Bæjarstjórn

Málsnúmer 2204002Vakta málsnúmer

Málsnúmer 1810022Vakta málsnúmer

Málsnúmer 2108010Vakta málsnúmer

Málsnúmer 1808018Vakta málsnúmer

Málsnúmer 1808012Vakta málsnúmer

Málsnúmer 1808013Vakta málsnúmer

Málsnúmer 2204005FVakta málsnúmer

• 7.1 2202026 Framkvæmdir 2022
  Gestir fundarins undir þessum dagskrárlið voru Kristín Þorleifsdóttir skipulagsfulltrúi, sem var í fjarfundi, og Fannar Þór Þorfinnsson byggingarfulltrúi, sem sat fundinn.
  
  Farið var yfir stöðu verklegra framkvæmda Grundarfjarðarbæjar.
  
  
  Bæjarráð - 587 A. Gatnafrágangur, fráveitufrágangur
  
  Skipulagsfulltrúi fór yfir hönnunardrög fyrir Hrannarstíg og Borgarbraut, ofan Grundargötu, þar sem gert er ráð fyrir blágrænum regnvatnsbeðum. Samráð verður haft við íbúa á svæðinu um útfærslur á hraðaminnkandi aðgerðum.
  
  Bæjarráð samþykkir að áfram verði unnið á þessum grunni og felur skipulagsfulltrúa að ganga frá verkteikningum í samræmi við umræður fundarins og eftir samtal við íbúa.
  
  Samþykkt samhljóða.
  
  B. Verklegar framkvæmdir og fasteignir bæjarins
  
  Á síðasta ári lét bæjarstjórn vinna úttekt á ytra ástandi íþróttahúss. Bæjarstjórn ákvað að láta klæða útveggi hússins með álklæðningu og samhliða á að endurnýja alla glugga og hurðir, gera við þakkant, endurnýja skemmt þakjárn og mála þak. Auk þess á að gera við hluta veggja.
  Í skýrslu Eflu er að finna viðhaldsáætlun sem unnið verður eftir, en verkinu verður áfangaskipt. Í ár verða boðnar út endurbætur á gluggum og klæðningu á austurhlið hússins (sem snýr út að íþróttavelli) og á efri hluta byggingarinnar sem snýr til vesturs. Útboðsgögn eru væntanleg frá Eflu á næstu dögum.
  Byggingarfulltrúi mun auk þess láta fara fram viðgerðir á múrverki útveggja sem snúa út í sundlaugargarðinn.
  
  Að auki ákvað bæjarstjórn að hefja hönnun á nýju anddyri (móttökurými) íþróttahússins. Núverandi rými er afar þröngt, bæði fyrir gesti hússins og aðstöðu fyrir vaktfólk þarf að bæta. Byggingarfulltrúi vann þarfagreiningu í samráði við helstu notendur hússins og arkitekt er nú að grófhanna hugmynd um rýmið og nýtt anddyri. Í bókun bæjarstjórnar 10. mars sl. var gengið út frá því að haft verði samráð við fleiri hagsmunaaðila, um þarfagreiningu fyrir anddyri íþróttahúss eftir því sem vinnunni vindur fram.
  
  Í grunnskóla verða gerðar endurbætur á neðra anddyri, settar sjálfvirkar rennihurðir, rýmið og lýsing betrumbætt, og settir upp nýir snagar og bekkir.
  
  Með verðkönnun var leitað tilboða í að skipta um þak á tengibyggingu milli íþróttahúss og grunnskóla. Eitt tilboð barst, frá Þ.B. Borg ehf. í Stykkishólmi og hefur því verið tekið.
  Áframhald verður á utanhússviðgerðum á múrverki grunnskólahúsnæðis og von er á málara til að mála hluta hússins.
  
  Í leikskólanum er ætlunin að endurnýja girðingu kringum suðausturhluta garðsins, sem eldri börnin nota. Engin tilboð bárust í verðkönnun í febrúar sl. og hefur byggingarfulltrúi verkið á sinni könnu til úrlausnar. Frekari endurbætur verða einnig gerðar á leiktækjum í sumar, m.a. sett upp ný jafnvægisslá, en jafnt og þétt hefur verið unnið að endurbótum leiktækja og garðsins sjálfs síðustu sumur.
  
  Í sumar verður skipt um þakklæðningu á eldri hluta samkomuhúss, en skipt var um þak á neðri (nýrri) hluta hússins fyrir 2 árum. Í útboði verksins bárust þrjú tilboð í lok febrúar sl. og var lægsta tilboði tekið, frá Trésmiðjunni Gráborg ehf.
  
  Í samkomuhúsinu hafa einnig staðið yfir framkvæmdir við breytingu og endurbætur á eldhúsi og rýminu baksviðs. Eftir vatnstjón í húsinu í júlí 2021 sá tryggingarfélagið VÍS um að skipta um gólfefni í neðri og efri sal, eldhúsi og baksviðs. Bærinn nýtti í leiðinni tækifærið og innréttaði uppá nýtt rýmið baksviðs og endurnýjaði alfarið innréttingar og tæki í eldhúsi.
  
  Að Grundargötu 30 er rekið samvinnurými, þar sem hægt er að leigja skrifstofu eða opið rými. Í vikunni liggja fyrir teikningar arkitekts að nýtingu rýmisins, sem ætlunin er að byggja upp. Starfshópur um verkefnið fundar á föstudaginn kemur.
  
  Í fráveitumálum er á dagskrá að láta mynda og fóðra lagnir í og kringum Sæból austanvert. Það er tiltölulega hagkvæm lausn og fyrirbyggjandi, að fóðra eldri lagnir að innan og koma þannig í veg fyrir að þær stíflist og rífa þurfi upp yfirborð jarðvegs (götu, gangstétta, lóða) til viðgerða. Í vinnslu er einnig fráveitulausn fyrir nýjar íbúðir við Grundargötu 12-14.
  
  Geymslusvæði í iðnaðarhverfi. Þar á að leggja á rafmagn á svæðið, þannig að hægt verði að bjóða rafmagnstengingar fyrir þá sem geyma t.d. báta á svæðinu. Bærinn hefur keypt lítinn skúr af höfninni, sem nýttur verður til að hýsa rafmagnstöflu og eftirlitsmyndavélar verða settar á svæðið. Byggingarfulltrúi er með málið í vinnslu.
  
  Umræða varð um ofangreindar framkvæmdir og fleiri.
  
  C. Rými fyrir rafhleðslustöðvar á lóðum við fasteignir bæjarins
  
  Bæjarráð ræddi hugmyndir um að gera ráð fyrir rafhleðslustöðvum við tilteknar stofnanir bæjarins.
  Bæjarráð felur skipulags- og umhverfissviði að fara yfir lóðir við stofnanir bæjarins, einkum við sundlaug og samkomuhús, og gera tillögu til bæjarráðs um hvort og hvar á lóðum myndi henta að koma fyrir rafhleðslustöð, sem þjónustuaðili yrði fenginn til að reka.
  
