Bæjarráð

Björg Karlsdóttir, leikskólastjóri, sat fundinn undir þessum lið.

Leikskólastjóri gerði grein fyrir starfsemi skólans. Farið yfir húsnæðismál, mannaflaþörf og -ráðningar, fjölda barna o.fl.

Lögð fram fundargerð aðalfundar Eyrbyggju-sögumiðstöðvar frá 20 júlí sl. en fundinum var frestað til 31. ágúst nk.
Jafnframt ræddar hugmyndir um framtíð félagsins.

Samþykkt samhljóða að Berghildur Pálmadóttir verði fulltrúi Grundarfjarðarbæjar á fundinum og Hinrik Konráðsson til vara.

Lagt fram bréf þar sem umsækjandi um starf skipulags- og byggingafulltúa dregur umsókn sína um starf skipulags- og byggingafulltrúa til baka, en ein umsókn barst um starfið.

Jafnframt lögð fram ný auglýsing um starfið, en umsóknarfrestur samkvæmt henni er til 3. sept. nk.

Lagt fram til kynningar fundarboð vegna fundar þann 14. sept. nk. um lögreglumál á svæðinu.

Lögð fram samantekt vegna heimsóknar iðnaðar- og viðskiptaráðherra til Grundarfjarðar 17. ágúst sl.

Lagt fram til kynningar fundarboð á ársfund Jöfnunarsjóðs sveitarfélaga sem haldinn verður 23. sept. nk.

Lögð fram til kynningar tilkynning um fjármálaráðstefnu sveitarfélaga sem haldinn verður í Reykjavík dagana 24.-25. sept. nk.

Lagt fram til kynningar.

Lagt fram til kynningar. Fram kom að greitt útsvar fyrstu sjö mánuði ársins 2015 er 8,7% hærra en á sama tíma í fyrra.

Lagt fram til kynningar uppgjör 2. ársfjórðungs ársins 2015.

Lagt fram bréf Orkuveitu Reykjavík (OR) frá 18. ágúst sl. varðandi samning milli OR og Grundarfjarðarbæjar um hitaveituvæðingu bæjarins. Bréfið er svar við bréfi bæjarins frá 10. júlí sl., þar sem kallað er eftir efndum OR á samningi milli aðila.

Samþykkt samhljóða að fela bæjarstjóra í samráði við lögfræðing bæjarins að undirbúa viðræður við OR.
Jafnframt að fá Hauk Jóhannesson, jarðfræðing til að mæta á fund bæjarstjórnar sem fyrst vegna mats hans á öflun heits vatns á svæðinu.

Lögð fram fundargerð fjallskilanefndar frá 19. ágúst sl. Vegna áréttingar í 2. tl. fundargerðarinnar er óskað eftir að fjallskilanefnd geri tillögur um úrbætur í réttarmálum.

Lagt fram bréf mennta- og menningarmálaráðuneytisins frá 17. júlí sl., varðandi styrkveitingar í tengslum við unglingalandsmót UMFÍ, sem til stóð að halda í Grundarfirði árið 2009.

Bæjarstjóra falið að svara ráðuneytinu og leita lausna.

Lagðir fram ráðningarsamningar skólastjóra Grunnskóla Grundarfjarðar og menningar- og markaðsfulltrúa.

Samningarnir samþykktir samhljóða.

Skv. áreiðanlegum heimildum liggur nú fyrir að gengið hefur verið frá sölu á öllum hlutabréfum í útgerðarfyrirtækinu Hjálmar ehf. í Grundarfirði til Loðnuvinnslunnar ehf. á Fáskrúðsfirði. Þar með er Haukaberg SH-20 og allar aflahlutdeildir sem skipinu fylgja horfnar úr Grundarfirði. Ekki hefur borist fyrirspurn um það hvort sveitarfélagið hyggist nýta sér forkaupsrétt á skipinu sbr. 12. gr. laga nr. 116/2006 um stjórn fiskveiða.

Bæjarstjóra falið að kanna hvort seljanda sé ekki skylt að spyrjast fyrir um forkaupsrétt sveitarfélagsins til samræmis við ofangreinda lagagrein. Jafnframt áréttar bæjarráð mikilvægi þess að Alþingi sjái til þess að skýra forkaupsréttarákvæði í 12. gr. laga nr. 116/2006 um stjórn fiskveiða er snúa að sölu fiskiskipa og aflaheimilda.