Bæjarstjórn

Málsnúmer 1804004FVakta málsnúmer

• 1.1 1804016 Ársreikningur Grundarfjarðarbæjar 2017
  Bæjarráð - 511 Lagður fram ársreikningur Grundarfjarðarbæjar fyrir árið 2017.
  Bæjarráð samþykkir ársreikninginn með áritun sinni og telst hann tilbúinn til endurskoðunar og afgreiðslu í bæjarstjórn.
  
  Samþykkt samhljóða.
  

Málsnúmer 1804006FVakta málsnúmer

• 2.1 1501066 Lausafjárstaða
  Bæjarráð - 512 Lagt fram og yfirfarið yfirlit yfir lausafjárstöðu.
  
• 2.2 1804051 Greitt útsvar 2018
  Bæjarráð - 512 Lagt fram yfirlit yfir greitt útsvar janúar - mars 2018. Skv. yfirlitinu hafa útsvarstekjur hækkað um 11,1% milli ára, miðað við sömu mánuði fyrra árs.
  
• 2.3 1804027 Sýslumaðurinn á Vesturlandi - Afskriftabeiðnir
  Bæjarráð - 512 Lögð fram beiðni Sýslumannsins á Vesturlandi um afskriftir útsvarsskulda að fjárhæð 74.591 kr. auk vaxta að fjárhæð 137.239 kr., alls er fjárhæðin því 211.830 kr.
  
  Bæjarráð samþykkir samhljóða beiðni sýslumanns.
  
• 2.4 1710023 Framkvæmdir 2018
  Bæjarráð - 512 Lagt fram framkvæmdayfilit yfir fyrirhugaðar framkvæmdir skv. fjárhagsáætlun ársins 2018. Farið yfir stöðu helstu verkefna og hvernig hugmyndin væri að vinna þau verkefni sem framundan eru. Sérstaklega var rætt um framkvæmdir við leik- og grunnskóla, gangstéttir og gatnagerð, aðalskipulagsvinnu og ýmislegt fleira.
  
  Bæjarráð felur skipulags- og byggingafulltrúa að fá verðtilboð í götumálun og önnur verkefni sem framundan eru til samræmis við umræður á fundinum. Jafnframt vinni hann yfirlit yfir forgangsröðun verkefna og geri tímaáætlun.
  
  Samþykkt samhljóða.
  
• 2.5 1804039 Skipulags- og byggingafulltrúi, uppsögn
  Bæjarráð - 512 Skipulags- og byggingafulltrúi hefur sagt upp starfi sínu.
  
  Bæjarráð samþykkir samhljóða að auglýst verði staða skipulags- og byggingafulltrúa.
  
• 2.6 1804035 Meðferð varnarefna, stefna Snæfellsness
  Bæjarráð - 512 Lögð fram og kynnt stefna Snæfellsness um meðferð varnarefna samþykkt af Byggðasamlagi Snæfellinga.
  
  Bæjarráð samþykkir stefnuna fyrir sitt leyti.
  
• 2.7 1804045 Snæfrost, fundargerð aðalfundar
  Bæjarráð - 512 Lögð fram fundargerð aðalfundar Snæfrosts hf. sem haldinn var 11. apríl sl. Í fundargerðinni kemur fram að fyrirtækið sé í verulegum rekstrarefiðleikum og nauðsynlegt sé að auka rekstrarfé þess. Jafnframt lagður fram ársreikningur Snæfrosts hf. fyrir árið 2017.
  
  Stjórn fyrirtækisins leggur til að fyrirtækið sé auglýst til sölu og á sama tíma sé athugað með niðurfærslu á núverandi hlutafé og leitað til stærstu hluthafa með aukið hlutafé í reksturinn.
  
  Bæjarráð samþykkir samhljóða tillögu stjórnar, en vísar málinu til endanlegrar afgreiðslu bæjarstjórnar.
  
• 2.8 1804046 Áhaldahús, húsnæði o.fl
  Bæjarráð - 512 Farið yfir möguleika á leigu eða kaupum á húsnæði fyrir áhaldahús og slökkvilið, en veruleg þörf er á auknu rými fyrir starfsemina.
  
  Bæjarstjóra falið að kanna frekar möguleika á leigu eða kaupum á umræddu húsnæði.
  
  Samþykkt samhljóða.
  
• 2.9 1804047 Míla, samningagerð
  Bæjarráð - 512 Farið yfir fund sem bæjarstjóri átti með Mílu vegna sölu og reksturs á ljósleiðarakerfi bæjarins í dreifbýli. Jafnframt lögð fram drög að samningi.
  