  Samþykkt samhljóða.
  
  Jafnframt felur bæjarráð bæjarstjóra að vekja athygli fyrirtækja á nýlegri auglýsingu Orkusjóðs um styrki sem hægt er að sækja um til uppsetningar hleðslustöðva fyrir rafbíla, en umsóknarfrestur er til 7. maí nk.
  Hér má finna auglýsinguna: https://orkustofnun.is/orkustofnun/rad-og-nefndir/orkusjodur/
  
  
  Kristínu og Fannari var þakkað fyrir þátttöku á fundinum og fyrir upplýsingarnar. Viku þau hér af fundi.
  
  
• 7.2 2202006 Lausafjárstaða 2022
  Lagt fram yfirlit yfir lausafjárstöðu. Bæjarráð - 587
• 7.3 2204002 Ársreikningur 2021
  Lagður fram ársreikningur Grundarfjarðarbæjar fyrir árið 2021.
  Bæjarráð - 587 Bæjarráð samþykkir með áritun sinni að vísa ársreikningnum til bæjarstjórnar og telst hann tilbúinn til endurskoðunar og afgreiðslu í bæjarstjórn.
  
  Samþykkt samhljóða.
  
• 7.4 2203043 Leikskólinn Sólvellir - Skipulag skólastarfs 2022
  Þann 6. apríl sl. áttu bæjarfulltrúar fund í samkomuhúsinu með starfsfólki leikskólans. Fundurinn var liður í þeirri vinnu sem nú fer fram við endurskoðun og uppbyggingu innra starfs í leikskólanum. Samtalið var mjög gagnlegt og snerist um (1) hvernig mætti styrkja leikskólastigið, (2) hvernig megi auka skilning (allra) á tilgangi leikskólastarfs, skv. lögum og aðalnámskrá, og (3) hvernig megi styrkja starfsumhverfið og samvinnu. Umræður fóru fram í fjórum hópum og í lokin deildu hóparnir niðurstöðum úr umræðum sínum.
  
  Bæjarráð - 587 Bæjarráð fór yfir niðurstöður fundarins og lýstu fundarmenn ánægju sinni með afar gagnlegt og uppbyggilegt samtal sem þar fór fram.
  
  Bæjarstjóri sagði frá samtali sínu við leikskólastjóra um helstu ráðstafanir í kjölfar fundarins.
  
  Bæjarstjóra og leikskólastjóra falið að stilla upp helstu skilaboðum úr umræðum fundarins, þannig að hægt sé að taka áfram í innra starfi leikskólans þau verkefni sem heyra undir starfsmannahópinn og að til bæjarráðs/bæjarstjórnar komi þau atriði sem þar þarf að bregðast við.
  
  Samþykkt samhljóða.
  
• 7.5 2204019 Laun bæjarfulltrúa og nefnda Grundarfjarðarbæjar
  Fyrir liggur yfirlit um laun kjörinna fulltrúa og nefndarmanna hjá Grundarfjarðarbæ, auk sambærilegra upplýsinga frá nokkrum öðrum sveitarfélögum á Vesturlandi.
  
  Bæjarráð - 587 Bæjarráð leggur til við bæjarstjórn, að laun kjörinna fulltrúa og nefndarmanna hjá Grundarfjarðarbæ verði óbreytt, að því undanskildu að endurskoðaðar verði greiðslur fyrir starf í verkefnabundnum nefndum skv. D-lið 47. gr. samþykkta um stjórn Grundarfjarðarbæjar (vinnuhópar, starfsnefndir). Formaður slíkra hópa fái greiðslu 5% viðmiðunarfjárhæðar (nema viðkomandi sé starfsmaður bæjarins) og almennir nefndarmenn fái 3%.
  Breytingin taki gildi 1. júní 2022.
  
  Samþykkt samhljóða.
  
• 7.6 2203056 Íslandsdeild Transparency International - Styrkumsókn
  Lögð fram umsókn um fjárstyrk til að tryggja rekstrargrundvöll Íslandsdeildar Transparency International.
  Bæjarráð - 587 Bæjarráð sér sér ekki fært að verða við erindinu.
  Samþykkt samhljóða.
  
  
• 7.7 2201031 Fráveitumál - Umsókn um styrk 2022 - Blágrænar ofanvatnslausnir
  Lögð fram til kynningar umsókn Grundarfjarðarbæjar um styrk vegna fráveituframkvæmda sem tengjast blágrænum lausnum, einkum vegna framkvæmda í götum, þ.e. í Hrannarstíg ofan Grundargötu og Borgarbraut ofan Grundargötu.
  
  Bæjarráð - 587
• 7.8 2201032 Fráveitumál - Umsókn um styrk 2022 - Grundargata 12-14
  Lögð fram til kynningar umsókn Grundarfjarðarbæjar um styrk til fráveitulausnar vegna nýbyggingar að Grundargötu 12-14.
  
  Bæjarráð - 587
• 7.9 2204016 Landsnet - Vorfundur 28. apríl 2022
  Lagt fram til kynningar fundarboð vorfundar Landsnets sem haldinn er 28. apríl 2022.
  Bæjarráð - 587

Málsnúmer 2204004FVakta málsnúmer

• 8.1 2203044 Ártún 1 - stöðuleyfi fyrir gáma
  Almenna umhverfisþjónustan ehf. sækir um stöðuleyfi til 12 mánaða fyrir tvo 40 feta gáma á lóð sinni, Ártúni 1. Fyrirhugað er að byggja nýtt hús á lóðinni en óskað er eftir stöðuleyfi gáma til bráðabirgða.
  
  Í lið 3.4 í greinargerð með gildandi deiliskipulagi frá 1999 segir: "Á lóðum er óheimilt að geyma gáma. Þó getur lóðarhafi sótt um stöðuleyfi fyrir gáma til skipulags- og byggingarnefndar. Gámar með slíkt leyfi mega að hámarki standa á lóð í 1 mánuð og skulu þá fjarlægðir." Í breytingu á deiliskipulaginu frá 2015 er ekki vikið frá þessu ákvæði. Skipulags- og umhverfisnefnd - 235 Þar sem deiliskipulagið fyrir svæðið er nú í endurskoðun og nú þegar eru gámar á öðrum lóðum á svæðinu, fellst skipulags- og umhverfisnefnd á að veita Almennu umhverfisþjónustunni tímabundið stöðuleyfi til 12 mánaða fyrir tvo 40 feta gáma á lóðinni.
  
