Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2403005FVakta málsnúmer

• 3.1 2401026 Lausafjárstaða 2024
  Lagt fram yfirlit yfir lausafjárstöðu.
  Bæjarráð - 618
• 3.2 2402013 Greitt útsvar 2024
  Lagt fram yfirlit yfir greitt útsvar janúar-febrúar 2024. Bæjarráð - 618 Samkvæmt yfirlitinu hefur greitt útsvar hækkað um 3,8% miðað við sama tímabil í fyrra.
  
• 3.3 2401028 Sorpútboð 2023-2024 - niðurstöður og samningsmál
  Eftir yfirferð og úrvinnslu tilboða í útboði sorpþjónustu hjá Grundarfjarðarbæ og Snæfellsbæ í desember/janúar sl. var öllum tilboðum hafnað, sbr. fund bæjarstjórnar 16. febrúar sl.
  
  Nýtt hraðútboð var sett af stað, þar sem sama útboð var endurtekið með örlítið breyttum forsendum og styttri útboðsfresti en í fyrra skiptið. Möguleiki var gefinn á að samið yrði við sitthvorn bjóðandann í sveitarfélögunum tveimur.
  
  Þann 15. mars sl. voru tilboð opnuð í hraðútboðinu og er opnunarskýrsla Ríkiskaupa nú lögð fram. Ríkiskaup munu á næstu dögum senda út val tilboðs þar sem tilkynnt er að til standi að taka tilgreindum tilboðum og er það undanfari samningsgerðar.
  Bæjarráð - 618 Bæjarstjóri fór yfir niðurstöðutölur í tilboðunum.
  
  Lagt til að gengið verði til samninga við lægstbjóðanda í sorpþjónustu í Grundarfirði og að bæjarstjóra verði falið að ganga frá samningi að loknu útboðsferli Ríkiskaupa.
  
  Bæjarráð samþykkir að gengið verði til samninga við lægstbjóðanda og felur bæjarstjóra að ganga frá samningi.
  
  Samþykkt samhljóða.
  
• 3.4 2403011 Húsnæðisáætlun 2024
  Lögð fram húsnæðisáætlun 2024 til samþykktar, en bæjarstjórn veitti bæjarráði umboð til að afgreiða áætlunina.
  Bæjarráð - 618 Fyrirliggjandi húsnæðisáætlun 2024 samþykkt samhljóða.
  
• 3.5 2201007 Íbúðir við Hrannarstíg 18 og 28-40
  Íbúð að Hrannarstíg 36 hefur verið innleyst.
  
  Í skoðun er rekstur íbúða fyrir eldri borgara og ætlunin að leggja fyrir bæjarráð, í apríl, uppgjör vegna ársins 2023 og nýjan samanburð við rekstur leiguíbúða hjá nágrannasveitarfélögum. Þegar gögnin liggja fyrir mun bæjarráð taka afstöðu til þess hvernig bregðast eigi við taprekstri af íbúðunum.
  
  Þar til slík niðurstöður liggja fyrir er lagt til að hin innleysta íbúð verði ekki auglýst til úthlutunar.
  Bæjarráð - 618 Bæjarráð samþykkir að bíða með að auglýsa íbúðina til úthlutunar.
  
  Samþykkt samhljóða.
  
• 3.6 2403021 Byggðastofnun - Umsögn Grundarfjarðarbæjar v. breytingar á afgreiðslu Íslandspósts
  Þann 13. mars kynntu fulltrúar Póstsins breytingar á afgreiðslu sinni í Grundarfirði á fjarfundi með fulltrúum bæjarins.
  
  Lögð fram ýmis gögn og ósk Byggðstofnunar um umsögn bæjarins vegna boðaðra breytinga Íslandspósts á póstafgreiðslu í Grundarfirði.
  Bæjarráð - 618 Bæjarráð hefur ýmsar spurningar um þessi áform og óskar eftir öðrum fundi með fulltrúum Póstsins áður en erindi Byggðastofnunar verður svarað.
  
  Samþykkt samhljóða.
  
• 3.7 2401018 Framkvæmdir 2024
  Lögð fram tilboð sem aflað var í gjaldhlið fyrir salerni í samkomuhúsi.
  
  Bæjarráð - 618 Farið yfir tilboðin.
  
