Bæjarstjórn

Málsnúmer 1808012Vakta málsnúmer

Málsnúmer 1808013Vakta málsnúmer

Málsnúmer 1812001FVakta málsnúmer

• 3.1 1709030 Myndasafn Bærings Cecilssonar
  Menningarnefnd - 20 Á síðasta fundi nefndarinnar var rætt um að mikilvægt væri að ná utan um það hvað fælist í safni Bærings. Bæjarstjóri fól Sunnu Njálsdóttur, forstm. Bókasafns, að taka saman yfirlit um það efni sem safn Bærings inniheldur. Gögn frá Sunnu voru lögð fram á fundinum.
  Nefndin fór yfir og ræddi um yfirlitið. Nefndin fagnar fram komnu yfirliti og þakkar fyrir það. Yfirlitið nýtist nefndinni og öðrum til að ná yfirsýn yfir efni Bæringssafnsins og við að greina brýnustu viðfangsefnin. Nefndin mun vinna með þetta áfram og nýta, til að ákveða næstu skref við að gera ljósmyndir Bærings aðgengilegar almenningi.
  Bókun fundar Allir tóku til máls.
  
• 3.2 1802015 TSC býðst til að styrkja Bæringsstofu
  Menningarnefnd - 20 Erindi lagt fram frá síðasta ári. Haft til hliðsjónar við afgreiðslu á lið nr. 1.
  Bæjarstjóri er í sambandi við málsaðila.
  
  
• 3.3 1901016 Umsóknir í Uppbyggingarsjóð Vesturlands 2019
  Menningarnefnd - 20 Nefndin ræddi um möguleg verkefni sem hægt væri að sækja um í Uppbyggingarsjóð Vesturlands, sbr. einnig fyrri umræður á vettvangi nefndarinnar. Nefndin hefur haft samband við ýmsa aðila sem gætu nýtt sér að sækja um í sjóðinn.
  
  Bæjarstjóri heldur utan um umsóknir frá menningarnefnd í sjóðinn.
  
  Bókun fundar Til máls tóku JÓK, HK og BÁ.
  
  
• 3.4 1801045 Ljósmyndasamkeppni Grundarfjarðar 2018
  Menningarnefnd - 20 Á aðventudegi Kvenfélagsins þann 2. des. sl. voru afhent verðlaun fyrir bestu ljósmyndir í ljósmyndasamkeppni Grundarfjarðar 2018. Fyrstu verðlaun hlaut Mateusz M., önnur og þriðju verðlaun hlaut Kristín Halla Haraldsdóttir.
  Nefndin ræddi um reynslu af keppninni 2018 og að hverju þurfi að huga fyrir keppnina 2019.
  - Ákveðið var á síðasta fundi að tímabil samkeppninnar væri 1. des. 2018 til 1. nóv. 2019.
  - Þemað er "fegurð".
  - Sömu skilmálar gildi og verið hefur, en áréttað verði að myndin sé tekin á umræddu tímabili og innan sveitarfélagsins.
  - Nefndin mun skipa dómnefnd, sem kynnt verður snemma á árinu.
  - Nauðsynlegt er að minna á keppnina reglulega yfir árið.
  - 10 efstu myndirnar verða sýndar á aðventudeginum, þegar verðlaun verða veitt. Auk þess verði þær birtar á vef bæjarins.
  
  
• 3.5 1812012 Menningarnefnd - European volunteer in Paimpol
  Menningarnefnd - 20 Erindi frá grunnskólanum í Paimpol um sjálfboðaliðastarf í Erasmus-verkefni sem skólinn tekur þátt í. Lagt fram til kynningar.
  Bókun fundar Til máls tóku JÓK, HK og BÁ.
  
  
• 3.6 1901015 Sirkus Íslands ehf. - Samstarf
  Menningarnefnd - 20 Lagt fram erindi frá Sirkus Íslands sem leitar samstarfs hjá bæjarfélögum um aðstöðu fyrir sirkusráðstefnu sem mögulega verði haldin á komandi hausti. Einkum er leitað eftir aðstoð við að finna svefn-og æfingaaðstöðu fyrir ráðstefnugesti.
  Nefndin er tilbúin til samstarfs, en vill gjarnan frekari upplýsingar. Til skoðunar.
  
