Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2309002FVakta málsnúmer

• 3.1 2309045 Skerðingsstaðir - tilkynning um kæru 112 2023
  Lagður fram tölvupóstur Úrskurðarnefndar umhverfis- og auðlindamála (ÚUA), dags. 22. september 2023. Einnig lagt fram kæruskjal Lex lögmannsstofu til úrskurðarnefndarinnar, dags. 22. september sl., fyrir hönd kærenda, ásamt fylgiskjölum.
  
  Kærendur krefjast þess að ákvörðun Grundarfjarðarbæjar um að samþykkja deiliskipulag fyrir hótel í landi Skerðingsstaða verði felld úr gildi. Einnig er þess krafist að úrskurðarnefndin fresti réttaráhrifum hinnar kærðu ákvörðunar, sbr. 3. mgr. 5. gr. laga nr. 130/2011.
  
  ÚUA óskar eftir gögnum sem málið varða fyrir 29. september næstkomandi og er Grundarfjarðarbæ gefinn kostur á að tjá sig um stöðvunarkröfuna til sama tíma. Frestur til að skila umsögn um efnisatriði kærunnar er hins vegar 15 dagar frá dagsetningu tilkynningar ÚUA.
  
  Halldór Jónsson, hrl. hjá Juris, kom inn á fundinn undir þessum lið í gegnum síma.
  
  Lögð fram drög Juris lögmannsstofu að svarbréfi Grundarfjarðarbæjar til ÚUA, hvað varðar stöðvunarkröfu kærunnar.
  
  Bæjarráð - 610 Efnisatriði kæru eru í meginatriðum þau sömu og fram komu í athugasemdum kærenda við auglýsingu deiliskipulagstillögunnar og sem skipulags- og umhverfisnefnd og bæjarstjórn tóku til úrvinnslu og tóku afstöðu til á því stigi, í samræmi við 3. mgr. 41. gr. skipulagslaga nr. 123/2010 m.s.br.
  
  Afstaða í framlögðum drögum að svarbréfi staðfest. Vegna efnisatriða er bæjarstjóra falið að senda viðeigandi gögn og upplýsa um þau sjónarmið sem réðu ákvörðun á sínum tíma innan veitts frests.
  
  
  --
  
  JÓK vék af fundi eftir lok umræðna og ÁE tók þá sæti á fundinum, kl. 9:02.
  Bókun fundar Síðari hluti svars bæjarins, til Úrskurðarnefndarinnar, var sendur nefndinni í lok síðustu viku.
  
• 3.2 2301020 Lausafjárstaða 2023
  Lagt fram yfirlit yfir lausafjárstöðu.
  Bæjarráð - 610
• 3.3 2309031 Álagning útsvars 2024
  Ákvörðun um álagningarprósentu útsvars 2024.
  Bæjarráð - 610 Bæjarráð leggur til við bæjarstjórn að álagningarprósenta verði óbreytt frá fyrra ári eða 14,74%.
  
  Samþykkt samhljóða.
  
• 3.4 2309032 Fasteignagjöld 2024
  Lögð fram bráðabirgðaálagning fasteignagjalda fyrir árið 2024, sundurliðuð niður á álagningarflokka. Jafnframt lagður fram samanburður á fasteignagjöldum og álagningu nágrannasveitarfélaga og samanburður á gjaldskrá vegna sorps í nokkrum sveitarfélögum.
  Bæjarráð - 610 Bráðabirgðaálagning fasteignagjalda fyrir árið 2024 kynnt, sem og samanburður. Farið yfir forsendur og breytingu milli ára.
  
  Breyting á sorpmálum, undirbúningur útboðs og endurskoðun sorpsamþykktar eru í vinnslu. Gjaldtaka verður skoðuð samhliða.
  
  Vísað til næsta fundar bæjarráðs.
  
• 3.5 2309033 Gjaldskrár 2024
  Lögð fram samþykkt gjaldskrá vegna ársins 2023.
  
  Bæjarráð - 610 Umræða um þörf fyrir gjaldskrárhækkanir í samhengi við kostnaðarhækkanir ársins 2022 og 2023 og áætlaða breytingu árið 2024.
  
  Vísað til næsta fundar bæjarráðs.
  
• 3.6 2309002 Fjárhagsáætlun 2024
  Lagðar fram forsendur fjárhagsáætlana, sbr. framlagt minnisblað frá Sambandi íslenskra sveitarfélaga. Einnig lögð fram tímaáætlun funda bæjarráðs og bæjarstjórnar út árið 2023 vegna fjárhagsáætlunargerðar.
  
