Bæjarstjórn

Málsnúmer 1808018Vakta málsnúmer

Málsnúmer 1808012Vakta málsnúmer

Málsnúmer 1808013Vakta málsnúmer

Málsnúmer 2011005FVakta málsnúmer

• 4.1 2001004 Lausafjárstaða 2020
  Bæjarráð - 561 Lagt fram yfirlit yfir lausafjárstöðu.
  
• 4.2 2002001 Greitt útsvar 2020
  Bæjarráð - 561 Lagt fram yfirlit yfir greitt útsvar fyrstu ellefu mánuði ársins ásamt uppfærðri tekjuáætlun. Skv. yfirlitinu er greitt útsvar 2,1% lægra en á sama tímabili árið 2019.
  
• 4.3 2011039 Stígamót - Beiðni um framlag til Stígamóta 2020
  Bæjarráð - 561 Lagt fram bréf frá Stígamótum dags. 9. nóvember sl., þar sem óskað er eftir fjárstuðningi.
  
  Bæjarráð getur því miður ekki orðið við erindinu.
  
  Samþykkt samhljóða.
  
• 4.4 2009045 Fjárhagsáætlun 2021
  Bæjarráð - 561 Farið yfir fjárfestingaáætlun ársins 2021.
  
  Bæjarráð vísar tillögu að fjárfestingaáætlun ársins 2021 til annarrar umræðu í bæjarstjórn.
  
  Samþykkt samhljóða.
  
• 4.5 2012003 Gönguvænn Grundarfjörður - hönnun gangstétta og stíga
  Bæjarráð - 561 Herborg Árnadóttir hjá Alta sat fundinn undir þessum lið.
  
  Farið yfir stöðu vinnunnar við hönnun gangstétta og stíga. Herborg sýndi glærukynningu með hugmyndum og tillögum sem nýtast við forgangsröðun verkþátta.
  
  Bæjarráð leggur til að verkþættir verði kostnaðarmetnir. Bæjarstjóra falið að láta kostnaðarmeta verkþætti verkefnisins.
  
  Samþykkt samhljóða.
  
• 4.6 2009046 Grundarfjarðarbær - stytting vinnuvikunnar skv. kjarasamningum
  Bæjarráð - 561 Ragnheiður Agnarsdóttir sat fundinn undir þessum lið.
  
  Hún fór yfir stöðu vinnu við styttingu vinnuvikunnar. Bæjarráði gerð grein fyrir þeirri vinnu sem fram hefur farið í vinnutímanefndinni, en í henni sitja fulltrúar starfsfólks og vinnuveitanda.
  
  Bæjarstjóra og skrifstofustjóra falið umboð til að vinna áfram fyrir hönd bæjarins að þessu verkefni.
  
  Niðurstaða atkvæðagreiðslu starfsfólks um tillögurnar verður síðan lögð fyrir bæjarstjórn til samþykktar.
  
  Samþykkt samhljóða.
  
• 4.7 1910006 Grunnskóli og íþróttamannvirki - Orkuskipti
  Bæjarráð - 561 Farið yfir erindi frá Eflu, verkfræðistofu, um varmaskiptaverkefnið. Styrkur hefur fengist úr Orkusjóði til að leggja af olíukyndingu í grunnskóla, íþróttahúsi og sundlaug.
  
  Bæjarstjóra falið að semja við Eflu um aðstoð við vinnuna.
  
  Samþykkt samhljóða.
  Bókun fundar Til máls tóku JÓK, GS, BÁ og SÞ.
  
• 4.8 1506017 Orkuveita Reykjavíkur
  Bæjarráð - 561 Lögð fram eldri gögn og þau síðustu vegna samskipta við Orkuveitu Reykjavíkur vegna samnings við Grundarfjarðarbæ frá árinu 2005.
  
  Fram kom á bæjarstjórnarfundi þann 26. nóvember sl. að forseti bæjarstjórnar og bæjarstjóri hefðu rætt við lögmann bæjarins vegna málsins. Farið yfir stöðu og næstu skref.
  
