54. fundur 24. mars 2026 kl. 12:30 - 14:15 í Ráðhúsi Grundarfjarðar
Nefndarmenn
  • Marta Magnúsdóttir (MM) formaður
  • Rakel Birgisdóttir (RB)
  • Hjalti Allan Sverrisson (HAS)
Starfsmenn
  • Pálmi Jóhannsson (PJ) starfsmaður
Fundargerð ritaði: Pálmi Jóhannsson starfsmaður
Dagskrá
Fundur settur og gengið til dagskrár.

1.OP-5 Útivistarkraginn

Málsnúmer 2510017Vakta málsnúmer

Bæjarstjórn samþykkti samhljóða, í október sl., framlagða tillögu verkefnisstjóra skipulags- og umhverfismála, íþrótta- og tómstundafulltrúa og forstöðumanns menningar- og markaðsmála, um að stofna samráðshóp um skipulag og nýtingu útivistarkragans ofan þéttbýlis (OP-5). Þremenningarnir lögðu til að samráðshópurinn væri skipaður aðilum úr þeim nefndum er málið varðar, þ.e. skipulags- og umhverfisnefnd, íþrótta- og tómstundanefnd og menningarnefnd (aðilar úr öðrum nefndum kallaðir inn eftir þörfum), auk fulltrúa bæjarstjórnar. Hlutverk samráðshópsins verði að fá hagaðila saman að borðinu til þess að mynda sameiginlega sýn um svæðið, forsendur fyrir frekari ákvörðunum og uppbyggingu.



Óskað er eftir að menningarnefnd tilnefni aðila til þess að sitja í þessum samráðshóp.
Nanna Vilborg Harðardóttir, verkefnisstjóri skipulags- og umhverfismála kom inn á fundinn undir þessum lið. Hún fór yfir verekefnið OP-5 Útivistarkaginn, tilgang þess og markmið.

Menningarnefnd tilnefnir Mörtu Magnúsdóttur í samráðshóp fyrir OP-5 útivistarkagann.

Samþykkt samhljóða.

2.Verkefni menningarnefndar 2022-2026

Málsnúmer 2207019Vakta málsnúmer

Vinir Bókasafnsins - Bæjarstjórn samþykkti í desember sl., við frágang fjárhagsáætlunar 2026, fjárveitingu uppá 400.000 kr. í samræmi við minnisblað og óskir frá menningarnefnd. Sjá fylgiskjal.



Samráðsfundur menningarfulltrúa sveitarfélaganna á Vesturlandi var haldinn 4. mars 2026 í Borgarnesi.

Menningarnefnd fagnar þessari fjárveitingu í samræmi við óskir nefndarinnar og telur hana geta stutt við skemmtilega viðburði sem styrkja starf og hlutverk bókasafnsins. Ákveðið hefur verið að fyrsti viðburður verði haldinn í apríl. Marta Magnúsdóttir og Rakel Birgisdóttir hafa tekið að sér skipulagningu þess viðburðar. Hugsunin er að sýna í verki hvernig hægt er að nýta þennan sjóð.

Rætt var um heitið “Vinir bókasafnsins" og ákveðið var að breyta því í “Gestir Bókasafnsins". Gestur er fallegt orð og vísar það til þess sem er velkominn á ákveðinn stað. Áhugasömum gestum/velunnurum bókasafnsins býðst að halda viðburð(i) í bókasafninu/Sögumiðstöð, innan ákveðins ramma, og sá sem heldur viðburð verður "gestgjafi".

Í samræmi við umræður fundarins felur menningarnefnd forstöðumanni markaðs- og menningarmála að gera drög að einföldum viðmiðum um hvernig fjármunum verði varið í verkefni skv. þessari fjárveitingu, til leiðbeiningar fyrir nefndina og gestgjafa.