  Bæjarstjóra falið að vinna að endanlegum frágangi samnings.
  
  Samþykkt samhljóða.
  
• 2.10 1703037 Refa- og minkaveiðar
  Bæjarráð - 512 Farið yfir stöðu refa- og minkaveiða.
  
  Bæjarstjóra falið að gera samninga á sambærilegum nótum og á síðasta ári.
  
  Samþykkt samhljóða.
  
• 2.11 1804040 Skákfélagið Hrókurinn - Tuttugu ára afmæli
  Bæjarráð - 512 Lagt fram bréf frá Skákfélaginu Hróknum sem fagnar 20 ára afmæli á árinu.
  
  Bæjarráð samþykkir samhljóða að gerast bronsbakhjarl í tilefni afmælisins með greiðslu styrks að fjárhæð 25.000 kr.
  
• 2.12 1804038 Þjóðleikhúsið - Þjóðleikhúsið og Brúðuheimar í leikferð um landið
  Bæjarráð - 512 Lagt fram bréf þjóðleikhússtjóra varðandi leikferð Þjóðleikhússins og Brúðuheima um landið.
  
  Bæjarráð tekur vel í erindið og felur menningar- og markaðsfulltrúa umsjón þess.
  
  Samþykkt samhljóða.
  
• 2.13 1804033 Skipulagsstofnun - Efnisnámur á landi og sjó vegna lengingar Norðurgarðs
  Bæjarráð - 512 Lagt fram til kynningar bréf Skipulagsstofnunar frá 11. apríl sl. um efnisnámur á landi og sjó vegna lengingar Norðurgarðs.
  
• 2.14 1804044 Slökkvilið, starfsmannahald
  Bæjarráð - 512 Lagt fram til kynningar bréf slökkviliðsstjóra varðandi starfmannabreytingar stjórnenda hjá slökkviliðinu.
  
• 2.15 1804034 Íbúðalánasjóður - Ölkelduvegur 9
  Bæjarráð - 512 Lagður fram til kynningar húsaleigusamningur við Íbúðalánasjóð vegna íbúðar að Ölkelduvegi 9.
  
• 2.16 1804037 Íbúðalánasjóður - Úthlutun stofnframlaga til uppbyggingar á almennum íbúðum
  Bæjarráð - 512 Lagt fram til kynningar fundarboð Íbúðalánasjóðs vegna fundar um úthlutun stofnframlaga.
  
• 2.17 1804043 Aðveitustöð, framkvæmdir
  Bæjarráð - 512 Lagt fram til kynningar áætlun um framvindu framkvæmda Rarik vegna lagningar strengs frá nýrri aðveitustöð um Grundargötu og niður á hafnarsvæði.
  
  Jafnframt greint frá samningaumleitunum um yfirtöku Grundarfjarðarbæjar á húsnæði gömlu aðveitustöðvarinnar.
  
• 2.18 1804036 Orkustofnun, umsókn um efnistöku
  Bæjarráð - 512 Lögð fram til kynningar umsókn um efnistöku Grundarfjarðarhafnar hjá Orkustofnun.
  
• 2.19 1804032 Hrífandi - félag um náttúrumenningu - Ráðstefna um samspil umhverfisverndar og þróun byggðar
  Bæjarráð - 512 Lagður fram til kynningar tölvupóstur um ráðstefnuna "Verndarsvæði og þróun byggðar" sem haldin verður föstudaginn 27. apríl nk.
  
• 2.20 1804022 Lánasjóður sveitarfélaga - Arðgreiðsla 2018
  Bæjarráð - 512 Lagt fram til kynningar bréf Lánasjóðs sveitarfélaga frá 9. apríl sl. varðandi arðgreiðslu 2018. Hlutur Grundarfjarðarbæjar í arðgreiðslunni er 1.853.088 kr.
  
• 2.21 1804048 Skipulagsstofnun, kostnaðarframlag
  Bæjarráð - 512 Lagt fram til kynningar bréf bæjarstjóra frá 20. apríl sl. til Skipulagsstofnunar vegna kostnaðarframlags stofnunarinnar vegna endurskoðunar aðalskipulags fyrir Grundarfjarðarbæ.
  

