Bæjarstjórn

Málsnúmer 2005015Vakta málsnúmer

Málsnúmer 1808018Vakta málsnúmer

Málsnúmer 1808012Vakta málsnúmer

Málsnúmer 1808013Vakta málsnúmer

Málsnúmer 2002002FVakta málsnúmer

• 5.1 1901030 Hafnargerð 2019-2020, Lenging Norðurgarðs
  Hafnarstjórn - 9 Hafnarstjóri fór yfir stöðu framkvæmda og rætt var um næstu áfanga.
  
  Framkvæmdir við lengingu Norðurgarðs; keyrsla á görðum hefur gengið mjög vel, en rekstur stálþils hefur gengið erfiðlega vegna óhagstæðs veðurfars síðustu vikurnar.
  
  Framkvæmdir við gerð sjóvarnar á hafnarsvæði, austan við Nesveg, sem einnig er í gangi, hefur gengið vel.
  
  Ofangreindir áfangar halda áfram, í samræmi við gerða verksamninga.
  Næsti áfangi er þekja, lagnir og raforkuvirki á lengdum Norðurgarði; áætlaður tími útboðs er í maí nk.
  
  Vegna eðlis hafnarframkvæmdanna er lítið svigrúm til að breyta verkhraða, m.t.t. tekna og ástands í samfélaginu, sbr. m.a. lið nr. 3 á dagskrá fundarins.
  
• 5.2 1912017 Sjóvörn og landfylling austan Nesvegar og á Framnesi
  Hafnarstjórn - 9 Vísað til umræðu um þennan lið undir lið 1. á dagskrá fundarins.
  
  
• 5.3 1911022 Fjárhagsáætlun Grundarfjarðarhafnar 2020
  Hafnarstjórn - 9 Farið var yfir niðurstöður rekstrar og fjárfestinga árið 2019 og rekstrartölur fyrstu þrjá mánuði ársins 2020.
  
  Tekjur hafnarinnar árið 2019 voru rúmar 111 millj. kr., sem er vel yfir áætlun ársins. Gjöld eru rúmar 57 millj. kr., eða um 9 millj. kr. umfram áætlun og skýrist að mestu af auknum launakostnaði vegna meiri umsvifa hafnarinnar og viðhalds.
  Afkoma eftir afskriftir og fjármagnsliði er 46,5 millj. kr.
  Hafnarstjórn lýsir yfir ánægju með þessa niðurstöðu.
  
  Tekjur hafnarinnar fyrstu þrjá mánuði þessa árs eru nánast þær sömu og fyrstu þrjá mánuði ársins 2019. Það er ánægjulegt, þegar haft er í huga tíðarfar síðustu mánaða og ástandið í samfélaginu.
  
  Rætt var um stöðu og horfur, hvað varðar tekjur hafnarinnar 2020.
  Búast má við lækkun tekna hafnarinnar á yfirstandandi ári, einkum þá af skemmtiferðaskipum, vegna áhrifa Covid-19. Enn er þó mikil óvissa um þróun mála.
  Hafnarstjóri sagði frá því að nokkrar afbókanir hefðu þegar borist frá skipafélögum, en þær stæðu ekki í beinu sambandi við áhrif vegna Covid-19.
  
  Hafnarstjóri kynnti yfirlit um framkvæmdir, aðrar en lengingu Norðurgarðs, og viðhaldsverkefni sem brýn eru. Ástand þekju á Norðurgarði hefur farið hratt versnandi og er nú svo komið að viðgerð verður ekki slegið mikið lengur á frest. Farið yfir tölur um áætlaðan kostnað við endurbætur á þekju og á öðrum liðum, eins og t.d. þaki hafnarhúss sem er orðið brýnt að skipta um. Til nánari skoðunar og úrvinnslu hjá hafnarstjóra, tekið fyrir á næsta fundi hafnarstjórnar.
  
  
  
• 5.4 2003033 Grundarfjarðarhöfn - Leiðbeiningar fyrir hafnir vegna Covid-19
  Hafnarstjórn - 9 Grundarfjarðarhöfn er skilgreind sóttvarnarhöfn og hefur tekið þátt í samráði við landlækni.
  Lagt fram til kynningar.
  
