Bæjarstjórn

Málsnúmer 1702015Vakta málsnúmer

Málsnúmer 1808018Vakta málsnúmer

Málsnúmer 1808012Vakta málsnúmer

Málsnúmer 1808013Vakta málsnúmer

Málsnúmer 2102005FVakta málsnúmer

• 5.1 2101039 Lausafjárstaða 2021
  Bæjarráð - 564 Lagt fram yfirlit yfir lausafjárstöðu.
  
• 5.2 2101005 Greitt útsvar 2021
  Bæjarráð - 564 Lagt fram yfirlit yfir greitt útsvar í janúar 2021. Skv. yfirlitinu er greitt útsvar 45,4% hærra en í janúar 2020. Fram hefur komið sú skýring að Fjársýsla ríkisins hafi tvígreitt greiðslur sem greiddar voru í desember 2020, sem aftur var vangreitt útsvar á árinu 2020.
  
  Bæjarstjóri hefur leitað skýringa og sent til Fjársýslunnar bókanir bæjarráðs frá því í janúar og bæjarstjórnar í febrúar sl. um útsvarsgreiðslur. Vænta má svars Fjársýslunnar fljótlega.
  
• 5.3 2012003 Gönguvænn Grundarfjörður - hönnun gangstétta og stíga
  Bæjarráð - 564 Lagðar fram tillögur sem Alta hefur unnið fyrir Grundarfjarðarbæ að rýmum í "götukassa", þ.e. svæði fyrir gangstéttar og hjólreiðastíga og svæðis fyrir aðra fararmáta, s.s. rafknúin hjól, rafskutlur o.fl. Einnig framsetning á stígum út fyrir bæinn, í samræmi við viðræður bæjarstjóra við Vegagerðina.
  
  Farið var ítarlega yfir tillögurnar og lagðar grófar línur um forgangsröðun vegna undirbúnings og kostnaðargreiningar framkvæmda sem bæjarstjóri og skipulags- og byggingafulltrúi vinna nú að.
  
  Til áframhaldandi úrvinnslu.
  
  
• 5.4 2002018 Íslenska gámafélagið ehf. - Viðræður
  Bæjarráð - 564 Jón Frantzson og Gunnar Jónsson frá Íslenska gámafélaginu ehf. (ÍGF) sátu fundinn undir þessum lið.
  
  Lagður fram sorphirðusamningur frá 1. september 2016 ásamt yfirliti um kostnað við sorphirðu síðustu 10 ár.
  
  Umræður við Jón og Gunnar um ýmis mál sem snerta sorphirðu í Grundarfirði. Bæjarráð vill hvetja íbúa til frekari flokkunar á sorpi. Rætt um aukna kynningu á flokkun. Fulltrúar ÍG munu koma með tillögur hvernig draga megi úr kostnaði bæjarins vegna gámastöðvar og sorphirðu.
  
  Jóni og Gunnari var þökkuð koman á fundinn.
  Bókun fundar Allir tóku til máls.
  
• 5.5 2011052 Sameiginlegt embætti skipulags- og byggingarfulltrúa á Snæfellsnesi
  Bæjarráð - 564 Lögð fram drög að samstarfssamningi Grundarfjarðarbæjar, Eyja- og Miklaholtshrepps, Helgafellssveitar og Stykkishólmsbæjar um sameiginlegt embætti skipulags- og byggingafulltrúa. Ekki er gert ráð fyrir að stofna sérstakt byggðasamlag um starfsemina, heldur gert ráð fyrir að starfsmenn verði ráðnir beint, hjá Grundarfjarðarbæ og Stykkishólmsbæ.
  
  Skipulagsfulltrúi og byggingarfulltrúi fari ennfremur með yfirstjórn verklegra framkvæmda/eignaumsjónar hjá sveitarfélögunum, eins og falist hefur síðustu árin í starfi skipulags- og byggingarfulltrúa þeirra.
  
  Gert er ráð fyrir að starfsmenn hafi fasta viðveru á bæjarskrifstofum í Grundarfirði og Stykkishólmi og viðveru eftir nánara samkomulagi, mögulega fasta, í hinum sveitarfélögunum tveimur.
  
