Bæjarstjórn

Málsnúmer 1710001FVakta málsnúmer

• 1.1 1501066 Lausafjárstaða
  Bæjarráð - 504 Lagt fram til kynningar yfirlit yfir lausafjárstöðu.
  
• 1.2 1709041 Launaáætlun 2017
  Bæjarráð - 504 Lögð fram launaáætlun miðað við raunlaun fyrstu níu mánuði ársins. Heildarlaunagreiðslur eru um 6,1 millj. kr. lægri en fjárhagsáætlun gerði ráð fyrir, sem er um 1,6% lægra.
  
• 1.3 1710010 Fjárhagsáætlun 2018
  Bæjarráð - 504 Lagt fram bréf bæjarstjóra til forstöðumanna, vegna gerðar fjárhagsáætlunar. Ræddar verðlagsforsendur vegna gerðar fjárhagsáætlunar 2018. Yfirlit úr þjóðhagsspá lagt fram sem sýnir áætlaðar verðlagsbreytingar milli ára. Áætlað er að vísitala neysluverðs breytist um 2,7% frá fyrra ári og launavísitala um 6,5%.
  
  Ráðgerðir eru tveir vinnufundir með bæjarráði fyrir fyrri umræðu í bæjarstjórn.
  
• 1.4 1710015 Fasteignagjöld 2018
  Bæjarráð - 504 Lögð fram og kynnt bráðabirgðaálagning fasteignagjalda fyrir árið 2018. Skv. henni hækka fasteignagjöld í heild sinni um 6,6% milli áranna 2017 og 2018.
  
  Bæjarráð samþykkir samhljóða að leggja til við bæjarstjórn að álagning fasteignagjalda verði óbreytt milli áranna 2017 og 2018.
  
• 1.5 1710017 Gjaldskrár 2018
  Bæjarráð - 504 Lagt fram yfirlit yfir þjónustugjaldskrár helstu stofnana bæjarins. Rætt um tillögugerð fyrir gjaldskrárbreytingar milli áranna 2017 og 2018.
  
  Áframhaldandi vinnu við gjaldskrár vísað til næsta fundar bæjarráðs.
  
• 1.6 1710019 Álagning útsvars 2018
  Bæjarráð - 504 Lögð fram tillaga að álagningarprósentu útsvars árið 2018.
  
  Bæjarráð leggur til við bæjarstjórn að álagningarprósenta útsvars verði óbreytt frá fyrra ári eða 14,52%.
  
  Samþykkt samhljóða.
  
• 1.7 1709038 Byggðarkvóti fiskveiðárið 2017-2018
  Bæjarráð - 504 Lagt fram bréf atvinnu- og nýsköpunarráðuneytisins frá 11. sept. sl., varðandi auglýsingu um byggðakvóta fiskveiðiársins 2017/2018 á grundvelli 10. gr. laga nr. 116/2006 með síðari breytingum. Umsóknarfrestur um byggðakvóta fiskveiðiársins er til 15. okt. 2017.
  
  Bæjarráð samþykkir að fela bæjarstjóra að sækja um byggðakvóta ársins 2017/2018.
  
• 1.8 1701005 Ísland ljóstengt
  Bæjarráð - 504 Farið yfir stöðu mála við lagningu ljósleiðara í sveitarfélaginu og hugmyndir um fyrirkomulag fjármála.
  
• 1.9 1710013 Ungmennafélagið, erindi vegna íþróttaaðstöðu
  Bæjarráð - 504 Lagt fram erindi Ungmennafélags Grundarfjarðar (UMFG) þar sem óskað er eftir samvinnu við Grundarfjarðarbæ um uppbyggingu á íþróttaaðstöðu í bænum. Í erindinu kemur m.a. fram hugmynd um kaup á tilteknu húsnæði sem stórbæta myndi íþróttaaðstöðu í bænum.
  
  Bæjarráð leggur til að skipaður verði starfshópur sem skoða muni möguleika og kostnað við slíka uppbyggingu. Í starfshópnum verði einn fulltrúi frá UMFG og tveir fulltrúar bæjarráðs, ásamt bæjarstjóra.
  
  Samþykkt samhljóða.
  
• 1.10 1710016 Utankjörfundaratkvæðagreiðsla
  Bæjarráð - 504 Lögð fram auglýsing um utankjörfundaratkvæðagreiðslu. Þar kemur fram að ekki er mögulegt að kjósa utan kjörfundar í Grundarfirði annað árið í röð. Jafnframt gerð grein fyrir samskiptum bæjarstjóra við Sýslumanninn á Vesturlandi þar sem mótmælt er að ekki sé mögulegt að kjósa utan kjörfundar í Grundarfirði. Í framhaldi af þeim samskiptum hefur Embætti sýslumanns ákveðið að sett verði upp aðstaða fyrir slíkar kosningar í Grundarfirði. Endanlegt fyrirkomulag mun skýrast næstu daga.
  
  Bæjarráð lýsir óánægju sinni með að í upphaflegri auglýsingu um utankjörfundaratkvæðagreiðslu hafi ekki verið gert ráð fyrir aðstöðu í Grundarfirði. Lagt er til að í framtíðinni verði séð til þess að slíkur möguleiki sé ávallt til staðar í tengslum við kosningar.
  