  Bæjarráð telur mikla þörf á að almenningssalerni séu opin í þéttbýli Grundarfjarðar, með góðu aðgengi og góðum opnunartíma. Þar sem slík aðstaða er ekki rekin í Grundarfirði hefur bærinn undanfarin ár tekið salernisaðstöðu samkomuhússins í slík not.
  
  Á meðan notast er við þá lausn og að fenginni reynslu, telur bæjarráð brýnt að viðhafa gjaldtöku fyrir afnot af salernunum.
  
  Bæjarráð felur bæjarstjóra að ganga frá kaupum á gjaldhliði í samkomuhúsi í samræmi við umræður á fundinum.
  
  Samþykkt samhljóða.
  
• 3.8 2309002 Fjárhagsáætlun 2024
  Lögð fram nálgun vegna endurskoðunar á gjaldskrám í tengslum við kjaraviðræður 2024.
  Bæjarráð - 618 Bæjarráð fagnar því að kjarasamningar til fjögurra ára hafi náðst á almennum vinnumarkaði og mun Grundarfjarðarbær taka þátt í þeim aðgerðum sem lagðar eru til í yfirlýsingu ríkistjórnarinnar og Sambands íslenskra sveitarfélaga. Mikilvægt er að náðst hafi niðurstaða um hóflega hækkun launa á móti aðgerðum ríkis og sveitarfélaga.
  
  Það er von bæjarráðs að samningar á opinberum markaði, sem hafa mest áhrif á launaútgjöld sveitarfélaga, verði sambærilegir við þegar gerða samninga, svo aðgerðir sveitarfélaga við lækkun gjaldskráa skili sér sem best til íbúa og hafi raunveruleg áhrif á verðbólgu og vexti til lengri tíma.
  
  Bæjarráð samþykkir framlagða tillögu um nálgun við endurskoðun gjaldskráa Grundarfjarðarbæjar, þar sem gjaldskrám hefur verið skipt í þrjá flokka. Gjaldskrár í flokki III, gjaldskrár fyrir grunnþjónustu sem hefur mikil áhrif á barnafjölskyldur, verði teknar til endurskoðunar samkvæmt framangreindu og síðan til afgreiðslu í bæjarstjórn.
  
  Bæjarstjóra og skrifstofustjóra falið að afla upplýsinga og undirbúa, í samræmi við umræður fundarins. Hvað varðar gjaldfrjálsar skólamáltíðir segir í yfirlýsingu ríkisstjórnarinnar og Sambandsins að sá liður verði útfærður í sameiningu fyrir lok maí 2024.
  
  Samþykkt samhljóða.
  
• 3.9 2403029 Stytting vinnuviku - beiðni um frekari styttingu
  Lögð fram tvö erindi frá starfsfólki og stjórnendum Leikskólans Sólvalla um frekari styttingu vinnutíma.
  Bæjarráð - 618 Bæjarráð fór yfir bréfin.
  
  Í gangi er vinna við ákvæði um styttingu vinnuvikunnar á vegum Sambands íslenskra sveitarfélaga og viðsemjenda þess. Ætlunin er að niðurstöður úr þeirri vinnu liggi fyrir á næstunni í tengslum við kjarasamningagerð.
  
  Bæjarráð vill að sú niðurstaða liggi fyrir áður en afstaða er tekin til erindanna.
  
  Samþykkt samhljóða.
  
• 3.10 2403019 Úrvinnslusjóður - Hækkun á endurgjaldi sérstakrar söfnunar 2023 og 2024
  Lagður fram til kynningar tölvupóstur Úrvinnslusjóðs, dags. 11. mars sl., um samþykkt stjórnar sjóðsins um hækkun á gjaldskrá sem þýðir að meira verður greitt fyrir endurvinnsluefni til sveitarfélagsins vegna aukinnar flokkunar.
  Bæjarráð - 618
• 3.11 2403022 BSI - Aðalskoðun leiksvæða, samþykktur verksamningur
  Lagður fram til kynningar samningur bæjarins við BSI á Íslandi ehf. um aðalskoðun leiksvæða 2024-2025.
  
  Leiksvæðin eru fjögur; grunnskóla- og íþróttahússlóð, leikskólalóð, Þríhyrningur og Hjaltalínsholt.
  
