Bæjarráð

Málsnúmer 2202006Vakta málsnúmer

Málsnúmer 2202005Vakta málsnúmer

Málsnúmer 2207015Vakta málsnúmer

Málsnúmer 2206002FVakta málsnúmer

• 4.1 2206013 Erindisbréf skipulags- og umhverfisnefndar, kosning formanns, varaformanns og ritara
  Erindisbréf skipulags- og umhverfisnefndar lagt fram.
  Skipulags- og umhverfisnefnd - 237 Erindisbréf nefndarinnar kynnt fyrir fundarmönnum.
  
  Skipulags- og umhverfisnefnd samþykkti að formaður nefndarinnar verði Bjarni Sigurbjörnsson og að varaformaður nefndarinnar verði Davíð Magnússon. Jafnframt var samþykkt að ritari nefndarinnar verði starfsmaður Umhverfis- og skipulagssviðs.
  
  Nýr formaður tók við stjórn fundarins.
  
  Formaður nefndarinnar lagði fram tillögu að reglulegum fundardegi og fundartíma í samræmi við ákvæði 8. gr. samþykktar um stjórn Grundarfjarðarbæjar og verða fundir að jafnaði haldnir í Ráðhúsi Grundarfjarðar fyrsta þriðjudag hvers mánaðar, kl. 16:30.
  
  
• 4.2 2205033 Umhverfisrölt 2022-2026
  Á 262. fundi bæjarstjórnar var samþykkt að halda umhverfisrölti áfram, eins og gert hefur verið síðastliðin fjögur ár. Umhverfisröltið hefur þótt góður vettvangur til þess að efla samtal milli bæjarstjórnar, skipulags- og umhverfisnefndar og íbúa um ýmis mál í nærumhverfinu.
  
  Lagði bæjarstjórn til að skipulags- og umhverfisnefnd ákveði sem fyrst dagsetningu og tíma fyrir röltið í júní/júlí þannig að hægt væri að auglýsa það með góðum fyrirvara. Skipulags- og umhverfisnefnd - 237 Skipulags- og umhverfisnefnd leggur til að umhverfisrölt um bæinn verði miðvikudaginn 17. og fimmtudaginn 18. ágúst nk.
  
  Einnig hyggst nefndin fara umhverfisrúnt um dreifbýlið og verður það auglýst nánar síðar.
• 4.3 2206010 Hótel Framnes - Stöðuleyfi gámur 2022
  Kamski ehf. sækir um stöðuleyfi fyrir gám frá 1. júní 2022 til 31. maí 2023, á bak við Hótel Framnes við Nesveg 6-8 en gámurinn hefur staðið þar síðan 2016 a.m.k. Skipulags- og umhverfisnefnd - 237 Skipulags- og umhverfisnefnd samþykkir að veita tímabundið stöðuleyfi til 31. maí 2023. Bókun fundar Bæjarstjórn samþykkir afgreiðslu skipulags- og umhverfisnefndar.
  
• 4.4 2205006 Sólbakki - Stöðuleyfi matarvagns
  Sótt er um tímabundið stöðuleyfi fyrir matarvagn frá 1. júní 2022 til 30. september 2022 en fyrirhugað er að staðsetja matarvagninn á landi Sólbakka í um 38 m fjarlægð frá þjóðveginum. Skipulags- og umhverfisnefnd - 237 Skipulags- og umhverfisnefnd hafnar umsókn um stöðuleyfi fyrir matarvagn með vísun í umsögn Vegagerðarinnar en samkvæmt henni krefst staðsetning matarvagnsins nýs afleggjara við hlið núverandi afleggjara að Sólbakka. Jafnframt eru afleggjarar að Hálsi og bílastæðum við Kirkjufellsfoss innan 250 m og uppfyllir staðsetningin ekki kröfur veghönnunarreglna sem gera ráð fyrir a.m.k. 250 m fjarlægð á milli tenginga.
  Ennfremur bendir nefndin á að samkvæmt 1. mgr. 29. gr. vegalaga nr. 120/2012 er óheimilt að tengja vegi þjóðvegum nema í samræmi við skipulag og að fenginni heimild Vegagerðarinnar. Einnig telur nefndin óráðlegt að heimila innakstur og bílastæði á eða við reiðstíg sem er á Aðalskipulagi Grundarfjarðarbæjar 2019 - 2039.
  