  Áfram verði hvert sveitarfélag með sína skipulagsnefnd/byggingarnefnd, en að gjaldskrár byggingarmála og tengdrar þjónustu verði samræmdar og verði eins hjá sveitarfélögunum fjórum.
  
  Gert er ráð fyrir þremur stöðugildum alls, þ.e. byggingarfulltrúa, sem jafnframt verði sviðsstjóri, skipulagsfulltrúa og tveimur 50% stöðugildum aðstoðarmanna.
  
  Unnið hefur verið að undirbúningi og samningsdrög útbúin, með aðstoð rekstrarráðgjafa og lögmanns. Mánudaginn 15. febrúar sl. var haldinn fjarfundur til kynningar á samningsdrögunum fyrir fulltrúum þessara sveitarfélaga.
  
  Stefnt er að því að auglýsa starf sviðsstjóra/byggingarfulltrúa í byrjun marsmánaðar.
  
  Bæjarráð samþykkir samhljóða fyrirliggjandi drög fyrir sitt leyti og að störfin verði auglýst.
  
• 5.6 2011055 Grundarfjarðarbær - Opinber birting gagna með fundargerðum
  Bæjarráð - 564 Lagðar fram reglur nokkurra sveitarfélaga um birtingu gagna með fundargerðum á vef. Jafnframt lögð fram drög að reglum Grundarfjarðarbæjar um birtingu gagna með fundargerðum á vef Grundarfjarðarbæjar.
  
  Bæjarráð samþykkir samhljóða fyrirliggjandi drög að reglum, sem lagðar verða fyrir bæjarstjórn á næsta fundi, í mars.
  
• 5.7 2102025 Fellaskjól - Bréf til bæjarráðs - Matur í sumar, framkvæmdir o.fl
  Bæjarráð - 564 Lagt fram bréf Hildar Sæmundsdóttur dags. 9. febrúar sl. fyrir hönd stjórnar Fellaskjóls um heimsendingar á mat á komandi sumri og um framkvæmdaþarfir heimilisins.
  
  Í erindinu kom m.a. fram að Fellaskjól hefur ekki tök á því að sjá um heimsendingu matarskammta fyrir eldri borgara meðan starfsfólk heimilisins er í sumarfríi, eða frá 15. maí og út sumarleyfistímann. Lagt til að heimsending á mat verði á höndum bæjarins þetta tímabil.
  
  Samþykkt samhljóða.
  
  Jafnframt eru nefndar í bréfinu helstu framkvæmdaþarfir heimilisins, óskað er eftir upplýsingum um lóðamörk og aðstoð bæjarins við umhirðu lóðar.
  
  Fram kom hjá bæjarstjóra að hún hefði óskað eftir því við skipulags- og byggingafulltrúa að hann tæki til afgreiðslu beiðni Fellaskjóls í þessu erindi um uppmælingu og afmörkun lóðar.
  
  Bæjarráð óskar eftir fundi með fulltrúum Fellaskjóls í marsmánuði nk. til umræðu um málefni heimilisins. Óskað er eftir að þá liggi fyrir gögn um mörk lóðar.
  
  Samþykkt samhljóða.
  
• 5.8 2009050 Grundarfjarðarbær - Eigið eldvarnareftirlit - forvarnarsamstarf
  Bæjarráð - 564 Lögð fram Eldvarnastefna Grundarfjarðarbæjar til samþykktar. Stefnan er hluti af verkefni sem unnið er í samstarfi við VÍS og sem hluti af samningi um vátryggingar sveitarfélagsins, eftir síðasta útboð. Verkefnið felst í því að auka eigið eldvarnaeftirlit á stofnunum bæjarins og fræðslu fyrir starfsfólk.
  
  Bæjarráð samþykkir samhljóða fyrirliggjandi tillögu um eldvarnastefnu.
  
  Bókun fundar Bæjarstjórn fagnar framkominni eldvarnarstefnu og samþykkir hana.
  
• 5.9 2008024 Ölkelduvegur 9, íbúð 102
  Bæjarráð - 564 Íbúð 102 að Ölkelduvegi 9 sem er í eigu Leigufélagsins Bríetar hefur staðið auð síðan í nóvember sl., en verið auglýst reglulega til útleigu.
  