  Bæjarráð - 618
• 3.12 2403016 Alþingi - Til umsagnar 125. mál frá nefnda- og greiningarsviði
  Lagður fram til kynningar tölvupóstur nefnda- og greiningarsviðs Alþingis, dags. 15. mars sl., þar sem Umhverfis- og samgöngunefnd Alþingis sendir til umsagnar hagkvæmnisathugun á uppbyggingu Skógarstrandarvegar, 125. mál. Umsagnarfrestur er til og með 2. apríl nk.
  Bæjarráð - 618
• 3.13 2403015 Umboðsmaður barna - Bréf um hljóðvist í skólum
  Lagt fram til kynningar bréf Umboðsmanns barna, dags. 18. mars sl., um hljóðvist í skólum.
  Bæjarráð - 618
• 3.14 2402011 Landskjörstjórn - Glærur og upptaka af fundi landskjörstjórnar með yfirkjörstjórnum sveitarfélaga
  Lögð fram kynning frá fundi landskjörstjórnar með yfirkjörstjórnum sveitarfélaga þann 8. febrúar sl.
  Bæjarráð - 618
• 3.15 2403028 Listvinafélag Grundarfjarðarkirkju - Ársuppgjör 2023
  Lagt fram til kynningar ársuppgjör Listvinafélags Grundarfjarðarkirkju vegna ársins 2023.
  Bæjarráð - 618
• 3.16 2403027 Skíðadeild - Ársuppgjör 2023
  Lagt fram til kynningar ársuppgjör Skíðadeildar UMFG vegna ársins 2023.
  Bæjarráð - 618

Málsnúmer 2403007FVakta málsnúmer

• 4.1 2403018 Umsókn um byggingarheimild eða -leyfi - Grundargata 90 - Flokkur 2
  Byggingarfélagið Djúpá ehf. sækir um byggingarleyfi fyrir 300fm parhúsi á einni hæð á lóðinni Grundargötu 90. Undirstöður eru steinsteyptar ásamt gólfplötu en burðarvirki veggja og þaks eru úr timbri. Afgreiðslufundir byggingarfulltrúa - 6 Þar sem ekki er til deiliskipulag fyrir svæðið vísar byggingarfulltrúi erindinu til skipulags- og umhverfisnefndar.
• 4.2 2403017 Umsókn um byggingarheimild eða -leyfi - Grundargata 82 - Flokkur 2
  Byggingarfélagið Djúpá ehf. sækir um byggingarleyfi fyrir 300fm parhúsi á einni hæð á lóðinni Grundargötu 82. Undirstöður eru steinsteyptar ásamt gólfplötu en burðarvirki veggja og þaks eru úr timbri. Afgreiðslufundir byggingarfulltrúa - 6 Þar sem ekki er til deiliskipulag fyrir svæðið vísar byggingarfulltrúi erindinu til skipulags- og umhverfisnefndar.

Málsnúmer 2403004FVakta málsnúmer

• 5.1 2101038 Iðnaðarsvæði vestan Kvernár - tillaga að deiliskipulagi
  Á miðnætti í gær, 20. mars, rann út frestur til að skila inn athugasemdum og ábendingum vegna auglýsingar um vinnslutillögu vegna breytingar aðalskipulags í tengslum við nýtt deiliskipulag iðnaðarsvæðis vestan Kvernár.
  
  Leitað var umsagna hjá Umhverfisstofnun, Heilbrigðiseftirliti Vesturlands, Minjastofnun Íslands, Skipulagsstofnun, Rarik, Veitum, Vegagerðinni og Mílu.
  
  Lagðar fram tvær umsagnir sem bárust, þ.e. frá Minjastofnun og Heilbrigðiseftirliti Vesturlands.
  
  Skipulags- og umhverfisnefnd - 257 Ekki þarf að bregðast sérstaklega við með svörum til þeirra sem veittu umsagnir eða sendu inn athugasemdir, en höfð verður hliðsjón af þeim við áframhaldandi skipulagsvinnu.
  
  Unnið er að gerð vinnslutillögu deiliskipulagshlutans og verður hún tekin fyrir hjá nefndinni á næstunni og vinnslutillaga auglýst.
  
• 5.2 2312014 Tillaga um breytingu á deiliskipulagi Ölkeldudals
  Á miðnætti í gær, 20. mars, rann út frestur til að skila inn athugasemdum og ábendingum vegna auglýsingar á skipulagslýsingu vegna breytingar aðalskipulags og gerð deiliskipulags fyrir Ölkeldudal.
  