  Skipulags- og umhverfisnefnd samþykkir erindið og felur umhverfis- og skipulagssviði að gefa út stöðuleyfi að uppfylltum skilyrðum, í samræmi við gildandi gjaldskrá og reglur vegna stöðuleyfa í Grundarfjarðarbæ.
  Bókun fundar Bæjarstjórn samþykkir afgreiðslu skipulags- og umhverfisnefndar.
  
• 8.2 2204012 Stöðuleyfi fyrir pylsuvagn Bongó slf.
  Bongó slf. sækir um tímabundið stöðuleyfi fyrir matarvagn sem staðsettur verður á Grundargötu 33, miðbæjarsvæði, líkt og fyrri ár. Umrætt tímabil er frá 15. maí til 15. september 2022. Skipulags- og umhverfisnefnd - 235 Skipulags- og umhverfisnefnd samþykkir erindið og felur umhverfis- og skipulagssviði að gefa út stöðuleyfi að uppfylltum skilyrðum, í samræmi við gildandi gjaldskrá og reglur vegna stöðuleyfa í Grundarfjarðarbæ. Bókun fundar Bæjarstjórn samþykkir afgreiðslu skipulags- og umhverfisnefndar.
  
• 8.3 2101038 Iðnaðar- og athafnasvæði vestan Kvernár. Deiliskipulag.
  Vegna aukinnar eftirspurnar eftir lóðum á iðnaðar- og athafnasvæðinu vestan Kvernár, leggur skipulagsfulltrúi til að skipulag og lóðamöguleikar á svæðinu verði teknir til áframhaldandi skoðunar og forvinnu. Deiliskipulag svæðisins er frá 1999 með síðari breytingum frá 2006 (Ártún 1-6), 2015 (Ártún 1) og 2020 (Ártún 3). Mikilvægt er að lóðirnar sem skipulagið gerir ráð fyrir séu tiltækar og mæti þörfum dagsins í dag.
  
  Forsaga málsins:
  Þann 14. janúar 2021, fól bæjarstjórn skipulags- og umhverfisnefnd að skoða gildandi deiliskipulag á iðnaðarsvæðinu með tilliti til ábendingar sem fram kom í minnisblaði um efnistökumál/efnisnámu í Lambakróarholti, dags. 14.01.2021 þar sem fjallað er um iðnaðarsvæðið (merkt I-1 í nýja aðalskipulaginu) og Lambakróarholtsnámu (merkt E-3 í aðalskipulaginu nýja).
  
  Á 224. fundi sínum þann 27. janúar 2021, tók skipulags- og umhverfisnefnd vel í erindið og fól skipulags- og byggingarfulltrúa að hefja vinnu við endurskoðun á deiliskipulagi fyrir iðnaðarsvæðið.
  
  Í fundargerð frá fundi ráðgjafarfyrirtækisins Alta með skipulags- og byggingarfulltrúa þann 2. febrúar 2021, var gerð grein fyrir forsendum frekari breytingar á deiliskipulaginu ásamt umræðupunktum og er fundargerðin lögð hér fram til grundvallar áframhaldandi vinnu við deiliskipulagsbreytinguna.
  
  Ekki voru áætlaðir fjármunir í vinnu vegna breytingar á deiliskipulaginu á þessu ári. Engu að síður telur skipulagsfulltrúi að mikilvægt sé að hefja endurskoðun á deiliskipulaginu sem fyrst. Skipulags- og umhverfisnefnd - 235 Skipulags- og umhverfisnefnd tekur undir með skipulagsfulltrúa að nauðsynlegt sé að fara tafarlaust í deiliskipulagsbreytingu fyrir iðnaðarsvæðið. Bókun fundar Bæjarstjórn samþykkir tillögu skipulags- og umhverfisnefndar og felur nefnd og skipulagsfulltrúa að hefja undirbúning að endurskoðun deiliskipulags fyrir iðnaðarsvæðið við Kverná. Tillaga verði lögð fyrir bæjarstjórn um umfang, tímaramma og kostnað.
  
• 8.4 2204011 Deiliskipulag hafnarsvæðis og Framness
  Skipulagsfulltrúi kynnti grófa verk- og tímaáætlun vegna fyrirhugaðrar vinnu við deiliskipulag Framness og hafnarsvæðis austan Nesvegar og sagði frá öflun tilboða og vali á ráðgjafarstofu vegna þessarar vinnu.
  
  Skipulags- og umhverfisnefnd - 235
• 8.5 2003015 Breyting á deiliskipulagi Ölkeldudals
  Lögð fram til kynningar endurbætt tillaga að útsetningu nýrra lóða vestan við Dvalar- og hjúkrunarheimilið Fellaskjól, eftir samráð við fulltrúa úr stjórn Fellaskjóls. Breytingarnar fela í sér: fækkun íbúðareininga um eitt (úr 8 einingum í 7), fækkun bygginga úr þremur í tvær, örlitla hliðrun bygginga innan lóðar þannig að fjögurra eininga raðhús er miðjusett á Fellaskjólsbygginguna. Jafnframt er akfæra göngustígnum hliðrað örlítið. Skipulags- og umhverfisnefnd - 235 Skipulags- og umhverfisnefnd samþykkir endurbætta tillögu og leggur til við bæjarstjórn að samþykkja breytta tillögu og auglýsa breytingu á deiliskipulagi Ölkeldudals skv. 41. gr. skipulagslaga nr. 123/2010. Jafnframt leggur nefndin til að haldinn verði kynningarfundur fyrir stofnanir og íbúa í næsta nágrenni á auglýsingartímanum. Bókun fundar Bæjarstjórn samþykkir afgreiðslu skipulags- og umhverfisnefndar, en afgreiðslu tillögunnar er jafnframt að finna undir sérlið á dagskrá bæjarstjórnarfundarins.
  
  
• 8.6 2204006 Lóðarblöð fyrir reit sem afmarkast af Sæbóli, Grundargötu, Eyrarveg og FSN
  Fannar Þór Þorfinnsson vék af fundi undir þessum lið.
  
  Lagðar fram til kynningar tillögur að nýjum lóðarblöðum fyrir Sæból 1-11, Sæból 13, Grundargötu 40-42 og Eyrarveg 12-18.
  
  Á vegum skipulags- og umhverfissviðs fer fram vinna við að mæla upp lóðir í Grundarfirði, einkum í tengslum við endurnýjun á lóðarleigusamningum sem eru að renna út. Fyrsti liður í þeirri vinnu var að mæla upp lóðir á reit sem afmarkast af austurhlið lóðar FSN, Grundargötu, Eyrarvegi og Sæbóli. Lóðirnar voru mældar upp af nýrri loftmynd í mjög góðri upplausn og voru lóðarmörkin dregin með tilliti til núverandi notkunar, gróðurs og girðinga á svæðinu.
  