Málsnúmer 1804007FVakta málsnúmer

• 3.1 1804058 Bygging frístundahús Sólbakka samkvæmt samþykktum teikningum 15.9.2009
  Sótt er um byggingarleyfi fyrir byggingu frístundahús að Sólbakka. Skipulags- og umhverfisnefnd - 189 Skipulags- og umhverfisnefnd samþykkir erindið og felur skipulags- og byggingarfulltrúa að gefa út byggingarleyfi að uppfylltum skilyrðum sbr. gr. 2.4.4. í byggingarreglugerð 112/2012 með síðari breytingum.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 3.2 1709016 Breikkun gangstétta við Grundargötu
  Grundargata 2-28. Breikkun og breyting gangstétta við Grundargötu.Lögð er fram ný útfærsla á framkvæmdinni. Skipulags- og umhverfisnefnd - 189
  Skipulags- og umhverfisnefnd samþykkir framlagða tillöguteikningu frá vegagerðinni þar sem fram kemur að gangstétt er breikkuð í 1,8 metra. Miðlína götunnar færð þannig að bílastæði haldi sér austan götunnar. Vestan við götuna mun bílastæðum fækka.
  
  Lækka þarf kantstein við Grundargötu 4 við niðurkeyrslu sunnan við hús. Gera þarf ráð fyrir innkeyrslu á bílskúr við Grundargötu 5.
  
  Skipulags- og umhverfisnefnd áréttar að gert sé ráð fyrir bílastæðum innan lóðar. Byggingafulltrúa falið að kynna framkvæmdina. Bókun fundar Allir tóku til máls.
  
  Bæjarstjórn samþykkir samhljóða afgreiðslu skipulags- og umhverfisnefndar, en leggur áherslu á að framkvæmdaáætlun sé kynnt fyrir íbúum beggja vegna götunnar sem allra fyrst.
  
• 3.3 1804013 Steinskúlptúrar og önnur listaverk
  Listamaðurinn Lúðvík Karlsson biður um leyfi til að fá að setja upp listaverk sín á völdum stöðum í bænum. Skipulags- og umhverfisnefnd - 189 Skipulags- umhverfisnefnd tekur vel í erindið og felur skipulags- og byggingafulltrúa að vinna að framkvæmd verkefnisins í samráði við bæjarstjóra. Bókun fundar Bæjarstjórn samþykkir samhljóða afgreiðslu skipulags- og umhverfisnefndar. Jafnframt fagnar bæjarstjórn framtaki listamannsins Lúðvíks Karlssonar.
  
• 3.4 1804057 Hamrahlíð 5 Byggingarleyfi: Utanhúsklæðning húss
  Hamrahlíð 5: sótt er um leyfi til að klæða húsið Hamrahlíð 5 með bárustáli/timbur Skipulags- og umhverfisnefnd - 189 Skipulags- umhverfisnefnd tekur vel í erindið og felur skipulags- og byggingafulltrúa að veita framkvæmdaleyfið Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  

Málsnúmer 1804005FVakta málsnúmer

• 4.1 1804014 Sögumiðstöðin
  Menningarnefnd - 14 Farið yfir minnispunkta frá fundi menningarnefndar með rekstraraðilum Kaffi Emils. Fram hefur komið óánægja af hálfu rekstraraðila þar sem þeim þykir Grundarfjarðarbær ekki koma nægilega til móts við þarfir kaffihússins. Svo sem að setja vegg milli vestursalar og miðsalar hússins sem hægt sé að hafa lokaðan ef fundir eru í Bæringsstofu utan opnunartíma kaffihússins. Menningarnefndin er ósammála því vegna þess að slíkt væri verulega takmarkandi fyrir hlutverk Sögumiðstöðvarinnar sem menningarhúss. Hins vegar er nefndin sammála um að dytta þurfi að ýmsu í húsinu og verður unnið að því á næstu vikum og mánuðum.
  
  Til stendur að endurskoða samning milli Grundarfjarðarbæjar og Svansskála ehf. sem rekur Kaffi Emil. Menningarnefnd telur að skerpa þurfi á ákveðnum atriðum áður en gengið verður til samninga. Eins telur menningarnefndin að endurskoða þurfi leiguverðið og stöðugildi vegna upplýsingamiðstöðvar.
  
  Menningarnefndin er almennt ánægð með það fyrirkomulag að reka saman kaffihús, bókasafn, upplýsingamiðstöð og annað það sem Sögumiðstöðin hýsir í dag. Nefndin harmar þó þann stirðleika sem verið hefur í samskiptum rekstraraðila og Grundarfjarðarbæjar og vonast til að það muni nú breytast til batnaðar. Bókun fundar Til máls tóku EG og ÞS.
  
  Bæjarstjórn óskar eftir því að menningarnefnd vinni áfram að lausn mála.
  
  Samþykkt samhljóða.
  