  Aukið bæjarráð mun vinna að gerð fjárhagsáætlunar á næstu vikum. Bæjarráð - 610 Bæjarráð stefnir á að hitta forstöðumenn stofnana miðvikudaginn 11. október nk.
  
  Vísað til næsta fundar bæjarráðs.
  
• 3.7 2011052 Sameiginlegt embætti skipulags- og byggingarfulltrúa á Snæfellsnesi
  Lögð fram bréfaskipti við samstarfssveitarfélögin, Sveitarfélagið Stykkishólm og Eyja- og Miklaholtshrepp, um sameiginlegt svið og embætti skipulags- og byggingarfulltrúa.
  
  Einnig lagður fram tölvupóstur frá Kristínu Þorleifsdóttur, skipulagsfulltrúa, um starf sitt í ljósi breytinga á samstarfi sveitarfélaganna. Þar kemur fram að hún hefur tekið boði Sveitarfélagsins Stykkishólms um starf fyrir sveitarfélagið.
  Bæjarráð - 610 Bæjarstjóri upplýsti að samstarfssveitarfélögin hefðu rætt um að stefna að óbreyttri starfsemi út árið, þó með þeirri breytingu að KÞ verði starfsmaður Sveitarfélagsins Stykkishólms en vinni fyrir Grundarfjarðarbæ í sama hlutfalli og verið hefur.
  
  Ennfremur lagðar fram starfsreglur bæjarstjórnar við ráðningar starfsfólks frá 2021. Í 2. grein kemur fram að sveitarfélagið ráði skipulagsfulltrúa og byggingarfulltrúa í samræmi við samstarfssamning við nágrannasveitarfélögin.
  
  Í ljósi framangreinds felur bæjarráð bæjarstjóra að undirbúa og auglýsa starf skipulagsfulltrúa.
  
  Bæjarráð leggur jafnframt til að bæjarstjórn geri breytingu á síðari hluta 2. greinar í starfsreglum um ráðningar, í takt við framangreindar boðaðar breytingar á samstarfssamningi sveitarfélaganna.
  
  Samþykkt samhljóða.
  
• 3.8 2301003 Deiliskipulag Hafnarsvæðis 2023
  Kristín Þorleifsdóttir, skipulagsfulltrúi, sat fundinn undir þessum lið í fjarfundi.
  
  Á 274. fundi bæjarstjórnar, þann 14. september sl., veitti bæjarstjórn bæjarráði umboð til að afgreiða deiliskipulagstillögu fyrir norðurhluta hafnarsvæðis til auglýsingar, en skipulags- og umhverfisnefnd afgreiddi tillöguna til auglýsingar á 251. fundi sínum þann 19. september sl.
  
  Lögð fram skipulagsgögn frá Eflu, með minniháttar lagfæringum frá síðasta fundi skipulags- og umhverfisnefndar.
  
  Samhliða breyttu deiliskipulagi hafnarsvæðis verður auglýst breyting á Aðalskipulagi Grundarfjarðar 2019-2039 en tillaga um það var afgreidd af skipulags- og umhverfisnefnd á 249. fundi nefndarinnar þann 5. júní sl. og af bæjarstjórn á 273. fundi sínum þann 8. júní sl.
  
  Bæjarráð - 610 Bæjarráð samþykkir samhljóða að framlögð tillaga að deiliskipulagi hafnarsvæðis norður sbr. uppdrátt (lokadrög dags. 27.09.2023) og greinargerð (lokadrög dags. 15.09.2023) verði auglýst samhliða auglýsingu aðalskipulagsbreytingar í samræmi við 1 . mgr. 41. gr. og 1. mgr.31. gr. skipulagslaga nr. 123/2010.
  
  
• 3.9 2301002 Deiliskipulag Framnes 2023
  Kristín Þorleifsdóttir, skipulagsfulltrúi, sat fundinn undir þessum lið í fjarfundi.
  
  Farið yfir stöðu deiliskipulagsvinnu á Framnesi, rætt um verklag og efnisatriði vinnunnar.
  Bæjarráð - 610 Tekið verður saman, fyrir skipulags- og umhverfisnefnd og bæjarstjórn, yfirlit um stöðu og framgang deiliskipulagsvinnu Framness, ferilblað sem er fylgigagn allra stærri skipulagsverkefna og er uppfært jafnóðum. Ennfremur uppfærð tímaáætlun verkefnisins, fyrir næsta fund skipulags- og umhverfisnefndar.
  