  
• 3.7 1901017 Hönnunar Mars 2019
  Menningarnefnd - 20 Lagt fram erindi Hönnunarmiðstöðvar Íslands ehf. um Hönnunarmars, sem fram fer 28.-30. mars nk. Lokafrestur umsókna fyrir þátttöku í HönnunarMars er 25.janúar, en fyrra umsóknarferli lauk í nóvember. Nefndin hvetur hönnuði til að kynna sér möguleika á þátttöku, þá einkum með næsta ár í huga, og hvetur fólk til að mæta á viðburði Hönnunarmars.
  
  

Málsnúmer 1901002FVakta málsnúmer

• 4.1 1901030 Hafnargerð 2019-2020, Lenging Norðurgarðs
  Hafnarstjórn - 3 Rætt var um opnun tilboða í sjófyllingu, fyrsta áfanga lengingar Norðurgarðs Grundarfjarðarhafnar, sem fram fór í gær, 22. janúar 2019.
  Eitt tilboð barst, frá Björgun, og Vegagerðin yfirfer nú tilboðsgögn.
  Málið kemur til afgreiðslu hjá hafnarstjórn þegar niðurstöður liggja fyrir.
  
  
  Bókun fundar Til máls tóku JÓK og GS.
  
• 4.2 1901022 Verkefnalisti vegna lengingar Norðurgarðs Grundarfj.hafnar
  Hafnarstjórn - 3 Kynnt drög að verkefnalista vegna framkvæmdar við lengingu Norðurgarðs, sem hafnarstjóri hafði tekið saman.
  
  
• 4.3 1901032 Farþegagjöld Grundarfjarðarhafnar - niðurfelling
  Hafnarstjórn - 3 Lagt fram erindi SH 55 slf. um að felldir verði niður tveir reikningar vegna álagðra farþegagjalda á tvo útsýnisbáta fyrirtækisins á árinu 2018. Fyrirtækið telur að höfnin hafi ekki stoð í gjaldskrá sinni til gjaldtökunnar og hefur hafnað greiðslu reikninganna.
  Bæjarstjóra falið að leggja frekari upplýsingar fyrir næsta fund hafnarstjórnar, í samræmi við umræður fundarins.
  
  
• 4.4 1901031 Staða hafnarsjóðs
  Hafnarstjórn - 3 Lagt fram og farið yfir yfirlit yfir fjárhag hafnarsjóðs, tekjur og gjöld 2018.
  Hafnarstjóra þakkað fyrir gott utanumhald í rekstri og starfsemi hafnarinnar.
  
  
• 4.5 1804009 Kynningar og markaðsmál, yfirferð
  Hafnarstjórn - 3 Hafnarstjóri sagði frá markaðs- og kynningarstarfi hafnarinnar. Hafnarstjórn ræddi áform um starf ársins.
  Hafnarstjóri sagði frá því að þegar séu bókaðar 53 komur skemmtiferðaskipa í Grundarfjarðarhöfn á komandi sumri. Síðastliðið sumar voru komur skemmtiferðaskipa samtals 28.
  
  
• 4.6 1901007 Umhverfisstofnun des. 2018 - Staðfest úrgangsáætlun Grundarfjarðarhafnar
  Hafnarstjórn - 3 Umhverfisstofnun hefur staðfest endurskoðaða áætlun Grundarfjarðarhafnar um móttöku og meðhöndlun úrgangs og framleifa frá skipum, sbr. 6. gr. rglg. nr. 1200/2014.
  Bréf stofnunarinnar um staðfestinguna lagt fram til kynningar.
  Endurskoða þarf áætlunina á þriggja ára fresti.
  
  
• 4.7 1901028 Hafnasambandsþing 2018 - þinggerð
  Hafnarstjórn - 3 Þinggerð frá síðasta hafnasambandsþingi lögð fram til kynningar.
  