  Sex umsagnir bárust um breytingu aðalskipulags og sjö sem snúa að breytingu deiliskipulags, í gegnum Skipulagsgáttina þar sem aðal- og deiliskipulagstillögum er stillt upp í sitthvoru lagi.
  
  Leitað var umsagna hjá: Minjastofnun (barst), Heilbrigðiseftirliti Vesturlands (barst í tölvupósti eftir frest), Mílu (barst), Umhverfisstofnun (barst), Slökkviliði Grundarfjarðar (barst), Skipulagsstofnun (barst), Land og Skógur (barst í tölvupósti eftir frest), Veðurstofu Íslands, Snæfellsbæ (barst), Sveitarfélaginu Stykkishólmi, Rarik, Veitum, Svæðisskipulagssnefnd Snæfellsness og Náttúrustofu Vesturlands. Landsnet var ekki umsagnaraðili en skilaði inn umsögn.
  
  Auk þess lögð fram samantekt skipulagsráðgjafa um efni umsagnanna.
  
  Skipulags- og umhverfisnefnd - 257 Ekki þarf að bregðast sérstaklega við með svörum til þeirra sem veittu umsagnir eða sendu inn athugasemdir, en höfð verður hliðsjón af þeim við áframhaldandi skipulagsvinnu.
  
  Eftir umræður fundarins samþykkir skipulags- og umhverfisnefnd að deiliskipulagstillagan verði sett fram fyrir allt deiliskipulagssvæði Ölkeldudals, þannig að allar eldri breytingar verði sameinaðar í eina útgáfu. Með því yrði utanumhald auðveldað og skilmálar gerðir skýrari fyrir svæðið.
  
  Nefndin fór yfir þær hugmyndir sem verið hafa uppi um breytingar á skipulagssvæðinu. Samþykkt samhljóða að fyrir utan umrædda breytingu með nýjum íbúðarlóðum í Paimpolgarði verði einungis gerð sú efnislega breyting á öðrum hlutum skipulagssvæðisins, að lóðin við Ölkelduveg 19 verði felld út, en að lóðin Ölkelduvegur 17 verði stækkuð og nái yfir hluta af núverandi lóð nr. 19.
  
  Næstu skref er auglýsing vinnslutillögu fyrir aðalskipulagshlutann og verður sú tillaga afgreidd af nefndinni á næstunni. Síðar verður vinnslutillaga vegna deiliskipulags útbúin og auglýst.
  
  
• 5.3 2306021 Borgarbraut 17, íþróttahús tæknirými - umsókn v. deiliskipulags
  Á 250. fundi skipulags- og umhverfisnefndar var samþykkt beiðni Grundarfjarðarbæjar um undanþágu frá gr. 5.8.4 í skipulagsreglugerð nr. 90/2013 með vísun í gr. 5.8.2 "vegna mögulegrar stækkunar á tæknirými með viðbyggingu við neðri hæð íþróttamiðstöðvar um samtals 10-20 m2."
  Stækkun rýmisins var hugsuð til að koma fyrir spenni vegna tengingar við nýja heimtaug í tengslum við varmaskipti skóla- og íþróttamannvirkja.
  
  Í afgreiðslu nefndarinnar á 250. fundi var jafnframt bókaður svohljóðandi fyrirvari:
  
  "Verði síðar talið nauðsynlegt að koma spenninum fyrir annarsstaðar á lóðinni, felur nefndin umhverfis- og skipulagssviði að leysa það mál með viðeigandi aðilum innan þessarar undanþáguheimildar."
  
  Ætlunin er að koma fyrir stakstæðu húsi, 6,5 m2 að stærð, suðaustan við íþróttahúsið og bílastæðin austan við húsið, skv. fyrirliggjandi teikningu. Grundarfjarðarbær leggur nú fram, til staðfestingar, teikningu þar sem sýnd er staðsetning húss fyrir spenninn, suðaustan við íþróttahús og neðri/austari bílastæðin.
  Skipulags- og umhverfisnefnd - 257 Engin hús eða lóðir eru nærliggjandi þessu svæði og er hús fyrir spennistöð samkvæmt framangreindu ekki talið hafa grenndaráhrif sem þörf er á að taka í myndina.
  
  Skipulags- og umhverfisnefnd staðfestir fyrri afgreiðslu um undanþágu frá gr. 5.8.2 í skipulagsreglugerð nr. 90/2013 um óverulega breytingu á deiliskipulagi með vísun í gr. 5.8.4. fyrir spennistöðvarhús með nýrri staðsetningu.
  