  
  
  
  
• 3.10 2101038 Iðnaðarsvæði - tillaga að deiliskipulagi 2021
  Kristín Þorleifsdóttir, skipulagsfulltrúi, sat fundinn undir þessum lið í fjarfundi. Bæjarráð - 610 Farið yfir stöðu deiliskipulagsvinnu á iðnaðar- og athafnasvæði vestan Kvernár.
  Skipulagsfulltrúi gerði grein fyrir og sagði frá því að í dag taki gildi deiliskipulagsbreyting á svæðinu, sem unnið hefur verið að. Heildarendurskoðun deiliskipulags fyrir allt hverfið er ennfremur í vinnslu.
  
  Skipulagsfulltrúi sagði einnig frá hönnunarvinnu Eflu vegna breytinga á götuhæð í Hjallatúni, sem er að ljúka.
  
  Rætt um framboð lóða á svæðinu og er vísað til ákvörðunar bæjarráðs (liður 2.6.) á 606. fundi þann 28. júní sl.
  
  Hér vék Kristín af fundi og var henni þakkað fyrir upplýsingarnar.
  
  
• 3.11 2309020 Innviðaráðuneytið - Hvatning til sveitarstjórna um mótun málstefnu
  Lagt fram bréf innviðaráðuneytisins, dags. 5. september 2023, um mótun málstefnu.
  Bæjarstjórn vísaði málinu til bæjarráðs.
  
  Bæjarráð - 610 Bæjarráð fór yfir erindið.
  
  Fjárhagsáætlunargerð er framundan og vinna við ýmis stór verkefni. Bæjarráð leggur til að málið verði tekið fyrir á nýju ári.
  
  Samþykkt samhljóða.
  
• 3.12 1801048 Sögumiðstöðin
  Lagðir fram nýir aðaluppdrættir vegna breytinga innanhúss á Grundargötu 35, í samræmi við þegar samþykkt áform.
  
  Einnig lagður fram tölvupóstur með athugasemdum byggingarfulltrúa og tillögu um að láta vinna brunahönnun samhliða til samþykktar, ásamt tölvupósti brunahönnuðar með mati á hólfun rýmis og tilboði um frágang brunahönnunar v. teikninga hússins.
  
  Bæjarráð - 610 Bæjarráð staðfestir framlagðar teikningar hússins (aðaluppdráttur) og samþykkir að láta fara fram brunahönnun, sbr. framlögð gögn.
  
  Samþykkt samhljóða.
  
• 3.13 2206014 Logos - Uppsögn á afnotum af ríkisjörðinni Hallbjarnareyri
  Lagt fram til kynningar bréf Logos lögmannsþjónustu, dags. 11. september 2023, til Framkvæmdasýslu Ríkiseigna. Málið varðar samskipti í kjölfar uppsagnar Ríkiseigna á afnotum ábúenda af ríkisjörðinni Hallbjarnareyri miðað við núverandi afmörkun jarðarinnar, sbr. framlagt bréf á 560. fundi bæjarráðs þann 7. júlí 2022. Afrit bréfsins var sent Grundarfjarðarbæ til upplýsinga.
  Bæjarráð - 610
• 3.14 2309040 Umhverfisstofnun - Ársfundur náttúruverndarnefnda 12. okt. - Hver eru áhrif aukinnar umferðar skemmtiferðaskipa?
  Lagt fram til kynningar fundarboð Umhverfisstofnunar vegna ársfundar náttúruverndarnefnda, náttúrustofa og Umhverfisstofnunar sem haldinn verður á Ísafirði 12. október nk.
  Bæjarráð - 610 Bókun fundar Forseti sagði frá því að þessum fundi, sem vera átti á Ísafirði í dag, var frestað vegna veðurs. Þema fundarins var áhrif aukinnar umferðar skemmtiferðaskipa.
  
• 3.15 2309041 Nýsköpunarnet Vesturlands - Nývest verkefni framundan
  Lögð fram til kynningar fundargerð 7. fundar stjórnar NýVest sem haldinn var 28. ágúst sl., ásamt skýrslu stjórnar NýVest 2023.
  Bæjarráð - 610
• 3.16 2309042 Vegagerðin - Samráðsfundir vegna endurskoðunar á vinnureglum vetrarþjónustu
  Lagt fram til kynningar bréf Vegagerðarinnar, dags. 14. september sl., um samráðsfundi vegna endurskoðunar á vinnureglum vetrarþjónustu. Fundur fyrir Vesturland verður í Stykkishólmi 6. okt. nk.
  
  Bæjarráð - 610 Fulltrúar munu fara frá Grundarfjarðarbæ á fundinn.
  
