Störf bæjarstjórnar á kjörtímabilinu 2022-2026

Forseti lagði til að liðurinn "Störf bæjarstjórnar" verði fastur liður framarlega á dagskrá hvers bæjarstjórnarfundar, eins og gert var á síðasta kjörtímabili.

Samþykkt samhljóða.

Forseti lagði til að haldinn yrði sérstakur fræðslu- og kynningardagur, mjög fljótlega, fyrir kjörna fulltrúa í bæjarstjórn og nefndum, þar sem farið verði yfir helstu þætti í stjórnsýslu og starfsemi bæjarins og nefnda hans. Æskilegt væri að fá kynningu á helstu verkefnum sem nefndir síðasta kjörtímabils höfðu til meðferðar.
Með þessu verði reynt að tryggja sem skilvirkasta yfirfærslu á þekkingu og verkefnum, milli eldri og nýrra nefnda, að afloknum sveitarstjórnarkosningum.

Samþykkt samhljóða og bæjarstjóra falið að leggja upp drög að dagskrá og fyrirkomulagi og senda bæjarfulltrúum.

Rætt um fundartíma bæjarstjórnar og bæjarráðs vegna fjárhagsáætlanagerðar.

Forseti sagði frá þátttöku hans og bæjarstjóra á Landsþingi sambandsins sem haldið var á Akureyri. Hann sagði jafnframt frá fundum og ráðstefnum sem framundan eru, m.a. fundadagskrá bæjarráðs fram að næsta fundi bæjarstjórnar, en bæjarráð verður útvíkkað fram í desember.

Forseti ræddi um orkuskipti í skóla- og íþróttamannvirkjum, en bærinn á inni styrki úr Orkusjóði og hefur beðið eftir tillögum/vinnu frá Eflu um valkosti og næstu skref. Hann lagði til að leitað yrði eftir fundi með sérfræðingunum, í samræmi við það sem fram kemur í framlögðum tölvupósti.

Forseti ræddi einnig um samvinnurýmið á Grundargötu 30, en framkvæmdir eru að fara af stað við næsta áfanga í breytingum skv. hönnun rýmisins sem bæjarstjórn samþykkti fyrr á árinu. Hann lagði til að starfshópur yrði settur á laggirnar til að taka ákvarðanir um það sem enn á eftir að ákveða varðandi uppbyggingu og þjónustu í rýminu.

Forseti sagði æskilegt að áframhaldandi vinna færi fram um lóð leikskólans. Bæjarstjórn samþykkir samhljóða að fulltrúar starfsfólks, foreldra og bæjarstjórnar/skólanefndar komi saman og rýni tillögur starfshóps sem lagði fram tillögur um uppbyggingu skólalóðarinnar og geri tillögur ef óskað er breytinga.

Hann sagði jafnframt frá fundi sem bæjarfulltrúar áttu með starfsfólki Leikskólans Sólvalla í gær, 23. nóvember, og lagði til að slíkir fundir yrðu haldnir tvisvar á ári. Fundarmenn sögðu frá efni þessa fundar.

Einnig sagði forseti frá fundum nefnda og bæjarstjórnar framundan.

Forseti sagði frá fundum nefnda og bæjarstjórnar framundan.

Hann lagði til að umbeðinn fundur með Skíðadeild UMFG, sbr. mál nr. 2211011, verði haldinn í janúar nk.

Lagt til að fulltrúar bæjarstjórnar/skólanefndar til að rýna tillögur um leikskólalóð séu Ágústa Einarsdóttir og Anna Rafnsdóttir.

Samþykkt samhljóða.

Bæjarstjóri upplýsti um ánægjulegar aflatölur á höfninni. Árið 2021 var landað 23.677 þús. tonnum í 1032 löndunum en árið 2022 var landað 27.112 þús. tonn í 1074 löndunum.

Forseti ræddi um lokun lögreglustöðvarinnar í Grundarfirði. Bæjarstjóri hefur leitað eftir skýringum, en ekki hafa fengist svör við því hvers vegna það var gert og lögreglan því án aðstöðu á staðnum.

Bæjarstjórn lýsir yfir undrun sinni og óánægju með stöðuna.

Forseti sagði jafnframt frá fundum nefnda og bæjarstjórnar framundan.

Forseti fór yfir fyrirhugaða fundardaga bæjarstjórnar, fram að sumarhléi, en þeir eru eftirfarandi:

9. mars
13. apríl, en þá fer m.a. fram fyrri umræða um ársreikning
11. maí, síðari umræða ársreiknings
8. júní

Forseti fór yfir aðra fundi sem fyrirhugaðir eru á næstunni, sjá einnig í framlögðum minnispunktum bæjarstjóra.