  Við uppmælinguna kom í ljós að stærð lóða í lóðarleigusamningum er víða ekki í samræmi við núverandi notkun lóða og er því lagt til að mörkin verði löguð að raunstærð á nýjum lóðarblöðum með tilheyrandi leiðréttingu á stærðum lóða. Fyrir liggur að byggingarfulltrúi er einn lóðarhafa og kemur hann því ekki að undirbúningi eða afgreiðslu þessa máls.
  
  Á 258. fundi bæjarstjórnar þann 6. apríl 2022 samþykkti bæjarstjórn Grundarfjarðarbæjar að fela skipulagsfulltrúa að kynna fyrir lóðarhöfum niðurstöðu uppmælinga og nýja afmörkun lóðarmarka fyrir Sæból 1-11, Sæból 13, Grundargötu 40-42 og Eyrarveg 12-18.
  
  Ennfremur var skipulagsfulltrúa falið að ganga frá endanlegum lóðarblöðum, eftir atvikum að fengnum sjónarmiðum lóðarhafa, til endanlegrar staðfestingar og undirritunar bæjarstjóra sem skal jafnframt undirrita og ganga frá lóðarleigusamningum í samræmi við breytingar.
  
  
  Að loknum þessum dagskrárlið kom Fannar Þór Þorfinnsson aftur inn á fundinn.
  Skipulags- og umhverfisnefnd - 235
• 8.7 2203050 Verkefnið Römpum upp Ísland og úttekt á aðgengismálum
  Lagt fram til kynningar erindi frá stjórn verkefnisins "Römpum upp Ísland", sem jafnframt var lagt fram á 259. fundi bæjarstjórnar þann 7. apríl sl.
  
  Bæjarstjórn fól þá umhverfis- og skipulagssviði að skrá sveitarfélagið til þátttöku í verkefninu "Römpum upp Ísland" og í framhaldinu að athuga hugsanlega styrki til þess að framkvæma úttekt á aðgengismálum í og við opinberar byggingar og mannvirki í sveitarfélaginu. Skipulags- og umhverfisnefnd - 235
• 8.8 2009012 Mál frá skipulags- og byggingarfulltrúa
  Staða mála í vinnslu hjá skipulags- og umhverfissviði.
  Skipulags- og umhverfisnefnd - 235 Skipulagsfulltrúi og byggingarfulltrúi sögðu frá málum sem þau hafa haft til vinnslu frá síðasta fundi nefndarinnar.
  
• 8.9 2102021 Blágrænar ofanvatnslausnir í Grundarfirði
  Halldóra Hreggviðsdóttir, jarðfræðingur og hagverkfræðingur og ráðgjafi hjá Alta, kynnti hugmyndafræði og útfærslur blágrænna ofanvatnslausna.
  
  Bæjarfulltrúum hafði verið boðið að sitja fund skipulags- og umhverfisnefndar undir þessum síðasta lið á dagskrá, vegna kynningar Halldóru og umræðna að kynningunni lokinni.
  Skipulags- og umhverfisnefnd - 235 Skipulags- og umhverfisnefnd þakkar Halldóru Hreggviðsdóttur fyrir góða kynningu til upprifjunar á kostum blágrænna ofanvatnslausna.

Málsnúmer 2204006FVakta málsnúmer

• 9.1 2202008 Nýir íbúar - kynningarmál
  Þurí sagði frá "Let´s come together" verkefninu, sem ætlað er fyrir íbúa af erlendum uppruna. Grundarfjarðarbær og Svæðisgarðurinn Snæfellsnes eru samstarfsaðilar, en Alicja Chajewska og Sigurborg Kr. Hannesdóttir leiða verkefnið.
  
  Einnig sagði hún frá því að hafin væri vinna við að gera myndbönd til kynningar á Grundarfirði (mannlíf og þjónusta) - en verið er að kanna áhuga fyrirtækja um samstarf með Grundarfjarðarbæ um gerð þeirra og kostnaðarþátttöku.
  
  Ennfremur er í undirbúningi að vinna kynningarblað sem allir nýir íbúar sem flytja í Grundarfjörð fá afhenta, þegar þeir flytja í bæinn.
  
  Menningarnefnd - 33
• 9.2 2204015 Sumarverkefni 2022
  Farið var yfir helstu verkefni sem fyrir liggja í sumar og hvaða verkefni menningarnefnd leggur áherslu á að verði framkvæmd í sumar.
  
  Sótt var um styrk í Barnamenningarsjóð vegna verkefnis sem tengist sumarnámskeiðum fyrir börn í fyrstu bekkjum grunnskólans, sem íþrótta- og tómstundafulltrúi heldur utan um. Um er að ræða samstarfsverkefni við listamenn sem börnin á sumarnámskeiði Grundarfjarðarbæjar myndu fá að hitta eða fá sem gestakennara.
  
  Einnig er vilji til samstarfs við listamenn bæjarins vegna listsköpunar í bæjarfélaginu. Skoða á möguleikann á að nýta svæðið við "ferninginn", miðbæjarsvæðið, þar sem víkingahúsið er, fyrir listrænar útfærslur á umhverfinu.
  Menningarnefnd - 33 Menningarnefnd tekur vel í þær hugmyndir sem ræddar voru á fundinum, sem m.a. snúa að skólalóð við grunnskólann.
  
  Starfsmanni menningarnefndar falið að stofna til samtals við listmenn bæjarins varðandi samstarf vegna sumarnámskeiðanna og mögulegrar uppsetningar á listaverkum á miðbæjarsvæði sem og annarra listtengdra verkefna, t.d. mála veggi á stofnunum bæjarins.
  
  
• 9.3 1801048 Sögumiðstöðin
  Farið yfir stöðuna á framkvæmdum í Sögumiðstöð og nýtingu hennar.
  Ingi Hans Jónsson, Ildi, heldur utan um framkvæmdir á húsinu, skv. samningi við bæinn. Af persónulegum ástæðum hafa framkvæmdirnar gengið hægar en upphaflega var ætlunin.
  
  Í vetur hafa þó nokkrir hópar verið að nýta sér aðstöðuna í Sögumiðstöðinni, s.s. handverkshópur eldri borgara, karlakaffi, Vinahús Rauða kross deildarinnar og Félag eldri borgara í Grundarfirði, í samvinnu við Grundarfjarðarbæ.
  
  Lionsklúbbur Grundarfjarðar hefur einnig afnot af húsinu og gaf klúbburinn höfðinglega gjöf til hússins; nýtt matar- og bollastell.
  
  Nú hefur Handverkshópur óskað eftir því að vera með aðstöðu í húsinu í sumar, til sölu á handverki. Það er í skoðun.
  Menningarnefnd - 33 Menningarnefnd þakkar Lionsklúbbi Grundarfjarðar kærlega fyrir höfðinglega gjöf.
  