  
• 4.8 1901027 Hafnasambandsþing 2018 Ályktun um öryggi í höfnum
  Hafnarstjórn - 3 Ályktun 41. hafnasambandsþings, 2018, um öryggi í höfnum lögð fram til kynningar.
  Grundarfjarðarhöfn hefur unnið öryggisáætlun sína, sem er reglulega endurskoðuð. Hafnarstjórn ræddi hvernig höfnin getur gert enn betur í öryggismálum.
  
  
• 4.9 1901029 Hafnasamband, fundargerð 408, 23.nov.2018
  Hafnarstjórn - 3 Fundargerð lögð fram til kynningar.
  
  
• 4.10 1901026 Kynningarfundur 24. jan. 2019 um orkuskipti í íslenskum höfnum
  Hafnarstjórn - 3 Lagt fram til kynningar.
  
  
• 4.11 1901025 Minnisblað nóv. 2018 um stöðu landtenginga
  Hafnarstjórn - 3 Lagt fram til kynningar minnisblað hafnarstjóra Faxaflóahafna um stöðu landtenginga í höfnum landsins.
  
  

Málsnúmer 1812003FVakta málsnúmer

• 5.1 1606025 Fellaskjól, viðbygging
  Bæjarráð - 524 Hildur Sæmundsdóttir, Patricia Laugesen og Anna Júlía Skúladóttir, f.h. Fellaskjóls sátu fundinn undir þessum lið. Í upphafi var þeim þakkað fyrir vel unnin störf við rekstur heimilisins.
  
  Umræður um framkvæmdir við stækkun dvalarheimilisins og fjármögnun þeirra. Stjórn Dvalarheimilisins Fellaskjóls og Grundarfjarðarbær munu skoða betur möguleika á auknu framlagi til framkvæmdanna frá ríkinu.
  
  Fellaskjól hefur sótt um heimildir fyrir þremur nýjum hjúkrunarrýmum til heilbrigðisyfirvalda, en verið hafnað. Þörfin er mikil þar sem átta manns eru á biðlista fyrir hjúkrunarrými.
  
  Bæjarráð Grundarfjarðarbæjar lýsir yfir áhyggjum af þessari stöðu og augljósum skorti á viðbótarhjúkrunarrýmum. Með hækkandi aldri bæjarbúa hefur skapast aukin þörf á slíkum úrræðum.
  
  Rætt um fjárframlag bæjarins til Fellaskjóls, en Grundarfjarðarbær mun veita styrk til heimilisins sem nemur afborgunum húsnæðislána vegna viðbyggingarinnar. Auk þess liggur fyrir samþykkt um fjárstyrk vegna byggingaleyfisgjalda nýbyggingarinnar.
  
  Bæjarráð leggur til að veittur sé styrkur til Fellaskjóls vegna gatnagerðargjalda nýbyggingarinnar.
  
  Samþykkt samhljóða.
  
  Bæjarstjóra falið að endurskoða samning við Fellaskjól um matarsendingar til eldri borgara, í samráði við forstöðumann heimilisins.
  
  Samþykkt samhljóða.
  Bókun fundar Til máls tóku JÓK, SÞ, HBÓ, HK, GS og BÁ.
  
• 5.2 1901021 Lausafjárstaða
  Bæjarráð - 524 Lagt fram yfirlit yfir lausafjárstöðu.
  
• 5.3 1804051 Greitt útsvar 2018
  Bæjarráð - 524 Lagt fram yfirlit yfir greitt útsvar janúar-desember 2018. Skv. yfirlitinu hefur greitt útsvar í Grundarfirði hækkað um 10,4% milli áranna 2017 og 2018.
  
• 5.4 1807012 Launaáætlun vs. raunlaun 2018
  Bæjarráð - 524 Lagt fram yfirlit sem sýnir samþykkta launaáætlun 2018, raunlaun ársins og mismun áætlunar og raunlauna niður á deildir. Launagreiðslur ársins voru 3,2 millj. kr. lægri en áætlun gerði ráð fyrir.
  
• 5.5 1901005 Lögmenn Laugavegi 3 ehf. - Starfsmannamál
  Bæjarráð - 524 Launakrafa fv. skipulags- og byggingafulltrúa, krafa um lausnarlaun í kjölfar starfsloka.
  