• 5.5 2003017 Faxaflóahafnir sf. - Áríðandi skyldulesning, 06.03.20. COVID-19
  Hafnarstjórn - 9 Lagt fram til kynningar.
• 5.6 2002030 Hafnasamband Íslands - Fundargerð 419. fundar stjórnar
  Hafnarstjórn - 9 Lagt fram til kynningar.
• 5.7 2003005 Hafnasamband Íslands - Fundargerð 420. fundar stjórnar
  Hafnarstjórn - 9 Lagt fram til kynningar.
• 5.8 2003022 Fiskistofa - Góður árangur í eftirliti með skráningu á afla
  Hafnarstjórn - 9 Lagt fram til kynningar.
• 5.9 2003036 Samgöngustofa - Reglugerð um takmarkanir fyrir ferðamenn utan Schengen
  Hafnarstjórn - 9 Lagt fram til kynningar.
  
• 5.10 2003037 Hafnasamband Íslands - Upplýsingar frá Landhelgisgæslu Íslands
  Hafnarstjórn - 9 Lagt fram til kynningar.
  

Málsnúmer 2003003FVakta málsnúmer

• 6.1 2001004 Lausafjárstaða
  Bæjarráð - 544 Lagt fram yfirlit yfir lausafjárstöðu.
  
• 6.2 2002001 Greitt útsvar 2020
  Bæjarráð - 544 Lagt fram yfirlit yfir greitt úrsvar jan.-febr. 2020 og jan.-mars 2020. Skv. yfirlitinu eru útsvarsgreiðslur 1,9% lægri á fyrstu þremur mánuðum ársins í ár miðað við árið á undan.
  
• 6.3 2004027 SSV - Staða atvinnumála í Grundarfirði vegna Covid-19
  Bæjarráð - 544 Lagt fram minnisblað Samtaka sveitarfélaga á Vesturlandi (SSV) um stöðu atvinnumála í Grundarfirði vegna Covid-19 ásamt drögum að Hagvísi Vesturlands sem SSV gefur út.
  
• 6.4 2004003 Viðbrögð Grundarfjarðarbæjar vegna Covid-19
  Bæjarráð - 544 Verkstjóri áhaldahúss og umsjónarmaður fasteigna sátu fundinn undir þessum lið.
  
  Rætt um helstu skilaboð sem fram komu á fundum með fulltrúum fyrirtækja í ferðaþjónustu í síðustu viku. Jafnframt lagðar fram til kynningar hugleiðingar um stöðuna sem Marteinn Njálsson sendi í tölvupósti í framhaldi af fundinum.
  
  Bæjarstjóri sagði frá fundum og vinnu stjórnar Svæðisgarðsins Snæfellsness.
  
  Rætt um viðbragðsáætlun vegna Covid-19 og þörf á breytingum á fjárhagsáætlun 2020 hvað varðar fjárfestingar.
  
  Verkstjóri áhaldahúss kom inn á fundinn sem gestur.
  
  Farið yfir verkefni áhaldahúss, götur, umhirðu opinna svæða og grassvæða. Jafnframt rætt um mögulega uppsetningu frisby golfvallar.
  
  Farið yfir ástand gangstétta og framlagða greinargerð áhaldahúss um þær gangstéttar sem verst eru farnar. Verkstjóri áhaldahúss mun vinna áætlun vegna gangstéttaviðgerða, sem verði tekin fyrir á næsta fundi bæjarráðs.
  
  Verkstjóri áhaldahúss yfirgaf fundinn og var honum þakkað fyrir komuna.
  
  Umsjónarmaður fasteigna kom inn á fundinn sem gestur.
  
  Farið var yfir ýmsar framkvæmdir eignasjóðs.
  
  Rætt um vaðlaug, sem þörf er á að lagfæra með dúkklæðningu.
  