  Starfsmaður menningarnefndar sagði nefndinni fá nýtingu á Sögumiðstöðinni. Nefndinni þykir ánægjulegt hversu vel húsið hefur verið að nýtast bæjarbúum og félagasamtökum.
  
  Starfsmaður menningarnefndar segir frá því að unnið er að samantekt þeirra verkþátta sem eftir eru við endurbætur á húsinu og kostnaðaráætlun, en bæjarstjóri fól byggingarfulltrúa að taka þetta saman. Nefndin vonast til þess að framkvæmdir á húsinu klárist sem fyrst svo hægt sé að fullnýta allt húsið.
  
  Varðandi aðstöðu handverkshóps í Sögumiðstöðinni í sumar er starfsmanni falið að tala við hópinn og fá nánari upplýsingar um þeirra hugmyndir að viðveru og starfsemi. Nefndin telur að ekki sé hægt að leigja húsið í heild út í allt sumar fyrir einn hóp en tekur samt sem áður vel í erindið og er opin fyrir þeirra hugmyndum um nýtingu á húsinu.
  Bókun fundar Bæjarstjórn tekur undir þakkir til Lionsklúbbs Grundarfjarðar fyrir höfðinglega gjöf.
  
• 9.4 1606013 Samkomuhús Grundarfjarðar
  Farið yfir stöðuna á Samkomuhúsi Grundarfjarðar.
  
  Í júlí 2021 varð stórfellt vatnstjón í Samkomuhúsinu sem leiddi til þess að skipt var um meirihluta gólfefnis. Ákveðið var að endurnýja og betrumbæta aðstöðu í eldhúsi og voru pantaðar nýjar innréttingar frá Fastus og aðstaða og uppsetning í eldhúsi aðlöguð að notkun hússins.
  
  Kvenfélagið verður áfram með aðstöðu í húsinu og verið er að sérhanna og smíða nýja geymsluskápa og aðstöðu fyrir félagið.
  
  Til stendur einnig að fara í þakskipti á eldri (hærri) hluta hússins í sumar, verkið var boðið út og eru áætluð verklok um mitt sumar 2022.
  Menningarnefnd - 33 Menningarnefnd fagnar því að framkvæmdum í húsinu sé að ljúka og að vel hefur tekist til.
  
• 9.5 2202018 Samtök sveitarfélaga á Vesturlandi - Barnamenningarverkefni
  Menningarnefnd - 33 Lagt er til að sótt verði um styrk í "List fyrir alla - Barnamenningarsjóð" á næsta ári til að halda barnamenningarhátíð í Grundarfirði vorið 2023.

Málsnúmer 2204009FVakta málsnúmer

• 10.1 1808033 Málefni leikskólans
  Heiðdís Lind Kristinsdóttir skólastjóri Leikskólans Sólvalla og Rut Rúnarsdóttir fulltrúi foreldra eru gestir undir þessum lið.
  
  Skólanefnd - 162 Tillaga að skóladagatali komandi skólaárs fyrir Leikskólann Sólvelli lagt fram.
  
  Skólanefnd lýsti ánægju með fyrirhugaða námsferð starfsfólks leikskólans til útlanda á næsta ári.
  
  Rætt um fjölda starfsdaga og fyrirkomulag, t.d. um jól.
  
  Ákveðið að rýna betur í starfsdaga og samþykkt að ný skólanefnd afgreiði skóladagatalið á sínum fyrsta fundi.
  
  Hér viku þær Heiðdís og Rut af fundi og var þeim þakkað fyrir komuna.
  
• 10.2 2203043 Leikskólinn Sólvellir - Skipulag skólastarfs 2022
  Unnið er að uppbyggingu á innra starfi leikskólans.
  Skólanefnd - 162 Bæjarstjóri sagði frá því að þann 6. apríl sl. hafi bæjarfulltrúar átt fund í samkomuhúsinu með starfsfólki leikskólans. Fundurinn var liður í þeirri vinnu sem nú fer fram við endurskoðun og uppbyggingu innra starfs í leikskólanum, en við það nýtur skólinn aðstoðar frá Ásgarði, skólaráðgjöfum.
  
  Bæjarstjóri sagði að samtalið hafi verið mjög gagnlegt en það snerist um (1) hvernig mætti styrkja leikskólastigið, (2) hvernig megi auka skilning (allra) á tilgangi leikskólastarfs, skv. lögum og aðalnámskrá, og (3) hvernig megi styrkja starfsumhverfið og samvinnu.
  
  Á fundi bæjarráðs í gær hafi verið samþykkt að fela bæjarstjóra og leikskólastjóra að stilla upp helstu skilaboðum úr umræðum fundarins, þannig að hægt sé að taka áfram í innra starfi leikskólans þau verkefni sem heyra undir starfsmannahópinn og að til bæjarráðs/bæjarstjórnar komi þau atriði sem þar þarf að bregðast við.
  
  
• 10.3 1808034 Málefni grunnskólans
  Sigurður Gísli Guðjónsson skólastjóri Grunnskóla sat fundinn undir þessum lið.
  Skólanefnd - 162 Sigurður lagði fram skóladagatal fyrir komandi skólaár. Rætt og samþykkt að ný skólanefnd afgreiði dagatalið endanlega á fyrsta fundi sínum.
  
  Sigurður fór yfir starfsemi grunnskólans, m.a. ræddi hann starfsmannamál, um Grænfánaúttekt sem var flaggað með virktum þann 6. janúar sl. á afmæli skólans en hann varð 60 ára.
  
  Nemendur náðu að gróðursetja 4-500 birkiplöntur, en Yrkjusjóður átti ekki plöntur fyrir vorið. Plöntur komi aftur í haust.
  
  "Uppbyggingarstefnan" hefur legið niðri í ár, en vonir standa til að byrja upp á nýtt á næsta skólaári.
  
  Hann sagði frá því að nefnd sem bæjarstjórn skipaði til að skoða stöðu og hönnun skólalóðar myndi funda nk. fimmtudag.
  
  Nemendafjöldi í lok vorannar er 99 nemendur í 1. - 10. bekk.
  
  
  Sigurður sýndi og sagði frá niðurstöðum starfsmannakönnunar (Skólapúlsinn) hjá starfsfólki grunnskólans.
  
• 10.4 1808036 Málefni leikskóladeildarinnar Eldhamra
  Sigurður Gísli er áfram gestur undir þessum lið fundarins.
  Skólanefnd - 162 Tillaga að skóladagatali leikskóladeildarinnar Eldhamra lagt fram.
  