• 3.17 2309037 SSV - Viðhorf til fjarvinnu, vörumerkja, náttúruperla og sögustaða á Vesturlandi
  Lögð fram til kynningar skýrsla SSV, dags. í september 2023, um viðhorf Íslendinga til fjarvinnu, vörumerkja, náttúruperla og sögustaða á Vesturlandi.
  Bæjarráð - 610
• 3.18 2309046 Samband íslenskra sveitarfélaga og SSSFS - Námsferð til Eistlands
  Lagt fram til kynningar minnisblað vegna námsferðar til Eistlands 28.-30. ágúst sl. á vegum Félags samtaka stjórnenda á stjórnsýslu- og fjármálasviðum sveitarfélaga (SSSFS), stafræns umbreytingarteymis Sambandsins (SUT), stafræns ráðs sveitarfélaga og faghóps um stafræna umbreytingu.
  Bæjarráð - 610
• 3.19 2309038 Skógræktarfélag Íslands - Ályktun - Skógarreitir og græn svæði innan byggðar
  Lagt fram til kynningar bréf Skógræktarfélags Íslands, dags. 13. september sl., til stjórna sveitarfélaga á Íslandi, með ályktun félagsins um skógarreiti og græn svæði innan byggðar.
  Bæjarráð - 610 Bæjarráð leggur til að erindið verði einnig kynnt skipulags- og umhverfisnefnd.
  
• 3.20 2309012 Vegagerðin - Hæðarlínur vegna jarðskorpuhreyfinga og sjávarstöðu
  Lagður fram til kynningar tölvupóstur Vegagerðarinnar, dags. 8. september sl., um hæðarlínur vegna jarðskorpuhreyfinga og sjávarstöðu.
  Bæjarráð - 610

Málsnúmer 2310002FVakta málsnúmer

• 4.1 2309006 Samtök sveitarfélaga á Vesturlandi - Haustfundur 4. okt. 2023 í Reykholti
  Haustþing SSV er haldið 4. október 2023 í Reykholti.
  
  Fulltrúar Grundarfjarðarbæjar með atkvæðisrétt á þinginu eru bæjarfulltrúarnir Jósef Ó. Kjartansson, Garðar Svansson og Sigurður G. Guðjónsson.
  Bæjarráð - 611 Bæjarráð veitir Björgu Ágústsdóttur bæjarstjóra umboð til að vera fulltrúi bæjarins með atkvæðisrétt, í stað kjörinna fulltrúa og varamanna þeirra, verði forföll í þeirra hópi á haustþinginu.
  
  Samþykkt samhljóða.
  
  

Málsnúmer 2307003FVakta málsnúmer

• 5.1 2309021 Grundargata 62 - klæðning húss og endurnýjun á þaki
  Lögð fram til afgreiðslu umsókn lóðarhafa Grundargötu 62 um útlitsbreytingu á húsi sem felst í nýrri ljósgrárri bárujárnsklæðningu sem lögð verður lárétt með brúnlituðum timburpanil undir eða yfir gluggum.
  
  Nýklæðning þegar byggðra mannvirkja er tilkynningarskyld framkvæmd sbr. b-lið 2.3.6. gr. byggingarreglugerðar nr. 112/2012. Þar sem ekki liggur fyrir deiliskipulag, vísaði byggingarfulltrúi erindinu til skipulags- og umhverfisnefndar í samræmi við 2.3.4. gr. reglugerðarinnar.
  Skipulags- og umhverfisnefnd - 251 Skipulags- og umhverfisnefnd telur útlitsbreytinguna vera óverulega og að ekki þurfi að grenndarkynna hana sbr. 44. gr. skipulagslaga nr. 123/2010. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.2 2210013 Sólvellir 5 - Umsókn um byggingarleyfi, endurbygging
  Lögð er fram til afgreiðslu umsókn lóðarhafa Sólvalla 5, KB bílaverkstæði ehf., um endurbyggingu á iðnaðarhúsi sem brann.
  
  Erindið var áður tekið fyrir á 249. fundi skipulags- og umhverfisnefndar þann 5. júní sl. og lagði nefndin til að uppdrættir yrðu grenndarkynntir þar sem lóðin er ekki á deiliskipulögðum reit og umfang fyrirhugaðrar byggingar var meira en þeirrar byggingar sem áður stóð á lóðinni. Engar athugasemdir bárust á grenndarkynningartíma.
  