Forseti sagði frá því að stjórn SSV hefði samþykkt að stofna vinnuhóp um úttekt á samstarfsmöguleikum slökkviliða á Vesturlandi.
Í erindisbréfi sem samþykkt var fyrir hópinn kemur fram að hann skuli skipaður fimm fulltrúum, fjórum skv. tilnefningu frá sveitarfélögunum og einn sem SSV skipar og verður hann formaður; Ragnar Sæmundsson bæjarfulltrúi á Akranesi og fulltrúi í stjórn SSV.
Óskað hefur verið eftir því að Snæfellsbær, Grundarfjarðarbær og Sveitarfélagið Stykkishólmur skipi sameiginlega einn fulltrúa í vinnuhópinn.
Bæjarstjórn felur bæjarstjóra að koma á framfæri tillögu bæjarstjórnar um fulltrúa sem tilbúinn er til að taka þetta að sér, ef vilji sveitarfélaganna væri til þess, sbr. umræður fundarins.

Forseti sagði frá svari Vegagerðarinnar í tölvupósti í dag við fyrirspurn bæjarstjóra frá því í október sl. um frekari öryggisráðstafanir á vegi að og við áningarstaðinn við Kirkjufellsfoss, en afrit svars og fyrri samskipta liggur undir málinu. Öryggisteymi Vegagerðarinnar skoðaði aðstæður í október/nóvember á sl. ári og hefur nú kynnt afrakstur þeirrar skoðunar. Um er að ræða nokkrar aðgerðir, sem miða að auknu umferðaröryggi, bæði þeirra sem eiga leið að áningarstaðnum og þeirra sem framhjá fara. Slík framkvæmd krefst hönnunar og sérstaks fjármagns.
Hægt er að koma frekari tillögum á framfæri við Vegagerðina.

Bæjarstjórn þakkar fyrir þessa yfirferð og fagnar framkomnum hugmyndum/tillögum.
Bæjarstjórn hvetur til þess að skoðað verði hvort bæta megi úr vatnssöfnun sem verður í leysingum við þjóðveg 54, neðan Fellsenda, vestan þéttbýlisins. Slíkar aðstæður skapa hættu fyrir vegfarendur á svæðinu.

Bæjarstjórn samþykkir að vísa þessum tillögum til kynningar og frekari umfjöllunar í skipulags- og umhverfisnefnd, sem fer með umferðarmál.

Forseti sagði frá fundum og viðburðum sem fyrirhugaðir eru á næstunni:

20. mars og 15. maí: mennta- og barnamálaráðuneyti, fræðslufundur um úthlutun og ráðstöfun fjármuna í grunnskólum fyrir alla á Vesturlandi
21. mars eða síðar: skipulags- og umhverfisnefnd
22. mars: Aðalfundur Samtaka sveitarfélaga á Vesturlandi, Starfsendurhæfingar Vesturlands, Símenntunarmiðstöðvar Vesturlands, Heilbrigðisnefndar Vesturlands og Sorpurðunar Vesturlands. Fundirnir verða haldnir í Borgarnesi.
23. mars: Bæjarráðsfundur
23. mars: Fundur Eldvarnabandalagsins, bæjarstjóri verður með erindi um "Eigið eldvarnaeftirlit" sveitarfélagsins, Reykjavík.
24. mars: Bæring Cecilsson, 100 ár frá fæðingu - viðburður í Sögumiðstöðinni
24. mars: Boð í opnun nýrrar þjóðgarðsmiðstöðvar á Hellissandi
28. mars: Fundur með hagsmunaaðilum v/skemmtiferðaskipa, Áfangastaðastofa Vesturlands og sveitarfélögin á Snæfellsnesi.
31. mars: Aðalfundur SAF, bæjarstjóri með erindi um móttöku skemmtiferðaskipa/ skemmtiferðaskipaferðaþjónustu. Stykkishólmi.
31. mars: Landsþing Sambandsins, Reykjavík (Jósef og Björg)
13. apríl: Bæjarstjórnarfundur
Einnig er stefnt á fund með fulltrúum Skógræktarfélags Grundarfjarðar og Skógræktarfélags Íslands í byrjun apríl.

GS sagði frá því að ferð sveitarstjórnarfólks á vegum SSV verði 28. ágúst til 1. sept. 2023. Farið verður til Skotlands.

Umræða um starfsmannamál.

Forseti leggur til að skipulagsfulltrúa sé veitt umboð til að gera ráðstafanir um mönnun byggingafulltrúaembættis, út frá þeirri stöðu sem það er í.