  Rætt um tjaldsvæði og viðhald þess. Þörf er á að setja fjármagn í að endurbæta rafmagn, hreinlætisaðstöðu/vatnsaðstöðu ferðavagna og veginn að tjaldsvæði og í gegnum það.
  
  Umsjónarmaður fasteigna yfirgaf fundinn og var honum þakkað fyrir komuna.
  
• 6.5 1909023 Fjárhagsáætlun 2020
  Bæjarráð - 544 Lögð fram fjárfestingaáætlun ársins 2020 og ræddar tillögur að breytingum og áherslum, í framhaldi af umræðum í lið 4. Einnig lögð fram kostnaðaráætlun vegna framkvæmda á tjaldsvæði og við vaðlaug, og auk þess yfirlit yfir ástand gangstétta vorið 2020. Jafnframt lagt fram vinnuskjal vegna áætlaðra breytinga á fjárhagsáætlun 2020 vegna áhrifa Covid-19.
  
  Rætt um tekjur og mögulegt tekjutap bæjar- og hafnarsjóðs árið 2020, sbr. gögn og umræðu undir lið 3 á dagskrá. Bæjarráð mun fylgjast með framvindu mála, tölum um atvinnuleysi og leggja mat á hver áhrifin verði á tekjur sveitarfélagsins. Bæjarráð mun jafnframt fylgjast náið með útgjöldum ársins og hvetur forstöðumenn til árvekni í útgjöldum.
  
  Bæjarráð leggur til við bæjarstjórn að gerður verði viðauki við fjárhagsáætlun þar sem aukið sé fé í sundlaug vegna vaðlaugar, tjaldsvæði og opin svæði vegna frisby golfvallar. Auk þess verði bætt við fjármagni til lagfæringar á gangstéttum.
  
  Samþykkt samhljóða.
  
• 6.6 2004032 Fastafl ehf. - Beiðni um afslátt gatnagerðargjalds v. lóðaúthlutunar
  Bæjarráð - 544 Lagt fram erindi Fastafls ehf. sem óskar eftir 50% afslætti af gatnagerðargjöldum á báðum lóðum sem fyrirtækið hefur fengið úthlutað, að Ölkelduvegi 29 og 31.
  
  Með tilliti til þess efnahagslega ástands sem rekja má til Covid-19, þá telur bæjarráð mikilvægt að ýta sem hægt er undir húsbyggingar. Bæjarráð leggur til við bæjarstjórn að gerð verði breyting á skilmálum/vinnureglum um úthlutun lóða með tímabundnum afslætti gatnagerðargjalda, sem samþykkt var á fundi bæjarstjórnar í febrúar sl., þess efnis að aðilum, sem hyggjast byggja og selja íbúðarhúsnæði á almennum markaði, sé gert kleyft að sækja um fleiri en eina lóð með 50% afslætti.
  
  Samþykkt samhljóða.
  Bókun fundar Bæjarstjórn samþykkir eftirfarandi breytingu á skilmálum vegna gatnagerðargjalda, lið 3, frá febrúar sl.
  
  3.
  Mögulegur fjöldi lóða
  Einstaklingi (hjón eða sambúðaraðilar talin saman) og lögaðila er heimilt að sækja um eina byggingarlóð/byggingarframkvæmd (þ.e. eitt einbýlishús, eitt parhús (2 íbúðir), eitt raðhús/ fjölbýlishús) sem afsláttur nær til.
  
  Við bætist:
  "Aðilum sem hyggjast byggja og selja íbúðarhúsnæði á almennum markaði, er þó heimilt að sækja um fleiri en eina lóð sem afsláttur nær til."
  
  Samþykkt samhljóða.
  
• 6.7 1911045 Hleðslustöð fyrir rafbíla
  Bæjarráð - 544 Í samræmi við ákvörðun bæjarstjórnar í lok ársins 2019 var auglýst eftir umsóknum um rafhleðslustöð sem bærinn fékk að gjöf.
  
  Ein umsókn barst um rafhleðslustöðuna, frá Bjargarsteini - mathúsi.
  
  Bæjarráð samþykkir samhljóða að úthluta Bjargarsteini rafhleðslustöðinni til uppsetningar og felur bæjarstjóra að gera samning þar að lútandi í samræmi við umræður á fundinum.
  
