24. fundur 17. september 2019 kl. 16:00 - 17:50 í Ráðhúsi Grundarfjarðar
Nefndarmenn
  • Sigurrós Sandra Bergvinsdóttir (SSB) varaformaður
  • Eygló Bára Jónsdóttir (EBJ)
  • Sigurborg Knarran Ólafsdóttir (SKÓ)
  • Tómas Logi Hallgrímsson (TLH)
  • Heiður Björk Fossberg Óladóttir (HBÓ)
  • Þuríður Gía Jóhannesdóttir (ÞGJ)
Fundargerð ritaði: Þuríður Gía Jóhannesdóttir Starfsmaður bæjarskrifstofu
Dagskrá
Varaformaður setti fund og gengið var til dagskrár.

1.Kosning formanns

1709028

Kosning formanns, í stað Unnar Birnu Þórhallsdóttur fráfarandi formanns. Lagt er til að Eygló Bára Jónsdóttir taki við sem formaður menningarnefndar. Samþykkt samhljóða.

2.Heildarstefna fyrir Grundarfjarðarbæ

1903009

Farið yfir stöðu vinnu við stefnumótun bæjarins, en menningarmálin verða tekin fyrir í þeirri vinnu.
Verið er að vinna í stefnu með Capacent, ákveðinn rýnihópur sem er með menningarmálin í forgrunni. Rætt um að það muni koma á borð stýrishóps að ákveða hvernig Menningarnefnd starfi og hvaða nefndir/hópar falli undir þeirra gildissvið. Verið er að miða við stefnu Reykjanesbæjar og vinna út frá henni.

3.Rökkurdagar 2019

1909011

Undirbúningur Rökkurdaga 2019, menningarhátíðar Grundarfjarðarbæjar.
Rætt verður um hugmyndir að dagsrkárefni og byrjað að móta dagskrána.
Farið yfir erindi er bárust vegna dagskrár Rökkurdaga 2019. Unnið að drögum að dagskrá og skipt niður verkefnum vegna uppsetningar á henni.

4.SSV - Styrkir úr Uppbyggingarsjóði Vesturlands 2019

1903045

a) Bæringsstofa - ljósmyndasafn: Eygló - staða.

b) Sýningarstandur fyrir útilistsýningar: Tommi og Sigurborg - staða
Bæringsstofa - Ljósmyndasafn- Eygló er í samskiptum við Hans Petersen um skönnun mynda. Ljósmyndir eru á leið í skönnun og verið er að leita að betri tilboða vegna yfirfærslu myndbandsupptakna.

Sýningarstandur fyrir útilistasýningar - Tommi fór í skoðunarferð um suðurland til að afla sér upplýsinga.
Menningarnefnd lagði til að bærinn kynni sér verðtilboð og hugmyndir að hönnun hjá Lavaland. Tommi gengur í málið.

5.Styrkir til atvinnuþróunar og nýsköpunar

1909027

Á bærinn að sækja um menningarstyrki aftur?
Menningarnefnd telur mikilvægt að sótt sé um styrki og hvetur íbúa Grundarfjarðarbæjar og félagasamtök um að sækja um í sjóðinn. Umsóknarfrestur er til miðnættis 23. September. Menningarnefnd óskar eftir því að auglýsing verði birt á heimasíðu Grundarfjarðarbæjar og á samfélagsmiðlum.

6.Ársskýrsla Bókasafns Grundarfjarðar 2018

1907015

Lagt fram til kynningar.
Fundargerð lesin upp og samþykkt.

Fundi slitið - kl. 17:50.