  Samþykkt samhljóða.
  
• 1.11 1709035 Rekstrarleyfi, Hótel Framnes
  Bæjarráð - 504 Lagt fram bréf Sýslumannsins á Vesturlandi frá 4. apríl sl. varðandi umsögn um rekstrarleyfi fyrir gististað í flokki IV vegna Hótel Framness, Nesvegi 5. Ekki var unnt að afgreiða erindið fyrr vegna skorts á gögnum.
  
  Fyrirliggjandi eru jákvæðar umsagnir annarra umsagnaraðila. Grundarfjarðarbær sér því ekkert því til fyrirstöðu að umbeðið rekstrarleyfi verði veitt.
  
  Samþykkt samhjóða.
  
• 1.12 1704006 Rekstrarleyfi, Sæból 46
  Bæjarráð - 504 Tekið fyrir að nýju erindi Sýslumannsins á Vesturlandi frá 15. mars sl. þar sem óskað er umsagnar Grundarfjarðarbæjar á umsókn Eyrarsveitar ehf. til að reka gististað í flokki II að Sæbóli 46.
  Ekki var unnt að afgreiða erindið fyrr vegna skorts á gögnum.
  
  Fyrirliggjandi eru jákvæðar umsagnir annarra umsagnaraðila. Grundarfjarðarbær sér því ekkert því til fyrirstöðu að umbeðið rekstrarleyfi verði veitt.
  
  Samþykkt samhjóða.
  
• 1.13 1605035 Gistirými í Grundarfirði
  Bæjarráð - 504 Lagt fram yfirlit yfir útgefin rekstrarleyfi fyrir veitinga- og gististaði í Grundarfirði miðað við 29. sept. 2017.
  
  Bæjarráð lýsir áhyggjum sínum yfir fjölda íbúðarhúsa sem nýtt eru undir gistiheimili í bænum og telur mikilvægt að mótaðar verði skýrar reglur um veitingu slíkra leyfa í bæjarfélaginu.
  
  Bæjarráð leggur til við bæjarstjórn að rekstur gistirýma í íbúabyggð fari ekki yfir 5% af fjölda íbúða í þéttbýli. Skipulags- og byggingafulltrúa falið að fara nákvæmlega yfir fjölda gistirýma og að vinna drög að vinnureglum. Meðan sú vinna er í gangi verða ekki afgreiddar umsagnir vegna rekstrarleyfisumsókna.
  
  Samþykkt samhljóða.
  
• 1.14 1710012 Svansskáli ehf. vegna Kaffi Emil
  Bæjarráð - 504 Lagt fram bréf Svansskála ehf. frá 28. sept. sl. vegna reksturs Kaffi Emils í húsnæði Sögumiðstöðvar, þar sem kallað er eftir úrbótum á tilteknum atriðum í húsnæðinu og óskað eftir viðræðum um þau mál. Jafnframt lagður fram samningur bæjarins við Svansskála ehf. um aðstöðuna.
  
  Bæjarstjóra og menningar- og markaðsfulltrúa falið að ræða við bréfritara.
  
  Samþykkt samhljóða.
  Bókun fundar Til máls tóku EG, RG og ÞS.
  
• 1.15 1710009 Skotfélagið, erindi
  Bæjarráð - 504 Lagt fram bréf Skotfélagsins frá 21. sept. sl. varðandi aðstöðu fyrir Skotfélagið og merkingar o.fl.
  
  Bæjarstjóra falið að ræða við bréfritara.
  
  Samþykkt samhljóða.
  
• 1.16 1706021 Íbúðalánasjóður, erindi til sveitarstjórnar
  Bæjarráð - 504 Lagt fram bréf bæjarstjóra til Íbúðalánasjóðs frá 26. sept. sl. varðandi tilteknar húseignir í Grundarfirði, sem tilboð hafa verið gerð í.
  
  Bæjarstjóra falið að vinna áfram í málinu.
  
  Samþykkt samhljóða.
  
• 1.17 1709037 Heilbrigðisstofnun Vesturlands - Starf sjúkraþjálfara í Grundarfirði
  Bæjarráð - 504 Lagt fram bréf frá Heilbrigðisstofnun Vesturlands (HVE) frá 11. sept. sl. þar sem stjórnendur HVE eru á einu máli að gera sitt besta til að fá sjúkraþjálfara til að nýta aðstöðu sem til staðar er á heilsugæslustöðinni í Grundarfirði.
  
  Bæjarstjóra falið að eiga fund með forstjóra HVE og kanna hvort ekki sé unnt að fá sjúkraþjálfara sem starfa á vegum stofnunarinnar í Stykkishólmi til þess að vinna í Grundarfirði tiltekna daga.
  
  Samþykkt samhljóða.
  
• 1.18 1709033 Dísarbyggð ehf. - Breyting á aðalskipulagi fyrir Þórdísarstaði
  Bæjarráð - 504 Lagt fram bréf Dísarbyggðar ehf. frá 15. sept. sl. þar sem óskað er eftir að tillit verði tekið til ákveðinna þátta við endurskoðun aðalskipulags.
  