  Rætt var um starf deildarinnar og samanburð við Leikskólann Sólvelli, einkum hvað varðar starfstíma (páska- og jólafrí). Í umræðum kom fram að það væri tímabært að skoða starf Eldhamradeildarinnar og rýna hvernig til hefði tekist frá stofnun hennar.
  
  Rætt og samþykkt að dagatalið verði afgreitt endanlega af nýrri skólanefnd á sínum fyrsta fundi.
  
  
• 10.5 1808035 Málefni tónlistarskólans
  Sigurður skólastjóri og Linda María Nielsen aðstoðarskólastjóri sitja fundinn undir þessum lið.
  
  Linda María fór yfir minnispunkta um starf skólans og lagt var fram skóladagatal komandi skólaárs.
  
  Skólanefnd - 162 Eftirfarandi kom fram hjá Lindu Maríu um starf tónlistarskólans:
  
  - Það voru um 50 nemendur í skólanum í vetur. Alltaf eru einhverjar breytingar á áramótum, einhverjir sem hætta og aðrir hefja nám.
  
  - Í janúar fór af stað blástursátak, þar sem nemendum í 2.-4.bekk var boðið í frítt blástursnám. Um er að ræða 20 mínútna einkatíma einu sinni í viku og samspil/hljómsveit einu sinni í viku. Þrettán nemendur skráðu sig og mikil ánægja er meðal nemenda og kennara. Það er álit kennaranna að gott væri að svona blástursfornám væri í eitt ár og því óska kennarar eftir því, að sögn Lindu, að skólanefnd leggi til að þessu verði áframhaldið næsta vetur, þ.e. að nemendur geti skráð sig í eitt ár í frítt blástursfornám, svo framarlega sem að plássið leyfi.
  
  - Bent Marinósson lét af störfum 1. janúar sl. en Valbjörn Snær Lilliendahl hóf störf og kennir á gítar, bassa og samspil.
  
  - Covid hafði áhrif á starf vetrarins, eins og annars staðar í þjóðfélaginu. Jólatónleikar féllu niður vegna samkomutakmarkana en í staðinn var nemendum boðið í jólastund í tónlistarskólanum. Ekki þurfti að fella niður kennslu vegna takmarkana, einungis þegar bylgjan gekk yfir Grundarfjörð og skólar lokuðu í eina viku í nóvember. Hins vegar setti veðrið strik í reikninginn hjá skólanum í janúar þegar hver lægðin á fætur annarri gekk yfir landið á mánudögum. Valbjörn og Baldur urðu því að kenna í gegnum fjarkennslu einhverjar vikur.
  
  - Nemendur Eldhamra fengu sína tónlistartíma í vetur hjá Alexöndru.
  
  - Tónlistarskólinn tók þátt í Nótunni, uppskeruhátíð tónlistarskólanna, þetta árið. Þeir Einir Hugi Guðbrandsson og Haukur Orri Bergmann Heiðarsson voru fulltrúar okkar og stóðu sig af mikilli prýði. Hátíðin fyrir Vesturland og Vestfirði var haldin í Stykkishólmi 19. mars sl.
  
  - Í vetur hafa nemendur tónlistarskólans farið í Sögumiðstöðina og spilað fyrir eldri borgara sem sækja þar "molakaffi á miðvikudögum". Hafa nemendur haft mjög gaman af því og einnig hafa áheyrendur þar notið góðs af.
  
  - Linda og Valbjörn eru að undirbúa raftónlistarnámskeið sem verður í boði næsta vetur og mun Valbjörn sjá um það. "Hljóðbúrið" innaf salnum í skólanum verður m.a. nýtt undir það.
  
  - Þessa dagana er verið að æfa fyrir vortónleika tónlistarskólans og er tilhlökkun að geta loksins boðið fólki að mæta og hlusta og njóta. Vortónleikar og skólaslit tónlistarskólans verða fimmtudaginn 19. maí kl 17:00 í samkomuhúsinu.
  
  
  
  Lögð fram til umræðu tillaga skólastjórnenda um skóladagatal tónlistarskólans fyrir komandi skólaár. Rætt og samþykkt að ný skólanefnd afgreiði það endanlega á fyrsta fundi sínum, samhliða afgreiðslu annarra skóladagatala.
  
  ---
  
  Hér viku Sigurður Gísli og Linda María af fundi og var þeim þakkað fyrir komuna og upplýsingarnar.
  
  Varðandi beiðni tónlistarskólans um að blástursátaki verði haldið áfram næsta vetur, þ.e. að nemendur geti skráð sig í eitt ár í frítt blástursfornám, þá tekur skólanefnd jákvætt í erindið, en forsendur þess eru að námið rúmist innan stöðugilda skólans og sé ekki kostnaðarauki í rekstri hans.
  Bókun fundar Bæjarstjórn samþykkir samhljóða tillögu skólanefndar vegna beiðni tónlistarskólans um að blástursátaki verði haldið áfram næsta vetur, þ.e. að nemendur geti skráð sig í eitt ár í frítt blástursfornám, á þeim forsendum sem skólanefnd leggur til.
  
  
• 10.6 2111018 Félags- og skólaþjónusta Snæfellinga - Upplýsingablað um stöðu og framkvæmd skólaþjónustu FSS
  Lagt fram til kynningar erindi skólastjórnenda á Snæfellsnesi til byggðasamlags um Félags- og skólaþjónustu Snæfellinga, frá því á árinu 2021. Ennfremur kynningarbréf FSS, sem viðbrögð við erindinu.
  
  Skólanefnd - 162

Málsnúmer 2204010FVakta málsnúmer

• 11.1 2204023 Borgarbraut 1 - Byggingarleyfi vegna þakskipta
  Sótt er um byggingarleyfi til endurnýjunar á þaki á húsi fyrirtækisins á Borgarbraut 1 í Grundarfirði. Húsið er í dag nýtt sem áhaldahúsgeymsla.
  Haustið 2021 fauk hluti þaks í óveðri sem gekk yfir og er núverandi þak í slæmu ástandi. Breytingar eru gerðar á burðarvirki þaksins og telur byggingarfulltrúi að fyrirhuguð framkvæmd sé háð byggingarleyfi.
  Skipulags- og umhverfisnefnd - 236 Skipulags- og umhverfisnefnd gerir ekki athugasemdir við umsókn um endurnýjun á þaki húss við Borgarbraut 1 og felur byggingarfulltrúa að gefa út byggingarleyfi að öllum skilyrðum uppfylltum, sbr. 2.4.4. gr. byggingarreglugerðar nr. 112/2012, með síðari breytingum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.2 2204024 Hallbjarnareyri - Byggingarleyfi, stækkun á húsi
  Lögð fram umsókn um byggingarheimild vegna stækkunar á sumarhúsi í landi Hallbjarnareyrar (F2114650).
  Í Aðalskipulagi Grundarfjarðar er jörðin Hallbjarnareyri skilgreind sem landbúnaðarsvæði (L136610) og er hún í eigu Ríkissjóðs. Lóðarleigusamningur er í gildi frá 2012. Í samningnum er ekki er kveðið á um hámarksfermetrafjölda sumarhússins.
  