  Nú liggja fyrir uppfærðar teikningar, sem í meginatriðum felast í minna byggingarmagni. Byggingarfulltrúi óskar eftir áliti skipulags- og umhverfisnefndar í samræmi við 1. mgr. 44. gr. skipulagslaga nr. 123/2010.
  Skipulags- og umhverfisnefnd - 251 Skipulags- og umhverfisnefnd telur að breyttir uppdrættir, sem í meginatriðum felast í minna byggingarmagni, kalli ekki á nýja grenndarkynningu. Nefndin felur byggingarfulltrúa að gefa út byggingarleyfi að öllum skilyrðum byggingarreglugerðar uppfylltum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.3 2309029 Fellasneið 10 - breyting á nýtingu á húsnæði
  Lögð er fram til afgreiðslu fyrirspurn lóðarhafa að Fellasneið 10 varðandi breytingar á á skráningu bílskúrs í íbúð sbr. framlagða teikningu og ljósmyndir en bílskúrinn var innréttaður sem íbúð af fyrri eigendum. Skipulags- og umhverfisnefnd - 251 Skipulags- og umhverfisnefnd samþykkir að breyta skráningu bílskúrs í íbúð og felur byggingafulltrúa að gefa út byggingarleyfi/heimild að öllum skilyrðum byggingareglugerðar uppfylltum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.4 2309010 Mæstro street food - umsókn um stöðuleyfi 2023-2024
  Lagt fram til afgreiðslu umsókn Mæstro street food um áframhaldandi stöðuleyfi fyrir matvagn á miðbæjarreit eða frá 1. október 2023 til 1. október 2024. Skipulags- og umhverfisnefnd - 251 Skipulags- og umhverfisnefnd samþykkir að veita áframhaldandi stöðuleyfi til 1. október 2024. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 5.5 2301003 Deiliskipulag Hafnarsvæðis 2023
  Lögð fram til afgreiðslu tillaga að nýju deiliskipulagi fyrir norðurhluta hafnarsvæðis ásamt tillögu að breytingu á Aðalskipulagi Grundarfjarðar 2019-2039. Vísað til hjálagðs yfirlits yfir meðferð málsins.
  Skipulags- og umhverfisnefnd - 251 Skipulags- og umhverfisnefnd samþykkir fyrir sitt leyti að auglýsa tillögu að nýju deiliskipulagi fyrir norðurhluta hafnarsvæðis í samræmi við 1. mgr. 41. gr. skipulagslaga nr. 23/2010 ásamt tillögu að breytingu á Aðalskipulagi Grundarfjarðar 2019-2039 í samræmi við 1. mgr. 36. gr., 31. gr. og 2. mgr. 41. gr. skipulagslaga nr. 123/2010. Nefndin felur skipulagsfulltrúa að gera minniháttar breytingar á tillögunni í samræmi við umræður á fundinum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar, sbr. einnig afgreiðslu á 610. fundi bæjarráðs.
  
  
• 5.6 2306022 Þórdísarstaðir - óveruleg br. á aðalskipulagi
  Lögð fram til kynningar afgreiðsla Skipulagsstofnunar á óverulegri breytingu á Aðalskipulagi, vegna Þórdísarstaða. Reiknað er með að skipulagsbreytingin taki gildi með birtingu í B-deild 28. september nk. Skipulags- og umhverfisnefnd - 251 Lagt fram til kynningar.
• 5.7 2307004 Þórdísarstaðir - Stöðvun framkvæmda
  Lagt fram til kynningar afgreiðsla byggingarfulltrúa vegna beiðni um endurupptöku á umsókn um byggingarleyfi fyrir endurbyggingu á hesthúsi og hlöðu á Þórdísarstöðum.
  
  Umsóknin var tekin fyrir á 247. fundi skipulags- og umhverfisnefndar þann 4. apríl sl. og taldi nefndin að fyrirhuguð breyting samræmdist ekki skipulagsskilmálum VÞ-2 í Aðalskipulagi Grundarfjarðar 2019-2039 og að slík breyting kallaði á óverulega breytingu á aðalskipulagi í samræmi við 36. gr. skipulagslaga nr. 123/2010.
  
  Í kjölfarið létu landeigendur vinna tillögu að breytingu á aðalskipulagi. Skipulagsstofnun gerði ekki efnislegar athugasemdir við tillöguna og kynnti breytinguna á síðu stofnunarinnar. Engar athugasemdir bárust við tillöguna. Stofnunin staðfesti breytinguna 13. september sl. reiknað er með að skipulagsbreytingin taki gildi með birtingu í B-deild Stjórnartíðinda 28. september nk.
  