  Nefndin felur skipulagsfulltrúa að fylgja málinu eftir við umsækjanda.
  Bókun fundar Bæjarstjórn staðfestir afgreiðslu skipulags- og umhverfisnefndar.
  
• 4.5 2206020 Míla - 5G mastur fyrir farsímabúnað
  Míla óskar eftir að staðsetja farsímabúnað á þaki grunnskólans, til þess að bæta farsímasamband í Grundarfirði. Samhliða þeirri uppsetningu er gert ráð fyrir uppsetningu á 5G búnaði og þar með uppfærslu á 4G stöð sem staðsett er á símstöð.
  
  Byggingarfulltrúi óskaði eftir því að Míla myndi gera grein fyrir hollustuháttum og hugsanlegum áhrifum sem slíkir sendar/bylgjur geta haft á fólk og umhverfið. Gögn frá Mílu um það fylgja með málinu. Skipulags- og umhverfisnefnd - 237 Samkvæmt mælingum og gögnum Geislavarna ríkisins, sem Míla lagði fram, sýna þær gildi langt undir viðmiðunarmörkum. Almennt sé hægt að segja að þeir sem nota farsíma fái mun hærri geislun frá sínum eigin farsíma en frá farsímasendum, segir í gögnum Mílu.
  
  Skipulags- og umhverfisnefnd samþykkir fyrir sitt leyti, með vísan í framlögð gögn, að veita Mílu leyfi til að koma fyrir 5G sendi á þaki grunnskólans. Samþykkt með fjórum atkvæðum, ÁEK situr hjá.
  
  Bókun fundar Bæjarstjórn samþykkir afgreiðslu skipulags- og umhverfisnefndar.
  
• 4.6 2206021 Láki Tours - móttökuskúr á hafnarsvæði
  Lögð er fram umsókn um stöðuleyfi fyrir 9 m2 garðhúsi/söluhúsi á hafnarsvæði sem nýtt verður sem starfsmannaaðstaða og til sölu ferða fyrir Láka Tours. Staðsetning skúrsins er á hafnarsvæðinu skv. teikningu sem fylgdi með og er sett fram með samþykki hafnarstjóra, sbr. tölvupóst þar að lútandi dags. 17. júní 2022. Umrætt tímabil er frá 25. júní 2022 til 30. ágúst 2022. Skipulags- og umhverfisnefnd - 237 Skipulags- og umhverfisnefnd samþykkir fyrir sitt leyti að veita Láki Tours stöðuleyfi fyrir móttökuhús/söluhús til 30. ágúst 2022 með vísun í samráð við hafnarstjóra um staðsetningu og með fyrirvara um samþykki hafnarstjórnar sbr. 3. gr. hafnarreglugerðar fyrir Grundarfjarðarhöfn frá 2007.
  
  Jafnframt bendir nefndin á að um opið svæði er að ræða og þarf því að tryggja að ekkert tjón hljótist af, sérstaklega með hliðsjón af veðurfari.
  
  Afstaða nefndarinnar í þessu tilviki er ekki fordæmisgefandi. Bókun fundar Bæjarstjóri upplýsti að umsækjandi hafi fallið frá umsókn um stöðuleyfi á hafnarsvæði og kemur erindið því ekki til staðfestingar.
  
  
• 4.7 2206026 Fagurhólstún 12 - Fyrirspurn um bílskúr
  Lögð er fram fyrirspurn vegna byggingar á bílskúr innan lóðar á Fagurhólstúni 12. Samkvæmt áður samþykktum aðaluppdráttum frá 1974 er gert ráð fyrir bílskúr á lóðinni.
  