  Nefndin veitir byggingarfulltrúa jafnframt heimild til að gefa út byggingarleyfi/byggingarheimild fyrir umræddu húsi með uppsetningu spennis og aðliggjandi lögnum, að öllum skilyrðum uppfylltum, sbr. byggingarreglugerð nr. 112/2012 m.s.br., og með fyrirvara um afgreiðslu málsins í bæjarstjórn.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.4 2211011 Skíðadeild UMFG - Þjónustuhús fyrir tjaldsvæði og skíðasvæði
  Fulltrúar Skíðadeildar (Skíðasvæði Snæfellsness) komu til viðræðna við bæjarráð á fundi 28. febrúar sl. Á þeim fundi var farið yfir hugmyndir þeirra um aðstöðuhús fyrir skíðasvæðið, rætt hvort og hvernig mætti nýta jarðvegsefni til fyllingar í brekkur svæðisins, um aðkomu að svæðinu og fleira.
  
  Í framhaldi af fundi bæjarráðs fóru skipulagsfulltrúi, íþrótta- og tómstundafulltrúi og verkstjóri áhaldahúss í vettvangsferð með fulltrúum deildarinnar og eru lagðir fram minnispunktar skipulagsfulltrúa um það samtal og auk þess uppfærðar teikningar frá Skíðasvæði Snæfellsness af aðstöðuhúsi og mögulegri staðsetningu þess.
  
  Skipulags- og umhverfisnefnd - 257 Skipulagsfulltrúi og bæjarstjóri sögðu frá samtölum við fulltrúa Skíðadeildarinnar.
  
  Rætt var um skipulag á svæðinu, m.a. með hliðsjón af umræðu síðustu vikna um breytingar á deiliskipulagi Ölkeldudals og sunnanverðu skóla- og íþróttasvæði og áhrif á nærliggjandi svæði.
  
  Skipulags- og umhverfisnefnd tekur jákvætt í hugmyndir Skíðadeildar um staðsetningu aðstöðuhúss og er skipulagsfulltrúa falið að vinna áfram að málinu með fulltrúum Skíðadeildar.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.5 2309030 Smáhýsi - Fyrirspurn um svæði fyrir byggingu smáhýsa
  Erindi áður tekið fyrir, en hefur verið til skoðunar í tengslum við heildarumræðu um skipulagsmál og um næstu skref í skipulagsvinnu sem tengist vesturhluta þéttbýlis.
  
  Skipulags- og umhverfisnefnd - 257 Skipulags- og umhverfisnefnd getur ekki mælt með útleigu svæðis eða lóða úr landi Hellnafells fyrir bústaði/smáhýsi og telur að það samrýmist ekki stefnu í aðalskipulagi. Hugmyndir eru uppi um frekari íbúðabyggð vestan við vestustu húsin við Grundargötu og hefur bæjarstjórn þegar samþykkt að farið verði í skipulagsvinnu við það, þó ekki liggi ljóst fyrir hve langt verði farið til vesturs. Að auki telur nefndin að þess sé ekki langt að bíða að huga þurfi að heildarskipulagi fyrir uppbyggingu og þróun á þessu svæði.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.6 2403026 Stækkun á aðstöðu Vestur Adventures í Torfabót
  Í gildi hefur verið endurnýjað stöðuleyfi fyrir aðstöðuhús á vegum umsækjanda í Torfabót, vegna kajakleigu sem þar er rekin. Sótt er um 13,8 m2 stækkun á þeirri aðstöðu og afmörkun 300 m2 lóðar.
  
  Skipulags- og umhverfisnefnd - 257 Umrætt svæði í Torfabót er hluti af því svæði sem yfirstandandi deiliskipulagsvinna Framness tekur til.
  
  Skipulagsfulltrúa falið að ræða við umsækjanda um áform á svæðinu, áður en lengra er haldið.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.7 2308001 Stígamál í Grundarfirði - Fjallahjólaleiðir
  Gögn lögð fram til kynningar og áframhaldandi úrvinnslu.
  
  Sagt var frá fundi sem fór fram í síðustu viku með Leifi Harðarsyni f.h. áhugamanna um fjallahjólastíga. Fundinn sátu Signý Gunnarsdóttir úr skipulags- og umhverfisnefnd, fulltrúar úr íþrótta- og tómstundanefnd og Ólafur Ólafsson íþrótta- og tómstundafulltrúi.
  