  Bæjarráð mun taka málið áfram í upphafi nýs árs.
  
  Samþykkt samhljóða.
  
• 4.9 2011052 Sameiginlegt embætti skipulags- og byggingarfulltrúa á Snæfellsnesi
  Bæjarráð - 561 Lögð fram undirbúningsgögn og drög að skýrslu HLH ehf., sem unnið er að fyrir Grundarfjarðarbæ, Stykkishólmsbæ, Helgafellssveit og Eyja- og Miklaholtshrepp.
  
  Lagt til að bæjarstjóra sé falið að vinna áfram að undirbúningi. Skýrsla HLH ehf. verði lögð fyrir bæjarráð/bæjarstjórn þegar hún verður fullbúin.
  
  Samþykkt samhljóða.
  
• 4.10 2011055 Grundarfjarðarbær - Opinber birting gagna með fundargerðum
  Bæjarráð - 561 Rætt um setningu vinnureglna sveitarfélaga varðandi opinbera birtingu gagna með fundargerðum.
  
  Lagt til að skrifstofustjóra verði falið að afla vinnureglna hjá öðrum sveitarfélögum fyrir janúarfund bæjarráðs.
  
  Samþykkt samhljóða.
  
• 4.11 2011051 Byggðasamlag Snæfellinga - Fundur í stjórn Byggðasamlags 23.11.2020
  Bæjarráð - 561 Lagðar fram til kynningar fjárhagsáætlanir 2021 vegna Norska hússins, Earth Check verkefnisins og persónuverndarfulltrúa, sem lagðar voru fram á fundi stjórnar Byggðasamlags Snæfellinga 23. nóvember sl.
  
• 4.12 2011034 Sorpurðun Vesturlands hf. - Fundargerðir starfshóps um stöðu og stefnu úrgangsmála á Vesturlandi
  Bæjarráð - 561 Lagðar fram til kynningar fundargerðir starfshóps um stöðu og stefnu úrgangsmála á Vesturlandi, sem haldnir voru 28. september og 12. október sl. Jafnframt lögð fram skýrsla um matarsóun og tillögur til úrbóta.
  
• 4.13 1801048 Sögumiðstöðin
  Bæjarráð - 561 Lagður fram til kynningar undirritaður verksamningur Grundarfjarðarbæjar við Ildi ehf.
  
• 4.14 2009050 Grundarfjarðarbær - Eigið eldvarnareftirlit - forvarnarsamstarf
  Bæjarráð - 561 Lagður fram til kynningar samstarfssamningur Grundarfjarðarbæjar og Eldvarnarbandalagsins um auknar eldvarnir. Samningurinn er gerður í tengslum við endurnýjaðan samning við VÍS, eftir útboð vátrygginga.
  
• 4.15 2011037 Hesteigendafélag Grundarfjarðar - Ársreikningur 2019
  Bæjarráð - 561 Lagður fram til kynningar ársreikningur Hesteigendafélags Grundarfjarðar vegna ársins 2019.
  
• 4.16 2011057 Björgunarsveitin Klakkur - Ársreikningur 2019
  Bæjarráð - 561 Lagður fram til kynningar ársreikningur Björgunarsveitarinnar Klakks vegna ársins 2019.
  

Málsnúmer 2010001FVakta málsnúmer

• 5.1 1902012 Byggingarleyfi - Hlíðarvegur 5
  Skipulags- og umhverfisnefnd - 223 Í samræmi við 44. gr. skipulagslaga nr. 123/2010 var grenndarkynning send út 21. október og frestur til athugasemda var til 20. nóvember 2020 - engar athugasemdir bárust á umsagnartíma.
  
  Byggingarfulltrúi gaf út byggingarleyfi að lokinni grenndarkynningu að höfðu samráði við skipulags- og umhverfisnefnd.
  
  Byggingarleyfi staðfest. Bókun fundar Bæjarstjórn samþykkir samhljóða afgreiðslu umhverfis- og skipulagsnefndar.
  