• 6.8 2004006 Jón Pétur Pétursson - Skógræktarmál, Græni trefillinn
  Bæjarráð - 544 Lagt fram erindi Jóns Péturs Péturssonar varðandi skógræktarmál ásamt gögnum varðandi staðsetningu "græna trefilsins" svokallaða.
  
  Lagt til að fulltrúum Skógræktarfélagsins verði boðið á fund bæjarráðs í maí.
  
  Samþykkt samhljóða.
  
• 6.9 2004033 Golfklúbburinn Vestarr - Ósk um viðbótarframlag
  Bæjarráð - 544 Lagt fram erindi Golfklúbbsins Vestarrs, sem óskar eftir viðbótarframlagi frá Grundarfjarðarbæ vegna lægri framlaga fyrirtækja.
  
  Bæjarráð frestar afgreiðslu erindisins til næsta fundar bæjarráðs og óskar eftir því að kannað verði með sérstök úrræði Vinnumálastofnunar vegna sumarstarfa.
  
  Bæjarstjóra og skrifstofustjóra falið að skoða málið.
  
  Samþykkt samhljóða.
  Bókun fundar Forseti vísar í lið 21 á fundinum, um sumarstörf, en af viðbótarsumarstörfum er gert ráð fyrir starfi/störfum við golfvöllinn.
  
  Forseti leggur til að kostnaður bæjarins á móti framlagi Vinnumálastofnunar með viðkomandi starfi/störfum, greiðist af Grundarfjarðarbæ.
  
  Gengið verði frá nánari samningi um þetta milli bæjarins og Vestarrs.
  
• 6.10 2004025 SSV - minnispunktar af fundi með þingmönnum og ráðherrum v. Covid-19
  Bæjarráð - 544 Lagt fram til kynningar minnisblað SSV frá fjarfundi stjórnar SSV með þingmönnum Norðvesturkjördæmis og framkvæmdastjórum sveitarfélaga á Vesturlandi, sem fór fram 14. apríl sl.
  
• 6.11 2004034 SSV - Minnisblað um fund 24.04.2020 með Vinnumálastofnun og Símenntunarmiðstöð
  Bæjarráð - 544 Lagt fram til kynningar minnisblað frá fjarfundi um stöðu vinnumarkaðar á Vesturlandi sem haldinn var með fulltrúum Vinnumálastofnunar, Markaðsstofu Vesturlands og Samtökum sveitarfélaga á Vesturlandi þann 24. apríl sl.
  
• 6.12 2003028 Samhæfingarstöð almannavarna - Leiðbeiningar fyrir grunnskóla, tónlistarskóla og leikskóla vegna COVID
  Bæjarráð - 544 Lagðar fram til kynningar leiðbeiningar frá Samhæfingarstöð almannavarna fyrir grunnskóla, tónlistarskóla og leikskóla vegna Covid-19 eftir frá og með 4. maí.
  
  
• 6.13 2001016 Umhverfisstofnun - Endurvinnsluhlutfall heimilisúrgangs í sveitarfélaginu
  Bæjarráð - 544 Lagt fram svarbréf Umhverfisstofnunar varðandi endurvinnsluhlutfall heimilisúrgangs í sveitarfélaginu vegna leiðréttingar á áður gefnum upplýsingum.
  
  
• 6.14 2004024 Ársskýrsla Bókasafns Grundarfjarðar 2019
  Bæjarráð - 544 Lögð fram til kynningar ársskýrsla Bókasafns Grundarfjarðar 2019.
  
  Bæjarráð þakkar skilmerkilega og góða skýrslu.
  
• 6.15 2004013 Vesturlandsstofa ehf - Til samstarfsaðila Markaðsstofu Vesturlands
  Bæjarráð - 544 Lögð fram til kynningar ýmis gögn frá Vesturlandsstofu ehf. til samstarfsaðila Markaðsstofu Vesturlands.
  
