Bæjarstjórn

Málsnúmer 1701003FVakta málsnúmer

• 1.1 1501066 Lausafjárstaða
  Bæjarráð - 494 Lagt fram til kynningar.
• 1.2 1606013 Samkomuhús Grundarfjarðar
  Bæjarráð - 494 Lagt fram tilboð frá Nýherja í hátalara og hljóðkerfi fyrir samkomuhúsið. Tilboðsverð er 729.492 kr. með vsk.
  
  Bæjarráð samþykkir samhljóða fyrirliggjandi tilboð.
  
  Jafnframt rætt um nauðsynlegar viðhaldsframkvæmdir og lagfæringar í samkomuhúsinu.
  Bæjarráð leggur til að byggingafulltrúi og forstöðumaður fasteigna vinni viðhaldsáætlun fyrir húsið og raði verkefnum upp í forgangsröð. Jafnframt skulu þeir vinna kostnaðaráætlun fyrir viðhaldsáætlunina.
  Miðað skal við að þessu verki verði lokið eigi síðar en í lok febrúar og verði áætlanirnar þá lagðar fyrir bæjaráð. Bókun fundar Til máls tóku RG, EG og ÞS.
  
• 1.3 1701025 Mennta-og menningarmálaráðuneytið - Óskað eftir tilnefningu í skólanefnd Fjölbrautaskóla Snæfellinga
  Bæjarráð - 494 Lagt fram bréf Menntamálaráðuneytisins frá 11. janúr sl., þar sem óskað er tilnefningar Grundarfjarðarbæjar, Helgafellssveitar, Snæfellsbæjar og Stykkishólms á fulltrúum í skólanefnd Fjölbrautaskóla Snæfellinga. Sveitarfélögin eiga að tilnefna tvo aðalfulltrúa og tvo til vara.
  Bæjarráð leggur til að leitað verði eftir því hvort núverandi fulltrúar, séu tilbúnir að vera áfram. Núverandi aðalfulltrúar eru Björg Ágústsdóttir og Hilmar Már Arason og til vara Eyþór Benediktsson og Sigurborg Kr. Hannesdóttir. Bæjarstjóra falið að kanna hug hinna sveitarfélaganna.
• 1.4 1504040 Lögreglu- og almannavarnarmál
  Bæjarráð - 494 Lögð fram tillaga sveitarstjórnar Dalabyggðar frá 17. janúar sl., þar sem sveitarstjórnin hvetur til þess að almannavarnarnefndir á Vesturlandi verði sameinaðar í eina nefnd undir stjórn lögreglustjórans á Vesturlandi.
  Bæjarráð Grundarfjarðar vísar til samþykktar sinnar frá 3. des. 2015, þar sem bæjarráð ályktaði um það að skynsamlegt væri að skoða fyrirkomulag almannavarna á Vesturlandi, hugsanlega þannig að ein almannavarnarnefnd verði á öllu Vesturlandi.
  Bæjarráð hvetur einnig til þess að lokið verði við almannavarnaráætlun fyrir Snæfellsnes.
  