• 4.2 1801047 Stefnumótun um menningarhús Grundarfjarðar
  Menningarnefnd - 14 Menningarnefnd lýsir ánægju sinni með mikla aukningu í notkun á Samkomuhúsinu undanfarið ár. Þar hefur aðstaðan verið bætt; s.s. sett upp nýtt brunavarnarkerfi, hljóðkerfi, uppþvottavél og skjávarpi. Þá er húsið hreinna og snyrtilegra en hefur verið í langan tíma. Enn þarf margt að bæta og er þar brýnast að bæta vinnuaðstöðu í eldhúsi.
  Samkomuhúsið er menningarhús samfélagsins, til þess gert að ýta undir menningu, samkomur og skemmtun bæjarbúa. Þess vegna telur menningarnefndin að það eigi að koma til móts við þá sem vilja nota húsið, eins og hægt er.
  
  Sögumiðstöðin er einnig menningarhús bæjarins. Sjá lið nr. 1 í fundargerð.
• 4.3 1804015 Menningarstyrkur til skiltagerðar
  Grundarfjarðarbær fékk úthlutað styrk úr Sóknaráætlun Vesturlands til að útbúa sögu- og upplýsingaskilti í Grundarfirði. Verkefnið verður unnið í samstarfi við Svæðisgarðinn Snæfellsnes og er fyrsta skrefið í samræmdu útliti slíkra skilta á Snæfellsnesi. Menningarnefnd - 14 Menningarnefnd fagnar þessum styrk og hlakkar til að sjá útkomuna þegar líður á vorið.
• 4.4 1802015 TSC býðst til að styrkja Bæringsstofu
  Fyrirtækið TSC í Grundarfirði hefur lýst áhuga á að styrkja Bæringsstofu um ákveðna hluti. Annars vegar að færa allt filmusafn Bærings yfir á stafrænt form og hins vegar að breyta útstillingum verka hans í Sögumiðstöðinni. Menningarnefnd - 14 Menningarnefnd er afar jákvæð og þakklát fyrir styrk til yfirfærslu mynda Bærings yfir á rafrænt form. Það boð er þegið með þökkum.
  Til að hægt verið að hefjast handa við verkið þarf að flytja eldvarða skápinn með myndum og filmum Bærings, sem allra fyrst, á stað þar sem auðvelt er að athafna sig og vinna með myndirnar. Bókun fundar Bæjarstjórn tekur undir með nefndinni þakklæti til TSC vegna fyrirhugaðs styrks.
  
• 4.5 1804013 Steinskúlptúrar og önnur listaverk
  Listamaðurinn Lúðvík Karlsson hefur lagt inn fyrirspurn um hvort hengja megi upp listaverk á girðingu við leikskólann um helgar og meðan skólinn er í sumarfríi. Einnig að fá að setja upp skúlptúra við sjóinn og fjölga steinskúlptúrum við bæinn. Auk þess hefur hann áhuga á að hressa upp á víkingasvæðið í miðbænum. Menningarnefnd - 14 Menningarnefndin er jákvæð fyrir þessum hugmyndum Lúðvíks og felur menningar- og markaðsfulltrúa að setja sig í samband við skipulags- og byggingarnefnd varðandi framvindu málsins.
• 4.6 1804029 Heimsókn nemenda frá Paimpol
  Hópur nemenda frá Paimpol, vinabæ Grundarfjarðar, kemur í heimsókn um miðjan maí og verður í vikutíma á heimilum nemenda úr Grunnskóla Grundarfjarðar. Menningarnefnd - 14 Nefndin er ánægð með að samskiptin milli vinabæjanna séu viðvarandi og hlakkar til að sjá nemendur frá Paimpol í Grundarfirði í maí.

Málsnúmer 1804016Vakta málsnúmer

Málsnúmer 1801020Vakta málsnúmer

Málsnúmer 1805012Vakta málsnúmer

Málsnúmer 1804046Vakta málsnúmer

Málsnúmer 1804049Vakta málsnúmer

Málsnúmer 1804045Vakta málsnúmer

Málsnúmer 1805008Vakta málsnúmer

Málsnúmer 1706016Vakta málsnúmer

Málsnúmer 1805009Vakta málsnúmer

Málsnúmer 1801023Vakta málsnúmer

Málsnúmer 1803050Vakta málsnúmer

Málsnúmer 1803048Vakta málsnúmer

Málsnúmer 1802018Vakta málsnúmer

Málsnúmer 1805010Vakta málsnúmer

Málsnúmer 1805011Vakta málsnúmer

Málsnúmer 1805001Vakta málsnúmer

Málsnúmer 1804056Vakta málsnúmer

Málsnúmer 1805013Vakta málsnúmer

Málsnúmer 1805004Vakta málsnúmer

Málsnúmer 1804060Vakta málsnúmer

Málsnúmer 1505019Vakta málsnúmer