21. fundur 28. maí 2019 kl. 16:15 - 18:39 í Ráðhúsi Grundarfjarðar
Nefndarmenn
  • Unnur Birna Þórhallsdóttir (UBÞ) formaður
  • Sigurrós Sandra Bergvinsdóttir (SSB)
  • Eygló Bára Jónsdóttir (EBJ)
  • Tómas Logi Hallgrímsson (TLH)
  • Sigurborg Knarran Ólafsdóttir (SKÓ)
Starfsmenn
  • Björg Ágústsdóttir (BÁ) bæjarstjóri
Fundargerð ritaði: Björg Ágústsdóttir bæjarstjóri
Dagskrá
Formaður setti fund. Gengið var til dagskrár.

1.SSV - Styrkir úr Uppbyggingarsjóði Vesturlands 2019

1903045

Lagðar fram til kynningar umsóknir Grundarfjarðarbæjar í Uppbyggingarsjóð Vesturlands og úthlutanir sjóðsins á 3 styrkjum til bæjarins.
Farið yfir eftirfarandi:
a) Styrkur til útilistsýninga í Grundarfirði. Umsóknin gengur út á að útbúnir verði traustbyggðir standar fyrir ýmiss konar sýningar sem flakkað gætu á milli staða.
Nefndin tilnefnir Sigurborgu og Tómas til að halda utan um verkefnið og koma því í framkvæmd. Þau muni leita hugmynda frá áhugasömum, inní verkefnið.

b) Styrkir til ljósmynda- og kvikmyndasafns Bærings Cecilssonar.
Farið yfir umsóknir og næstu skref í að koma ljósmyndum og kvikmyndum í nýtilegt form.
Eygló Bára er tilnefnd af hálfu menningarnefndar til að vinna að næstu skrefum við skönnun ljósmynda.

2.Sögumiðstöðin

1801048

Rætt um starfsemi í Sögumiðstöð og framtíðarþróun. Fyrir dyrum standa breytingar þar sem samningur við rekstraraðila kaffihúss í Sögumiðstöð rennur út síðar á árinu.
Mikilvægt er að vel takist til við ákvörðun um starfsemi og aðstöðu í húsinu, í samhengi við menningarstarf í sveitarfélaginu í heild sinni, og að efnt verði til góðs samtals við íbúa og hagsmunaaðila.



3.Söguskilti, tillaga

1807025

Vísað í fyrri umræður nefndarinnar um málið.
Unnur Birna og Sigurrós Sandra eru tilnefndar af hálfu menningarnefndar til að fylgja málinu eftir.

4.Menningarstyrkur til skiltagerðar

1804015

Eldra mál lagt fyrir - sama umræða og undir lið nr. 3 á dagskránni.

5.17. júní 2019

1905015

UMFG hefur tekið að sér að annast hátíðarhöld 17. júní í ár.


Nefndin stefnir að fundi 20. júní nk.
Fundargerð lesin upp og samþykkt.

Fundi slitið - kl. 18:39.