Einnig var rætt um hvernig viðburðir verða auglýstir. Forstöðumaður menningar- og markaðsmála fór yfir þá miðla sem standa til boða, þ.e. Facebook-síða Bókasafns Grundarfjarðar, Instagram "Menning Grundarfjörður", viðburðadagatal á vef Grundarfjarðarbæjar. Verður það samstarf viðburðahaldara og forstöðumanns menningar- og markaðsmála að meta í hvert skipti.

Samtök sveitarfélaga á Vesturlandi (SSV) boðuðu til samráðsfundar menningarfulltrúa á Vesturlandi þann 4. mars síðastliðinn. Tilgangur fundarins var að auka samráð og samstarf menningarfulltrúa á Vesturlandi. Pálmi forstöðumaður menningar- og markaðsmála fór fyrir hönd Grundarfjarðarbæjar á fundinn.

3.Frönsk kvikmyndahátíð í Grundarfirði

Málsnúmer 2603022Vakta málsnúmer

Samtal er hafið um möguleika á franskri kvikmyndahátíð í Grundarfirði. Samtalið kom til fyrir tilstilli SSV og hafa franska sendiráðið og forstöðumaður menningar- og markaðsmála haldið því áfram.

Menningarnefnd tekur vel í þessa hugmynd. Rætt var um framkvæmd kvikmyndahátíðar, hvort hún eigi að standa sér eða samtvinnast inn í aðra menningarviðburði s.s. Rökkurdaga. Eins var rætt um að fá Grundapol, vináttufélag Grundarfjarðar og vinabæjarins Paimpol, að borðinu í skipulagningu.

Menningarnefnd felur forstöðumanni markaðs- og menningarmála að taka verkefnið áfram.

4.Rannís - Umsókn í barnamenningarsjóð 2026

Málsnúmer 2603023Vakta málsnúmer

Grundarfjarðarbær sótti um styrk í Barnamenningarsjóð sem heyrir undir Rannsóknarmiðstöð Íslands (Rannís). Umsókn lögð fram til kynningar.



Forstöðumaður menningar- og markaðsmála sagði frá styrkumsókn í Barnamenningarsjóð sem hann gekk frá f.h. Grundarfjarðarbæjar, í samráði við þjónustumiðstöð bæjarins og grunnskóla, og snýst um listsköpun barna/ungmenna í almenningsrýmum (opnum svæðum) bæjarins.

5.Rannís - Umsókn í bókasafnssjóð 2026

Málsnúmer 2603026Vakta málsnúmer

Grundarfjarðarbær sótti um styrk í Bókasafnssjóð sem heyrir undir Rannsóknarmiðstöð Íslands (Rannís). Umsókn lögð fram til kynningar.

Forstöðumaður menningar- og markaðsmála sagði frá styrkumsókn í Bókasafnssjóð Rannsóknarmiðstöðvar Íslands.

Forstöðumaður menningar- og markaðsmála sagði frá styrkumsókn í Bókasafnssjóð sem hann gekk frá f.h. Grundarfjarðarbæjar, í samráði við starfsmann bókasafns, og snýst hún um að hvetja til lesturs og kveikja áhuga barna/ungmenna á raunvísindum, jarðfræði og sögu Grundarfjarðar. Verkefnið verður unnið í samvinnu við Leikskólann Sólvelli, þar sem þemað hverju sinni verður tengt tímalínu sem unnið er með í leikskólanum.

6.Almyrkvi á sólu 12. ágúst 2026

Málsnúmer 2602010Vakta málsnúmer

Farið yfir stöðuna á vinnu við undirbúning almyrkva á sólu sem verður 12. ágúst 2026.

Forstöðumaður menningar- og markaðsmála sagði frá þeirri vinnu sem átt hefur sér stað við undirbúning ýmiss konar vegna almyrkva á sólu sem verður 12. ágúst 2026.

Samstarf er á Snæfellsnesi og Vesturlandi um málið.

Gengið er frá fundargerð í framhaldi af fundi og rafræns samþykkis aflað frá fundarmönnum.

Fundi slitið - kl. 14:15.