Samþykkt samhljóða.

Varðandi yfirferð á starfslýsingu forstöðumanns bókasafns hefur bæjarráð lagt til að skipaðir verði tveir fulltrúar menningarnefndar og tveir fulltrúar bæjarstjórnar til að yfirfara starfslýsingu og undirbúa auglýsingu starfs.

Lagt til að Ágústa Einarsdóttir verði annar fulltrúi bæjarstjórnar. Oddvita L-listans er veitt umboð til að tilnefna annan fulltrúa.

Samþykkt samhljóða.

Forseti vakti jafnframt athygli bæjarfulltrúa á námskeiði Endurmenntunar um lestur ársreikninga sveitarfélaga.

Forseti fór yfir tímasetningar helstu funda og viðburða á næstunni. Rætt var um fyrirhugaða kynnisferð SSV fyrir sveitarstjórnarfólk til Skotlands í haust. GS sagði frá fundi sem hann sótti um hagnýtingu vindorku.

Varaforseti lagði til að bæjarráð myndi í sumar fara í heimsókn á Dvalar- og hjúkrunarheimilið Fellaskjól og skoða húsnæði og lóð, en framkvæmdir hafa staðið yfir síðustu misserin.

Samþykkt samhljóða.

Bæjarstjóri sagði frá því að í dag hefði borist úrskurður frá Úrskurðarnefnd umhverfis- og auðlindamála vegna kæru á deiliskipulagi Ölkeldudals. Í úrskurðinum er hafnað kröfu kærenda um ógildingu ákvörðunar bæjarstjórnar Grundarfjarðarbæjar 24. nóvember sl. um að samþykkja breytingu á deiliskipulagi Ölkeldudals.

GS sagði frá fundi stjórnar SSV sem haldinn var í Borgarnesi í gær og las m.a. upp bókun fundarins um ástand þjóðvega.

Bæjarstjórn áréttar fyrri ályktanir sínar um brýnar endurbætur þjóðvega á Snæfellsnesi. Bæjarstjórn tekur undir ályktun stjórnar SSV á fundi dags. 7. júní 2023 og skorar á yfirvöld samgöngumála að veita nú þegar fjármunum til þess að fara í viðhaldsverkefni við Snæfellsnesveg nr. 54. Viðhald vegarins á stórum köflum þolir enga bið. Ef ekki verður farið í endurbætur fljótlega á verstu köflunum telur bæjarstjórn að ráðast þurfi í aðgerðir eins og að draga úr umferðarhraða til þess að tryggja umferðaröryggi á veginum.

Samþykkt samhljóða.

Rætt um fundi og ráðstefnur framundan. Fjármálaráðstefna sveitarfélaga verður haldin 21.-22. september nk., fundur Jöfnunarsjóðs sveitarfélaga verður 20. september, fundur Samtaka sveitarfélaga á köldum svæðum verður 22. september og haustfundur SSV verður haldinn 4. október nk.

Bæjarstjóri sagði frá afmælisfögnuði sem haldinn verður 28. september nk. í tilefni 100 ára afmælis bókasafnsins.

Forseti sagði frá haustfundi SSV sem haldinn var í Reykholti 4. október sl. Samþykktur var fjöldi ályktana eftir undirbúning fyrir fundinn og starf þingnefnda. Umhverfis-, orku- og loftslagsráðherra var með erindi á fundinum um verkefni á hans málefnasviði og pallborðsumræður voru um skólamál. Fundargerð SSV af fundinum mun berast á næstunni.

Forseti vísaði í upplýsingar um vinnu starfshóps umhverfis-, orku- og loftslagsráðherra sem er þessa dagana að kynna niðurstöður sínar, hugmyndir um sameiningu heilbrigðiseftirlits í landinu og að eftirlitið færist frá sveitarfélögum til ríkis. Hann vísaði í tvær tölvupóstsendingar framkvæmdastjóra Heilbrigðiseftirlits Vesturlands, þar sem málið er reifað, en gögnin eru framlögð. Forseti væntir þess að málið verði sent sveitarfélögunum formlega og að heilbrigðisnefnd muni fara yfir málið á næstunni.

Forseti vísaði í minnispunkta Garðars Svanssonar, bæjarfulltrúa, af fundi með Vegagerðinni sem hann og Valgeir Magnússon, verkstjóri áhaldahúss, sóttu í Stykkishólmi þann 6. október sl. Á fundinum var leitað samráðs um vetrarþjónustu Vegagerðarinnar á starfssvæði okkar.