  Bókað í trúnaðarmálabók.
  
• 5.6 1901008 SSV - Velferðarstefna Vesturlands
  Bæjarráð - 524 Lagt fram bréf Samtaka sveitarfélaga á Vesturlandi (SSV), dags. 3. janúar sl. ásamt drögum að velferðarstefnu Vesturlands. Óskað er umsagnar um velferðarstefnuna fyrir 15. febrúar nk.
  
  Bæjarráð fagnar því að unnin sé velferðarstefna fyrir Vesturland sameiginlega. Umræður urðu um stefnudrögin. Bæjarráð felur bæjarstjóra að birta stefnudrögin á vefsíðu bæjarins og gefa íbúum og öðrum hagsmunaaðilum kost á að senda inn ábendingar og athugasemdir. Afgreiðslu vísað til febrúarfundar bæjarstjórnar.
  
  Samþykkt samhljóða.
  
  
• 5.7 1812020 Persónuvernd - Ársskýrsla 2017
  Bæjarráð - 524 Lögð fram til kynningar ársskýrsla Persónuverndar 2017.
  
  
• 5.8 1901009 Samband íslenskra sveitafélaga - Breyting á kjarasamningi Skólastjórafélags Íslands og SNS
  Bæjarráð - 524 Lagður fram til kynningar tölvupóstur Sambands íslenskra sveitarfélaga vegna breytinga á kjarasamningi Skólastjórafélags Íslands og Samninganefndar sveitarfélaga.
  
• 5.9 1901010 Útilegukortið ehf. - Samningur 17.12.2018
  Bæjarráð - 524 Lagður fram til kynningar samningur við Útilegukortið ehf.
  Bókun fundar Til máls tóku JÓK, GS og BÁ.
  
• 5.10 1901036 Uppbyggingasjóður EES
  Bæjarráð - 524 Lagt fram til kynnningar fundarboð Uppbyggingarsjóðs EES sem haldinn verður 25. janúar nk.
  
• 5.11 1804002 Samgöngu- og sveitarstjórnarráðuneytið - Bréf 21.01.2019
  Bæjarráð - 524 Lagt fram til kynningar bréf Samgöngu- og sveitarstjórnarráðuneytisins frá 21. janúar sl. varðandi áður sent svarbréf bæjarins um fjárhagsáætlun ársins 2016.
  

Málsnúmer 1811008FVakta málsnúmer

• 6.1 1808033 Málefni leikskólans
  Leikskólastjóri og fulltrúar foreldra og starfsfólks voru boðnar velkomnar á fundinn.
  Fyrir fundinum lágu ýmis gögn frá leikskólastjóra.
  
  Skólanefnd - 146 Leikskólastjóri sagði frá helstu þáttum í starfsemi skólans, m.a. hvað varðar starfsmannamál, fjölda nemenda o.fl. Hún sagði að ný námsskrá væri að verða tilbúin og sagði frá breytingum á dvalarsamningi o.fl. vegna persónuverndarlaga.
  Matráðar voru á námskeiði í síðustu viku, og fyrir dyrum stendur skyndihjálparnámskeið fyrir starfsfólk. Verið er að skipuleggja námskeið fyrir deildarstjóra. Starfsdagur verður í maí hjá Leikskóla og Eldhömrum - ætlunin er að fara í kynnisferð á leikskólana í Borgarbyggð.
  Rætt var um að inntökureglur bæjarins fyrir Leikskólann Sólvelli verði jafnframt látnar ná yfir Eldhamra.
  Leikskólastjóri lagði fram drög að starfsreglum um sérkennslu, sem skilgreina fjóra flokka til grundvallar sérkennslustundum. Nefndin fagnaði framlögðum drögum leikskólastjóra og mun taka þær til afgreiðslu síðar.
  Rætt um sumarleyfi í leikskólanum og um Dag leikskólans 6. febrúar nk.
  Leikskólastjóra var þökkuð greinargóð yfirferð og gögn.
  
  
• 6.2 1808034 Málefni grunnskólans
  Fyrir fundinum lágu gögn frá skólastjóra grunnskólans.
  