  Þann 4. júlí sl. barst ábending um að framkvæmdir væru hafnar án tilskilins byggingarleyfis. Í vettvangsskoðun byggingarfulltrúa reyndist ábendingin vera rétt og voru framkvæmdir stöðvaðar, sbr. bréf til landeigenda dags. 6. júlí sl.
  
  Þann 11. júlí sendu landeigendur inn beiðni um endurupptöku máls á grundvelli þess að nefndin hefði afgreitt byggingarleyfisumsóknina á röngum forsendum. Byggingarfulltrúi svaraði erindinu með bréfi dags. 11. september þar sem endurupptöku var hafnað. Sviðstjóri ítrekaði við landeigendur í tölvupósti 12. september sl. að verði uppfærð gögn í fullu samræmi við óverulega breytingu á aðalskipulagi, þyrfti ekki að taka málið aftur fyrir í skipulags- og umhverfisnefnd heldur myndi byggingarfulltrúi gefa út byggingarleyfi/heimild að öllum skilyrðum byggingarreglugerðar uppfylltum. Skipulags- og umhverfisnefnd - 251 Lagt fram til kynningar.
• 5.8 2308001 Stígamál í Grundarfirði - Fjallahjólaleiðir
  Lagt er fram til kynningar og umræðu erindi Leifs Harðarsonar um leiðir í Grundarfjarðarbæ sem hentað gætu fyrir fjallahjól, sem njóta vaxandi vinsælda.
  Svipuð erindi hafa borist nágrannasveitarfélögum og eru þar til skoðunar. Svæðisgarðurinn er einnig að skoða stíga og leiðir til ýmissa nota í verkefninu Fyrirmyndarstígar á Snæfellsnesi og er þar m.a. verið að skilgreina og kortleggja hjólaleiðir. Skipulags- og umhverfisnefnd - 251 Skipulags- og umhverfisnefnd fagnar hverskyns nýjungum í útivist og heilsubót. Nefndin leggur til að skilgreindar verði sérstakar leiðir sem henta fjallahjólum s.s. malarstígar, götur o.fl en bendir jafnframt á að víða í umhverfinu séu viðkvæm svæði og hætta á gróður- og jarðvegsrofi sem taka þurfi tillit til. Nefndin leggur til að fulltrúar úr skipulags- og umhverfisnefnd og íþrótta- og tómstundanefnd fundi með aðilum ásamt starfsmönnum nefndanna. Bókun fundar Bæjarstjórn tekur undir með skipulags- og umhverfisnefnd að fulltrúar nefndarinnar haldi fund með aðilum ásamt fulltrúum í íþrótta- og tómstundanefnd varðandi stígamál.
  
• 5.9 2301007 Framkvæmdir 2023
  Lagt fram til kynningar hönnun á neðri hluta Hrannarstígs sem gönguvænni miðbæjargötu, sbr. afgreiðslu bæjarráðs á fundum í sumar. Skipulags- og umhverfisnefnd - 251 Lagt fram til kynningar.
• 5.10 2307010 Beiðni um umsögn dsk frístbyggð á Stóra-Kambi
  Beiðni um umsögn vegna deiliskipulags frístundabyggðar á Stóra-Kambi í Snæfellsbæ með allt að 12 frístundahúsum, þjónustusvæðis við þjóðveg og opins svæðis austan frístundabyggðarinnar.
  
  Skipulagsfulltrúi hefur sent eftirfarandi umsögn: Grundarfjarðarbær gerir ekki athugasemdir við tillögu að deiliskipulagi fyrir frístundabyggð o.fl. á Stóra-Kambi í Snæfellsbæ. Deiliskipulagssvæðið er ekki talið hafa áhrif á svæði eða hagsmuni innan lögsögu Grundarfjarðarbæjar. Skipulags- og umhverfisnefnd - 251 Til fram til kynningar.
• 5.11 2309001 Sveitarfélagið Stykkishólmur - Ágangur búfjár
  Lagt fram til kynningar bréf Sveitarfélagsins Stykkishólms frá 25. ágúst sl. um aðgerðir vegna ágangs sauðfjár.
  
