Bæjarráð

Lagt fram yfirlit yfir lausafjárstöðu.

Lagt fram yfirlit yfir greitt útsvar janúar-nóvember 2019. Skv. yfirlitinu hefur greitt útsvar hækkað um 5,1% fyrstu ellefu mánuði ársins, miðað við sama tíma í fyrra.

Lagðar fram þjónustugjaldskrár næsta árs, með áorðnum breytingum.

Samþykkt samhljóða.

Skipulags- og byggingafulltrúa og bæjarstjóra falið að gera drög að endurskoðaðri gjaldskrá byggingaleyfis-, þjónustu- og framkvæmdaleyfisgjalda, sem lögð verði fyrir bæjarstjórn í janúar 2020.

Samþykkt samhljóða.

Lagðar fram og yfirfarnar umsóknir um styrki ársins 2020 ásamt samantekt.
Gerðar lítilsháttar breytingar.

Bæjarráð samþykkir samhljóða framlagðan lista með áorðnum breytingum.

Anna Rafnsdóttir, leikskólastjóri og Sigurður Gísli Guðjónsson, skólastjóri grunnskólans, sátu fundinn undir þessum lið, hvort í sínu lagi.

Lögð fram yfirlit yfir núverandi stöðugildi leikskóla og grunnskólastofnana, auk áætlunar næsta árs. Jafnframt lagt fram yfirlit yfir kostnaðarhlutdeild foreldra og bæjarins vegna leikskóla, tónlistarskóla og heilsdagsskóla.

Samþykkt samhljóða.

Lagt fram erindi frá Jóhönnu H. Halldórsdóttur vegna aðgengis frá Hrannarstíg að Grundarfjarðarkirkju.

Bæjarráð þakkar fyrir ábendinguna og samþykkir að á árinu 2020 verði bætt aðgengi frá bílastæði við Hrannarstíg 18 að stétt við styttuna Sýn.

Bæjarráð vísar framkvæmd verksins til verkstjóra áhaldahúss.

Samþykkt samhljóða.

Bæjarráð samþykkir að auglýsa hleðslustöð bæjarins til úthlutunar. Stöðin skal vera staðsett innan þéttbýlis bæjarins. Sæki fleiri en einn um, skiptir staðsetning og opnunartími stöðvar máli við úthlutun.

Bæjarstjóra falin framkvæmd þessarar ákvörðunar.

Samþykkt samhljóða.

Farið yfir fjárfestingaáætlun 2020.

Bæjarráð yfirfór fjárfestingaáætlun og vísar til síðari umræðu í bæjarstjórn.

Umræður um aðferðir við val á verktökum, við framkvæmdir á vegum bæjarins, sbr. umræðu í bæjarstjórn. Til nánari skoðunar.

Lögð fram til kynningar verkefnis- og matslýsing Kerfisáætlunar Landsnets 2020-2029.

Lögð fram til kynningar fjárhagsáætlun Grundarfjarðarhafnar 2020 ásamt greinargerð.

Rætt um hönnun og legu útrásar á Framnesi, með vísan í greinargerð hafnarstjóra. Í fjárhagsáætlun 2020 er gert ráð fyrir framlagi, sem tengist slíkri hönnun.

Lagt fram til kynningar minnisblað Sambands íslenskra sveitarfélaga dags. 18. október sl. varðandi tengingu sveitarfélaga við miðlægan húsnæðisgrunn. Jafnframt lagt fram bréf sambandsins dags. 26. nóvember sl. ásamt drögum að umsögn þess um frumvarp til laga um Húsnæðis- og mannvirkjastofnun.

Lagt fram til kynningar 3. tbl. Gluggans 2019, fréttabréfs Íbúðalánasjóðs. Þar er jafnframt kynnt húsnæðisþing sem haldið var 27. nóvember sl.

Lagður fram til kynningar ársreikningur Snæfellingshallarinnar 2018.

Lagður fram til kynningar úrskurður kærunefndar útboðsmála, dags. 2. desember sl., vegna kæru á verðkönnun vegna steyptrar götu milli Nesvegar og Sólvalla. Niðurstaða kærunefndarinnar er sú að kröfum kæranda er vísað frá kærunefnd útboðsmála.

Lagður fram til kynningar tölvupóstur umhverfis- og auðlindaráðuneytis dags. 2. desember sl. vegna kynningar á tveimur reglugerðum sem settar eru á grundvelli laga um mat á umhverfisáhrifum. Annars vegar er um að ræða reglugerð nr. 1069/2019, um breytingu á reglugerð nr. 660/2015, um mat á umhverfisáhrifum. Hins vegar er um að ræða reglugerð nr. 1068/2019, um breytingu á reglugerð nr. 772/2012, um framkvæmdaleyfi.

Bæjarstjóra falið að gera drög að breytingum á samþykktum bæjarins í samræmi við þessar breytingar.