  
• 6.16 2004022 Meðbyr ehf. - Stóri plokkdagurinn 25. apríl 2020
  Bæjarráð - 544 Lögð fram til kynningar samantekt Meðbyrs ehf. varðandi árangur stóra plokkdagsins 25. apríl sl., þar sem tugir tonna af rusli voru týnd á landinu öllu.
  
  Bæjarráð þakkar Grundfirðingum fyrir góða þátttöku í átakinu.
  
• 6.17 2003043 Listvinafélag Grundarfjarðarkirkju - Ársuppgjör 2019
  Bæjarráð - 544 Lagt fram til kynningar ársuppgjör Listvinafélags Grundarfjarðarkirkju vegna ársins 2019.
  

Málsnúmer 2003004FVakta málsnúmer

• 7.1 1801048 Sögumiðstöðin
  Menningarnefnd - 26 Farið yfir mögulega starfsemi í Sögumiðstöð nú í sumar, en ljóst er að landslagið hefur mikið breyst hvað varðar ferðaþjónustu, vegna áhrifa af Covid-19.
  
  Ljóst er að erlendir ferðamenn munu ekki verða margir á komandi sumri/hausti. Íslendingar verða að líkindum stór hluti gesta á svæðinu, þó það muni ráðast af veðri og öðrum þáttum, hvert þeir muni sækja í sínum ferðalögum. Bæjarstjóri sagði að starfsemi í upplýsingamiðstöð muni þurfa að taka mið af því.
  
  Fyrirhugaður er fundur/fundir bæjarfulltrúa með fulltrúum fyrirtækja í ferðaþjónustu, eftir páskana. Þar verður m.a. komið inná þessi atriði.
  
  Menningarnefnd telur æskilegt að starfsemi í Sögumiðstöðinni í sumar miði að því að laða að fólk, heimafólk og gesti, með afþreyingu og viðburðum, eftir því sem hægt verður, yfir sumartímann.
  
  
• 7.2 2004007 Menningarnefnd - menning á tímum Covid-19
  Menningarnefnd - 26 Nefndin ræddi um tækifæri til að lífga upp á tilveruna, nú á tímum Covid, með menningu, list, afþreyingu og öðru.
  
  Rætt um skönnun ljósmynda, styrk Uppbyggingarsjóðs, ljósmyndun á tímum Covid-19, möguleika á streymistónleikum, listaverk í Torfabót, o.fl. Almenn umræða og hugmyndir settar á blað til úrvinnslu. Nefndarmenn munu bæta við hugmyndum í framhaldi af fundinum.
  
  
• 7.3 2003027 SSV - Menningarstarf á tímum Covid-19
  Lagður fram til kynningar tölvupóstur menningarfulltrúa SSV dags. 16. mars 2020 um menningarstarf á tímum Covid-19.
  
  Menningarnefnd - 26
• 7.4 2003040 Byggðasafn Snæfellinga - Öndvegisstyrkur úr Safnasjóði 2020
  Byggðasafn Snæfellinga og Hnappdæla fékk úthlutað Öndvegisstyrk úr safnasjóði 2020, til nýrrar sýningar í Norska húsinu.
  Forstöðumaður Byggðasafnsins hefur óskað eftir tilnefningum sveitarfélaganna á svæðinu á fulltrúum í samtal vegna undirbúnings að hönnun nýrrar aðalsýningar.
  Menningarnefnd - 26 Nefndin leggur til að Eygló Jónsdóttir formaður menningarnefndar verði fulltrúi Grundarfjarðarbæjar í þetta samtal.
  
  
• 7.5 2003035 Bókasöfn - Leiðbeiningar fyrir starfsfólk vegna Covid-19
  Menningarnefnd - 26 Heilbrigðisráðuneytið gaf út viðmið um að bókasöfnum sé óheimilt að hafa opið og að snertilaus útlán væru heldur ekki heimil. Lagðar fram til kynningar leiðbeiningar um starfsemina.
  
  
• 7.6 2003041 EBÍ - Styrktarsjóður EBÍ 2020
  Menningarnefnd - 26 Nefndin ræddi hugmyndir að verkefnum og felur bæjarstjóra að taka þær hugmyndir til skoðunar.
  