  Skólanefnd - 146 Rætt um ýmis mál, m.a. út frá upplýsingum skólastjóra.
  
  
• 6.3 1808016 Endurskoðun fjölskyldustefnu Grundarfjarðarbæjar
  Skólanefnd - 146 Rætt um efni fjölskyldustefnu og gagnsemi hennar, í tengslum við endurskoðun hennar. Nefndin mun á næsta fundi setja niður helstu áherslur sínar vegna endurskoðunarinnar.
  
  
  
• 6.4 1809028 Skólastefna
  Skólanefnd - 146 Fyrir fundinum lá vinnuskjal sem formaður nefndarinnar hafði tekið saman. Skjalið gefur yfirlit um hlutverk og skyldur nefndarinnar og þær upplýsingar sem nefndin þarf að óska eftir frá skólunum, í samræmi við lög um þá.
  Fram kom að bæjarstjóri og formaður hittu leik- og grunnskólastjóra um miðjan desember sl. og fóru yfir gátlista Sambands ísl. sveitarfélaga um lagalega eftirlitsþætti í leik- og grunnskólastarfi. Skólastjórar munu gefa upplýsingar um stöðu þessara þátta í skólastarfinu og nefndin mun í framhaldinu leggja mat á þessa þætti.
  
  
  
• 6.5 1902008 Starfsskýrsla Grunnskóla Grundarfjarðar 2018-2019
  Starfsskýrsla skólastjóra lá fyrir fundinum.
  
  Skólanefnd - 146
• 6.6 1812001 Menntamálastofnun - Ársskýrsla undanþágunefndar grunnskóla 2017-2018
  Lagt fram til kynningar.
  Skólanefnd - 146
• 6.7 1901033 Lykiltölur um leik- og grunnskóla eftir sveitarfélögum 2017
  Lagt fram til kynningar.
  
  Skólanefnd - 146
• 6.8 1902001 Nýsköpunarmiðstöð Íslands - Verksmiðjan, umsóknarfrestur
  Lagt fram til kynningar.
  
  Skólanefnd - 146
• 6.9 1902010 Dagur leikskólans 6. febrúar 2019
  Lagt fram til kynningar. Einnig rætt undir liðum 1 og 2.
  
  Skólanefnd - 146
• 6.10 1901018 Ráðstefna 30. janúar
  Lagt fram til kynningar.
  
  Skólanefnd - 146

Málsnúmer 1901003FVakta málsnúmer

• 7.1 1810008 Markmið íþrótta- og æskulýðsnefndar
  Íþrótta- og æskulýðsnefnd - 88 Áframhaldandi umræða var um markmið og verkefni nefndarinnar.
  Undir þessum lið var m.a. rætt um forvarnir og var skólastjóri grunnskólans gestur undir þeim lið. Grunnskólinn mun taka undir boð forvarnafulltrúa FSN um að sameinast um að fá fyrirlesara í heimsókn, fyrir nemendur FSN og nemendur á unglingastigi grunnskólans.
  
  Bókun fundar Til máls tóku JÓK, UÞS og BÁ.
  
• 7.2 1810006 Samskipti og kynning íþróttafélaga hjá íþr. og æskulýðsnefnd
  Íþrótta- og æskulýðsnefnd - 88 Fyrirhugaður er fundur nefnda bæjarins með félagasamtökum í íþrótta-, félags- og menningarstarfi. Rætt um framkvæmd, en unnið er að undirbúningi.
  
  Bókun fundar Til máls tóku JÓK, GS og BÁ.
  