• 5.2 2012001 Ölkelduvegur 23 - Byggingarleyfi
  Skipulags- og umhverfisnefnd - 223 Sótt er um byggingarleyfi fyrir nýbyggingu á Ölkelduvegi 23.
  Framlagðar teikningar falla vel inn í gildandi deiliskipulag.
  Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum. Bókun fundar Bæjarstjórn samþykkir samhljóða afgreiðslu umhverfis- og skipulagsnefndar.
  
• 5.3 1803060 Tillaga að breytingu á deiliskipulagi að Hálsi
  Skipulags- og umhverfisnefnd - 223 Máli frestað
  
  
• 5.4 2003015 Deiliskipulag Ölkeldudals, breyting
  Skipulags- og umhverfisnefnd - 223 Lögð fram til kynningar gögn frá skipulagsráðgjafa um hugsanlega breytingu á deiliskipulagi Ölkeldudals.
• 5.5 2008013 Grundargata 30 - Fyrirspurn um byggingarleyfi
  Skipulags- og umhverfisnefnd - 223 Fyrir nefndinni liggja teikningar af breytingum á efri hæð á Grundargötu 30.
  
  Nefndin hafði áður samþykkt fyrirhugaða framkvæmd á 220. fundi og leggur byggingarfulltrúi fram fullunnar teikningar til upplýsinga.
  
  Grundargata 30 er í sölu- og skiptaferli milli Grundarfjarðarbæjar og Helgrinda ehf.
  
  Þegar kaup og skipti hafa verið frágengin felur skipulags- og umhverfisnefnd skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum.
• 5.6 2012002 Grundargata 30 n.h. - Framkvæmdir
  Skipulags- og umhverfisnefnd - 223 Byggingarfulltrúa er falið að ganga frá teikningum í samræmi við núverandi notkun á húsnæði.
• 5.7 2011056 Hámarkshraði í þéttbýli - Fyrirspurn
  Skipulags- og umhverfisnefnd - 223 Byggingarfulltrúa falið að koma því á framfæri við Vegagerðina að leiðbeinandi skilti vestan við Grundarfjörð sem sýnir 50 km/h verði fjarlægt og að hámarkshraði á Kvíabryggjuafleggjara verði lækkaður til samræmis við vegaðstæður. Bókun fundar Til máls tóku JÓK, HK, BS og SÞ.
  
• 5.8 2011028 Höfnin - Viðbygging við spennistöðvarhús
  Skipulags- og umhverfisnefnd - 223 Lagt fram Bókun fundar Til máls tóku JÓK, BS, UÞS, BÁ og SÞ.
  
• 5.9 2011031 Skipulagsstofnun - Tillaga að viðauka við Landsskipulagsstefnu 2015-2026 til kynningar
  Skipulags- og umhverfisnefnd - 223 Lögð fram tillaga að viðauka við Landsskipulagsstefnu 2015-2026 ásamt umhverfismati.
  Frestur til að skila inn athugasemdum er til og með 8. janúar 2021.
  
  Afgreiðslu máls frestað til 3. janúar 2021 þar sem nefndin mun skila niðurstöðu sinni á þeim fundi.
• 5.10 2009012 Mál frá skipulags- og byggingarfulltrúa
  Skipulags- og umhverfisnefnd - 223 Byggingarfulltrúi fer yfir þær rekstrarleyfisúttektir sem hefur verið farið í. Lokaúttekt á Vélsmiðju Grundarfjarðar, Rafræna skráningu hjá hms.is.
  
  Áætlað er að fara í vettvangsskoðun í dreifbýli í samræmi við umhverfisrölt eins og farið var í innan þéttbýlis í vor.