  Bæjarráð vísar erindinu til skipulags- og umhverfisnefndar og felur skipulags- og byggingafulltrúa að koma tillögunum á framfæri við hönnuði aðalskipulags.
  
  Samþykkt samhljóða.
  
• 1.19 1610011 Framkvæmdir 2017
  Bæjarráð - 504 Farið yfir stöðu helstu framkvæmda hjá Grundarfjarðarbæ.
  
• 1.20 1709043 SSKS, ársfundur
  Bæjarráð - 504 Lagt fram fundarboð Samtaka sveitarfélaga á köldum svæðum en ársfundur verður haldinn föstudaginn 6. okt. nk. í Reykjavík.
  
• 1.21 1709036 Jöfnunarsjóður sveitafélaga, ársfundur 2017
  Bæjarráð - 504 Lagt fram bréf Samgöngu- og sveitarstjórnarráðneytisins þar sem boðað er til ársfundar Jöfnunarsjóðs sveitarfélaga sem haldinn verður 4 okt. nk. í Reykjavík.
  
• 1.22 1710011 Fjármálaráðherra, heimsókn
  Bæjarráð - 504 Lagðir fram minnispunktar bæjarstjóra vegna fundar með fjármálaráðherra 27. sept. sl.
  
• 1.23 1710002 Úthlutun úr Námsgagnasjóði 2017
  Bæjarráð - 504 Lagt fram bréf Sambands ísl. sveitarfélaga frá 29. sept. sl. varðandi úthlutun úr Námsgagnasjóði 2017.
  

Málsnúmer 1710004FVakta málsnúmer

• 2.1 1710022 Viðauki við fjárhagsáætlun 2017
  Bæjarráð - 505 Lagður fram viðauki við fjárhagsáætlun 2017, þar sem fært er á milli deilda, vegna launaleiðréttinga og annars. Upphafleg fjárhagsáætlun 2017 gerði ráð fyrir 17.240 þús. kr. hagnaði samstæðu, en í fjárhagsáætlun 2017 með viðaukum er gert ráð fyrir 18.580 þús. kr. hagnaði, sem er 1.340 þús. kr. betri áætlun afkomu.
  
  Að sama skapi er handbært fé í árslok áætlað 1.340 þús. kr. hærra en í upphaflegri áætlun, eða 68.120 þús. kr.
  
  Fjárhagsáætlun 2017 með viðaukum samþykkt samhljóða og vísað til bæjarstjórnar.
  
• 2.2 1710010 Fjárhagsáætlun 2018
  Bæjarráð - 505 Undir þessum lið sátu forstöðumenn stofnana hver í sínu lagi, Sigurður G. Guðjónsson, skólastjóri grunnskóla, tónlistarskóla og Eldhamra, Anna Rafnsdóttir, skólastjóri leikskólans, Sunna Njálsdóttir, forstöðumaður bókasafns, Aðalsteinn Jósepsson, forstöðumaður íþróttamannvirkja og Gunnar Jóhann Elísson, umsjónarmaður fasteigna.
  
  Farið yfir tillögur að fjárhagsáætlun 2018 með hverjum forstöðumanni.
  
  Fyrirliggjandi tillögum vísað til áframhaldandi vinnu við gerð fjárhagsáætlunar 2018.
  
  Samþykkt samhljóða.
  
• 2.3 1710015 Fasteignagjöld 2018
  Bæjarráð - 505 Lögð fram tillaga að álagningu fasteignagjalda, sundurliðuð niður á álagningarflokka. Tillagan gerir ráð fyrir óbreyttri álagningu fasteignagjalda.
  
  Vísað er til afgreiðslu 504. fundar bæjarráðs þar sem tillögunni er vísað til bæjarstjórnar.
  
• 2.4 1710017 Gjaldskrár 2018
  Bæjarráð - 505 Lagðar fram tillögur að þjónustugjaldskrám.
  
  Eftir yfirferð á þjónustugjaldskrám eru tillögurnar samþykktar og vísað til endanlegrar afgreiðslu í bæjarstjórn.
  
  Samþykkt samhljóða.
  
• 2.5 1710023 Framkvæmdir 2018
  Bæjarráð - 505 Lagðar fram tillögur um viðhald og nýframkvæmdir á árinu 2018. Farið yfir helstu framkvæmdir sem nauðsynlegt er að ráðast í ásamt búnaðarkaupum.
  
  Frekari vinnu við fjárfestingaáætlun vísað til næsta fundar bæjarráðs.
  
  Samþykkt samhljóða.
  
• 2.6 1710024 Grjótnáma Lambakróarholti
  Bæjarráð - 505 Vegna fyrirhugaðs grjótnáms í grjótnámu að Lambakróarholti er þörf á að segja upp leigusamningi frá 15. maí 2002 við Bárð Rafnsson. Bæjarráð vill bjóða Bárði nýjan leigusamning að teknu tilliti til fyrirhugaðs grjótnáms.
  
  Fyrir fundinum lá uppdráttur af svæðinu.
  