  Jafnframt voru ræddar áherslur bæjaryfirvalda um að ráðinn verði lögreglumaður til starfa í Grundarfirði.
  Bæjarráð ítrekar óskir sínar um það að auglýst verði eftir lögreglumanni til starfa í Grundarfirði. Mikilvægt er að nauðsynleg og sjálfsögð þjónusta sem þessi sé til staðar í sveitarfélaginu.
  Stjórnvöld lögreglumála eru hvött til þess að leita leiða til lausnar á þessu mikilvæga öryggismáli.
• 1.5 1701005 Ísland ljóstengt
  Bæjarráð - 494 Gerð grein fyrir því að umsókn Grundarfjarðar í A-hluta umsóknarferlis um styrk úr Fjarskiptasjóði, vegna ljósleiðaravæðingar, hefur verið tekin gild. Unnið er að frágangi umsóknar í B-hluta umsóknarinnar, en þeim hluta umsóknar á að skila inn eigi síðar en 1. febrúar nk. Annars vegar er sótt um að ljósleiðaravæða útsveitina og hins vegar um að ljóleiðaravæða framsveitina.
  Bæjarráð hvetur til þess að lokið verði við gerð B-hluta umsóknar er taki mið af því að unnt verði að ljósleiðaravæða dreifbýlið árið 2017 fáist nægjanlegir styrkir frá Fjarskiptasjóði.
• 1.6 1606001 Sameining sveitarfélaga, viðræður
  Bæjarráð - 494 Lagt fram minnisblað Atvinnuráðgjafar Samtaka sveitarfélaga á Vesturlandi dag. 10. janúar sl. Í minnisblaðinu eru raktir ýmsir þættir sem tengjast vinnu við sameiningu sveitarfélaga og byggja á Vegvísi sem Samband sveitarfélaga og Félagsmálaráðuneytið gáfu út 2004 og byggði á danskri fyrirmynd.
  Í minnisblaðinu býður Atvinnuráðgjöfin fram krafta sína til þess að vinna greinargerð um kosti og galla hugsanlegrar sameiningar sveitarfélaganna Grundarfjarðarbæjar, Helgafellssveitar og Stykkishólmsbæjar.
  Bæjarráð leggur til að boðað verði til fundar í samstarfsnefnd sveitarfélaganna um sameiningarmál, þar sem næstu skref verði ákveðin.
• 1.7 1701020 Íbúðamál
  Bæjarráð - 494 Fyrir fundinum lá yfirlit yfir íbúðir að Sæbóli 33 og 35, en eigandi íbúðanna hefur sagt leigjendunum upp leigunni. Áður var fjallað um þessi mál í bæjarstjórn 10. janúar sl. Frá þeim tíma hefur verið rætt við eiganda íbúðanna og leitað einhverra lausna. Á þeim fundi kom fram að núverandi eigandi hyggst selja eignirnar og losna frá málum. Engar haldbærar úrlausnir hafa fengist í viðkomandi máli gagnvart núverandi íbúum.
  Bæjarráð leggur til að áfram verði fylgst með framvindu mála á þessum vettvangi. Bókun fundar Til máls tóku RG, EG og ÞS.
  
• 1.8 1701023 Minjastofnun íslands - Skráning menningarminja
  Bæjarráð - 494 Lagt fram bréf dags. 10. janúar sl., frá Minjastofnun Íslands. Í bréfinu er fjallað um skráningu menningarminja , fornleifa og húsa og mannvirkja og hvernig ber að skila slíkum gögnum til Minjastofnunar í samræmi við ákvæði í lögum nr. 80/2012.
  Bæjarráð samþykkir að fela skipulags- og byggingafulltrúa að vinna að frágangi þessara mála í samvinnu við Minjastofnun.
• 1.9 1701024 FSN-Skólaakstur við Fjölbrautaskóla Snæfellinga vorönn 2016
  Bæjarráð - 494 Lagt fram bréf frá Fjölbrautaskóla Snæfellinga dags. 11. janúar sl., þar sem farið er yfir uppgjör vegna skólaaksturs á vorönn 2016.
• 1.10 1510014 Aðalskipulag Grundarfjarðar
  Bæjarráð - 494 Lögð fram til kynningar umsókn Grundarfjarðarbæjar dag. 19. janúar sl. í Skipulagssjóð um kostnaðarframlag vegna endurskoðunar aðalskipulags sveitarfélagsins. Miðað er við að sjóðurinn taki þátt í allt að helmingi kostnaðar við skipulagsvinnuna.
• 1.11 1612003 Vegagerðin, samgöngubætur
  Bæjarráð - 494 Lagt fram bréf Vegagerðarinnar frá 20. des. sl., þar sem svarað er óskum Grundarfjarðarbæjar um ýmsar úrbætur í samgöngumálum í bæjarfélaginu sbr. bréf bæjarins dags. 1. nóv. sl.
  Í því sambandi má nefna óskir um hraðavaraskilti við innkomu í bæinn, lagfæringar á hraðahindrunum á þjóðveginum sem liggur í gegnum þéttbýlið, nýjan þjóðveg inn í bæinn frá Gilós og niður á hafnarsvæði, umferðaröryggismál við Kirkjufellsfoss og Kolgrafarfjörð, girðingar með þjóðvegi, hafnarframkvæmdir og að lokum almenna þjónustu við snjómokstur og hálkueyðingu.
  Bæjarráð leggur til að fulltrúar bæjarins kalli eftir fundi með vegamálastjóra til þess að fylgja þessum málum eftir.
• 1.12 1701027 Framtíð íslenskra sveitarfélaga, fundur
  Bæjarráð - 494 Lagt fram bréf sambands ísl. sveitarfélaga frá 23. janúar sl., þar sem boðað er til samráðsfundar í Borgarnesi 6. febrúar nk. um stöðu og framtíð íslenskra sveitarfélaga.
• 1.13 1601015 Sjúkraþjálfun
  Bæjarráð - 494 Lögð fram til kynningar auglýsing Heilbrigðisstofnunar Vesturlands, þar sem auglýst er eftir sjúkraþjálfara til starfa á heilsugæslustöðinni í Grundarfirði, þar hefur verið innréttuð vinnuaðstaða fyrir starfsemi sjúkraþjálfara.
  Bæjaryfirvöld hafa leitað eftir því við HVE um nokkurt skeið að starfsemi af þessum toga sé starfrækt í Grundarfirði. Ánægjulegt er til þess að vita að nú hylli undir slíkt.