  Á fundinum var rætt um möguleika á gerð fjallahjólastíga ofan við þéttbýlið í Grundarfirði.
  Skipulags- og umhverfisnefnd - 257 Skipulags- og umhverfisnefnd tekur jákvætt í að vinna með fyrirspyrjendum um því að finna hentugar leiðir fyrir hjólastíga í og við þéttbýli Grundarfjarðar.
  
  Skipulagsfulltrúa er falið að vinna með fyrirspyrjendum að málinu. Skoða þarf vel hvar sé heppileg staðsetning, hvernig best sé að standa að gerð stíga, hvernig merkingum og kynningu eigi að hátta og hvert fyrirkomulag yrði við endurbætur og umsjón með stígum.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.8 2403025 Fellabrekka 7-13 - Umsókn um lóð
  Húsefni ehf. sækir um lóðir við Fellabrekku 7, 9, 11 og 13 fyrir byggingu íbúðarhúsnæðis. Hugmyndir umsækjanda eru að byggja átta íbúðir en nánari hugmyndir eru í vinnslu.
  
  Lóðirnar eru á ódeiliskipulögðu svæði sem í Aðalskipulagi Grundarfjarðar 2019-2039 er skilgreint sem íbúðarsvæði (ÍB-3). Í skipulagsskilmálum fyrir ÍB-3 segir að heimild sé til að auka byggingarmagn á óbyggðum lóðum þar sem það þyki henta, t.d. með því að leyfa aukaíbúðir þar sem stórar einbýlishúsalóðir eru, og sérákvæði er um Fellabrekku 7-9.
  
  Lagt fram minnisblað Alta dags. 21.03.2024 um skipulag á svæðinu m.t.t. fram kominnar umsóknar.
  
  Skipulags- og umhverfisnefnd - 257 Skipulags- og umhverfisnefnd samþykkir að úthluta umsækjanda lóðunum við Fellabrekku 7-13, til íbúðarbyggingar, sbr. samþykkt um úthlutun lóða í Grundarfirði og skilmála um afslátt af gatnagerðargjöldum frá 14. desember 2023.
  
  Skipulags- og umhverfisnefnd samþykkir samhljóða, með vísan í 2. mgr. 36. gr. skipulagslaga, að gera eftirfarandi breytingu á Aðalskipulagi Grundarfjarðar 2019-2039:
  
  Eftirfarandi skipulagsákvæði fyrir íbúðarsvæði ÍB-3 breytist úr:
  
  „Fellabrekka 7-9: Heimild er til að byggja allt að 3ja íbúða hús á lóðunum sameiginlega, eða parhús og einbýli á lóðunum tveimur.“
  í:
  „Fellabrekka 7-13: Heimilt er að byggja allt að 8 íbúðum samtals, á 2 hæðum í fjölbýli eða sérbýli.
  
  Önnur ákvæði íbúðarreitsins haldast óbreytt.
  
  Breytingin telst óveruleg með eftirfarandi rökum:
  - Ekki er um breytingu á landnotkun að ræða.
  - Áformað byggingarmagn og hæð húsa er í samræmi við aðliggjandi byggðarmynstur og það sem vænta mátti á reitnum skv. gildandi aðalskipulagi, þó svo íbúðum fjölgi og húsagerð breytist.
  - Aukin umferð í götunni, vegna fleiri íbúða, mun hafa lítil áhrif á núverandi hús þar sem þau eru innst í botngötunni. Auk þess eru aðstæður þannig að aðeins er byggt öðrum megin götunnar.
  - Breytingin er því ekki talin líkleg til að hafa mikil áhrif á einstaka aðila eða á stórt svæði.
  
  Þegar aðalskipulagsbreytingin hefur verið staðfest verði byggingarleyfisumsókn fyrir Fellabrekku 7-13 grenndarkynnt á grundvelli 44. gr. skipulagslaga.
  
  Skipulagsfulltrúa er falið að ganga frá tillögu að óverulegri breytingu aðalskipulags skv. framangreindu til auglýsingar og meðferðar skv. 2. mgr. 36. gr. skipulagslaga.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.9 2403017 Umsókn um byggingarheimild eða -leyfi - Grundargata 82 - Flokkur 2
  Á 255. fundi skipulags- og umhverfisnefndar var samþykkt að byggingaráform á hinni úthlutuðu lóð verði grenndarkynnt þegar þau liggja fyrir skv. 1. mgr. 44. gr. skipulagslaga nr. 123/2010. Jafnframt var samþykkt að grenndarkynnt verði fyrir lóðarhöfum eftirfarandi fasteigna: Grundargötu 65, 67, 69, 76, 78, 80, 84 og 86.
  