  Í fyrirspurninni óskar eigandi eftir vilyrði fyrir stækkun á bílskúrnum sem nemur að hámarki 60 cm á breidd og lengd frá samþykktum aðaluppdrætti. Skipulags- og umhverfisnefnd - 237 Ekki er til deiliskipulag fyrir tiltekið svæði og er það mat skipulagsfulltrúa að stækkun á bílskúrnum sem nemur að hámarki 60 sm á lengd og 60 sm á breidd (skv. hjálögðum uppdrætti) samræmist almennu byggðarmynstri á umræddu svæði og séu fordæmi fyrir bílskúrum á nærliggjandi lóðum. Verði sótt um byggingarleyfi felur skipulags- og umhverfisnefnd skipulagsfulltrúa að grenndarkynna tillöguna skv. 44. gr. skipulagslaga nr. 123/2010 til lóðarhafa Fagurhólstúns 7, 9 og 14 og Grundargötu 53 og 51.
  Bókun fundar JÓK vék af fundi.
  
  Bæjarstjórn samþykkir afgreiðslu skipulags- og umhverfisnefndar.
  
  JÓK tók aftur sæti sitt á fundinum.
  
• 4.8 2206009 Hlíðarvegur 7 - Umsókn um lóð
  Kristín Soffaníasdóttir sækir um lóðina Hlíðarvegur 7 til byggingar einbýlishúss. Skipulags- og umhverfisnefnd - 237 Skipulags- og umhverfisnefnd samþykkir að úthluta Kristínu Soffaníasdóttur lóðinni við Hlíðarveg 7 til byggingar íbúðarhúss sbr. samþykkt um úthlutun lóða í Grundarfirði og skilmála um afslátt af gatnagerðargjöldum. Bókun fundar Bæjarstjórn samþykkir afgreiðslu skipulags- og umhverfisnefndar.
  
• 4.9 2206011 Berserkseyraroddi - framkvæmdaleyfi
  Sótt er um leyfi til þess að byggja um 17 m2 búningsklefa og gufubað úr timbri á Berserkseyrarodda. Undir sama þaki, en í sjálfstæðri byggingu, er 8,5 m2 dæluskúr, sem áður hafði verið gefið leyfi fyrir. Samtals er byggingarmagn undir sama þaki 25,5 m2.
  
  Í Aðalskipulagi Grundarfjarðar 2019-2039 er framkvæmdasvæðið skilgreint sem iðnaðarsvæði (I-2) með hitaveitu (H). Svæðið er einnig friðlýst vegna æðarvarps sem þar er.
  
  Samkvæmt aðalskipulaginu er gert ráð fyrir að í framtíðinni verði hægt að virkja jarðhitann sem þar er að finna og talin rík ástæða til að gera ráð fyrir framkvæmdum og starfsemi tengdri virkjun jarðhitans þ.m.t. dælu- og stjórnstöð, borholuhúsi á vinnslusvæði og legu fyrir heitavatnslögn/aðveituæð sem geti þjónað þörfum þéttbýlisins fyrir heitt vatn. Það er einnig vilji sveitarfélagsins að haldið verði áfram rannsóknum á jarðhita í sveitarfélaginu svo unnt verði að byggja upp hitaveitu í framtíðinni þ.m.t. á Berserkseyraroddi, eins og segir í greinargerð aðalskipulagsins. Skipulags- og umhverfisnefnd - 237 Skipulags- og umhverfisnefnd gerir fyrir sitt leyti ekki athugasemdir við fyrirhugaða framkvæmd á Berserkseyraodda og felur byggingarfulltrúa að gefa út byggingarheimild að öllum skilyrðum uppfylltum, sbr. 2.3.8. gr. byggingarreglugerðar nr. 112/2012 með síðari breytingum og að fenginni staðfestingu á því að fyrirhugaðar framkvæmdir séu í samræmi við heimildir í samningi landeigenda við rétthafa vatns/jarðhitaréttinda á svæðinu. Jafnframt felur nefndin byggingarfulltrúa að óska eftir afstöðumynd sem sýnir glöggt að mannvirkin fari ekki inn á afmarkað svæði menningarminja.
  
  Nefndin beinir einnig þeim tilmælum til landeiganda að það er með öllu óheimilt að hefja framkvæmdir án tilskilinna leyfa.
  Bókun fundar Bæjarstjórn samþykkir afgreiðslu skipulags- og umhverfisnefndar.
  
