Gjaldskrár 2024

Lögð fram samþykkt gjaldskrá vegna ársins 2023.

Lagt fram yfirlit yfir mögulega breytingu á þjónustugjaldskrám ásamt samanburði á gjaldskrám annarra sveitarfélaga og yfirliti sem sýnir hversu stóran hlut af heildarrekstrarkostnaði notendur greiða fyrir þjónustu.

Lagðar fram uppfærðar tillögur að þjónustugjaldskrám fyrir árið 2024 ásamt samanburði við önnur sveitarfélög. Jafnframt lagt fram yfirlit yfir kostnað við skólamat.

Lagt fram yfirlit yfir tillögur bæjarráðs að þjónustugjaldskrám næsta árs ásamt yfirliti með samanburði á helstu þjónustugjaldskrám 2023 milli nokkurra nágrannasveitarfélaga og yfirliti sem sýnir hlutfall kostnaðar foreldra við skólavist barna.



Gjaldskrárbreytingar fyrir árið 2024 fela í sér að meðaltali 7,5% hækkun frá árinu 2023, en hækkunin hefur verið hófleg í mörg ár og undir raunbreytingum á vísitölu neysluverðs.

Gjaldskrá vegna sorpgjalda tekin til afgreiðslu.

Lögð fram tillaga að gjaldskrá vegna sorpgjalda og hreinsigjalds fráveitu.



Lagt fram yfirlit sem sýnir samanburð á gjaldskrám nokkurra sveitarfélaga um hreinsigjald fráveitu (rotþrær), en viðkomandi sveitarfélög leggja á árlegt hreinsigjald í dreifbýli, sem ætlað er að standa undir kostnaði við hreinsun rotþróa, sem sveitarfélögin sjá um, og fram fer á 3ja ára fresti.

Lagðar fram tillögur að viðbótarbreytingum á gjaldskrá um meðhöndlun úrgangs og gjaldskrá vegna sundlaugar.



Einnig rætt um gjaldskrár um hunda- og kattahald, þar sem lagt er til að verðbótaþætti verði bætt inn.

Lögð fram gjaldskrá fráveitu, sem bæjarstjórn samþykkti í desember sl.



Gjaldskráin er lögð fram með tillögu um orðalagsbreytingar til frekari skýringar og með breyttum tilvísunum í lög vegna lagabreytinga.

Lögð fram tillaga frá 39. fundi menningarnefndar, um viðbótarlið í gjaldskrá fyrir Sögumiðstöð, sbr. tölvupóst forstöðumanns bókasafns og menningarmála 26. apríl 2024.



Nefndin leggur til að í Gjaldskrá fyrir afnot af aðstöðu í húsnæði Grundarfjarðarbæjar, verði bætt lið fyrir útleigu vegna sýningahalds á sýningarvegg í Sögumiðstöð: 10.000 kr. fyrir 2 vikur.