  Umsókn hefur borist um íbúðina. Skrifstofustjóra falið að ganga frá leigusamningi.
  
  Samþykkt samhljóða.
  
  
• 5.10 2102023 Félags- og skólaþjónusta Snæfellinga - Nýtt geðheilsuteymi fyrir fólk með þroskahömlun og skyldar raskanir
  Bæjarráð - 564 Lagður fram til kynningar tölvupóstur frá Félags- og skólaþjónustu Snæfellinga (FSS) með upplýsingum um að geðheilsuteymi fyrir fólk með þroskahömlun og skyldar raskanir hafi verið stofnað, þar sem heilbrigðisráðuneytið hefur veitt Heilsugæslu höfuðborgarsvæðisins 108 millj. kr. fjárframlag í eitt ár til stofnunar og reksturs geðheilsuteymis sem mun starfa á landsvísu.
  
  Félags- og skólaþjónusta Snæfellinga (FSS) annast alla þjónustu við fólk með fötlun sem búsett er í aðildarsveitarfélögum FSS, þ.e. Snæfellsbæ, Grundarfjarðarbæ, Stykkishólmsbæ, Helgafellssveit og Eyja- og Miklaholtshreppi. Tengiliðir FSS við verkefnið verða af hálfu FSS þau Jón Haukur Hilmarsson, ráðgjafarþroskaþjálfi og fagstjóri þjónustu við fólk með fötlun, og Ingveldur Eyþórsdóttir, yfirfélagsráðgjafi.
  
  
• 5.11 2102019 Samband íslenskra sveitarfélaga - Heimsmarkmiðin
  Bæjarráð - 564 Lagður fram til kynningar tölvupóstur Sambands íslenskra sveitarfélaga um heimsmarkmiðin, ásamt minnisblaði um fund í vinnuhópi um heimsmarkmiðin sem haldinn var 25. nóvember 2020.
  
• 5.12 2005031 Vinnumálastofnun - Atvinnuleysi
  Bæjarráð - 564 Lagðar fram til kynningar upplýsingar um atvinnuleysi í Grundarfirði.
  
  Skv. upplýsingum Vinnumálastofnunar sem mótteknar voru 5. febrúar sl. eru 45 íbúar án atvinnu í sveitarfélaginu. Ekki fengust upplýsingar um hversu margir þeirra eru á hlutabótum.
  

Málsnúmer 2102004FVakta málsnúmer

• 6.1 2003010 Frisbígolf
  Farið var yfir stöðuna vegna uppsetningar á frisbígolfvelli.
  
  Íþrótta- og æskulýðsnefnd - 100 Starfsmenn áhaldahúss hafa sett upp 5 körfur af þeim 9 sem tilheyra frisbígolfvelli sem búið er að skipuleggja í bænum. Til stendur að setja niður síðustu körfurnar á næstunni. Skilti með yfirlitsmynd yfir völlinn mun koma þegar allar körfurnar hafa verið settar upp.
  
  Nefndin ræddi um framkvæmdina. Nefndin óskar eftir því að yfirlitsmynd verði sett fram á vef bæjarins þegar unnt verður og að frisbígolfvöllurinn verði kynntur fyrir íbúum þegar allt verður komið upp. Bent verði á leiðbeiningar og reglur á aðgengilegum stað.
  
  Ennfremur rætt um að diskar verði aðgengilegir og fáist til leigu á góðum stað, helst sem næst tjaldsvæðinu.
  
  
• 6.2 1908016 Þríhyrningur - hugmyndir, hönnun, endurbætur
  Þríhyrningur: Staða hönnunar og undirbúningur.
  
  Gestir fundarins voru Herborg Árnadóttir arkitekt og Sigurður Valur Ásbjarnarson skipulags- og byggingarfulltrúi.
  Íþrótta- og æskulýðsnefnd - 100 Herborg fór yfir hugmyndir að nánari útfærslu þeirrar hönnunar sem nefndin hefur unnið með og áfangaskiptingu verksins. Rætt um ýmsa þætti hönnunarinnar og útfærslur, sem og framkvæmdina.
  