  Bæjarstjóra falinn frágangur málsins.
  
  Samþykkt samhljóða.
  
• 2.7 1710025 Smiðjan Ólafsbraut 19, húsakaup
  Bæjarráð - 505 Lögð fram tillaga að samþykkt vegna láns sem Félags- og skólaþjónusta Snæfellinga (FSS) mun taka vegna húsakaupa fyrir Smiðjuna að Ólafsbraut 19, Ólafsvík. Þar er gert ráð fyrir hlutfallslegri ábyrgð aðildarsveitarfélaga FSS á láninu, sem alls er að fjárhæð 20 millj. kr. Lánið er tekið hjá Lánasjóði sveitarfélaga.
  
  Á fundi bæjarstjórnar þann 13. sept. sl. samþykkti bæjarstjórn umrædda lántöku. Á grundvelli þeirrar samþykktar er bæjarstjóra falið að undirrita nauðsynleg skjöl vegna lántökunnar.
  
  Samþykkt samhljóða.
  
• 2.8 1710026 Northern Wave vinnustofa, umsókn um styrk
  Bæjarráð - 505 Lögð fram umsókn Eyjólfs B. Eyvindarsonar f.h. Northern Wave kvikmyndahátíðarinnar, um styrk vegna vinnustofu sem haldin verður í Grundarfirði föstudaginn 27. október nk.
  
  Bæjarráð vísar erindinu til fjárhagsáætlanagerðar vegna ársins 2018.
  
  Samþykkt samhljóða.
  
• 2.9 1710021 Alþingiskosningar 2017
  Bæjarráð - 505 Lagt fram bréf Þjóðskrár Íslands frá 29. september sl. um meðferð kjörskrárstofna vegna alþingiskosninga 28. október 2017. Skv. 1. mgr. 26. gr. kosningalaga skulu kjörskrár lagðar fram eigi síðar en miðvikudaginn 18. október 2017. Kjörskrá verður lögð fram á bæjarskrifstofu frá þeim degi.
  
  Jafnframt lagður fram kjörskrárstofn í Grundarfirði. Á kjörskrá eru 579 manns, 302 karlar og 277 konur.
  
  Bæjarráð samþykkir samhljóða fyrirliggjandi kjörskrárstofn og felur bæjarstjóra að undirrita hann.
  
• 2.10 1710020 Kennarasamband Íslands, ályktun um stöðu barna
  Bæjarráð - 505 Lögð fram til kynningar ályktun frá samráðsfundi félags stjórnenda leikskóla sem haldinn var á Flúðum 28. og 29. sept. sl.
  

Málsnúmer 1710006FVakta málsnúmer

• 3.1 1710010 Fjárhagsáætlun 2018
  Bæjarráð - 506 Undir þessum lið sátu Valgeir Magnússon og Hafsteinn Garðarsson, hvor í sínu lagi, og gerðu grein fyrir fjárhagsáætlun sinna deilda. Að því loknu yfirgáfu þeir fundinn.
  
  Lögð fram drög að fjárhagsáætlun ársins 2018.
  
  Jafnframt lögð fram drög að þriggja ára áætlun áranna 2019-2021.
  
  Bæjarráð vísar fjárhagsáætlun 2018 ásamt þriggja ára áætlun áranna 2019-2021 til fyrri umræðu í bæjarstjórn.
  
  Samþykkt samhljóða.
  
• 3.2 1710037 Styrkumsóknir og afgreiðsla styrkja 2018
  Bæjarráð - 506 Lagðar fram umsóknir um styrki vegna ársins 2018.
  
  Bæjarráð vísar yfirliti með tillögum um styrkveitingar til bæjarstjórnar.
  
  Samþykkt samhljóða.
  
• 3.3 1710023 Framkvæmdir 2018
  Bæjarráð - 506 Lagt fram yfirlit yfir helstu framkvæmdir og fjárfestingar á árinu 2018.
  
  Áætlun um framkvæmdir og fjárfestingar vísað til fyrri umræðu í bæjarstjórn.
  
  Samþykkt samhljóða.
  
• 3.4 1710047 Snjómokstur 2017
  Bæjarráð - 506 JÓK vék af fundi undir þessum lið.
  
  Lögð fram útboðsgögn vegna útboðs á snjómokstri 2017. Tilboðum átti að skila eigi síðar en kl. 11:00 þann 23. október sl. Jafnframt lögð fram fundargerð dags. 23. október sl. vegna opnunar tilboða.
  
  Eftirtalin tvö tilboð bárust:
  1. Dodds ehf. og Rútuferðir ehf. f.h. óstofnaðs hlutafélags.
  2. J.K. og Co slf.
  
  Unnið er að mati og yfirreikningi tilboðanna og verður endanleg afgreiðsla tekin að því loknu.
  
  JÓK tók aftur sæti sitt á fundinum.
  
• 3.5 1710003 Rekstrarleyfi, Berg horsefarm
  Bæjarráð - 506 Lagt fram erindi Sýslumannsins á Vesturlandi þar sem óskað er umsagnar á umsókn um gistileyfi í flokki II, frístundahús að Bergi.
  
