Menningarnefnd

Farið var yfir helstu verkefni sem eru á borði menningarnefndar. Rætt var m.a. um ljósmyndasamkeppni Grundarfjarðarbæjar og Barnamenningarhátíð Vesturlands.

Áframhaldandi umræða um Sögumiðstöðina. Í fyrsta skipti í langan tíma eru öll rými Sögumiðstöðvarinnar tilbúin til notkunar, verkefnið er því að finna út bestu leiðina til þess að nýta rýmin sem best. Rætt var um mismunandi notkun yfir vetur og sumar.

Fulltrúar Gerum það núna ehf. þeir Einar Sveinn Ólafsson og Daniel Firica komu inn á fund og sögðu frá Gerum það núna ehf. Einnig sögðu þeir frá hugmyndinni að Fiskisögusafni Grundarfjarðar.

Menningarnefnd þakkar fyrir erindið, sem var kynnt og rætt á fundinum, og lýsir ánægju með það frumkvæði sem að baki því býr. Erindið byggir á því að varðveita og lyfta upp þeirri sögu sem sveitarfélagið hefur að geyma. Gera hana sýnilega og aðgengilega fyrir íbúa og ferðamenn og er menningarnefnd sammála því að þarna sé saga sem mikilvægt er að gera hærra undir höfði.

Einar Sveinn Ólafsson - mæting 16:35
Daniel Firica - mæting 16:35

Forstöðumaður menningar- og markaðsmála fór yfir stöðuna á verkefninu.

Farið var yfir dagskrá Rökkurdaga. Menningarnefnd lýsti yfir ánægju með það hvernig veturinn byrjar og þakkar íbúum fyrir það frumkvæði sem þeir hafa sýnt í viðuburðarhaldi og mætingu.

Farið var yfir jóladagskránna.

Menningarnefnd þakkar fyrir erindið. Mikilvægt er að Grundarfjarðarbær styðji við verkefnið Jólabókaflóð barnanna og komi að kaupum á þeim bókum sem notaðar eru. Allar bækur sem eru í jólabókaflóðinu eru nýjar og hefði megnið af þeim verið keypt inn óháð jólabókaflóðinu. Menningarnefnd beinir því til forstöðumanns menningar- og markaðsmála að reikna með þessum bókakaupum í fjárhagsáætlanagerð og við innkaup á bókum í aðdraganda jóla.