Lögð fram gögn um kvennaverkfall sem fyrirhugað er þann 24. október nk., ákall stéttarfélaga um að vinnuveitendur geri konum og kvárum kleift að taka þátt í deginum. Einnig lagður fram upplýsingapóstur frá Sambandi íslenskra sveitarfélaga frá 11. okt. sl.

Rætt um fund um sameiningar sveitarfélaga sem haldinn var 6. nóvember sl. og bæjarfulltrúar sóttu. Í fundinum tóku þátt fulltrúar sveitarfélaga á Snæfellsnesi og í Dalabyggð. Vífill Karlsson frá SSV stýrði fundi. Á fundinum var ákveðið að sveitarfélögin tilnefndu fulltrúa til að draga fram hugmyndir að þeim valkostum í sameiningarmálum sem líklegir eru í stöðunni.

Allir tóku til máls.

Forseti fór yfir fundi og vinnu framundan:

27. nóvember: Vinnufundur um skipulagsmál, lóðir, framtíðarverkefni og tækifæri, m.a. í ljósi þeirra skipulagsverkefna sem nú er unnið að og þeirra sem fyrirhuguð eru.
Bæjarstjórn og skipulags- og umhverfisnefnd taka þátt. Í janúar nk. verður svo aftur framhaldsfundur.

27. nóvember: Fulltrúar sveitarfélaga á Vesturlandi boðaðir til fundar um verkefnið Gott að eldast, en Vesturland var á meðal þeirra svæða sem valið var inn í verkefnið. Verkefnið snýst um samþættingu á öldrunarþjónustu. Á fundinum verður rætt um áfangaskiptingu verkefnisins og verklag. Ingveldur Eyþórsdóttir er fulltrúi Snæfellinga í vinnuhópi um verkefnið. Bæjarstjóri um sitja fundinn.

Í næstu viku er stefnt að bæjarráðsfundi.

14. desember: Bæjarstjórnarfundur

Forseti sagði frá því að hann hefði sótt óformlegan fund á Breiðabliki í vikunni. Um var að ræða fund fulltrúa sveitarfélaga á Snæfellsnesi og Dölum, í umsjón Vífils Karlssonar, en skipaðir voru fulltrúar frá hverju sveitarfélagi til að leggja upp þá valkosti um sameiningar sem fyrir hendi eru. Er þetta í framhaldi af fundi sem haldinn var til umræðu um sameiningar þann 6.nóv. sl. í Laugagerðisskóla.

Fundur í skipulags- og umhverfisnefnd er fyrirhugaður milli jóla og nýárs.

Næsti fundur bæjarstjórnar verður haldinn 11. janúar 2024.

Forseti ber upp tillögu um að bæjarstjóra sé veitt umboð til að tilnefna tímabundið skipulagsfulltrúa, til Skipulagsstofnunar, við starfslok Kristínar Þorleifsdóttur, en starfið er í auglýsingarferli.

Samþykkt samhljóða.

Forseti fór yfir fundi og viðburði sem framundan eru.

Rædd var tillaga um að setja af stað stýrihópa sem styðji við stærstu skipulagsverkefnin sem í vinnslu eru á vegum bæjarins og séu til stuðnings skipulagsfulltrúa í starfi með skipulagsráðgjöfum. Gert er ráð fyrir að tveir fulltrúar, frá bæjarstjórn og skipulagsnefnd, séu með hverju verkefni. Þau verkefni sem sérstaklega verði studd eru þrjú;
Framnes - deiliskipulagsgerð
iðnaðarsvæði við Kverná - deiliskipulag og breyting á aðalskipulags
nýtt verkefni sem er Ölkeldudalur - breytingar á deiliskipulagi og aðalskipulagi.

GS sagði frá skoðunarferð til Brunavarna Árnessýslu, sem farin var nýlega á Selfoss. Ferðin var á vegum starfshóps SSV um samstarf slökkviliða á Vesturlandi og með í för voru slökkliðsstjórar af Vesturlandi.

GS ræddi jafnframt um Skíðasvæði Snæfellsness.

Forseti sagði frá fundum sem haldnir hafa verið og fundum framundan.

Fundir bæjarstjórnar fram að sumarleyfi verða haldnir eftirfarandi daga:
þriðjudaginn 12. mars
fimmtudaginn 11. apríl
þriðjudaginn 7. maí
fimmtudaginn 13. júní

Stefnt er að því að bjóða ungmennaráði á fund bæjarstjórnar í mars eða júní.

Aðalfundur SSV verður haldinn 20. mars á Hótel Hamri.

Forseti fór yfir fundi og viðburði.

