Bæjarráð

Skv. yfirlitinu janúar-ágúst hefur greitt útsvar hækkað um 9,1% miðað við sama tímabil í fyrra.

Skv. yfirlitinu eru fjármagnsgjöld hærri en áætlun, sem er í takt við hækkun á vísitölu neysluverðs. Á móti eru tekjur hærri en áætlun gerði ráð fyrir. Í heildina er rekstur á pari við áætlun fyrstu sex mánuði ársins.

Skv. yfirliti jan.-ágúst 2023 eru raunlaun lítillega undir launaáætlun fyrir sama tímabil. Farið yfir niðurbrot niður á deildir.

Lagt til að bæjarráð samþykki beiðni sýslumanns.

Bæjarráð samþykkir samhljóða afskrift á álögðum opinberum gjöldum að fjárhæð 28.885 kr. auk vaxta.

Lagt fram og farið yfir minnisblað Sambands íslenskra sveitarfélaga um forsendur fjárhagsáætlana sveitarfélaga 2024-2027.

Rætt um fjárhagsáætlunarvinnu framundan, minnisblað um forsendur fjárhagsáætlana sveitarfélaga og drög að fundadagskrá bæjarráðs.

Bæjarráð samþykkir samhljóða fyrirliggjandi drög sem verða unnin áfram.

Tillaga um áframhaldandi tímabundinn afslátt af gatnagerðargjöldum rædd.

Bæjarráð samþykkir samhljóða að 50% afsláttur af gatnagerðargjöldum verði veittur út árið 2023 af tilteknum eldri íbúðarlóðum, sbr. framlagða tillögu.

Bæjarráð samþykkir samhljóða fyrirliggjandi drög að jafnréttisáætlun áranna 2024-2026.

Sigurbjartur Loftsson, verkefnisstjóri (gegnum síma), og Ólafur Ólafsson, íþrótta- og tómstundafulltrúi, sátu fundinn undir þessum lið.

Farið var yfir stöðuna á verkefni um borun á varmadæluholum og orkuskipti fyrir íþrótta- og skólamannvirki.

Bæjarfulltrúar áttu fund með Sigurbjarti, verkefnastjóra, Hauki Jóhannessyni, jarðfræðingi og Gísla Guðmundssyni, jarðefnafræðingi í ágúst sl. Áhugaverðar niðurstöður liggja fyrir eftir rannsóknir á vatninu sem kom upp úr borholunum.

Næstu skref í varmadæluverkefninu eru að koma lögnunum frá borholum inn í hús fyrir veturinn, samningsgerð við Rarik um hýsingu fyrir nýja spennistöð tengt verkefninu, undirbúningur fyrir breytingar innanhúss í íþróttahúsi, búnaðarkaup o.fl.

Bæjarstjóri sagði frá að beðið sé eftir niðurstöðum úr tveimur sjóðum vegna styrkumsókna bæjarins í verkefnið.

Kristín Þorleifsdóttir, skipulagsfulltrúi, kom inn á fundinn gegnum síma undir þessum lið.

Hún fór yfir stöðu deiliskipulagsverkefna sem eru í gangi. Deiliskipulagsbreyting iðnaðarsvæðis við Kverná er í lokameðferð hjá Skipulagsstofnun, komin er tillaga að breyttri hæð í götunni Hjallatúni, deiliskipulag hafnarsvæðis er langt komið og deiliskipulag Framness er áfram í vinnslu.

Valgeir Magnússon, verkstjóri áhaldahúss, kom inn á fundinn undir þessum lið gegnum síma. Farið yfir reynslu og framkvæmd á fyrirkomulagi snjómoksturs síðustu tveggja vetra, en fyrirkomulagið var með þeim hætti að verktökum var boðið til samningsviðræðna um snjómokstur með mögulegri þátttöku allra að verkinu.

Samið var við tvo verktaka sem unnu saman að snjómokstri í bænum, að undanskildu hafnarsvæði, sem Grundarfjarðarhöfn sér um. Fram kom að reynslan var góð af fyrirkomulagi síðustu vetra.

Byggingarfulltrúa og verkstjóra áhaldahúss falið að leita eftir samningsgerð við verktaka í bænum með svipað fyrirkomulag í huga varðandi snjómokstur næsta vetrar.

Samþykkt samhljóða.

Umræður um málið.

Bæjarstjóra og skipulagsfulltrúa falið að vinna áfram að málinu í samræmi við umræðu fundarins.

Samþykkt samhljóða.

Bæjarráð samþykkir að gerð verði grenndarkynning vegna umsagnar bæjarins um framlagða umsókn í samræmi við tillögu skipulagsfulltrúa. Kynnt verði fyrir eigendum Grundargötu 10, 11, 13, 13a og 16, sem og eigendum íbúða í húsinu Grundargötu 12-14.

Samþykkt samhljóða.

Bæjarráð samþykkir að gögnin verði lögð fram til kynningar hjá skipulags- og umhverfisnefnd, sem fer með landbúnaðarmál.

Bæjarstjóri mun sitja fundinn. Bæjarfulltrúum er sömuleiðis heimilt að sitja fundinn.

Bæjarstjóri verður með erindi á þessum fundi.