  

Málsnúmer 2003006FVakta málsnúmer

• 8.1 2003025 Gröf 1 - Umsókn um byggingarleyfi
  Lögð fram umsókn um byggingarleyfi vegna sólhýsis sem viðbygging við hús að Gröf - Innri.
  Skráningartafla mun berast. Skipulags- og umhverfisnefnd - 215 Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum. Bókun fundar Til máls tóku JÓK og UÞS.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
• 8.2 2004019 Hlíðarvegur 8 - Breyting á glugga
  Lögð er fram umsókn vegna breytingar á glugga sem snýr út að Þríhyrningi. Skipulags- og umhverfisnefnd - 215 Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
• 8.3 2004031 Borgarbraut 2 - Endurnýjun á gluggum
  Lögð er fram umsókn þar sem ætlunin er að skipta út gluggum á efri hæð. Skipulags- og umhverfisnefnd - 215 Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.4 2001026 Iðnaðar- og athafnarsvæði vestan Kvernár - Óveruleg deiliskipulagsbreyting
  Á 211. fundi skipulags- og umhverfisnefndar þann 28. janúar 2020 var tekin fyrir umsókn um byggingarleyfi vegna stækkunar á húsnæði Vélsmiðju Grundarfjarðar við Ártún, en sú framkvæmd samræmist ekki byggingarreit og krefst því óverulegrar deiliskipulagsbreytingar.
  Að ósk umsækjanda hefur Verkís unnið tillögu fyrir Grundarfjarðarbæ að óverulegri deiliskipulagsbreytingu, dagsett. 23. apríl 2020 sem felur í sér stækkun á byggingarreit.
  Skipulags- og umhverfisnefnd - 215 Skipulags- og umhverfisnefnd samþykkir óverulega deiliskipulagsbreytingu á iðnaðar- og athafnarsvæði vestan Kvernár, með vísan í 2. mgr 43. gr. skipulagslaga nr. 123/2010 og felur skipulags- og byggingarfulltrúa að grenndarkynna fyrirhugaða breytingu. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.5 2004017 Sæból 16 - Skjólbelti við lóðarmörk
  Lóðarhafi leggur fram fyrirspurn um fyrirhugaða niðursetningu á skjólbelti úr Strandavíði fyrir utan lóðarmörk norðanmegin sem snýr út að sjó. Skipulags- og umhverfisnefnd - 215 Skipulags- og umhverfisnefnd gerir ekki athugasemd við gerð skjólbeltis utan lóðarmarka neðan Sæbóls 16 en bendir á að eins og lóðarhafi tekur fram er fyrirhugaður göngustígur meðfram sjóvarnargarði og því nauðsynlegt að tryggja honum pláss. Nefndin bendir einnig á að skjólbeltið sé ávallt víkjandi ef þurfa þykir. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.6 2003023 Ölkelduvegur 19 - Fyrirspurn
  Lagðar fram fyrirspurnir vegna lóða við Ölkelduveg 19 og Fellasneið 3 er varðar framtíðaruppbyggingu svæðisins. Skipulags- og umhverfisnefnd - 215 Skipulags- og umhverfisnefnd bendir á að í gildandi aðalskipulagi bæjarins, auk aðalskipulagstillögu, má finna það sem fyrir liggur um fyrirhugaða uppbyggingu íbúðarsvæðis í Grundarfirði.
  Nefndin felur skipulags- og byggingarfulltrúa að ræða við fyrirspyrjanda. Bókun fundar Til máls tóku JÓK, GS, UÞS, BÁ og RG.
  
  Lagt til að í skilmálum fyrir afslætti gatnagerðargjalda sé bætt við einni lóð, Fellasneið 7, og að í stað nr. 3 komi 5.
  
  Samþykkt samhljóða.
  