  Bæjarráð gerir ekki athugasemdir við að umbeðið rekstrarleyfi verði veitt, enda liggi fyrir jákvæðar umsagnir annarra umsagnaraðila.
  
  Samþykkt samhljóða.
  
• 3.6 1710035 Hrannarstígur 18, bréf
  Bæjarráð - 506 Lagt fram bréf íbúa að Hrannarstíg 18 þar sem óskað er eftir lagfæringum á parketi vegna lekaskemmda.
  
  Bæjarráð felur umsjónarmanni fasteigna að vinna verkið í samráði við bréfritara.
  
  Samþykkt samhljóða.
  
• 3.7 1710043 Byggðakvóti 2017/2018
  Bæjarráð - 506 Lögð fram til kynningar umsókn Grundarfjarðarbæjar frá 12. október sl. um byggðakvóta fiskveiðiársins 2017/2018.
  
• 3.8 1710049 Lárkotsnáma
  Bæjarráð - 506 Lögð fram til kynningar beiðni Grundarfjarðarbæjar og Vegagerðarinnar til Ríkiseigna þar sem óskað er eftir heimild fyrir Steypustöð Skagafjarðar til að nýta efnisnámu að Lárkoti. Fyrirtækið vinnur að lagningu jarðstrengs frá Ólafsvík til Grundarfjarðar og mun nýta efni í slóðagerð og fleira í tengslum við verkið. Jafnframt mun fyrirtækið lagfæra veg að Lárkoti fáist leyfi til nýtingar á námunni.
  

Málsnúmer 1709005FVakta málsnúmer

• 4.1 1504024 Málefni Grunnskóla Grundarfjarðar
  Skólanefnd - 139 Sigurður G. Guðjónsson sat fundinn undir þessum lið.
  Lögð fram skýrsla skólastjóra við upphaf skólaársins 2017-2018. Alls eru 86 nemendur skráðir í nám í 1. -10. bekk. Kennarar og stjórnendur eru 12 og annað starfsfólk 9 samtals í 6 stg. Meðtalið er starfsfólk á Eldhömrum.
  Einnig lagt fram bréf grunnskólans, sem er svar við eftirfylgni með úttekt á grunnskólanum. Þetta er gert til samræmis við bréf Menntamálaráðuneytisins frá 14. júní 2016.
  
  Skólanefnd felur skólastjóra að senda svarið til ráðuneytisins.
  
  Ennfremur lagt fram yfirlit yfir vinnuskipan í skólanum.
• 4.2 1605043 Eldhamrar, 5 ára deild
  Skólanefnd - 139 Sigurður Gísli Guðjónsson skólastjóri gerði grein fyrir starfseminni.
  Starfið fer vel af stað og ánægja er með starfsemina. Dagskráin er fjölbreytt s.s. smíði,heimilisfræði,tónlistarnám og íþróttir. Einnig er stundum unnið með nemendum í 1.-2. bekk grunnskólans.
  Alls eru 2,7 stöðugildi starfandi á deildinni og börn á Eldhömrum eru alls 15.
• 4.3 1504025 Málefni Tónlistarskóla Grundarfjarðar
  Skólanefnd - 139 Sigurður G. Guðjónsson sat fundinn undir þessum lið. Gerði hann grein fyrir starfsemi tónlistarskólans en alls eru skráðir 50 nemendur á þessari önn. Í skólanum starfa alls 5 kennarar í 2,9 stöðugildum, auk stundakennara.
• 4.4 1504023 Málefni Leikskólans Sólvalla
  Skólanefnd - 139 Anna Rafnsdóttir, leikskólastjóri, Hallfríður Guðný Ragnarsdóttir, fulltrúi starfsmanna og Guðbjörg Guðmundsdóttir, fulltrúi foreldraráðs sátu fundinn undir þessum lið.
  Nýr leikskólastjóri Anna Rafnsdóttir var sérstaklega boðin velkomin til starfa.
  Leikskólastjóri fór yfir starfsemi skólans og lagði fram starfsskýrslu. Í leikskólanum eru 44 nemendur á aldrinum 1-5 ára. Á leikskólanum eru 3 deildir; Drekadeild, Músadeild og Bangsadeild.
  Starfsmenn á leikskólanum eru 19 í 15 stöðugildum.
  Gerð var grein fyrir námskeiðum sem starfsfólk skólans er að fara á og öðrum sem eru í undirbúningi.
  Ennfremur var lagt fram bréf leikskólastjóra varðandi beiðni um breytingu á skóladagatali fyrir skólaárið 2017-2018. Óskað var eftir frekari upplýsingum áður en beiðnin verður afgreidd. Bókun fundar Til máls tóku EG, RG, ÞS og HK.
  
  Bæjarstjórn samþykkir samhljóða að Leikskólinn Sólvellir verði lokaður milli jóla og nýjárs í samræmi við óskir leikskólastjóra.
  

Málsnúmer 1710005FVakta málsnúmer

• 5.1 1710038 Fjárhagsáætlun Grundarfjarðarhafnar 2018
  Hafnarstjórn - 14 Lögð fram tillaga að fjárhagsáætlun Grundarfjarðarhafnar fyrir árið 2018, ásamt greinargerð. Til samanburðar er útkomuspá ársins 2017 og raunniðurstaða ársins 2016.
  