• 4.10 2206019 Skotgrund - framkvæmdaleyfi fyrir vatnsbóli og vatnslögn
  Skotfélag Snæfellsness sækir um framkvæmdaleyfi fyrir vatnsbóli og vatnslögn að félagshúsi sínu í Hrafnkelsstaðabotni í Kolgrafafirði. Svæði Skotgrundar er í eigu sveitarfélagsins og er vatnið í dag flutt þangað á tönkum. Skipulags- og umhverfisnefnd - 237 Skipulags- og umhverfisnefnd telur að framkvæmdin sé minniháttar og gerir fyrir sitt leyti ekki athugasemd við að veitt verði framkvæmdarleyfi fyrir vatnstöku úr fjallinu, þ.e. vatnssöfnun í vatnsból og vatnslögn að félagshúsinu. Nefndin felur skipulagsfulltrúa að gefa út framkvæmdarleyfi með fyrirvara um starfsleyfi Heilbrigðiseftirlits Vesturlands, sé gerð krafa um það. Bókun fundar Bæjarstjórn samþykkir afgreiðslu skipulags- og umhverfisnefndar.
  
• 4.11 2206006 Skipulagsmál - Tilboð í hluta lóðar Fellaskjóls
  Þann 17. maí 2022 lagði Grundarfjarðarbær fram kauptilboð í hluta lóðar Dvalarheimilisins Fellaskjóls vegna fyrirhugaðra lóða fyrir sjö raðhús fyrir 60 ára og eldri, á norðvestur hluta lóðarinnar, samkvæmt tillögu að breytingu á deiliskipulagi fyrir Ölkeldudal, sem nú er í auglýsingarferli. Stjórn Fellaskjóls hefur samþykkt tilboð bæjarins. Tilboðið er gert með fyrirvara um að þessi deiliskipulagsbreyting (lóðirnar nýju) verði samþykkt.
  
  
  Skipulags- og umhverfisnefnd - 237
• 4.12 2206005 Tímabundinn afsláttur af gatnagerðargjöldum
  Á 262. fundi sínum þann 9. júní 2022 samþykkti bæjarstjórn Grundarfjarðar að veittur yrði 75% afsláttur af gatnagerðargjöldum þeirra tilteknu lóða sem 50% afsláttur hefur gilt um. Afsláttur þessi gildir frá samþykkt bæjarstjórnar 9. júní 2022 til áramóta.
  Sjá bókun bæjarstjórnar hér: https://www.grundarfjordur.is/is/moya/one/meeting/case/2206005
  Skipulags- og umhverfisnefnd - 237
• 4.13 2206029 Yfirlit yfir áhugaverðar lóðir í Grundarfirði
  Lagt fram nýlegt yfirlit um áhugaverðar íbúðarlóðir í Grundarfirði. Um er að ræða:
  - lausar lóðir
  - auglýstar lóðir í deiliskipulagi (Ölkeldudals)
  - þróunarsvæði, eins og reitur í miðbæ - til frekari útfærslu Skipulags- og umhverfisnefnd - 237
• 4.14 2112024 Starfshópur um grunnskólalóð
  Starfshópur um grunnskólalóð var skipaður af bæjarstjórn og hefur verið að störfum frá því í vor. Hópurinn var endurskipaður af nýrri bæjarstjórn.
  Hópurinn hefur það hlutverk að skoða ástand grunnskólalóðarinnar (og lóðar íþróttahúss) og setja fram tillögur að viðhaldsverkefnum og nýframkvæmdum og forgangsröðun verka.
  Starfshópurinn hefur átt tvo fundi, skoðað lóðina og leitað eftir hugmyndum meðal barna í skólanum. Skipulags- og umhverfisnefnd - 237
• 4.15 2205019 Paimpol garður - reitur afmarkaður fyrir Lions
  Lions í Grundarfirði leitaði til sveitarfélagsins vegna áhuga á að fá úthlutuðum reit í Paimpol-garði til gróðursetningar á trjáplöntum.
  Til þess að afmarka reit fyrir Lions þarf að huga að heildarskipulagi garðsins og heppilegum svæðum til ræktunar. Skipulagsfulltrúi hélt utan um grófa hugmyndavinnu og samkvæmt henni er Lions úthlutaður reitur í suðvesturhluta garðsins. Í fyrsta áfanga verður gróðursett meðfram Ölkelduvegi. Skipulags- og umhverfisnefnd - 237 Bókun fundar Bæjarráð þakkar Lions fyrir frumkvæðið og skipulagsfulltrúa fyrir undirbúningsvinnuna.
  
