður í október/nóvember á sl. ári og hefur nú kynnt afrakstur þeirrar skoðunar. Um er að ræða nokkrar aðgerðir, sem miða að auknu umferðaröryggi vegfarenda. Slík framkvæmd krefst hönnunar og sérstaks fjármagns, að því er fram kemur í tölvupósti Vegagerðarinnar.
  
  Á 269. fundi sínum þann 9. febrúar sl. benti bæjarstjórn á að skoða þurfi hvort bæta megi úr vatnssöfnun sem verður í leysingum við Þjóðveg 54, neðan Fellsenda, vestan þéttbýlisins.
  Bæjarstjórn samþykkti jafnframt að vísa framangreindum gögnum til kynningar og umræðu í skipulags- og umhverfisnefnd.
  
  Skipulags- og umhverfisnefnd - 246
• 5.4 2301024 Tilkynning Skipulagsstofnunar um aðalskipulagssjá og stafrænt aðalskipulag
  Lagður fram til kynningar tölvupóstur Skipulagsstofnunar, dags. 25. janúar sl., varðandi skipulagsáætlanir.
  
  Samkvæmt 1. mgr. 46. gr. skipulagslaga nr. 123/2010 eiga skipulagsáætlanir nú að vera unnar og skilað á stafrænu formi til Skipulagsstofnunar.
  Þetta lagaákvæði tók gildi fyrir svæðisskipulag og aðalskipulag þann 1. janúar 2020 og mun taka gildi fyrir deiliskipulag þann 1. janúar 2025.
  
  Skipulagsstofnun er ætlað að gera skipulagsáætlanir á stafrænu formi aðgengilegar og hefur stofnunin nú opnað aðalskipulagssjá; vefsjá fyrir stafrænt aðalskipulag sem finna má á vef stofnunarinnar. Þar er nú að finna þær aðalskipulagsáætlanir sem skilað hefur verið til stofnunarinnar á stafrænu formi. Fyrirhugað er að birta stafræn gögn aðalskipulags allra sveitarfélaga á landinu í vefsjánni.
  
  Aðalskipulag Grundarfjarðarbæjar 2019-2039 er stafrænt skipulag og er að finna í vefsjánni. Auk þess hefur Grundarfjarðarbær komið sér upp sinni eigin vefsjá, þar sem stafrænt aðalskipulag og fleiri gögn eru birt, sjá: https://geo.alta.is/grundarfjordur/vefsja/
  Skipulags- og umhverfisnefnd - 246
• 5.5 2302002 Minnisblað Sambands íslenskra sveitarfélaga vegna ágangs búfjár
  Lagt fram til kynningar minnisblað Sambands íslenskra sveitarfélaga til sveitarstjórna, dags. 3. febrúar sl., um ágang búfjár, álit umboðsmanns Alþingis og úrskurð dómsmálaráðuneytisins.
  
  Erindið var lagt fram til kynningar á 269. fundi bæjarstjórnar þann 9. febrúar sl. og vísaði bæjarstjórn erindinu til kynningar hjá skipulags- og umhverfisnefnd þar sem nefndin fer með fjallskilamál skv. ákvæðum laga um afréttarmálefni, fjallskil o.fl. nr. 6/1986.
  Skipulags- og umhverfisnefnd - 246

Málsnúmer 2205026Vakta málsnúmer

Málsnúmer 1910006Vakta málsnúmer

Málsnúmer 2302024Vakta málsnúmer

Málsnúmer 2302026Vakta málsnúmer

Málsnúmer 2302013Vakta málsnúmer

Málsnúmer 2303004Vakta málsnúmer

Málsnúmer 2303002Vakta málsnúmer

Málsnúmer 2303003Vakta málsnúmer

Málsnúmer 2303001Vakta málsnúmer

Málsnúmer 2302005Vakta málsnúmer

Málsnúmer 2302028Vakta málsnúmer