28. febrúar sl. komu þingmenn Framsóknarflokks í Norðvesturkjördæmi í heimsókn og funduðu með bæjarfulltrúum og bæjarstjóra. Farið var yfir helstu hagsmunamál.

29. febrúar sl. sat forseti sat fund með starfshópi sem skoðar sameiningarkosti á Snæfellsnesi.

1. mars fóru fulltrúar úr bæjarstjórn og skipulags- og umhverfisnefnd, auk bæjarstjóra og skipulagsfulltrúa í heimsókn til að kynna sér skipulagsmál og uppbyggingarverkefni. Farið var til Orra Hlöðverssonar, fv. bæjarstjóra í Hveragerði sem sagði frá uppbyggingu þjónustuhúss í Hveragerði, farið í Suðurnesjabæ þar sem Magnús Stefánsson bæjarstjóri og Árni Gísli Árnason sviðsstjóri stjórnsýslu- og fjármálasviðs tóku á móti hópnum. Magnús kynnti verkefni sveitarfélagsins og Sigurður Valur skipulagsfulltrúi og fyrrverandi bæjarstjóri í Sandgerði var með leiðsögn um Sandgerði og Garð. Að lokum var heimsókn og umræður um miðbæ og þróun hjá Alta í Ármúla.

Í gær, 11. mars, funduðu fjórir fulltrúar bæjarstjórnar, þ.e. forseti, Sigurður Gísli formaður bæjarráðs, Loftur Árni bæjarfulltrúi og Pálmi varabæjarfulltrúi með stjórn Golfklúbbsins Vestarrs, skv. beiðni klúbbsins.

Í gær sat bæjarstjóri fund á vegum Samtaka sveitarfélaga á Vesturlandi og Fjórðungssambands Vestfirðinga í Stykkishólmi um framtíðarmöguleika Breiðafjarðar. Kynnt var vinna stýrihóps sem hófst árið 2022 með forsendugreiningu fyrir verndun Breiðafjarðar með tilliti til byggðaþróunar og sjálfbærrar nýtingar. Dregin voru fram sjónarmið íbúa og hagaðila, stýrihópi verkefnisins til upplýsinga, en hópurinn mun síðan gera tillögur til umhverfis-, orku- og loftslagsráðherra.

Fyrir bæjarstjórnarfundinn í dag 12. mars kom formaður Viðreisnar í heimsókn, þar sem farið var yfir helstu hagsmunamál.

Framundan eru eftirtaldir fundir:

- 14. mars: Landsþing Sambandsins, Reykjavík, þar sem forseti fer með atkvæðisrétt bæjarstjórnar.
- 15. mars: Ráðstefna Samtaka sveitarfélaga á köldum svæðum undir yfirskriftinni "Er íslensk orka til heimabrúks?"
- 20. mars: Vorfundur SSV, aðalfundur Sorpurðunar Vesturlands hf., Símenntunar, Heilbrigðiseftirlits og Starfsendurhæfingar Vesturlands.
- 21. mars: Bæjarstjóri með erindi um skemmtiferðaskip, á ársfundi náttúruverndarnefnda, Ísafirði.

Í samræmi við ákvörðun bæjarráðs voru skipaðir fjórir fulltrúar bæjarstjórnar til að ræða við stjórn Golfklúbbsins Vestarrs, sbr. beiðni þeirra. Fulltrúar bæjarins eru Sigurður Gísli Guðjónsson, Loftur Árni Björgvinsson, Jósef Ó. Kjartansson og Pálmi Jóhannsson.

SGG sagði frá fundum fulltrúa bæjarstjórnar og fulltrúa Golfklúbbsins, en þau hafa hist tvisvar. Mál í vinnslu.

Forseti óskaði eftir afstöðu bæjarfulltrúa um að senda fulltrúa bæjarins í heimsókn til vinabæjarins í Paimpol í Frakklandi í október nk. Reifuð tillaga um fjölda þeirra sem fara af hálfu bæjarins.

Forseti ræddi um stöðu upplýsingamiðstöðvar og rekstur hennar á komandi sumri.
Aðeins barst ein umsókn um starf í upplýsingamiðstöð ferðamanna fyrir sumarið, skv. upplýsingum bæjarstjóra. Erfiðlega hefur gengið að manna upplýsingamiðstöð síðustu sumur og umfangið aukist umtalsvert.

Ekki er lagaskylda að reka svona starfsemi, en engu að síður hefur þessi þjónusta verið til staðar lengi og ekki áform að sinni um að hætta því. Höfnin og gestir skemmtiferðaskipa stóla ekki síst á þessa þjónustu og höfnin greiðir hluta rekstrarkostnaðar.