  Hafnarstjóri fór yfir fyrirliggjandi tillögur að fjárhagsáætlun.
  
  Hafnarstjórn samþykkir fyrirliggjandi tillögu að fjárhagsáætlun hafnarinnar fyrir árið 2018 og vísar henni til endanlegrar afgreiðslu í bæjarstjórn.
  
  Jafnframt leggur hafnarstjórn til að samtals verði settar 15 m.kr. í fjárfestingar annars vegar til undirbúnings og byrjunarframkvæmda við viðbyggingu Norðurgarðs og hins vegar til kaupa á nýjum bíl fyrir höfnina.
• 5.2 1710039 Gjaldskrá Grundarfjarðarhafnar 2018
  Hafnarstjórn - 14 Lögð fram tillaga að gjaldskrá Grundarfjarðarhafnar fyrir árið 2018.
  Almennt er lagt til að gjöld samkvæmt gjaldskránni færist upp um almenna áætlaða verðlagsbreytingu. Aflagjöld eru óbreytt milli ára.
  Hafnarstjórn samþykkir fyrirliggjandi tillögu að gjaldskrá hafnarinnar með áorðnum breytingum og vísar henni til endanlegrar afgreiðslu í bæjarstjórn.
• 5.3 1710040 Framkvæmdir Norðurgarði
  Hafnarstjórn - 14 Lögð fram kynning á fyrirhugaðri lengingu á Norðurgarði í Grundarfirði og efnistöku úr námum, sem fyrirhugaðar eru á vegum Grundarfjarðarhafnar. Greinagerðin er unnin af Vegagerðinni og dagsett í september 2017.
  Áður en efnistaka úr námum heldur áfram þarf að kanna matsskyldu framkvæmdarinnar, sækja um framkvæmdaleyfi og breyta aðalskipulagi.
  
  Jafnframt lögð fram tillaga að fyrirhugaðri viðbyggingu við Norðurgarðinn. Tillagan er unnin af hönnunardeild Vegagerðarinnar merkt tillaga I.
  Hafnarstjóra og formanni stjórnar falið að vinna áfram að undirbúningi framkvæmda með Vegagerðinni.
• 5.4 1710036 Skipulagsstofnun, lenging á Norðurgarði
  Hafnarstjórn - 14 Lagt fram bréf Skipulagsstofnunar dags. 2. okt sl., varðandi lengingu á Norðurgarði og efnistöku úr námum. Í bréfinu eru gerðar nokkrar athugasemdir við drög að tilkynningu sem send var stofnuninni 19. sept. sl.
  Hafnarstjóra og formanni stjórnar falið í samvinnu við Vegagerðina að svara Skipulagsstofnun.
• 5.5 1710024 Grjótnáma Lambakróarholti
  Hafnarstjórn - 14 Lagður fram leigusamningur frá 15. maí 2002 milli Grundarfjarðarbæjar og Bárðar Rafnssonar, þar sem Bárði er leigt tiltekið beitiland úr landi Grafar-Innri. Vegna fyrirhugaðs grjótnáms í Lambakróarholti er nauðynlegt að virkja 5. tl. samningsins og segja samningnum upp, enda þótt reynt verði að hegða grjótnámi þannig að leigutaki geti nýtt svæðið að stærstum hluta áfram. Stefnt er að því að gerður verði nýr samningur, þegar ljóst verður hvernig grjótnáminu verður háttað.
  Hafnarstjórn leggur til að bæjarstjóri gangi frá málinu á þessum grunni.
• 5.6 1710043 Byggðakvóti 2017/2018
  Hafnarstjórn - 14 Lagt fram bréf Atvinnuvega- og Nýsköpunarráðuneytisins frá 11. sept sl,varðandi auglýsingu um umsóknir vegna byggðakvóta fiskveiðiársins 2017/2018.
  
  Jafnframt lögð fram umsókn Grundarfajrðarbæjar um byggðakvóta frá 12. okt. sl., þar sem sótt er um byggðakvóta fiskveiðiársins 2017/2018 á grundvelli auglýsingar ráðuneytisins.
• 5.7 1710041 Hafnasamband, stjórnarfundir nr. 396 og 397
  Hafnarstjórn - 14 Lagðar fram til kynningar fundargerðir Hafnasambands Íslands númer 396 og 397.
• 5.8 1710042 Rannsóknanefnd sjóslysa
  Hafnarstjórn - 14 Lagt fram afrit af bréfi Vegagerðarinnar til Hafnasambands Íslands frá 19. júní sl.
  
• 5.9 1710044 Samtök ferðaþjónustunnar
  Hafnarstjórn - 14 Lagt fram bréf dags. 13. okt. sl. frá Samtökum ferðaþjónustunnar.
  Hafnarstjóra falið að svara erindinu.