Málsnúmer 2010003FVakta málsnúmer

• 6.1 1908016 Þríhyrningur - hugmyndir, hönnun, endurbætur
  Íþrótta- og æskulýðsnefnd - 98 Farið var yfir hönnunartillögur sem unnar hafa verið.
  Eftir síðasta fund nefndarinnar voru settar fram tillögur um uppbyggingu í Þríhyrningnum sem lagðar voru fram til kynningar á 242. fundi bæjarstjórnar þann 8. október sl.
  Tillögurnar hafa einnig verið kynntar á vef bæjarins. Sjá slóð hér:
  https://www.grundarfjordur.is/is/mannlif/vidburdir-og-utivist/uppbygging-thrihyrningsins
  
  Farið var yfir og rætt nánar um útfærslu einstakra þátta tillögunnar, s.s. um gerð leiktækja, um útfærslu útisviðs og brekku, um aðstöðu til útikennslu. Ósk er uppi um að þak verði sett yfir borð/bekki sem ætluð eru nemendum meðal annarra, þar sem það myndi auka á notagildi aðstöðunnar fyrir útikennslu.
  
  Herborg mun vinna úr umræðum fundarins. Ætlunin er að stilla upp kostnaðarmati og tillögu um forgangsröðun í uppbyggingu, þannig að velja megi heppilega áfanga til að byrja á.
  
  Herborgu var þakkað fyrir komuna á fundinn og fyrir góða yfirferð og umræður.
  Bókun fundar Bæjarstjórn þakkar Guðmundi Runólfssyni hf. fyrir veglegan styrk til leiktækjakaupa í Þríhyrningi. Styrkurinn var veittur í tilefni 100 ára fæðingarafmælis Guðmundur Runólfssonar.
  
  Til máls tóku JÓK, HK, SÞ og UÞS.
  
• 6.2 2010011 Grundarfjarðarbær - Styrkur frá G.Run vegna Þríhyrnings
  Íþrótta- og æskulýðsnefnd - 98 Í tilefni þess að 100 ár voru liðin frá fæðingu Guðmundar Runólfssonar þann 9. október sl., færðu eigendur fjölskyldufyrirtækisins Guðmundur Runólfsson hf. gjafir til góðra verkefna og félagasamtaka í bænum.
  
  Verkefni um uppbyggingu útikennslu- og fjölskyldugarðs í Þríhyrningi, á vegum Grundarfjarðarbæjar, var meðal þeirra verkefna sem hlutu fjárstyrk. Styrkurinn á að renna til kaupa á leiktækjum í Þríhyrningi fyrir unga sem aldna.
  
  Íþrótta- og æskulýðsnefnd flytur eigendum fyrirtækisins innilegar þakkir fyrir gjöfina, sem mun koma sér vel við uppbyggingu Þríhyrningsins.
  
• 6.3 2010001 Reglur um kjör íþróttamanns Grundarfjarðar - endurskoðun
  Íþrótta- og æskulýðsnefnd - 98 Íþrótta- og æskulýðsnefnd sendi íþróttafélögum í Grundarfirði póst þann 27. september sl. þar sem óskað var eftir áliti þeirra á þörf fyrir breytingar á reglum um kjör íþróttamanns Grundarfjarðar.
  
  Eftirfarandi athugasemdir bárust:
  
  Golfklúbburinn Vestarr:
  - Telur reglurnar sem slíkar mjög góðar.
  - Spurning sé með faglegt mat, með hvaða hætti mat við kosninguna eigi að fara fram. Hvað eigi að greiða mörgum atkvæði, eigi að raða í sæti við kosninguna, o.fl.
  