Forseti leggur til að auglýst verði eftir áhugasömum rekstraraðilum (þjónustuaðila í bænum) til að reka upplýsingamiðstöðina fyrir hönd bæjarins, til reynslu í sumar, með ákveðnum skilyrðum, s.s. um rými, aðstöðu og aðgengi, starfsmannafjölda og færni starfsmanna, s.s.tungumálakunnáttu.

Samþykkt samhljóða.

Forseti sagði frá fyrirhuguðum fundi um samgöngumál á Vesturlandi nk. föstudag á Breiðabliki með vegamálastjóra, þingmönnum kjördæmisins og ráðherra samgöngumála. Fundurinn er haldinn í samræmi við ályktun SSV frá aðalfundi 20. mars sl. um að boða til slíkrar umræðu.

Bæjarstjórn hefur reglulega átt fundi með starfsfólki leikskólans og stefnir á næsta fund í vor eða haust. Bæjarstjóri mun ræða við leikskólastjóra um tímasetningu fundar.

Rætt um erindi leikskólastjóra um tvær gjaldfrjálsar vikur til viðbótar við fimm vikna sumarlokun, en áður var ein gjaldfrjáls vika í boði.
Bæjarstjórn samþykkir erindi leikskólastjóra um að möguleiki verði á tveimur gjaldfrjálsum vikum í tengslum við fimm vikna lokun leikskólans. Jafnframt verði í boði ein gjaldfrjáls vika við Leikskóladeildina Eldhamra, til viðbótar við sex vikna sumarlokun.

Samþykkt samhljóða.

Farið yfir niðurstöður úr úttekt HLH ráðgjafar ehf. fyrir Grundarfjarðarbæ og Snæfellsbæ um samvinnu og rekstur slökkviliða. Umræður um málið.

Bæjarstjórn tekur jákvætt í framkomnar hugmyndir í úttektinni um samvinnu og sameiginlega yfirstjórn slökkviliðanna og felur bæjarstjóra frekari vinnu við málið og bæjarráði umboð til að ákveða endanlega útfærslu.

Samþykkt samhljóða.

ÁE sagði frá fundi sem hún sat um heilbrigðiseftirlit og boðaðar breytingar á því sem haldinn var 6. maí sl. Lagt hefur verið til að svæðisbundin heilbrigðiseftirlit verði lögð niður og eftirlit verði á höndum ríkisins. Hún sagði frá tillögum starfshóps varðandi málefnið. Til frekari umfjöllunar síðar.

Forseti sagði frá móttöku franskra gesta sem fer fram í Sögumiðstöðinni þann 19. júní nk.

Hann nefndi einnig fundi framundan í skipulags- og umhverfisnefnd og skólanefnd, og 20 ára afmælishátíð FSN sem haldin verður þann 30. ágúst nk.

Allir tóku til máls.

Fulltrúar bæjarstjórnar á haustfund SSV 16. október nk. eru Jósef Ó. Kjartansson, Garðar Svansson og Ágústa Einarsdóttir sem aðalmenn. Bjarni Sigurbjörnsson, Signý Gunnarsdóttir og Sigurður Gísli Guðjónsson eru varamenn. Auk þess er Loftur Á. Björgvinsson varamaður.

Samþykkt samhljóða.

Fulltrúaráðsfundur Svæðisgarðsins Snæfellsness verður haldinn nk. laugardag, 12. október, á Breiðabliki. Bæjarfulltrúar og varabæjarfulltrúar hafa opið umboð til að mæta á fundinn.

Forseti sagði frá fundi sem bæjarfulltrúar áttu 7. október sl. með Gerðu það núna ehf. Þar var kynnt hugmynd um að setja upp safn "Fish tales stories" í Grundarfirði. Safnið myndi byggja á sögu fiskvinnslu og þorskveiða við Ísland. Félagið fékk á dögunum styrk frá Uppbyggingarsjóði Vesturlands vegna verkefnsins.

Bæjarstjórn þakkar VG Grundarfirði fyrir höfðinglega samfélagsstyrki, sem afhentir voru félagasamtökum á svæðinu sunnudaginn 6. október sl., í kjölfar sölu á húseign félagsins. Styrkirnir voru veittir í minningu Ragnars Elbergssonar, sem lést fyrr á árinu.

GS sagði frá menntaþingi sem hann og LÁB sóttu 30. september sl. Hann sagði einnig frá forvarnafundi sem hann sat 7. október sl. ásamt íþrótta- og tómstundafulltrúum á Snæfellsnesi og forvarnarráði Snæfellsness. Hann ræddi þörf á gerð samræmdrar forvarnastefnu meðal sveitarfélaganna á Snæfellsnesi.