• 8.7 2004016 Lóðarblöð vegna lóðarleigusamninga/ endurnýjun
  Lögð eru fram lóðarblöð til kynningar fyrir nefnd vegna endurnýjunar á útrunnum lóðarleigusamningum. Skipulags- og umhverfisnefnd - 215 Skipulags- og umhverfisnefnd samþykkir framlögð lóðarblöð unnin af Verkís fyrir eftirfarandi lóðir:
  Fellasneið 4, Fákafell 2, Fákafell 9, Eyrarvegur 3, Nesvegur 13, Hrannarstígur 5 og Hamrahlíð 4.
• 8.8 1905025 Rútuferðir ehf. - Umsókn um stöðuleyfi, Sólvellir 5
  Rútuferðir ehf. sækja um endurnýjun á stöðuleyfi gáma við Sólvelli 5. Skipulags- og umhverfisnefnd - 215 Skipulags- og umhverfisnefnd frestar erindinu og felur skipulags- og byggingarfulltrúa að fara í vettvangsskoðun við fyrsta tækifæri.
• 8.9 2005001 Sólvellir 6 - Lóðarblað
  Lagt fram til afgreiðslu lóðarblað fyrir Sólvelli 6 unnið af Verkís 23. mars 2020. Skipulags- og umhverfisnefnd - 215 Skipulags- og umhverfisnefnd felur skipulags- og byggingarfulltrúa að kynna húsfélagi Sólvalla 6 framlögð drög að lóðarblaði.
• 8.10 1902034 Stöðuleyfi
  Nefndin ræddi líkt og á 198. fundi nefndarinnar 15. febrúar 2019 um gáma án stöðuleyfis og lausamuni í þéttbýli Grundarfjarðar.
  Skipulags- og umhverfisnefnd - 215 Skipulags- og umhverfisnefnd felur skipulags- og byggingarfulltrúa að taka saman upplýsingar um gáma og lausamuni sem ekki eru með stöðuleyfi skv. gr. 2.6.1 í byggingarreglugerð nr. 112/2012.
  
  Bókun fundar Til máls tóku JÓK, GS, UÞS, HK, SÞ, BS og RG.
  
• 8.11 2004020 Grund 2 - Hótel
  Lagt fram til kynningar teikningar af fyrirhugaðri byggingu hótels í landi Grundar ásamt tillögu Alta að málsmeðferð. Skipulags- og umhverfisnefnd - 215 Lagt fram til kynningar.
  Skipulags- og byggingarfulltrúa falið að ræða við framkvæmdaraðila.
• 8.12 2003052 Matvælastofnun - Smitandi lifrardrep í kanínum
  Lagt fram til kynningar. Skipulags- og umhverfisnefnd - 215 Lagt fram til kynningar.
• 8.13 1907026 Svæði í Torfabót fyrir listaverk ofl.
  Fulltrúi skipulags- og umhverfisnefndar ásamt fulltrúa menningarnefndar áttu fund með listamanninum Liston vegna hugmynda um afmarkað svæði í Torfabót undir listaverk. Málið var einnig tekið fyrir á 201. fundi nefndarinnar þann 11. júlí 2019. Skipulags- og umhverfisnefnd - 215 Skipulags- og umhverfisnefnd tekur vel í erindið og felur skipulags- og byggingarfulltrúa að afmarka svæði í Torfabót í samræmi við framkomnar óskir menningarnefndar.
  Nefndin leggur áherslu á við menningarnefnd að tryggt verði að svæðið verði ávallt snyrtilegt, öruggt og að listaverkin séu víkjandi ef til þess kæmi.

Málsnúmer 2004003Vakta málsnúmer

Málsnúmer 1909023Vakta málsnúmer

Málsnúmer 2005017Vakta málsnúmer

Málsnúmer 2005005Vakta málsnúmer

Málsnúmer 2004010Vakta málsnúmer

Málsnúmer 2002023Vakta málsnúmer

Málsnúmer 2004029Vakta málsnúmer

Málsnúmer 2003051Vakta málsnúmer

Málsnúmer 2005016Vakta málsnúmer

Málsnúmer 2004021Vakta málsnúmer

Málsnúmer 2005008Vakta málsnúmer

Málsnúmer 2005009Vakta málsnúmer

Málsnúmer 2005018Vakta málsnúmer