  
• 7.3 1902015 Sumarnámskeið fyrir börn 2019
  Íþrótta- og æskulýðsnefnd - 88 Rætt um fyrirkomulag á sumarnámskeiðum fyrir börn og nýbreytni í framkvæmd þeirra.
  Nefndin leggur til að í ár verði námskeið í tvær vikur eftir skólalok, þ.e. 3. -14. júní, og tvær vikur í ágúst, þ.e. 6. til 14. ágúst. Æskilegt er að námskeið séu bæði fyrir og eftir hádegi, þ.e. frá 9-12 og 13-16.
  Nefndin leggur til eftirfarandi hugmyndir sem vinna mætti með:
  - Leitast verði við að hafa námskeiðin fjölbreytt og fræðandi
  - Leitað verði eftir samvinnu við félagasamtök um aðkomu og umsjón með ákveðnum þáttum
  - Leitast verði við að finna einstaklinga sem hafa áhuga á að leggja námskeiðunum lið, t.d. með kennslu, fræðslu eða afþreyingu.
  - Ennfremur að leita eftir samstarfi við félag eldri borgara og áhugasama einstaklinga, sbr. umræður fundarins - til nánari útfærslu.
  
  Bæjarstjóri sjái um að koma undirbúningi af stað.
  
  Bókun fundar Til máls tóku JÓK, HK og GS.
  
• 7.4 1808016 Endurskoðun fjölskyldustefnu Grundarfjarðarbæjar
  Íþrótta- og æskulýðsnefnd - 88 Áframhaldandi umræða varð um áherslur og skilaboð nefndarinnar við endurskoðun fjölskyldustefnu. Rætt var um forvarnir í víðu samhengi, um gæði í samfélagi, mikilvægi þess að kynslóðir eigi samskipti og miðli hver til annarrar, um að allir hafi hlutverk í samfélaginu, o.fl. Efnið mun nýtast við undirbúning fundar með félagasamtökum og inní frekari umræðu um fjölskyldustefnu.
  
  Bókun fundar Til máls tóku JÓK, UÞS og BÁ.
  
• 7.5 1901008 SSV - Velferðarstefna Vesturlands
  Íþrótta- og æskulýðsnefnd - 88 Drög að velferðarstefnu Vesturlands eru í kynningar- og umsagnarferli hjá sveitarfélögum á Vesturlandi. Bæjarstjórn auglýsti drögin og bauð uppá umsagnir eða ábendingar.
  Nefndin hefur farið yfir stefnudrögin og lýsir ánægju með efni þeirra. Nefndin telur að margt í stefnudrögunum eigi samhljóm með t.d. fjölskyldustefnu Grundarfjarðarbæjar og markmiðum nefndarinnar, t.d. hvað varðar forvarnir. Ýmis markmið og leiðir í stefnunni nýtist því vel í starfi íþrótta- og æskulýðsnefndar. Nefndin mun fylgjast með framhaldinu og nýta sér stefnuna þegar hún verður fullbúin.
  
  
• 7.6 1902013 ÍSÍ - Viðburðir 2019
  Íþrótta- og æskulýðsnefnd - 88 Lagt fram til kynningar og rætt yfirlit ÍSÍ og UMFÍ 2019 um viðburði sem ýta undir hreyfingu almennings.
  
  
• 7.7 1902014 HSH - Verndum þau, námskeið 13. feb. 2019
  Íþrótta- og æskulýðsnefnd - 88 Lagt fram til kynningar boð um þátttöku á námskeiði fyrir fólk sem vinnur með börnum, þann 13. febrúar nk. í húsnæði FSN.
  
  
• 7.8 1901018 Ráðstefna um ofbeldi í íþróttum 30. janúar
  Íþrótta- og æskulýðsnefnd - 88 Lagt fram til kynningar.
  

Málsnúmer 1902019Vakta málsnúmer

Málsnúmer 1902020Vakta málsnúmer

Málsnúmer 1902021Vakta málsnúmer

Málsnúmer 1901008Vakta málsnúmer

Málsnúmer 1902016Vakta málsnúmer

Málsnúmer 1902023Vakta málsnúmer

Málsnúmer 1808016Vakta málsnúmer

Málsnúmer 1902022Vakta málsnúmer

Málsnúmer 1901039Vakta málsnúmer

Málsnúmer 1902004Vakta málsnúmer

Málsnúmer 1901042Vakta málsnúmer

Málsnúmer 1901043Vakta málsnúmer

Málsnúmer 1901044Vakta málsnúmer

Málsnúmer 1902005Vakta málsnúmer

Málsnúmer 1901020Vakta málsnúmer