• 4.16 2206028 Umhverfisstofnun - kynning á stjórnunar- og verndaráætlun fyrir Þjóðgarðinn Snæfellsjökul
  Samstarfshópur hefur unnið að endurskoðun á stjórnunar- og verndaráætlun fyrir Þjóðgarðinn Snæfellsjökul og hefur tillaga nú verið lögð fram til kynningar á heimasíðu Umhverfisstofnunar og send nærliggjandi sveitarfélögum og öðrum hagsmunaaðilum.
  Frestur til að skila inn ábendingum eða koma á framfæri athugasemdum er til 1. september 2022.
  Skipulags- og umhverfisnefnd - 237
• 4.17 2201020 Önnur mál umhverfis- og skipulagssviðs
  Sviðsstjóri umhverfis- og skipulagssviðs og byggingarfulltrúi gerðu grein fyrir öðrum málum sem eru í vinnslu á sviðinu. Skipulags- og umhverfisnefnd - 237

Málsnúmer 2207002FVakta málsnúmer

• 5.1 2207024 Erindisbréf ásamt kosningu formanns, varaformanns og ritara - skólanefnd
  Skólanefnd - 163 Skólanefnd samþykkti að formaður nefndarinnar verði Loftur Árni Björgvinsson og að varaformaður nefndarinnar verði Davíð Magnússon.
  
  Bæjarstjóri er starfsmaður nefndarinnar og ritar fundargerðir, nema annað verði ákveðið.
  
  Varaformaður tók nú við stjórn fundarins.
  
  
• 5.2 2207002 Siðareglur kjörinna fulltrúa í Grundarfjarðarbæ
  BÁ fór yfir og kynnti lauslega samþykktir Grundarfjarðarbæjar, siðareglur kjörinna fulltrúa og önnur gögn sem skólanefnd byggir starf sitt á. Hún sagði frá því að bæjarstjórn hafi samþykkt að halda sameiginlegan kynningar- og fræðslufund fyrir nefndarfólk bæjarins og verði hann að líkindum haldinn um mánaðamótin ágúst-september nk.
  Skólanefnd - 163 Siðareglur fyrir kjörna fulltrúa Grundarfjarðarbæjar lagðar fram til kynningar.
  
• 5.3 2205031 Fundartími nefnda
  Skólanefnd - 163 Í samræmi við ákvæði 8. gr. samþykktar um stjórn Grundarfjarðarbæjar samþykkir skólanefnd að fundir verði að jafnaði haldnir í Ráðhúsi Grundarfjarðar fyrsta mánudag hvers mánaðar, kl. 17:00, nema á sumartíma.
  
  Næsti fundur verði 5. september nk.
  
• 5.4 2207007 Málefni tónlistarskólans
  Sigurður Gísli Guðjónsson skólastjóri var gestur fundarins undir dagskrárliðum 4, 5 og 6 og var hann boðinn velkominn.
  
  Skólanefnd - 163 Lagt fram til afgreiðslu skóladagatal tónlistarskólans, en það var lagt fram til umræðu á 162. fundi skólanefndar í apríl sl.
  
  Sigurður Gísli kynnti skóladagatal tónlistarskólans og farið var yfir það.
  
  Skóladagatal tónlistarskólans samþykkt samhljóða.
  
• 5.5 2207005 Málefni grunnskólans
  Skólanefnd - 163 Lagt fram til afgreiðslu skóladagatal grunnskólans, en það var lagt fram til umræðu á 162. fundi skólanefndar í apríl sl.
  
  Sigurður Gísli kynnti skóladagatal grunnskólans og farið var yfir það.
  
  Skóladagatal grunnskólans samþykkt samhljóða.
  
• 5.6 2207008 Málefni leikskóladeildarinnar Eldhamra
  Skólanefnd - 163 Lagt fram til afgreiðslu skóladagatal leikskóladeildarinnar Eldhamra, með breytingum frá umræðu á 162. fundi skólanefndar í apríl sl.
  
  Sigurður Gísli fór yfir skóladagatal Eldhamra og farið var yfir það.
  
  Skóladagatal Eldhamra samþykkt samhljóða.
  
