Bæjarráð

Lagt fram og yfirfarið yfirlit yfir lausafjárstöðu.

Lagt fram yfirlit yfir greitt útsvar janúar-maí 2018. Skv. yfirlitinu hafa útsvarstekjur hækkað um 18,5% milli ára, miðað við sömu mánuði fyrra árs.

Lagt fram erindi Sýslumannsins á Vesturlandi frá 19. júní sl., þar sem óskað er umsagnar vegna rekstrarleyfis fyrir veitingastaðinn Kaffi 59, Grundargötu 59, þar sem reka á veitingastað í flokki III.

Bæjarráð gerir ekki athugasemdir við að umbeðið rekstrarleyfi að Grundargötu 59 verði veitt, enda liggi fyrir umsagnir annarra umsagnaraðila.

Samþykkt samhljóða.

Kynntar voru hugmyndir um að fá fyrirtækið Líf og sál ehf. til að vinna vinnustaðaúttekt á leikskólanum Sólvöllum.

Lögð fram verk- og kostnaðaráætlun vegna vinnustaðagreiningarinnar frá Líf og sál ehf. dags. 25. júní sl.

Bæjarráð felur bæjarstjóra að ganga frá samningi við fyrirtækið Líf og sál ehf. á grundvelli fyrirliggjandi gagna.

Samþykkt samhljóða.

Forsvarsmenn Svansskála, Olga Sædís Aðalsteinsdóttir, Grétar Höskuldsson og Elsa Fanney Grétarsdóttir, sátu fundinn undir þessum lið.

Bæjarráð lítur svo á að núverandi leigusamningur við Svansskála gildi til maí 2019. Á tímabilinu verði rekstrarfyrirkomulag og skipulag hússins skoðað nánar í samvinnu við menningarnefnd.

Samþykkt samhljóða.

Gerð grein fyrir því að leigusamningur við Íbúðalánasjóð um íbúð að Ölkelduvegi 9 rennur út um næstu mánaðarmót. Á sama tíma rennur út leigusamningur við núverandi leigjanda.

Bæjarráð felur bæjarstjóra að ræða við Íbúðalánasjóð og kanna möguleika á áframhaldandi leigu íbúðarinnar.

Samþykkt samhljóða.

Gerð grein fyrir því að íbúð að Grundargötu 69 er laus til útleigu frá næstu mánaðarmótum. Íbúðin er í eigu Íbúðalánasjóðs og hefur verið framleigð af Grundarfjarðarbæ. Kallað hefur verið eftir úttekt Íbúðalánasjóðs á ýmsum ágöllum sem taldir eru vera á íbúðinni.

Bæjarráð felur bæjarstjóra að ræða nánar við Íbúðalánasjóð.

Samþykkt samhljóða.

Gerð grein fyrir því að íbúð fyrir eldri borgara að Hrannarstíg 18, nr. 104, sé laus. Unnið er að viðhaldsviðgerðum á íbúðinni, svo unnt verði að úthluta henni aftur.

Bæjarráð felur skrifstofustjóra að auglýsa íbúðina lausa til umsóknar.

Samþykkt samhljóða.

RG vék af fundi undir þessum lið. HK tók við stjórn fundarins.

Lagt fram uppgjör vegna lekatjóns sem varð að Hrannarstíg 18 á síðasta ári, í tengslum við viðgerð á húsinu. Verktaki óskar eftir því að Grundarfjarðarbær taki þátt í kostnaði vegna tjónsins.

Bæjarráð samþykkir samhljóða að greiða helming efniskostnaðar, sem er 240.250 kr. með virðisaukaskatti.

RG tók aftur sæti sitt á fundinum og við stjórn hans.

Lagður fram samningur um ljósmyndum við Tómas Frey Kristjánsson vegna ljósmyndunar árið 2018.

Bæjarráð samþykkir samhljóða framlagðan samning.

Farið yfir stöðu helstu framkvæmda sem unnið er að skv. fjárhagsáætlun 2018.

Bæjarráð felur bæjarstjóra að kalla eftir hugmyndum Ungmennafélags Grundarfjarðar varðandi uppbyggingu aðstöðu á íþróttasvæði.

Samþykkt samhljóða.

Lagt til að bæjarráð fari í heimsókn í Sundlaug Grundarfjarðar í næstu viku.

Samþykkt samhljóða.

Bæjarstjórn fól skipulags- og umhverfisnefnd að útfæra umhverfisrölt. Nefndin hefur fjallað um málið og leggur til að boðað verði til umhverfisrölts í hverfum bæjarins. Umhverfisröltið yrði sérstaklega auglýst.

Bæjarráð fagnar hugmyndum skipulags- og umhverfisnefndar að umhverfisrölti 2.-5. júlí nk. Rölt verður um rauða hverfið mánudaginn 2. júlí, kl. 20:30, græna hverfið þriðjudaginn 3. júlí, kl. 20:30, bláa hverfið miðvikudaginn 4. júlí, kl. 20:30 og gula hverfið fimmtudaginn 5. júlí, kl. 20:30.

Samþykkt samhljóða.

Lögð fram erindisbréf fyrir nefndir bæjarins.

Bæjarráð samþykkir samhljóða breytingar á erindisbréfi menningarnefndar. Bæjarstjóri boðar til fundar í samráði við formann nefndarinnar, á meðan ekki hefur verið ráðið í starf menningar- og markaðsfulltrúa.

Samþykkt samhljóða.

Lögð fram tíma- og kostnaðaráætlun vegna hönnunar fyrir jarðvinnuútboð vegna bílastæða við Kirkjufellsfoss. Áætlanirnar eru unnar af fyrirtækinu Landslag ehf.

Bæjarráð felur bæjarstjóra að ganga frá samningi við Landslag ehf.

Samþykkt samhljóða.

Lögð fram til kynningar umsögn Grundarfjarðarhafnar frá 21. júní sl. varðandi umsagnir sem fylgja bréfi Orkustofnunar frá 30. maí sl.

Lagður fram til kynningar ársreikningur UMFG vegna ársins 2017.

Lagt fram til kynningar bréf Lögreglustjórans á Vesturlandi frá 29. maí sl. varðandi staðfestingu samkomulags um sameiningu almannavarnarnefnda á Vesturlandi.

Lagður fram til kynningar tímabundinn húsaleigusamningur við Ildi ehf. vegna skrifstofuaðstöðu að Grundargötu 30.