  Stjórn UMFG:
  - Vangaveltur um faglegt mat á tilnefningunum, hvernig það fari fram.
  - Telur að val á íþróttamanni Grundarfjarðar, undirbúningur og kosning eigi að vera alfarið í höndum íþrótta- og æskulýðsnefndar, sbr. íþróttamaður ársins sem valinn er af félagi íþróttafréttamanna, en ekki af félögunum sjálfum né íþróttasamböndum. Rök: óljóst sé hver á að tilnefna íþróttamenn hjá UMFG; er það stjórnin, þjálfarar, meistaraflokkar eða foreldraráð.
  - Gera eigi því hærra undir höfði að vera íþróttamaður Grundarfjarðar og leggja meiri vinnu í kringum undirbúning og kynningu heldur en verið hefur. Dæmi um útfærslu gæti verið að íþrótta- og æskulýðsnefnd fari og hitti t.d. þjálfara, ræði við stjórnir allra félagasamtaka, og safni t.d. 2-3 nöfnum í pottinn frá hverju félagi.
  - Þetta gefi nefndinni meiri möguleika að leggja hlutlaust mat á valið í stað þess að fulltrúar frá hverju félagi auk nefndarinnar komist að niðurstöðu.
  - Treysta eigi íþrótta- og æskulýðsnefnd til að taka bestu ákvörðunina.
  Ástæða breytinga sé sú að Grundarfjarðarbær beri ábyrgð á þessum verðlaunum/tilnefningum og bærinn eigi að ganga úr skugga um að þetta sé rétt og vel gert. Taka eigi ábyrgðina af félagasamtökum og að stjórn eins og hjá UMFG eigi ekki að svara fyrir þessa ákvörðun ár hvert.
  
  Einnig athugasemd við orðalag 2. gr.
  - Regla þar sem segir: "Viðkomandi hafi lögheimili í Grundarfjarðarbæ og sé á fimmtánda aldursári."
  - Lagfæri eigi orðalagið. Þetta hljómi eins og aðilinn verði að vera 15 ára, hvorki yngri né eldri. Mætti vera "eigi yngri en á fimmtánda aldursári" eða "á fimmtánda aldursári og eldri".
  
  ---
  Íþrótta- og æskulýðsnefnd þakkar fyrir innsendar ábendingar.
  
  Í ljósi þessara svara, og eftir umræður í nefndinni, telur íþrótta- og æskulýðsnefnd ástæðu til að gefa sér rýmri tíma í að yfirfara reglur um kjör íþróttamanns Grundarfjarðar og útfæra mögulegar breytingar. Í ár fari því kjör íþróttamanns Grundarfjarðar fram í samræmi við þær reglur sem í gildi eru.
  
  Samþykkt samhljóða.
  
  Til áframhaldandi vinnslu hjá nefndinni.
  Bókun fundar Til máls tóku JÓK, BÁ, HK, GS og UÞS.
  
• 6.4 1810008 Markmið íþrótta- og æskulýðsnefndar
  Íþrótta- og æskulýðsnefnd - 98 Rætt stuttlega um verkefni og hlutverk.
  Nefndin stefnir að því að bjóða íþróttafélögum til samtals á nýju ári.
  

Málsnúmer 2011004FVakta málsnúmer

• 7.1 2012022 Gjaldskrá Grundarfjarðarhafnar frá 1.1.2021
  Hafnarstjórn - 13 Almennt er lagt til að gjöld samkvæmt gjaldskránni færist upp um almenna áætlaða verðlagsbreytingu. Sorpgjald hækki í samræmi við aukinn kostnað við málaflokkinn. Aflagjöld eru óbreytt milli ára.
  
  Hafnarstjórn samþykkir fyrirliggjandi tillögu að gjaldskrá hafnarinnar með áorðnum breytingum og vísar henni til endanlegrar afgreiðslu í bæjarstjórn.
  
  

Málsnúmer 2010039Vakta málsnúmer

Málsnúmer 2009045Vakta málsnúmer

Málsnúmer 2005042Vakta málsnúmer

Málsnúmer 2012009Vakta málsnúmer

Málsnúmer 2012016Vakta málsnúmer

Málsnúmer 2011053Vakta málsnúmer

Málsnúmer 2011047Vakta málsnúmer

Málsnúmer 2012012Vakta málsnúmer

Málsnúmer 2012013Vakta málsnúmer

Málsnúmer 2011015Vakta málsnúmer

Málsnúmer 2012004Vakta málsnúmer

Málsnúmer 2011033Vakta málsnúmer

Málsnúmer 2012020Vakta málsnúmer

Málsnúmer 2011045Vakta málsnúmer