Menningarnefnd

Menningarnefnd leggur til við bæjarstjórn breytingu á verðskrá bæjarins, svo hver sem leigir hús undir menningarlegan viðburð, sem auglýstur er opinn öllum, skuli ekki greiða leigu fyrir viðburðinn.
Allir slíkir viðburðir yrðu birtir í viðburðadagatali bæjarins.
Samkomulag yrði hverju sinni varðandi tækjakost, sbr. hljóðkerfi.

Menningarnefnd telur að með þessum breytingum á verðskrá muni menningarlíf í Grundarfirði eflast til muna.

Nefndin gerir eftirfarandi athugasemdir:

1. gr. Athugasemd við nafnið “Uppbyggingarsjóður menningar- og íþróttamála? og telur að orðið lýðheilsa eigi frekar við en íþróttir.

5. gr. Lagt til að orðalaginu “umfang og tími verkefnis? verði breytt í “umfang, tími og kynning/auglýsing verkefnis?.

Að öðru leyti gerir menningarnefnd ekki athugasemdir við framlögð drög að "Reglum Grundarfjarðarbæjar um úthlutun úr Uppbyggingarsjóði menningar- og íþróttamála".

Ákveðið var að Rökkurdagar 2025 standi frá 18. október til 5. nóvember.
(Tónleikar 18. október í Samkomuhúsinu marka upphaf Rökkurdaga.)

Nefndin ræddi það að nota Facebook-síðu Rökkurdaga sem helstu upplýsingaveitu um dagskrá og annað. Aðrar síður á samfélagsmiðlum og vefur Grundarfjarðarbæjar verða henni til stuðnings.

Nefndin felur forstöðumanni menningar- og markaðsmála að búa til fyrstu auglýsingu fyrir Rökkurdaga og koma henni í umferð. Í henni eiga að vera dagsetningar og upplýsingar um það hvert fólk getur haft samband ef það vill vera með viðburð.

Dagskráin skal vera gefin út á íslensku, ensku og pólsku. Ef hún fer í dreifingu í hús þá verði hún á íslensku með QR kóða sem vísar á dagskrána á ensku og pólsku.

Almenn umræða um Barnamenningarhátíð, viðburði og möguleg samlegðaráhrif með Rökkurdögum.

Menningarnefnd tekur vel í erindi Ríkeyjar Konráðsdóttur og felur forstöðumanni menningar- og markaðsmála að koma á fundi milli hennar og menningarnefndar sem fyrst.

Menningarnefnd telur mikilvægt að íslenskukennsla eða íslenskuhittingar séu í boði fyrir áhugasama í vetur.

Lagt er til að sótt verði um styrk í sjóðinn með það að leiðarljósi að geta fengið einstakling til þess að sjá um kennslu í vetur.

Nefndin telur mikilvægt að þetta verði fastir tímar, opnir öllum þeim sem vilja sækja.