  Núverandi sumarhús, sem byggt var árið 1989, er skráð 40,3 m2 en eftir stækkun verður það samtals 164,3 m2.
  Skipulags- og umhverfisnefnd - 236 Skipulags- og umhverfisnefnd gerir fyrir sitt leyti ekki athugasemdir við umsókn um stækkun sumarhúss í landi Hallbjarnareyrar og felur byggingarfulltrúa að gefa út byggingarheimild að öllum skilyrðum uppfylltum, sbr. 2.3.8. gr. byggingarreglugerðar nr. 112/2012, með síðari breytingum. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.3 2204026 Kirkjufellsfoss - framkvæmdaleyfi vegna uppbyggingar aðstöðu á áningarstað
  Lögð er fram umsókn Grundarfjarðarbæjar um framkvæmdaleyfi vegna áframhaldandi uppbyggingar áningarstaðar fyrir ferðamenn við Kirkjufellsfoss.
  
  Áður hefur verið veitt framkvæmdaleyfi fyrir gerð nýs bílastæðis og er þeirri framkvæmd að mestu lokið. Framkvæmdirnar eru í samræmi við deiliskipulag svæðisins frá 2018, að frátöldum rampi sunnan við útsýnisstíginn sem er viðbót. Hins vegar er lega göngustíga sýnd í deiliskipulagi svæðisins sem leiðbeinandi lína. Jafnframt er í deiliskipulaginu kveðið á um að efnisnotkun skuli taka mið af náttúru svæðisins.
  
  Nú er unnið að verkteikningum og undirbúningi verðkönnunar eða útboða einstakra verkþátta.
  Skipulags- og umhverfisnefnd - 236 Skipulags- og umhverfisnefnd samþykkir fyrir sitt leyti umsókn um framkvæmdaleyfi vegna áframhaldandi uppbyggingar við Kirkjufellsfoss og leggur til við bæjarstjórn að framkvæmdaleyfi verði gefið út þegar endanlegar verkteikningar liggja fyrir.
  
  Jafnframt telur nefndin að tillaga að rampi, sem liggur sunnan við útsýnisstíginn, samræmist vilja sveitarfélagsins um bætt aðgengi eins og tekið er fram í deiliskipulaginu. Nefndin telur einnig að tillaga að efnisnotkun henti vel á þessum fjölmenna ferðamannastað.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 11.4 2204020 Samgöngustofa - Umferðarþing 23. september 2022
  Lagður fram til kynningar tölvupóstur Samgöngustofu dags. 27. apríl sl. um Umferðarþing sem haldið verður 23. september nk.
  Skipulags- og umhverfisnefnd - 236
• 11.5 2205001 Matvælastofnun - Upplýsingar vegna greiningar á skæðri fuglaflensu á Íslandi
  Lagðar fram til kynningar upplýsingar vegna greiningar á skæðri fuglaflensu á Íslandi, apríl 2022, og hvernig á að bregðast við.
  Skipulags- og umhverfisnefnd - 236
• 11.6 2205002 Úttekt á aðgengi opinberra bygginga í Grundarfirði
  Í samstarfi við Sjálfsbjörgu, mun umhverfis- og skipulagssvið láta gera úttekt á aðgengi opinberra bygginga í Grundarfirði, Stykkishólmi, Helgafellssveit og Eyja- og Miklaholtshreppi í lok maí eða byrjun júní 2022. Í skýrslunni verða settar fram tillögur að úrbótum sem hægt verður að nota til þess að sækja um framkvæmdastyrki t.d. Römpum upp Ísland.
  Skipulags- og umhverfisnefnd - 236 Bókun fundar Bæjarstjórn fagnar þessu verkefni og þakkar skipulagsfulltrúa fyrir frumkvæðið.
  
• 11.7 2201020 Önnur mál umhverfis- og skipulagssviðs
  Sviðsstjóri umhverfis- og skipulagssviðs og byggingarfulltrúi gerðu grein fyrir og fóru yfir önnur mál sem eru í vinnslu.
  Skipulags- og umhverfisnefnd - 236

Málsnúmer 2009041Vakta málsnúmer

Málsnúmer 2112024Vakta málsnúmer

Málsnúmer 2201015Vakta málsnúmer

Málsnúmer 2204019Vakta málsnúmer

Málsnúmer 2202004Vakta málsnúmer

Málsnúmer 2204022Vakta málsnúmer

Málsnúmer 2107017Vakta málsnúmer

Málsnúmer 2003015Vakta málsnúmer

Málsnúmer 2101034Vakta málsnúmer

Málsnúmer 2204021Vakta málsnúmer

Málsnúmer 2204025Vakta málsnúmer

Málsnúmer 2204020Vakta málsnúmer

Málsnúmer 2204008FVakta málsnúmer

• 24.1 2204002 Ársreikningur 2021
  Ársreikningur Grundarfjarðarhafnar 2021 lagður fram.
  Hafnarstjórn - 18 Samkvæmt ársreikningnum eru heildartekjur 141 millj. kr., en árið 2020 voru tekjurnar 97 millj. kr.
  
  Laun og önnur rekstrargjöld voru tæpar 63 millj. kr., en voru tæpar 62 millj. kr. árið 2020. Þar af var viðhald fasteigna 3,9 millj. kr. samanborið við 15,7 millj.kr. árið 2020. Afskriftir fastafjármuna eru rúmar 12 millj. kr., samanborið við 9,5 millj. kr. árið 2020. Að teknu tilliti til fjármagnsgjalda að fjárhæð 0,25 millj. kr. er rekstrarniðurstaða hafnarsjóðs jákvæð um rétt tæpar 66 millj. kr. árið 2021, en var jákvæð um 25,4 millj. kr. árið 2020.
  
  Fjárfest var fyrir tæpar 42 millj. kr. árið 2021, en fyrir 133,5 millj. kr. árið 2020 og 121,3 millj. kr. árið 2019, eða samtals fyrir um 297 millj. kr. síðustu þrjú árin.
  
  Þrátt fyrir þessar miklu fjárfestingar er höfnin skuldlaus frá og með mars 2022.
  
  Ársreikningur Grundarfjarðarhafnar 2021 samþykktur samhljóða af hafnarstjórn.
  
  Hafnarstjórn lýsir ánægju með góða niðurstöðu ársins 2021.
  
  Hafnarstjórn þakkar hafnarstjóra trausta og góða stjórnun hafnarinnar.
  