  Í ár eru ætlaðar 3 millj.kr. í fjárhagsáætlun í uppbyggingu Þríhyrningsins.
  Auk þess hefur fyrirtækið G.Run ánafnað fjármunum til kaupa á leiktækjum, og Uppbyggingarsjóður Vesturlands veitt styrk til að undirbúa skilti um sögu Þríhyrningsins.
  
  Fram kom að ekki þarf að skipta um jarðveg á svæðinu.
  
  Að loknum umræðum var Herborgu þakkað fyrir kynninguna og henni og Sigurði Val þakkað fyrir komuna. Viku þau hér af fundi.
  
  Nefndin setur sér fyrir eftirfarandi verkefni:
  
  * Nefndarmenn munu skoða og gera tillögur um val leiktækja á leiksvæðið
  * RDB mun skoða með plöntun trjáa, í samræði við umræður fundarins
  * Nefndin mun fara í Þríhyrning og skoða aðstæður með skipulags- og byggingarfulltrúa og verkstjóra áhaldahúss, með mótun svæðisins í huga sbr. hönnunartillögur sem unnið hefur verið með
  * Björg mun ræða við G.Run um styrkinn til leiktækja
  * Björg mun taka hugmyndir framsettar og ræddar á fundinum og leggja drög að kostnaðarútreikningum framkvæmdar - í framhaldinu verður endanlega ákveðin áfangaskipting
  * IEB og RDB munu ræða við fulltrúa Kvenfélagsins sem hefur sýnt áhuga á að koma að plöntun villigróðurs í garðinn
  * Nefndarmenn munu leita fyrir sér með hönnun á skilti, í samræmi við umræður fundarins
  * Nefndarmenn munu leita til bæjarbúa og annarra sem til þekkja, eftir upplýsingum, minningum og heimildum (t.d. ljósmyndum) um sögu Þríhyrningsins. Auglýst verður opinberlega eftir þessu.
  
  Vinna þarf betur að hugmyndum um lýsingu í garðinum.
  Hönnun og tillögur um Þríhyrninginn verða kynntar fyrir nágrönnum og íbúum á Teams fljótlega.
  
  
• 6.3 2009030 Íþróttamaður Grundarfjarðar 2020
  Ákvörðun nefndarinnar í lok síðasta árs var að velja ekki íþróttamann Grundarfjarðar 2020, þar sem íþróttastarf var í lágmarki vegna Covid-19 á árinu. Íþróttafélög gátu haldið úti mismiklu starfi; æfingum og keppnum og því var þetta ákveðið.
  
  Í framhaldinu var ákveðið að heiðra í staðinn einstaklinga og/eða jafnvel fyrirtæki sem gert hafa mikið fyrir íþróttastarf.
  
  Íþrótta- og æskulýðsnefnd - 100 Nefndin ræddi og mótaði hugmynd um að heiðra einstaklinga sem hafa lagt mikið af mörkum í starfi í baklandi íþrótta- og æskulýðsfélaga.
  Hugmyndin sett á blað og bæjarstjóra falið að senda til umsagnar hjá íþrótta- og æskulýðsfélögum og gefa 10-14 daga, ef einhverjar athugasemdir eru við útfærsluna.
  
  Stefnt verði að því að veita viðurkenningar/þakkir á Sumardaginn fyrsta.
  
• 6.4 1810006 Samskipti og kynning íþróttafélaga hjá íþr. og æskulýðsnefnd
  Framhald umræðu nefndarinnar um samtal við fulltrúa íþróttafélaga og æskulýðssamtaka.
  Íþrótta- og æskulýðsnefnd - 100 Nefndin hafði áður fengið fulltrúa UMFG inná fund til sín. Í tengslum við vinnu bæjarins að stefnumótun sem fram fór 2019-2020 var haldinn fundur með íþróttafélögum. Til hefur staðið að óska eftir fundi með fleiri félögum.
  
  Nefndin mun óska eftir sameiginlegum fundi með íþróttafélögum og æskulýðssamtökum.
  
  Bæjarstjóra falið að stilla upp fyrirkomulagi á fundi, í samræmi við umræður fundarins. Gert verði ráð fyrir kynningum af hálfu félaganna og umræðum á eftir, út frá fyrirfram mótuðum spurningum.
  