  Ennfremur vakin athygli á meðferð bæjarráðs á fundi þann 19. júlí sl. á máli varðandi ágangsfé, sbr. bókun máls: https://www.grundarfjordur.is/is/moya/one/meeting/case/2307006 Skipulags- og umhverfisnefnd - 251 Lagt fram til kynningar.
• 5.12 2309012 Lágmarkshæðarviðmið Vegagerðar vegna landhæðar og gólfkóta
  Lagðar fram til kynningar viðmiðunarreglur Vegagerðarinnar um lágmarks land- og gólfhæð á lágsvæðum við strendur Grundarfjarðarbæjar. Samkvæmt reiknilíkani siglingasviðs Vegagerðarinnar er:
  
  -Lágmarkslandhæð á lágsvæðum við strönd: 6,67m í hafnarkerfi Grfj, 4,48m í eldra landhæðakerfi og 4,47 skv. landmælingum meðalsjávarhæðar.
  
  -Lágmarksgólfhæð á lágsvæðum við strönd: 6,97m í hafnarkerfi Grfj, 4,78m í eldra landhæðakerfi og 4,77 skv. landmælingum meðalsjávarhæðar. Skipulags- og umhverfisnefnd - 251 Lagt fram til kynningar.
• 5.13 2307009 Innviðaráðuneytið - Grænbók um skipulagsmál
  Lagt fram til kynningar viðauki við Landsskipulagsstefnu 2015-2026 sem lagður var fram á Alþingi vorið 2021 en náði ekki fram að ganga. Með nýrri skipan stjórnarráðsins færðust skipulagsmál undir nýtt embætti innviðaráðherra en heyrðu áður undir umhverfis- og auðlindaráðherra.
  
  Nú hefur innviðaráðherra ákveðið að hefja vinnu við endurskoðun Landsskipulagsstefnu 2015-2026. Skipulagsstofnun vill því vekja athygli aðila á samráðsvettvangi á breytingum sem gerðar voru á skipulagslögum nr. 123/2010 með nýjum lögum um stefnur og aðgerðaáætlanir á sviði húsnæðis- og skipulagsmála, samgangna og byggðamála. Breytingarnar snerta m.a. gildistíma stefnunnar og ferlið við gerð landsskipulagsstefnu.
  
  Í nýjum lögum er kveðið á um skipun sérstaks húsnæðis- og skipulagsráðs sem vinnur, í samstarfi við Skipulagsstofnun, tillögu að landsskipulagsstefnu ásamt aðgerðaáætlun í samræmi við áherslur ráðherra. Ráðgjafarnefnd, skipuð af ráðherra, verður húsnæðis- og skipulagsráði og Skipulagsstofnun til ráðgjafar og samráðs við gerð tillögunnar eftir sem áður.
  
  Í lögunum er jafnframt kveðið á um að landsskipulagsstefna skuli unnin til fimmtán ára, í stað tólf ára áður. Þá er þar einnig að finna nýmæli um aðgerðaáætlun sem lögð skal fram samhliða framlagningu tillögu að landsskipulagsstefnu og hefur að geyma aðgerðir sem ráðast skal í á fyrstu fimm árum gildistíma landsskipulagsstefnu.
  
  Stefnan verður unnin eftir sporbaug stefnumótunar hjá stjórnarráðinu, þ.e. unnið verður stöðumat sem sett er fram í svokallaðri grænbók og drög að stefnu sem sett er fram í hvítbók. Að því loknu leggur innviðaráðherra fram tillögu að þingsályktun um endurskoðaða landsskipulagsstefnu.
  
  Gert er ráð fyrir að grænbók og hvítbók verði kynnt á samráðsgátt stjórnvalda innan tíðar. Skipulags- og umhverfisnefnd - 251 Lagt fram til kynningar.
• 5.14 2309011 Life Icewater umsókn - Grundarfjarðarbær
  Lögð er fram til kynningar umsókn Grundarfjarðarbæjar sem hluta af styrkumsókn íslenskra stjórnvalda í LIFE sjóð Evrópusambandsins (LIFE ICEWATER) en samtals standa 17 opinberar stofnanir og sveitarfélög að umsókninni.
  
  Umsóknin er leidd af Umhverfisstofnun og er markmiðið að flýta fyrir innleiðingu Vatnaáætlunar og veita tækifæri til nýsköpunar í tengslum við áætlunina þ.m.t. meðferð vatns og bætt vatnsgæði. LIFE sjóðurinn styrkir 60% af umsókninni á móti 40% mótframlagi hagaðilar. Umsóknin er í 2 þrepum; forumsókn sem skilað var 5. september 2023 og fullbúinni umsókn sem skila á 5. mars 2024 ef fyrri umsóknin fær jákvæðar viðtökur. Í forumsókninni var lögð fram gróf lýsing á verkefnum, kostnaðartölur og skipting fjármagns.
  