• 5.7 2207006 Málefni leikskólans
  Leikskólastjóri átti ekki kost á að sitja fundinn. Ragnheiður Dröfn Benidiktsdóttir sat þennan dagskrárlið í fjarfundi sem fulltrúi foreldra leikskólabarna og var hún boðin velkomin á fundinn.
  Skólanefnd - 163 Lagt fram til afgreiðslu skóladagatal Leikskólans Sólvalla, með breytingum frá umræðu sem fram fór á 162. fundi skólanefndar í apríl sl.
  Einnig lagður fram tölvupóstur leikskólastjóra um breytingu á skóladagatalinu sem gerð er með hliðsjón af breytingu á skóladagatali Eldhamra, hvað varðar opnunartíma í Dymbilviku.
  
  Farið var yfir skóladagatalið, m.a. með hliðsjón af fyrri umræðu skólanefndar.
  
  Í ljósi þeirrar vinnu sem farið hefur fram síðustu mánuði við að styrkja innra starf leikskólans - og halda þarf áfram á komandi vetri - þá samþykkir skólanefnd óskir um sex starfsdaga leikskólans á komandi skólaári. Einn starfsdagur er sérstaklega ætlaður í endurmenntunarferð leikskólastarfsfólks til útlanda í apríl 2023, en þar er um að ræða ferð sem frestað var sl. vor.
  
  Í ljósi þess að fyrir dyrum stendur að endurskoða skólastefnu Grundarfjarðarbæjar leggur skólanefnd til að í þeirri vinnu verði farið yfir starfsdaga og fleira sem snertir samræmingu milli leikskóladeildar og leikskóla.
  
  Nefndin óskar eftir því að skólastjórar leik- og grunnskóla leitist við að samræma starfsdaga sína í marsmánuði 2023 og er bæjarstjóra falið að leita eftir breytingum á skóladagatali skólanna, með samtali við skólastjórana.
  
  Skóladagatal leikskólans samþykkt samhljóða með framangreindum fyrirvörum.
  
• 5.8 2203043 Leikskólinn Sólvellir - Skipulag skólastarfs 2022
  Á fundi skólanefndar nr. 161 voru samþykkt viðmið um barngildi og fáliðunarreglur.
  
  Nú er lögð fram tillaga að starfsreglum um sérkennslu og stuðning, sem unnar hafa verið af skólaráðgjöfum Ásgarðs með stjórnendum Leikskólans Sólvalla.
  
  Tillagan er framhald og hluti af vinnu við að styrkja starf leikskólans.
  
  Ennfremur er lagt fram minnisblað Ásgarðs 2. maí 2022 um þá vinnu sem fram hefur farið og auk þess minnispunktar af fundi bæjarfulltrúa með starfsfólki leikskóla 6. apríl 2022.
  
  Skólanefnd - 163 Farið var yfir framlagða tillögu og efni reglnanna, og samhengi þeirra við áður samþykktar reglur.
  
  Í framlögðum tölvupósti ráðgjafa Ásgarðs til bæjarstjóra kemur fram að drögin geri ráð fyrir að stoðþjónustuteymi fari yfir umsókn um stuðningstíma með rökstuðningi frá sérkennslustjóra. Ákveða þurfi fyrirkomulag þessa þáttar í stjórnskipulagi skólans/bæjarins. Rökstuðningur fyrir stuðningi þurfi að vera skýr og ákvörðun um úthlutun fjármagns sé tekin út frá þeim markmiðum sem sett eru með sérkennslunni.
  
  Starfsreglur um sérkennslu og stuðning samþykktar samhljóða. Skólanefnd leggur jafnframt til að ákveðið verði fyrirkomulag á stoðþjónustuteymi.
  
  Skólanefnd telur að reglurnar þurfi að gilda um og/eða laga að starfsemi leikskóladeildarinnar Eldhamra og leggur til að það verði skoðað.
  
  BÁ sagði lauslega frá því starfi sem fram hefur farið að undanförnu við að byggja upp innra starf leikskólans, með liðsinni skólaráðgjafa Ásgarðs.
  