JÓK sagði fram fundi sem hann sótti fyrir hönd bæjarstjórnar með þingmönnum kjördæmisins, þann 1. október sl. í Borgarnesi.

Rætt um mögulegan aukafund skipulags- og umhverfisnefndar og bæjarstjórnar í næstu viku. Einnig rætt um mögulegan fund bæjarstjórnar með hafnarstjórn.

Forseti fór yfir fundardaga bæjarstjórnar frá janúar til júní nk. Fundir bæjarstjórnar verða sem hér segir:
- 9. janúar
- 13. febrúar
- 13. mars
- 10. apríl
- 8. maí
- 12. júní

Forseti lagði til að framsetning mánaðar- og fæðisgjalda verði sett fram með skýrari hætti í gjaldskrá vegna leikskólagjalda, svo komast megi hjá misskilningi.

Tillaga um orðalag:

"Mánaðargjald er fast jafnaðargjald á mánuði óháð fjölda mánaðardaga eða frídaga sem falla á tiltekna mánuði. Afsláttur er ekki veittur af mánaðargjaldi."

"Fæðisgjald er fast gjald á mánuði óháð frídögum sem falla á tiltekna mánuði. Afsláttur er ekki veittur af fæðisgjaldi nema barn sé fjarverandi vegna veikinda í lengri tíma en eina viku samfellt og skal þá gera leikskólastjóra viðvart."

Samþykkt samhljóða.

Fulltrúar bæjarstjórnar og hafnarstjórnar voru viðstaddir móttöku nýs skips, Guðmundar SH 235, í eigu Guðmundar Runólfssonar hf., þann 10. janúar sl. Bæjarstjórn óskar útgerðinni til hamingju með nýja skipið.

Farið yfir fundi framundan. Landsfundur sambandsins verður haldinn 20. mars nk. og aðalfundur SSV er einnig í mars.

Rætt um samgöngumál og ástand þjóðvegar 54, einkum í nágrenni Grundarfjarðar þar sem ástandið hefur aldrei verið verra.

Bæjarstjórn ítrekar fyrri bókanir, sbr. t.d. bókun frá 12. mars 2024, svohljóðandi:

"Bæjarstjórn Grundarfjarðarbæjar lýsir enn og aftur yfir þungum áhyggjum af síversnandi og hættulegu ástandi þjóðvega á Snæfellsnesi og að Borgarnesi, ástandi sem er að stórum hluta til komið vegna skorts á viðhlítandi viðhaldi.
Ástand þjóðveganna hefur sjaldan verið eins slæmt og nú. Hættan sem leiðir af ástandi veganna er algjörlega óviðunandi fyrir notendurna. Á það jafnt við um íbúa, gesti, atvinnubílstjóra og neyðarflutninga.

Jarðsig og frostskemmdir hafa gert veginn ósléttan yfirferðar, slitlag er gróft og bútakennt eftir áralangar holufyllingar, vegkantar eru víða brotnir og hafa gefið eftir á löngum köflum og víða eru vegir of mjóir. Á sumum stöðum er vatnsagi á vegi mikið vandamál.
Verulega aukin umferð, þar á meðal stórauknir þungaflutningar á síðustu árum, sumar sem vetur, kallar á aukin framlög til vegagerðar, ekki síst til almenns viðhalds. Þó nýjar vegaframkvæmdir séu af hinu góða, þá má ekki gleymast að sinna viðhaldi eldri vega. Í þeim liggja mikil verðmæti sem fara forgörðum, sé viðhaldi þeirra ekki sinnt."

Bæjarstjóra falið að fá fund með nýjum samgöngu- og sveitarstjórnarráðherra sem fyrst.

Þá stendur til hjá SSV að eiga samtal um samgönguáætlun og fleiri hagsmunamál með nýjum þingmönnum kjördæmisins.

Bæjarstjórn samþykkir að Sigurður Valur Ásbjarnarson verði byggingarfulltrúi ad hoc í byggingarframkvæmd við Nesveg 2 þar sem byggingarfulltrúi er byggingarstjóri þess verks. Bæjarstjóra falið að tilkynna HMS þá ráðstöfun.

Bæjarstjórn ræddi um lagningu atvinnutækja í íbúðarhverfum og felur skipulags- og umhverfisnefnd að taka það til umræðu.

Samþykkt samhljóða.