  Fundur verði haldinn um eða uppúr miðjum mars, dagsetning til nánari skoðunar. Leitað verði til félaganna um heppilega dagsetningu.
  
  
• 6.5 1810008 Markmið íþrótta- og æskulýðsnefndar
  Rætt um fræðslumál fyrir ungt fólk. Íþrótta- og æskulýðsnefnd - 100 Ragnheiður Dröfn sagði frá því að nýstofnað væri "Hinsegin Vesturland" sem hefur það að markmiði að fræða unglinga/ungt fólk út frá þeim útgangspunkti að vinna gegn fordómum og að ungt fólk eigi að "þora að vera það sjálft".
  
  Einnig er vefurinnn otila.is (Hinsegin frá Ö til A) með margvíslegri fræðslu.
  
  Rætt um þörf fyrir fræðslu og að vinna gegn fordómum.
  
  --
  Ragnheiður sagði frá starfi félagsmiðstöðvarinnar Eden, sem hún stýrir.
  
  Til stendur að halda söngkeppnina SamVest (félagsmiðstöðvar á Vesturlandi) í Grundarfirði 15. apríl nk. Félagsmiðstöðvarnar í Grundarfirði og Stykkishólmi standa saman að þeim undirbúningi.
  
  Nýir sófar eru komnir í sameiginlegt rými á unglingastigi í grunnskólanum. Rýmið er nú að hluta til nýtt fyrir starf félagsmiðstöðvarinnar.
  
  
  
  
• 6.6 2102017 Þróun öryggisnámskeiða fyrir vinnuskóla
  Vís bauð Grundarfjarðarbæ að taka þátt í þróun öryggisnámskeiða fyrir vinnuskóla. Tveir kennarar við Keili sjá um þá vinnu, í samstarfi við VÍS.
  
  Íþrótta- og æskulýðsnefnd - 100 Bæjarstjóri sagði frá verkefni sem farið er af stað þar sem Grundarfjarðarbær tekur þátt í þróun námskeiða sem verða í boði fyrir vinnuskóla sveitarfélaganna.
  
  

Málsnúmer 2102003FVakta málsnúmer

• 7.1 2102015 Ártún 3 - byggingarleyfi viðbót 2021
  Vélsmiðja Grundarfjarðar ehf., óskar eftir leyfi til þess að byggja við húsið enn frekar. Um er að ræða stækkun til suðurs. Skipulags- og umhverfisnefnd - 225 Skipulags- og byggingarfulltrúi gerir ekki athugasemd við beiðni um stækkun á húsnæði Vélsmiðju Grundarfjarðar, umrædd framkvæmd fellur innan byggingarreits. Bent er á að nýtingarhlutfall lóðar er 0,3 og skal ekki fara fram úr því.
  
  Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð nr. 112/2012 með síðari breytingum.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.2 2102016 Nesvegur 4a - Breyting á deiliskipulagi
  G. Run hf. leggur fram beiðni um breytingu á gildandi deiliskipulagi á hafnarsvæði austan Nesvegar, þ.e. á lóð við Nesveg 4a.
  Óskað er eftir stækkun á byggingarreit ásamt því að lagðar eru fram teikningar af fyrirhugaðri byggingu.
  Á lóðinni stóð áður hús sem nú hefur verið rifið. Skipulags- og umhverfisnefnd - 225 Skipulags- og umhverfisnefnd samþykkir framlagaða tillögu að óverulegri deiliskipulagsbreytingu á Nesvegi 4a og felur byggingarfulltrúa að grenndarkynna hana í samræmi við 44. gr. skipulagslaga nr. 123/2010.
  
  Skipulags- og umhverfisnefnd felur byggingarfulltrúa að grenndarkynna óverulega deiliskipulagsbreytingu til eftirfarandi aðila: Nesveg 4, Nesveg 4b, Norðurgarður D og Norðurgarður C.
  
  Einnig er óskað eftir áliti Hafnarstjórnar Grundarfjarðarbæjar þar sem um er að ræða hafnsækna starfsemi. Bókun fundar RG vék af fundi undir þessum lið.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
  RG tók aftur sæti sitt á fundinum.
  