  Á 6. afgreiðslufundi byggingarfulltrúa þann 19. mars 2024 vísaði byggingarfulltrúi málinu til afgreiðslu skipulags- og umhverfisnefndar þar sem ekki er til deiliskipulag fyrir svæðið.
  
  Byggingaráform hafa nú verið lögð fram með viðeigandi teikningum/gögnum.
  Sótt er um byggingarleyfi fyrir 300 fm parhúsi á einni hæð. Hvoru húsi fylgir bílskúr. Undirstöður eru steinsteyptar ásamt gólfplötu en burðarvirki veggja og þaks eru úr timbri.
  
  Skipulags- og umhverfisnefnd - 257 Skipulags- og umhverfisnefnd staðfestir að fara skuli fram grenndarkynning byggingaráforma og felur skipulagsfulltrúa að láta kynningu fara fram í samræmi við afgreiðslu 255. fundar.
  Berist engar athugasemdir úr grenndarkynningu felur nefndin byggingarfulltrúa að gefa út byggingarleyfi að uppfylltum skilyrðum gr. 2.4.4 í byggingarreglugerð nr. 112/2012 með síðari breytingum.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.10 2403018 Umsókn um byggingarheimild eða -leyfi - Grundargata 90 - Flokkur 2
  Á 255. fundi skipulags- og umhverfisnefndar var samþykkt að byggingaráform á hinni úthlutuðu lóð verði grenndarkynnt þegar þau liggja fyrir skv. 1. mgr. 44. gr. skipulagslaga nr. 123/2010. Jafnframt var samþykkt að grenndarkynnt verði fyrir lóðarhöfum eftirfarandi fasteigna: Grundargötu 69, 84, 86, 88, 92 og 94.
  
  Á 6. afgreiðslufundi byggingarfulltrúa þann 19. mars 2024 vísaði byggingarfulltrúi málinu til afgreiðslu skipulags- og umhverfisnefndar þar sem ekki er til deiliskipulag fyrir svæðið.
  
  Byggingaráform hafa nú verið lögð fram með viðeigandi teikningum/gögnum.
  Sótt er um byggingarleyfi fyrir 300 fm parhúsi á einni hæð. Hvoru húsi fylgir bílskúr. Undirstöður eru steinsteyptar ásamt gólfplötu en burðarvirki veggja og þaks eru úr timbri.
  
  Skipulags- og umhverfisnefnd - 257 Skipulags- og umhverfisnefnd staðfestir að fara skuli fram grenndarkynning byggingaráforma og felur skipulagsfulltrúa að láta kynningu fara fram í samræmi við afgreiðslu 255. fundar.
  Berist engar athugasemdir úr grenndarkynningu felur nefndin byggingarfulltrúa að gefa út byggingarleyfi að uppfylltum skilyrðum gr. 2.4.4 í byggingarreglugerð nr. 112/2012 með síðari breytingum.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.11 2402029 Innri Látravík - Umsókn um byggingarleyfi, viðbygging
  Sótt er um byggingarleyfi/byggingarheimild fyrir ca. 30 m2 viðbyggingu við íbúðarhús að Innri Látravík, skv. framlagðri teikningu.
  
  Á 5. afgreiðslufundi byggingarfulltrúa þann 29. febrúar 2024 vísaði byggingarfulltrúi erindinu til afgreiðslu skipulags- og umhverfisnefndar þar sem ekki er til deiliskipulag fyrir svæðið.
  
  Skipulags- og umhverfisnefnd - 257 Skipulags- og umhverfisnefnd telur að viðbygging við íbúðarhús sem fyrir er á staðnum hafi ekki grenndaráhrif á aðra/aðliggjandi eignir og felur byggingarfulltrúa að gefa út byggingarheimild að uppfylltum skilyrðum gr. 2.3.8 í byggingarreglugerð nr. 112/2012 með síðari breytingum.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.12 2402030 Innri Látravík - Umsókn um byggingarleyfi, sumarhús
  Landeigendur sækja um byggingarleyfi fyrir 5 sumarhúsum (smáhýsi) í landi Innri Látravíkur samkvæmt uppdráttum frá W7.
  