• 5.9 2205018 Samband íslenskra sveitarfélaga - Brotthvarf úr framhaldsskólum
  Lagt fram bréf sambandsins frá 4. maí sl. til sveitarfélaga þar sem áframsent er bréf Velferðarvaktarinnar, dags. 7. apríl 2022. Fram kemur að Velferðarvaktin hafi fjallað um rannsóknarskýrsluna "Félagsleg og efnahagsleg staða og brotthvarf úr íslenskum framhaldsskólum" og tekið undir tillögur sem fram koma í skýrslunni. Sambandið áframsendir tillögur Velferðarvaktarinnar til allra sveitarfélaga.
  Skólanefnd - 163 Skólanefnd óskar eftir að fá að ræða efni skýrslunnar og tillagnanna við skólastjórnendur grunnskóla, í haust.
  
  

Málsnúmer 2206003FVakta málsnúmer

• 6.1 2207003 Hafnarreglugerð fyrir Grundarfjarðarhöfn
  Hafnarreglugerð lögð fram til kynningar.
  Reglugerðin er sett skv. fyrirmælum í hafnalögum nr. 61/2003.
  
  Hafnarstjórn - 1
• 6.2 2207002 Siðareglur kjörinna fulltrúa í Grundarfjarðarbæ
  Siðareglur fyrir kjörna fulltrúa Grundarfjarðarbæjar lagðar fram til kynningar. Hafnarstjórn - 1
• 6.3 2205031 Fundartími nefnda
  Hafnarstjórn telur ekki þörf á að ákveða fastan fundartíma, heldur mun hún koma sér saman um fundartíma hverju sinni.
  
  Hafnarstjórn - 1
• 6.4 2104003 Breyting á deiliskipulagi Framness austan Nesvegar
  Kristín Þorleifsdóttir skipulagsfulltrúi er gestur fundarins undir þessum lið og var í fjarfundi. Var hún boðin velkomin.
  
  Hafnarstjórn - 1 Kristín sagði frá vinnu sem í gangi er við endurskoðun deiliskipulags á hafnarsvæði, Framnesi austan Nesvegar. Gera þarf breytingar á gildandi deiliskipulagi og auka við svæðið, m.a. færa Norðurgarð þar undir.
  
  Farið var yfir vinnuna og helstu viðfangsefni hennar, þróun og starfsemi á höfninni. Þann 6. júní sl. var fundur með hagsmunaaðilum á hafnarsvæði og Framnesi, en ennfremur er hafin vinna við gerð deiliskipulags á Framnesi.
  
  Varðandi mörk skipulagssvæðisins þá leggur hafnarstjórn til að þau verði dregin sunnan við hafnarhús og Miðgarð, þannig að deiliskipulagið taki heildstætt á komum skemmtiferðaskipa, umferðarflæði sem þeim fylgir, sem og samspili við umsvif vegna fiskiskipa, bæði við Norðurgarð og Miðgarð.
  
  Nefndin telur mikilvægt að deiliskipulagið taki vel á flæði umferðar á hafnarsvæðinu, þannig að umsvif og þjónusta við fiskiskip og skemmtiferðaskip geti farið saman á farsælan hátt.
  
  Ennfremur telur hafnarstjórn mikilvægt að fylgja áherslum aðalskipulags um að huga vel að nýtingu lóða/lands á hafnarsvæðinu.
  
  Hér vék Kristín af fundi og var henni þakkað fyrir komuna.
  Bókun fundar Bæjarráð samþykkir samhljóða tillögu hafnarstjórnar um að mörk deiliskipulagssvæðisins verði dregin sunnan við hafnarhús og Miðgarð.
  
  Bæjarráð felur skipulagsfulltrúa að fylgja þeirri samþykkt eftir í vinnunni við endurskoðun/breytingu deiliskipulags hafnarsvæðis á Framnesi austan Nesvegar.
  
• 6.5 2207004 Vegagerðin - Samgönguáætlun 2023-2027, Beiðni um upplýsingar
  Í pósti frá Vegagerðinni kemur fram að frestur hafi verið lengdur til 31. júlí nk. til að skila inn upplýsingum vegna samgönguáætlunar 2023-2027.
  
  
  Hafnarstjórn - 1 Farið yfir framkvæmdir sem höfnin sækir um að komi inn á samgönguáætlun 2023-2027, en Vegagerðin hefur leitað eftir upplýsingum frá höfnum.
  Fulltrúar í hafnarstjórn höfðu áður samþykkt fyrirliggjandi drög, rafrænt, og sendi hafnarstjóri það til Vegagerðarinnar.
  