• 7.3 2003015 Deiliskipulag Ölkeldudals, breyting
  Lögð fram tillaga að (óverulegri) breytingu á deiliskipulagi Ölkeldudals.
  Breyting nær til lóða nr. 21, 23, 25, 27 og 29-31 við Ölkelduveg.
  Tillaga að breytingu vegna 29-31 er að beiðni lóðarhafa, en aðrar breytingar að frumkvæði bæjarins er varða færslu á göngustíg og stækkun lóða nr. 21 og 23.
  Skipulags- og umhverfisnefnd - 225 Skipulags- og umhverfisnefnd samþykkir framlagaða tillögu að óverulegri deiliskipulagsbreytingu í Ölkeldudal og felur byggingarfulltrúa að grenndarkynna hana í samræmi við 44. gr. skipulagslaga nr. 123/2010.
  
  Skipulags- og umhverfisnefnd felur byggingarfulltrúa að grenndarkynna óverulega deiliskipulagsbreytingu til eftirfarandi aðila: Lóðarhafar við Ölkelduveg nr. 21, 23, 25, 27 ásamt lóðarhöfum við Hrannarstíg 28 - 40. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.4 2101036 Fellabrekka 5 - Umsókn um byggingarleyfi
  Á 224. fundi skipulags- og umhverfisnefndar fól hún byggingarfulltrúa að grenndarkynna fyrirhugaða byggingarframkvæmd að Fellabrekku 5 til nærliggjandi lóðarhafa eða þeirra sem gætu átt hagsmuna að gæta, sbr. 44. gr. skipulagslaga nr. 123/2010. Um er að ræða eigendur að Fellabrekku 3 og Hellnafelli 2 og 4. Einnig var fyrirhuguð framkvæmd auglýst á heimasíðu bæjarins. Skipulags- og umhverfisnefnd - 225 Í samræmi við 44. gr. skipulagslaga nr. 123/2010 var grenndarkynning send út 4. febrúar og frestur til athugasemda til 5. mars 2021. Þeir aðilar sem grenndarkynninguna fengu hafa nú allir skilað inn sínu samþykki v/fyrirhugaðra framkvæmda.
  
  Skipulagsnefnd er heimilt að ljúka afgreiðslu málsins þegar þeim sem fengu grenndarkynninguna hafa lýst yfir með undirritun sinni að þeir geri ekki athugasemd við fyrirhuguð áform.
  
  Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð nr. 112/2012 með síðari breytingum.
  Bókun fundar RG vék af fundi undir þessum lið.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
  RG tók aftur sæti sitt á fundinum.
  
• 7.5 2012003 Gönguvænn Grundarfjörður - hönnun gangstétta og stíga
  Fram hefur farið, fyrir bæjarstjórn, greining Alta á rými í götum (götukassar) í þéttbýli og unnar tillögur um hvernig megi koma fyrir breiðari gangstéttum og stígum fyrir hjólandi umferð, samhliða. Einnig hefur verið unnið að útfærslu á göngustígum við austanverða og vestanverða Grundargötu og að göngustíg frá þéttbýli að Kirkjufellsfossi.
  Til stendur að hafa sameiginlegan fund nefndarinnar með bæjarfulltrúum, til að kynna þessar tillögur.
  Skipulags- og umhverfisnefnd - 225 Til upplýsinga

Málsnúmer 2011055Vakta málsnúmer

Málsnúmer 1803061Vakta málsnúmer

Málsnúmer 2103013Vakta málsnúmer

Málsnúmer 2103014Vakta málsnúmer

Málsnúmer 2102028Vakta málsnúmer

Málsnúmer 2103007Vakta málsnúmer

Málsnúmer 2103009Vakta málsnúmer

Málsnúmer 2102022Vakta málsnúmer

Málsnúmer 2101034Vakta málsnúmer

Málsnúmer 2103004Vakta málsnúmer

Málsnúmer 2103005Vakta málsnúmer

Málsnúmer 2103010Vakta málsnúmer

Málsnúmer 2102039Vakta málsnúmer

Málsnúmer 2103006Vakta málsnúmer