Bæjarráð

Samkvæmt yfirlitinu hefur greitt útsvar hækkað um 8,6% miðað við sama tímabil í fyrra.

Farið yfir lista yfir ógreiddar viðskiptakröfur 31.12.2025.

Lagt til að bæjarráð samþykki beiðni sýslumanns. Bæjarráð samþykkir afskrift á álögðum opinberum gjöldum að fjárhæð 3.065.777 kr. auk vaxta.

Samþykkt samhljóða.

Slökkviliðsstjóri og bæjarstjóri hafa farið yfir málið.

Lagt er til að hefja undirbúning að kaupum á slökkvibifreið af minni gerðinni, 4x4, með yfirbyggingu og "Kapskerfi", þannig að bíllinn geti dælt bæði froðu og vatni. Bifreiðin myndi leysa af hólmi Iveco tankbifreið slökkviliðsins, sem er árgerð 1985, sem þörf er á að endurnýja.

Í tillögu slökkviliðsstjóra sem rædd var á fyrri fundi bæjarráðs kom fram að til viðbótar yrði keypt kerra undir lausa dælu og vatnslaug.

Ef krafist yrði innborgunar á þessu ári yrði gerður viðauki við fjárhagsáætlun ársins.

Bæjarstjóra og slökkviliðsstjóra falinn áframhaldandi undirbúningur þessara kaupa, m.a. að vinna nánari skilgreiningu og skilmála kaupa, sem og gerð tillögu um aukabúnað.

Samþykkt samhljóða.

Bæjarstjóri sagði frá því að útboð á klæðningu íþróttahúss sé að fara af stað. Unnið er að stígamálum og skoðaðir valkostir á stígum og reiðvegum við Kirkjufellsfoss. Undirbúningur framkvæmda á skólalóðum leik- og grunnskóla er í gangi, sem og við leiksvæði í Þríhyrningi, á Sæbóli og á Hjaltalínsholti. Þá verður unnið að því að bæta umferðaröryggi í kringum grunnskólann.
Bæjarstjóri sagði jafnframt frá því að nýr starfsmaður í tæknimálum muni hefja störf á morgun.

Bæjarstjóri sagði frá lækkun kyndingarkostnaðar á árinu 2025.

Kyndingarkostnaður skóla- og íþróttamannvirkja (með olíu) var um 28-30 milljónir á ári (árin 2022-2024) eftir miklar olíuverðshækkanir, og það þrátt fyrir að sundlaugin hafi ekki verið kynt 5-6 mánuði yfir vetrartímann.

Árið 2025 var kyndingarkostnaður hins vegar rétt rúmar 13 milljónir króna, sem er um 44% af kostnaði áranna á undan. Samt var rafmagnsnotkun ársins mun meiri en reiknað er með og taka þarf með í reikninginn að sundlaugin var opin frá apríl og út árið og er enn opin nú í lok mars. Með viðbótarorku inná kerfið í janúar sl., og mögulega frekari ráðstöfunum, ætti rafmagnsreikningurinn að lækka enn frekar árið 2026.

Fyrir utan það að framkvæmdin sé þegar farin að skila lægri orkukostnaði, þá fela orkuskiptin í sér mun umhverfisvænni húshitun, enga kolefnislosun og ekkert sót. Auk lengri opnunartíma á lauginni.

Bæjarstjóri sagði frá því að olíutankurinn stóri, í sundlaugargarði, hafi verið fjarlægður. Ætlunin er að hafa olíukyndingu skóla- og íþróttamannvirkja (ketilinn gamla) sem varaafl. Ekki verður settur upp nýr olíutankur í sundlaugargarði, en varatankur hafður á öðrum stað í bænum, þannig að auðvelt verði að flytja hann á staðinn, ef nauðsyn ber til að grípa til varaaflsins.

Bæjarráð ræddi málið við lögmanninn. Bæjarstjóra falið umboð til að vinna áfram að málinu, með samningsgerð í huga.

Samþykkt samhljóða.

Farið yfir málið með lögmanninum, en hann og Helgi S. Gunnarsson hafa áfram umboð bæjarstjórnar vegna þróunar á Framnesinu, sbr. samþykkt á 301. fundi bæjarstjórnar 11. sept. 2025, þ.e. til Halldórs Jónssonar hrl. og Juris slf., til viðræðna við lóðarhafa á fremstu lóðum á Framnesi og til Helga S. Gunnarssonar, til vinnu skv. framlögðum tillögum.

Bæjarráð tekur vel í hugmyndina og felur skipulagsfulltrúa í samráði við forstöðumann menningar- og markaðsmála að vinna málið áfram með fagaðilum.

Samþykkt samhljóða.

Bæjarráð leggur til við bæjarstjórn að tekið verði vel í erindið og að óskað verði eftir drögum að erindisbréfi fyrir nefndina.

Samþykkt samhljóða.

Bæjarráð þakkar fyrir erindið en getur ekki orðið við styrkbeiðninni.

Samþykkt samhljóða.

Bæjarráð þakkar fyrir erindið en getur ekki orðið við styrkbeiðninni að sinni.

Samþykkt samhljóða.

Kauptilboðið í íbúðina hljóðar upp á 48. millj. kr.

Bæjarráð samþykkir fyrirliggjandi kauptilboð og felur bæjarstjóra að ganga frá samningum.

Samþykkt samhljóða.