Forseti sagði frá fjarfundi samgöngu- og sveitarstjórnarráðherra og fulltrúa sveitarfélaga á Vesturlandi, sem haldinn var í gær, 12. febrúar, og forseti og bæjarstjóri sátu. Þar kynnti framkvæmdastjóri SSV áherslur og áhyggjur sveitarstjóra á Vesturlandi, ekki síst í samgöngumálum.

Forseti fór yfir fundi framundan:
19. mars - Samtal við oddvita Eyja- og Miklaholtshrepps.
20. mars - Landsþing Sambands íslenskra sveitarfélaga, Reykjavík.
26. mars - Aðalfundur SSV og fleiri samtaka/stofnana í Borgarnesi.

Rætt um vegamálin. Forseti sagði frá fundum sem haldnir hafa verið undanfarið. Annars vegar fundur fulltrúa sveitarfélaga á Vesturlandi með forsætisráðherra og innviðaráðherra 10. mars sl. og hins vegar fundi stjórnar SSV og svæðisstjóra Vegagerðarinnar með bæjarstjórum á Vesturlandi 12. mars sl., hvort tveggja vegna ástands vega á Vesturlandi.

GS ræddi um hæfisreglur bæjarfulltrúa og velti upp til umræðu hvar mörkin ættu að liggja varðandi framkvæmdir og verkefni á vegum bæjarins.

Allir tóku til máls.

Bæjarstjóri óskar eftir heimild til að ráða sérkennslustjóra/aðstoðarskólastjóra Leikskólans Sólvalla vegna fyrirliggjandi þarfa þess efnis.

Bæjarstjórn veitir bæjarstjóra umbeðna heimild til að auglýsa slíkt starf.

Samþykkt samhljóða.

Umræður urðu um framkvæmdir í kjallara íþróttahús. Gert er ráð fyrir að lokauppgjör vegna framkvæmda verði lagt fyrir bæjarráð.

GS lagði fram fyrirspurn um atvinnutæki í íbúðahverfum. Skipulags- og umhverfisnefnd hefur samþykkt reglur og unnið verður skv. þeim.

Einnig umræður um ferli umsókna um störf og ráðningar þeim tengdum.

GS nefndi jafnframt val á sveitarfélagi ársins hjá Kili.

Ólafi Ólafssyni, íþrótta- og tómstundafulltrúa var þakkað fyrir góð störf.

Forseti tilkynnti að Ágústa Einarsdóttir sé komin í leyfi frá bæjarstjórnarstörfum, sbr. ósk hennar á 296. fundi bæjarstjórnar, en hún eignaðist barn 21. apríl sl. Davíð Magnússon hefur frá sama degi tekið sæti hennar sem aðalmaður í bæjarstjórn.

Fundarmenn færa foreldrunum, Ágústu og Sveini, hamingjuóskir með nýfæddan son.

Forseti lagði til að Davíð Magnússon verði aðalmaður í bæjarráði.

Samþykkt samhljóða.

Rætt um fyrirhugað samtal um sameiningarmál við fulltrúa Snæfellsbæjar, en stefnt er að því eftir 13. maí nk.

GS sagði frá fundi SSV sem hann sat á um daginn, þar sem hann fékk upplýsingar um helstu fundi SSV til framtíðar.

Haustþing SSV verður haldið 24. september 2025.
Aðalfundur verður haldinn 25. mars 2026.
Aukaaðalfundur verður haldinn 24. júní 2026.

Fyrirhugað er að eiga fund síðar í júní með fulltrúum Snæfellsbæjar um almenna sameiningarumræðu.

Bæjarstjórn samþykkir samhljóða að bæjarstjórnarfundir hefjist kl. 14, að loknu sumarleyfi bæjarstjórnar, í stað 16:30.

Bæjarstjórn áréttar umboð bæjarráðs til ákvörðunartöku í samræmi við sveitarstjórnarlög, á meðan bæjarstjórn er í sumarleyfi.

Forseti vakti athygli á að Snæfellsnes er nú orðið fyrsti íslenski UNESCO-vistvangurinn, en það var tilkynnt í Hangzhou í Kína 27. september sl., eins og fram kemur í frétt á vef bæjarins og vef Stjórnarráðsins þann dag.

Menningar-, nýsköpunar- og háskólaráðherra hefur boðið fulltrúum Svæðisgarðs, sveitarfélaganna og Snæfellsjökulsþjóðgarðs í ráðuneytið 17. október nk. kl. 13:00-13:30 til að taka við viðurkenningunni.

Ný dagsetning fyrir haustfund SSV er 29. október nk. og verður þingið haldið á Akranesi. Bæjarstjóri mun ganga frá nýjum kjörbréfum.

Rætt um álagningu fjallskila og samræmingu við nágrannasveitarfélög.