Málsnúmer 1702002FVakta málsnúmer

• 2.1 1702011 Þórdísarstaðir-uppbygging
  Lögð er fram tillaga að uppbyggingu ferðaþjónustu á Þórdísarstöðum. Skipulags- og umhverfisnefnd - 175
  Skipulags- og umhverfisnefnd fagnar framkomnu erindi um uppbyggingu ferðaþjónustu á Þórdísarstöðum.
  Nefndin bendir á að framkvæmdaraðili láti vinna deiliskipulag af svæðinu og samhliða verði unnar nauðsynlegar breytingar á aðalskipulagi
  
  Byggingafulltrúa er falið að tilkynna til Landbúnarráðuneytisins breytta landnotkun Þórdisarstaða.
  
  Nefndin bendir Dísarbyggð ehf á að samkvæmt aðalskipulagi Grundarfjarðar er heimilt að byggja allt að 5 hús á hverri jörð án deiliskipulagsbreytinga.
  Bókun fundar Til máls tóku EBB og EG.
  
  Bæjarstjórn tekur undir bókun skipulags- og umhverfisnefndar.
  
• 2.2 1610008 Hraðahindranir og umferðamerkingar
  Mál nr. 1610008 Hraðahindranir og umferðamerkingar, málið lagt fram öðru sinni með ósk um að nefndarmenn og byggingarfulltrúi komi með tillögur um úrbætur. Skipulags- og umhverfisnefnd - 175 Nefndin ræddi staðsetningu og gerð hraðahindrana.
  Upphækkaðar hraðahindranir við grunnskóla, Hrannarstígur við Smiðjustíg, Grundargata við Sæból. Þrengingar eða önnur gerð hraðahindranna á Sæbóli, Ölkelduvegur (?) og Borgarbraut við gatnamót Hlíðarvegar(?)
  Byggingarfulltrúa falið að leggja fram hugmyndir að hraðahindrunum. Bókun fundar Bæjarstjórn hvetur skipulags- og umhverfisnefnd til að ljúka tillögum sínum tímanlega fyrir vorið.
  
• 2.3 1702012 Umsagnir vegna rekstrarleyfa
  Umsagnir sem byggingarfulltrúi hefur gefið vegna rekstrarsleyfis frá 1. september 2016. Lagt fyrir fund til upplýsinga fyrir nefndarmenn. Skipulags- og umhverfisnefnd - 175

Málsnúmer 1702007Vakta málsnúmer

Málsnúmer 1702009Vakta málsnúmer

Málsnúmer 1701025Vakta málsnúmer

Málsnúmer 1701028Vakta málsnúmer

Málsnúmer 1610011Vakta málsnúmer

Málsnúmer 1701031Vakta málsnúmer

Málsnúmer 1701035Vakta málsnúmer

Málsnúmer 1701032Vakta málsnúmer

Málsnúmer 1701005Vakta málsnúmer

Málsnúmer 1701026Vakta málsnúmer

Málsnúmer 1701034Vakta málsnúmer

Málsnúmer 1702005Vakta málsnúmer

Málsnúmer 1702002Vakta málsnúmer

Málsnúmer 1701036Vakta málsnúmer

Málsnúmer 1701030Vakta málsnúmer

Málsnúmer 1606001Vakta málsnúmer

Málsnúmer 1505019Vakta málsnúmer