• 24.2 1703024 Hafnarframkvæmdir, staða
  Farið var yfir stöðu hafnarframkvæmda og helstu verkefna. Hafnarstjórn - 18 Hafnarstjórn lýsir ánægju með áhrif þeirra miklu hafnarframkvæmda sem höfnin hefur staðið fyrir undanfarin ár, með 130 metra lengingu Norðurgarðs.
  Með lengingunni er dýpi á stórstraumsfjöru orðið um 10 metrar og þannig er hægt að taka á móti stærri og djúpristari skipum en áður.
  
  Við framkvæmdina skapaðist einnig tæplega 5.000 m² nýtt athafnasvæði, til viðbótar við athafnasvæðið sem var um 4.200 m².
  
  Framkvæmdin hefur skilað sér hratt, í auknum umsvifum og tekjum, fyrir höfn og þjónustufyrirtækin við höfnina - mun hraðar en hafnarstjórn áætlaði.
  
  Búið er að kaupa nýja flotbryggju, breiðari og lengri, í stað eldri, sem verður seld. Nýja flotbryggjan er 30x4 metrar en sú gamla er 24x3 metrar. Með stærri flotbryggju er skapað meira öryggi fyrir gesti skemmtiferðaskipa, sem koma á léttabátum frá skipum sem liggja við ankeri á ytri höfn.
  
  Almenna umhverfisþjónustan vinnur nú við að brjóta upp elsta hluta þekjunnar á Grundarfjarðarhöfn en hluti hennar var farinn að síga töluvert og kominn tími á endurnýjun. Skipt verður um raflagnir í leiðinni en nýjar og stærri lagnir verða lagðar í raftengikassa fyrir skipin.
  
  
• 24.3 2104003 Breyting á deiliskipulagi Framness austan Nesvegar
  Formaður kynnti að búið er að semja við Eflu um að annast endurskoðun deiliskipulags hafnarsvæðis á Framnesi austan Nesvegar og er sú vinna hafin.
  Auk þess er í undirbúningi vinna við deiliskipulag Framness og annast Efla ennfremur skipulagsráðgjöf þar.
  Skipulagsfulltrúi hefur umsjón með verkefninu og mun hafnarstjórn hafa aðkomu að því vegna hafnarsvæðisins.
  
  Hafnarstjórn - 18
• 24.4 2110004 Grundarfjarðarhöfn - Komur skemmtiferðaskipa
  Fram kom að í sumar eru bókaðar 43 komur skemmtiferðaskipa til Grundarfjarðarhafnar og að tekjur hafnar af skemmtiferðaskipum verða nú um 33% heildartekna, þrátt fyrir mikla aukningu tekna af þjónustu við fiskiskip.
  
  Hafnarstjórn - 18 Lagt var fram yfirlit hafnarstjóra um komur skemmtiferðaskipa í Grundarfjarðarhöfn frá árinu 2002.
  
  Fjöldi skipa hefur aukist síðustu árin og tekjur hafnarinnar sömuleiðis. Þjónusta við skemmtiferðaskip kemur til yfir sumarið, þegar minnst hefur verið að gera í löndunum og þjónustu við fiskiskipin. Þannig nýtast hafnarmannvirki og mannskapur vel, án þess að skarast að ráði við þjónustuna við fiskiskip. Skemmtiferðaskipin hafa því leitt af sér aukna arðsemi hafnarmannvirkja og aðstöðu, og auknar tekjur og styrkingu hafnarsjóðs sem getur á móti veitt enn betri þjónustu. Auk þess hafa skipin þýtt atvinnutækifæri fyrir fólk á svæðinu, því fjöldi fólks á Snæfellsnesi vinnur við að þjónusta skip og gesti - sem fara í ferðir um allt Snæfellsnes.
  
  Árið 2020 komu engin skip vegna Covid og árið 2021 voru komur skemmtiferðaskipa alls 31 talsins. Árið 2019 var síðasta ár fyrir Covid og voru komur skemmtiferðaskipa þá 50 talsins, samtals uppá 787.110 brúttótonn og var farþegafjöldi 17.681 manns. Áætlaður heildarfjöldi annarra gesta á Snæfellsnesi það ár var um 6-900.000 manns.
  
  Í ár eru bókaðar 43 komur skemmtiferðaskipa, samtals uppá 1906 þús. brúttótonn og með um 50.000 farþega.
  
  Sumarið 2023 eru nú þegar bókaðar 54 komur skemmtiferðaskipa, samtals uppá 2.330 brúttótonn og með áætlaðan gestafjölda 65.000 manns. Tekjur hafnar af þeim skipum gætu numið um 70 millj. kr. m.v. verðlag og gjaldskrá í dag.
  
  Hafnarstjórn ræddi um þá þjónustuþætti hjá höfninni sem tengjast auknum komum skipanna og því að skipin eru stærri. Vilji hafnarstjórnar er að höfnin gæti vel að því hvernig skip og gestir eru þjónustaðir, að upplifun gesta sé ánægjuleg og að aðstaðan til móttöku gesta mæti kröfum þeirra. Auk þess sé mikilvægt að samfélagið takist á við verkefnið af jákvæðni, en ljóst er að aukinn gestafjöldi mun hafa áhrif í samfélaginu.
  
  Í komum skemmtiferðaskipa felast jafnframt atvinnutækifæri fyrir íbúa og þjónustufyrirtæki í bænum og svæðinu öllu, til að veita þjónustu og afþreyingu og mikilvægt er að íbúar þekki og nýti tækifærin sem felast í ferðaþjónustu af þessu tagi.
  
• 24.5 2204017 Hafnasamband Íslands - Fundargerð 443. fundar
  Lögð fram til kynningar fundargerð 443. fundar stjórnar Hafnasambands Íslands frá 1. apríl 2022.
  Hafnarstjórn - 18
• 24.6 2204018 Samgöngustofa - Takmarkanir á komum Rússneskra skipa til íslenskra hafna
  Lagður fram til kynningar tölvupóstur Samgöngustofu til hafnarstjóra íslenskra hafna, frá 12. apríl sl.
  
  Fram kemur að utanríkisráðuneytið vinni nú að innleiðingu á þvingunarráðstöfunum vegna rússneskt skráðra skipa, þannig að skipin megi ekki koma til hafna á Íslandi.
  Umræddar þvingunarráðstafanir hafa þegar verið birtar í eftirfarandi Evrópugerðum:
  Sjá grein 4ha hér: http://data.europa.eu/eli/dec/2022/578/oj
  Sjá grein 3ea hér: http://data.europa.eu/eli/reg/2022/576/oj
  
  Ennfremur segir að frekari upplýsingar komi þegar ferlið verður lengra komið og gerðirnar komnar í birtingu hér á landi.
  
  Hafnarstjórn - 18

Málsnúmer 2205005Vakta málsnúmer