  Staðfest af hafnarstjórn.
  Bókun fundar Bæjarráð samþykkir fyrir sitt leyti óskir hafnarstjórnar um framkvæmdir v. gerð samgönguáætlunar 2023-2027.
  
  
• 6.6 2206031 Grundarfjarðarhöfn - Úttekt á stálþili stórubryggju
  Lögð fram til kynningar skýrsla frá Köfunarþjónustunni ehf. vegna skoðunar á stálþili á eldri hluta Norðurgarðs, sem fram fór 20. júní sl.
  Hafnarstjórn - 1 Lögð hefur verið fram ósk um fjármagn til endurbóta á stálþilinu vegna samgönguáætlunar 2023-2027 (sjá næsta lið á undan).
  
• 6.7 2110004 Grundarfjarðarhöfn - Komur skemmtiferðaskipa
  Hafnarstjóri sagði frá komum skemmtiferðaskipa í sumar og nk. sumar.
  
  Lagt fram yfirlit hafnarstjóra um fjölda/komur skemmtiferðaskipa og tekjur á liðnum árum.
  Hafnarstjórn - 1 Rætt var um aðstöðu fyrir gesti skemmtiferðaskipa, en þeim fer verulega fjölgandi. Hafnarstjóri telur þörf á að auka skjól við flotbryggjuna með einum eða öðrum hætti. Einnig var rætt um salernisaðstöðu á svæðinu. Þessi atriði verða rædd nánar í tengslum við deiliskipulagsvinnu þá sem nú er í gangi, sbr. fyrri dagskrárlið.
  
  Einnig lagt fram erindi Áfangastaða- og markaðssviðs SSV en höfnin hyggst fara í vinnu með sviðinu um gæði í móttöku á skemmtiferðaskipum.
  
  Auk þess lögð fram eldri skjöl um sambærilegt verkefni sem sviðið kom að.
  
• 6.8 2207009 Hafnasamband Íslands - Fundargerð 444. fundar
  Hafnarstjórn - 1 Lögð fram fundargerð 444. fundar stjórnar Hafnasambands Íslands sem haldinn var þann 14. júní sl.
  
• 6.9 2206033 Hafnasamband Íslands - Boðun hafnasambandsþings 2022
  Lagt fram bréf Hafnasambandsins um boðun hafnasambandsþings 2022, sem haldið verður í Ólafsvík 27. og 28. október nk.
  Hafnarstjórn - 1

Málsnúmer 2207014Vakta málsnúmer

Málsnúmer 2206035Vakta málsnúmer

Málsnúmer 2207021Vakta málsnúmer

Málsnúmer 2203043Vakta málsnúmer

Málsnúmer 2207023Vakta málsnúmer

Málsnúmer 2206030Vakta málsnúmer

Málsnúmer 2207012Vakta málsnúmer

Málsnúmer 2206028Vakta málsnúmer

Málsnúmer 2207026Vakta málsnúmer

Málsnúmer 2202014Vakta málsnúmer

Málsnúmer 2206016Vakta málsnúmer

Málsnúmer 2206032Vakta málsnúmer

Málsnúmer 2206038Vakta málsnúmer

Málsnúmer 2206037Vakta málsnúmer

Málsnúmer 2206024Vakta málsnúmer

Málsnúmer 2206025Vakta málsnúmer

Málsnúmer 2206014Vakta málsnúmer

Málsnúmer 2206022Vakta málsnúmer

Málsnúmer 2206023Vakta málsnúmer

Málsnúmer 2207017Vakta málsnúmer

Málsnúmer 2207013Vakta málsnúmer

Málsnúmer 2206034Vakta málsnúmer

Málsnúmer 2206039Vakta málsnúmer

Málsnúmer 2207020Vakta málsnúmer

Málsnúmer 2206033Vakta málsnúmer

Málsnúmer 2207011Vakta málsnúmer

Málsnúmer 2207022Vakta málsnúmer

Málsnúmer 2206036Vakta málsnúmer

Málsnúmer 2206015Vakta málsnúmer