  Umsóknin inniheldur 7 vinnupakka sem innihalda 30 aðgerðir. Grundarfjörður er í 5. vinnupakka (coastal water). Skipulags- og umhverfisnefnd - 251 Lagt fram til kynningar.
• 5.15 2009012 Önnur mál hjá umhverfis- og skipulagssviði
  Skipulags- og umhverfisnefnd - 251
• 5.16 2308001F Afgreiðslufundir byggingarfulltrúa - 2
  Lagt fram til kynningar afgreiðslufundur byggingarfulltrúa nr. 2 frá 2. ágúst 2023. Skipulags- og umhverfisnefnd - 251 Lagt fram til kynningar.
• 5.17 2308003F Afgreiðslufundir byggingarfulltrúa - 3
  Lagt fram til kynningar afgreiðslufundur byggingarfulltrúa nr.3 frá 23. ágúst 2023. Skipulags- og umhverfisnefnd - 251 Laagt fram til kynningar.

Málsnúmer 2310001FVakta málsnúmer

• 6.1 2310004 Prjónað á plani - umsókn um endurnýjun stöðuleyfis
  Prjónað á plani sækir um endurnýjun á stöðuleyfi fyrir söluskúr á miðbæjarreit til 12 mánaða, þ.e. frá 1. október 2023 - 30. september 2024. Skipulags- og umhverfisnefnd - 252 Skipulags- og umhverfisnefnd samþykkir að framlengja stöðuleyfi Prjónað á plani á miðbæjarreit, sem er í biðstöðu skipulagslega séð, til 30. september 2024. Nefndin felur umhverfis- og skipulagssviði að gefa út stöðuleyfi að uppfylltum skilyrðum og í samræmi við gildandi gjaldskrá og reglur vegna stöðuleyfa í Grundarfjarðarbæ. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 6.2 1803056 Skerðingsstaðir Deiliskipulag
  Lögð fram til kynningar kæra til Úrskurðarnefndar umhverfi og auðlindamála (ÚUA) frá landeigendum Mýrarhúsa vegna deiliskipulags Skerðingsstaða. Skipulags- og umhverfisnefnd - 252 Lagt fram til kynningar
• 6.3 2301002 Deiliskipulag Framnes 2023
  Lagt fram til kynningar. Á fundinum fara Silja Traustadóttir, skipulagsráðgjafi, og Kristín Þorleifsdóttir, sviðsstjóri og skipulagsfulltrúi, yfir verk- og tímaáætlun deiliskipulagsvinnunnar og frumtillögur að hóteli á Framnesi.
  Skipulags- og umhverfisnefnd - 252 Skipulags- og umhverfisnefnd þakkar Silju fyrir góða yfirferð. Góðar umræður voru um viðfangsefni skipulagsins og uppbyggingu á svæðinu. Í næstu viku eru áætlaðir fundir með lóðarhöfum á Framnesi. Nefndin kemur saman til vinnufundar um málið að þeim loknum.
• 6.4 2201020 Önnur mál umhverfis- og skipulagssviðs
  Sviðstjóri gerir grein fyrir öðrum málum í vinnslu á umhverfis- og skipulagssviði.
  1. Þórdísarstaðir - staða á byggingarleyfi
  2. Drekahausinn á leiksvæðinu í þríhyrningi
  3. Deiliskipulag hafnarsvæðis og breyting á aðalskipulagi fyrir hafnarsvæði og Framnes verður auglýst í næstu viku
  4. Deiliskipulag Iðnaðar- og athafnasvæðis vestan Kvernár hefur tekið gildi
  5. Aðalskipulagsbreyting á Þórdísarstöðum hefur tekið gildi
  6. Önnur mál Skipulags- og umhverfisnefnd - 252 Til kynningar

Málsnúmer 2205026Vakta málsnúmer

Málsnúmer 2309031Vakta málsnúmer

Málsnúmer 2303017Vakta málsnúmer

Málsnúmer 2207023Vakta málsnúmer

Málsnúmer 2310016Vakta málsnúmer

Málsnúmer 2309005Vakta málsnúmer

Málsnúmer 1910006Vakta málsnúmer

Málsnúmer 2310017Vakta málsnúmer

Málsnúmer 2302005Vakta málsnúmer

Málsnúmer 2310005Vakta málsnúmer

Málsnúmer 2310018Vakta málsnúmer

Málsnúmer 2310003Vakta málsnúmer

Málsnúmer 2310010Vakta málsnúmer

Málsnúmer 2310013Vakta málsnúmer

Málsnúmer 2309039Vakta málsnúmer

Málsnúmer 2310012Vakta málsnúmer

Málsnúmer 2310007Vakta málsnúmer