Málsnúmer 1709001FVakta málsnúmer

• 6.1 1709028 Kosning formanns
  Menningarnefnd - 11 Bjarni Sigurbjörnsson býður sig fram til formanns og er það samþykkt samhljóða.
  Hrafnhildur Jóna Jónasdóttir býður sig fram til varaformanns og er það samþykkt samhljóða.
• 6.2 1709026 Rökkurdagar 2017
  Menningarnefnd - 11 Lagt til að Rökkurdagar verði haldnir síðustu vikuna í október. Hugmyndir að dagskrárliðum hátíðarinnar ræddar.
• 6.3 1709027 Matarauður Vesturlands
  Menningarnefnd - 11 Áhugavert og þarft verkefni að auka vægi matarauðs í héraði. Menningar- og markaðsfulltrúa falið að afla frekari upplýsinga um átaksverkefnið Matarauður Vesturlands.
• 6.4 1709029 Fræðslu- og upplýsingaskilti í Grundarfirði
  Menningarnefnd - 11 Menningar- og markaðsfulltrúi upplýsir fundarmenn um stöðu mála varðandi undirbúning að uppsetningu skilta um bæinn. Mun þeim verða skipt í þemu og unnin í áföngum. Áætlað er að fyrstu fimm skiltin verði komin á sinn stað um miðjan maí árið 2018.
• 6.5 1709030 Myndasafn Bærings Cecilssonar
  Menningarnefnd - 11 Myndir, filmur, videoefni og fleira frá Bæring Cecilssyni, sem er í varðveislu Grundarfjarðarbæjar, er geymt í lítilli skrifstofukompu í Sögumiðstöðinni. Þar er nánast ómögulegt að komast að efninu auk þess sem það fer ekki vel um það.
  Lagt er til að efnið verði fært út úr Sögumiðstöðinni sem fyrst og varðveitt að Grundargötu 30, eða annars staðar þar sem betur fer um það og það er aðgengilegt á öllum tímum.
  Bókun fundar Til máls tóku EG, HK, ÞS og RG.
  
  Bæjarstjórn tekur undir með nefndinni að myndefninu verði fundinn betri staður.
  
• 6.6 1709032 Brana SH
  Menningarnefnd - 11 Ræddar hugmyndir um yfirbyggingu yfir bátinn Brönu SH. Ekkert hefur gerst í þeim málum að undanförnu og því lagt til að fengið verði álit óháðs fagaðila um hvernig Sögumiðstöðin sé best nýtt með fyrrnefnda yfirbyggingu í huga.
  
  
  
  Bókun fundar Til máls tóku EG, HK, RG og ÞS.
  
  Bæjarstjórn tekur undir með nefndinni og leggur til að málið verði skoðað með fulltrúum Brönusjóðs.
  
  Samþykkt samhljóða.
  
• 6.7 1709031 Viðhald og tiltekt í menningarhúsum Grundarfjarðarbæjar
  Menningarnefnd - 11 Farið yfir stöðu mála varðandi umgengni í Sögumiðstöð og Samkomuhúsi. Nefndin er sammála um að bæta megi umgengni um menningarhúsin t.d. herbergið á efri hæð Samkomuhúss.
  
  Menningarnefnd hvetur bæjarstjórn til að taka sem fyrst ákvörðun um framtíð Samkomuhússins. Húsið er menningararfur samfélagsins, reist af sjálfboðaliðum í sveitinni, og telur menningarnefnd það skyldu bæjarins að viðhalda því og betrumbæta svo það megi halda áfram hlutverki sínu sem samkomuhús okkar allra. Bókun fundar Til máls tóku EG, ÞS, RG og JÓK.
  
  Bæjarstjórn tekur undir með nefndinni. Hafist hefur verið handa við undirbúning á lagfæringum í Samkomuhúsi.
  
  Jafnframt kallar bæjarstjórn eftir stefnumótun menningarnefndar um framtíð og hlutverk menningarhúsa bæjarins.
  

Málsnúmer 1710003FVakta málsnúmer

• 7.1 1710027 Ráðning starfsmanns
  Öldungaráð - 6 Öldungaráð fer fram á að gert verði ráð fyrir því í fjárhagsáætlun ársins 2018 að ráðinn verði starfsmaður til að halda utan um starf eldri borgara í Grundarfirði.
• 7.2 1710028 Þrif á húsnæði að Borgarbraut 2
  Öldungaráð - 6 Fenginn hefur verið starfsmaður til að þrífa húsnæðið að Borgarbraut 2 einu sinni í viku í vetur.
• 7.3 1710029 Jóga og leikfimitímar
  Öldungaráð - 6 Öldungaráð leggur til að ráðinn verði starfsmaður til að sjá um líkamsrækt fyrir eldri borgara og öryrkja einu sinni til tvisvar í viku.
• 7.4 1710030 Framtíðarhúsnæði fyrir félagsstarf eldri borgara
  Öldungaráð - 6 Möguleikar á framtíðarhúsnæði fyrir eldri borgara ræddir. Áhugi er fyrir að athuga hvort hægt sé að fá gamla kaupfélagshúsið við Nesveg 1 fyrir eldri borgara sem framtíðarhúsnæði.
• 7.5 1710031 Skoðanakönnun
  Öldungaráð - 6 Lagt er til að undirbúin verði viðhorfskönnun um framtíðarsýn eldri borgara í sveitarfélaginu. Menningar- og markaðsfulltrúa falin nánari útfærsla á könnuninni.
• 7.6 1710032 Minigolf og pútt
  Öldungaráð - 6 Settar fram og ræddar hugmyndir að staðsetningu fyrir púttvöll og mínígolf í bænum.
  
