Bæjarráð

Lagt fram nýtt lóðarblað og merkjalýsing fyrir Hjallatún 2, landnr. L201174, sem á eftir að undirrita af merkjalýsanda.



Lóðinni var úthlutað á síðasta ári, en gerð lóðablaðs kemur í kjölfar gildistöku nýs deiliskipulags iðnaðarsvæðisins vestan Kvernár. Lýsingin tilgreinir rétt lóðamörk út frá deiliskipulagi, en auk þess hefur lóðarhafi beðið um stækkun lóðar til vesturs um 2 bil (metralóðir), þ.e. 10 metra, og verður lóðin þá 1.758 fermetrar að stærð eftir þessar breytingar.



Endanleg lóðaúthlutun miðast við útgáfu þessarar merkjalýsingar, sem einnig er grunnur lóðarleigusamnings sem gerður verður þegar merkjalýsandi hefur lokið yfirferð.

Lagt fram nýtt lóðarblað og merkjalýsing fyrir Hjallatún 3, landnr. L190037, sem á eftir að undirrita af merkjalýsanda.



Lóðinni var úthlutað á síðasta ári, en formleg stofnun hennar fer nú fram, út úr landi Grafarlands, L190037. Stærð lóðarinnar er 2.903 ferm. og lega hennar og afmörkun líkt og fram kemur á meðfylgjandi uppdrætti og minnkar stærð upprunalandsins sem því nemur í 41.404 ferm.

Hinrik Konráðsson íþrótta- og tómstundafulltrúi er gestur fundarins undir þessum lið.

Framhaldsumræða um styrkumsóknir sem hafa borist og liggja fyrir ásamt samantektarskjali.

Lögð fram drög að fjárhagsáætlun 2026, ásamt þriggja ára áætlun áranna 2027-2029. Lögð fram launaáætlun 2026, ásamt samanburði við árið 2025 niður á deildir. Jafnframt lagt fram yfirlit sem sýnir áætlun 2026 í samanburði við áætlun 2025 niður á málaflokka. Að auki var lagt fram yfirlit yfir kostnað við skólamat 2011-2025.

Lagðar fram viðbótarspurningar frá málsaðila.



Halldór Jónsson hrl. var gestur fundarins undir þessum lið.

Lagt fram erindi Vegagerðarinnar um að til standi að fella niður veghald á Hellnafellsvegi þar sem veginum hafi verið lokað með hliði eða merkingu um að hann sé einkavegur.

Lagt fram erindi með beiðni um útgáfustyrk/kaup á bókum.

Lögð fram til kynningar fundargerð um opnun tilboða í snjómokstur.



Þann 25. september sl. var með tölvupósti sett af stað verðkönnun vegna snjómoksturs í þéttbýli Grundarfjarðar fyrir árin 2025-2028, með möguleika á framlengingu um ár í viðbót. Þremur aðilum var boðið að gera tilboð. Tilboð voru opnuð 2. október sl.

Lögð fram til kynningar fundargerð 198. fundar Heilbrigðisnefndar Vesturlands sem haldinn var 13. október sl.

Lagður fram til kynningar ársreikningur Fellaskjóls fyrir árið 2024 ásamt upplýsingum um nýja stjórn heimilisins.

Lagt fram til kynningar ársreikningur Svæðisgarðsins Snæfellsness fyrir árið 2024.

Lagð fram til kynningar ársuppgjör Björgunarsveitarinnar Klakks fyrir árið 2024.

Lagt fram til kynningar minnisblað, dags. 14. október sl., um stöðu verkefna skv. tillögum í skýrslu um framtíð verndarsvæðis Breiðafjarðar.

Lagður fram til kynningar tölvupóstur HMS, dags. 14. október sl., varðandi fundaröð um stöðu og framtíðarhorfur íbúðauppbyggingar og mannvirkjamála.

Lagður fram til kynningar tölvupóstur Sambands íslenskra sveitarfélaga, dags. 5. september sl., um innheimtu kostnaðar vegna virðismatsvegferðar Sambandsins og ríkisins með KÍ.

Lagður fram til kynningar tölvupóstur Umhyggju - félags langveikra barna, dags. 20. október sl., um málþing sem haldið verður 3. nóvember nk. um álagið sem hvílir á foreldrum langveikra og fatlaðra barna.

Lagt fram til kynningar bréf mennta- og barnamálaráðuneytisins, dags. 16. október sl., um framlag ríkisins vegna barna með fjölþættan vanda ásamt upplýsingum um áætlaðan kostnað vegna langvarandi vistunar utan heimilis 2025.

Lagt fram til kynningar kynningarbréf Nýheima þekkingarseturs um málþing sem haldið var 23. og 24. september sl. um byggðafestu ungs fólks á landsbyggðinni.