  Með umsókn fylgja gögn, m.a. aðaluppdráttur, afstöðumynd, skráningartöflur og ljósmynd sem sýnir staðsetningu húsanna í landinu. Hvert hús er tæplega 37 m2 að stærð, með einu herbergi auk alrýmis, baðherbergis og forstofu. Notkun er skilgreind sem „gistihús“.
  
  Í fundargerð af 5. afgreiðslufundi byggingarfulltrúa, dags. 29. febrúar 2024, er erindinu vísað til skipulags- og umhverfisnefndar þar sem ekki liggur fyrir deiliskipulag af svæðinu.
  
  Skipulags- og umhverfisnefnd - 257 Með vísan í framlögð gögn og minnisblað Alta dags. 21.03.2024 samþykkir skipulags- og umhverfisnefnd að láta fara fram grenndarkynningu skv. 44. gr. skipulagslaga, þegar borist hefur endanleg ljósmynd sem sýnir ásýnd þegar ekið er í austurátt á Snæfellsnesvegi.
  Gögnin verði send til eigenda aðliggjandi landeigna og gefinn 4 vikna frestur til athugasemda. Ef aðilar hafa lýst skriflega yfir, með áritun sinni á kynningargögn áður en 4 vikur eru liðnar, að þeir geri ekki athugasemdir við framkvæmdina þá styttist kynningartíminn að sama skapi.
  
  Á kynningartíma verði leitað umsagnar Vegagerðarinnar vegna tengingar við þjóðveg og Landsnets vegna legu rafstrengja.
  
  Skipulags- og umhverfisnefnd felur skipulagsfulltrúa að láta grenndarkynningu fara fram.
  
  Berist engar athugasemdir úr grenndarkynningu og hafi umsagnaraðilar (Vegagerðin og Landsnet) ekki athugasemdir við byggingaráformin, felur nefndin byggingarfulltrúa að gefa út byggingarleyfi að uppfylltum skilyrðum byggingarreglugerðar nr. 112/2012 með síðari breytingum. Ella kemur málið aftur til afgreiðslu nefndarinnar.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.13 2205033 Umhverfisrölt 2022-2026
  Skipulags- og umhverfisnefnd samþykkir að umhverfisrölt verði farið í þéttbýlinu dagana 14. og 16. maí nk.
  
  Skipulags- og umhverfisnefnd - 257
• 5.14 2403008 Land og skógur - Endurskoðun stuðningskerfa í skógrækt og landgræðslu - Ósk um ábendingar og tillögur
  Lagður fram til kynningar tölvupóstur dags. 27. febrúar 2024 þar sem fram kemur að matvælaráðuneytið hefur falið stofnuninni Landi og skógi að hefja endurskoðun á núverandi fyrirkomulagi stuðningskerfa í landgræðslu og skógrækt. Kallað er eftir ábendingum fyrir 29. mars nk. sem nýst geta við vinnuna við að móta tillögur að endurskoðuðu stuðningskerfi, en markmiðið er að til verði tillaga að heildstæðu stuðningskerfi málaflokksins innan stofnunarinnar.
  
  Skipulags- og umhverfisnefnd - 257

Málsnúmer 2403036Vakta málsnúmer

Málsnúmer 2404002Vakta málsnúmer

Málsnúmer 2212021Vakta málsnúmer

Málsnúmer 2205026Vakta málsnúmer

Málsnúmer 2403034Vakta málsnúmer

Málsnúmer 2009037Vakta málsnúmer

Málsnúmer 2404003Vakta málsnúmer

Málsnúmer 2403002Vakta málsnúmer

Málsnúmer 2203025Vakta málsnúmer

Málsnúmer 2403035Vakta málsnúmer

Málsnúmer 2403030Vakta málsnúmer

Málsnúmer 2403031Vakta málsnúmer

Málsnúmer 2404006Vakta málsnúmer

Málsnúmer 2402014Vakta málsnúmer

Málsnúmer 2403033Vakta málsnúmer

Málsnúmer 2403032Vakta málsnúmer

Málsnúmer 2403013Vakta málsnúmer

Málsnúmer 2401021Vakta málsnúmer

Málsnúmer 2404001Vakta málsnúmer

Málsnúmer 2404004Vakta málsnúmer

Málsnúmer 1910006Vakta málsnúmer