  Samþykkt að senda beiðni til skipulags- og byggingarnefndar um að fundin verði og lögð til hentug staðsetning fyrir púttvöll og mínígolf. Lagt er til að fundinn verði staður nærri dvalarheimili aldraðra.
• 7.7 1710033 Umboðsmaður aldraðra
  Öldungaráð - 6 Öldungaráð kallar eftir því að Alþingi skipi umboðsmann aldraðra líkt og fyrirhugað hefur verið í allnokkurn tíma.
  
  Öldungaráð hyggst rita bréf til Alþingis máli sínu til áréttingar.
• 7.8 1710034 Önnur mál
  Öldungaráð - 6 Farið yfir stöðu á sjúkraþjálfunarmálum í bænum.
  
  Bent er á frétt um fjölþætta heilsueflingu fyrir eldri aldurshópa, yfir 65 ára, í Reykjanesbæ þar sem dr. Janus Guðlaugsson íþrótta- og heilsufræðingur er í forsvari. Áhugi er fyrir að kanna hvort mögulegt sé að fá slíkt verkefni hingað í Grundarfjörð.

Málsnúmer 1710007FVakta málsnúmer

• 8.1 1710052 Nýtt deiliskipulag Sólvallareits
  Lagður er fram deiliskipulagsuppdráttur dags.25.10.2017 ásamt greinargerð frá ASK arkitektum dags.09.10.2017 unnin fyrir Guðmund Runólfsson hf. 350 Grundarfirði. Þar sem óskað er eftir samþykki Grundafjarðarbæjar á tillögunni og að hún fari í formlegt kynningar- og staðfestingarferli skv.1.mgr.41.gr. Skipulagslaga. Skipulags- og umhverfisnefnd - 183
  Skipulags- og umhverfisnefnd samþykkir framlagt deiliskipulag og felur skipulags- og byggingarfulltrúa að hefja formlegt kynnigar og staðfestingarfgerli smkv 1. mgr 41. gr. skipulagslaga. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
• 8.2 1708008 Skíðasvæði, Mön og dren
  Umsókn dags. 14.08.2017 um leyfi til að grafa skurð meðfram skíðabrekku skíðadeildar UMFG og útbúa mön meðfram skíðabrekkunni.
  Umsókn var áður lögð fyrir fund umhverfis- og skipulagsnefdar nr.181, en var ekki afgreidd. Skipulags- og umhverfisnefnd - 183
  Skipulags- og umhverfisnefnd samþykkir erindið.
• 8.3 1710054 Lenging Norðurgarðs í Grundafjarðarbæ
  Tilkynning vegna fyrirhugaðra framkvæmda við Grundafjarðarhöfn.
  Fylgigögn. Bréf til Umhverfis- og skipulagsnefndar ásamt gögnum vegna framkvæmdar.
  Skipulags- og umhverfisnefnd - 183
  Skipulags- og Umhverfisnefnd samþykkir lengingu Norðurgarðs og felur Skipulags-og byggingarfulltrúa að gefa út framkvæmdarleyfi. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.4 1710053 Skerðingsstaðir, erindi til kynningar
  Zeppelin Arkitektar óska eftir að fá að kynna Deiliskipulagstillögu að 60 - 80 herbergja hótelbyggingu á svæðinu. Þeir óska eftir að vera með kynningu á verkefninu tímabili 8- 13.nóvember. Skipulags- og umhverfisnefnd - 183
  Skipulags- og bygginganefnd tekur vel í erindið og samþykkir að eiga fund með aðilum.
• 8.5 1710056 Ferðamál, bréf
  Skipulags- og umhverfisnefnd barst fyrirspurn. Skipulags- og umhverfisnefnd - 183 Skipulags- og umhverfisnefnd tekur vel í erindið og felur skipulags- og byggingarfulltrúa að afla frekari gagna.

Málsnúmer 1710019Vakta málsnúmer

Málsnúmer 1710015Vakta málsnúmer

Málsnúmer 1710017Vakta málsnúmer

Málsnúmer 1710037Vakta málsnúmer

Málsnúmer 1710010Vakta málsnúmer

Málsnúmer 1710056Vakta málsnúmer

Málsnúmer 1606001Vakta málsnúmer

Málsnúmer 1710047Vakta málsnúmer

Málsnúmer 1710007Vakta málsnúmer

Málsnúmer 1710055Vakta málsnúmer

Málsnúmer 1605035Vakta málsnúmer

Málsnúmer 1710050Vakta málsnúmer

Málsnúmer 1710046Vakta málsnúmer

Málsnúmer 1710045Vakta málsnúmer

Málsnúmer 1710057Vakta málsnúmer

Málsnúmer 1710058Vakta málsnúmer

Málsnúmer 1505019Vakta málsnúmer