32. Stjórnarfundur

32. stjórnarfundar Eyrbyggja 6. maí 2002 á Grand Hótel.

Viðstaddir: Hildur Mósesdóttir, Elínbjörg Kristjánsdóttir, Hermann Jóhannesson, Guðlaugur Pálsson, Gísli Karel Halldórsson.

1. Efnisöflun í bókina

Skil greina er í góðum gír.  Stefnt er að því að fara með allt efnið á geisladisk til útgáfunnar 21. maí.

2. Sölumál og dreifing á bókinni.

Fyrirhugað er að leita eftir því við félag eldri borgara í Grundarfirði um að félagið taki að sér dreifingu á bókinni.  Gísla falið að ræða við sögunefnd Eyrarsveitar til að skipuleggja sölu og dreifingu.

3. Örnefnaskrár.

Örnefnaskrár eru til yfirferðar hjá Örnefnastofnun.  Í framhaldi af því verða þær settar inn á heimasíðu Grundarfjarðar.  Örnefnastofnun mun setja inn á heimasíðu sína krækju yfir á heimasíðu Grundarfjarðar.

4. Fræðslumál.

Gunnar Kristjánsson fyrrv. skólastjóri hefur skrifað ágæta grein um fræðslumál í Eyrarsveit sem á vel heima í bókinni.

5. Vinabæjarheimsókn

Björg Ágústsdóttir bæjarstjóri og Ingi Hans Jónsson fara 8. mái til Paimpol í Frakklandi til að sinna vinabæjarsambandi sem áhugi er á að koma á.  Þeim var boðið út af afkomendum frakkans sem hafði hvað mest umsvif í Grundarfirði á 19. öldinni.  Rætt hefur verið um að Ingi skrifaði grein um heimsóknina sem við myndum birta i bókinni.  Komið hefur fram sú hugmynd að birta jafnframt grein Ásgeirs Guðmundssonar sagnfræðings um veru frakka í Grundarfirði. Greinin er um 36 vélritaðar blaðsíður.  Ásgeir gerði ekki athugasemd við að Eyrbyggjar birtu greinar sem hann skrifaði um sögu Eyrarsveitar ef forráðamenn í Grundarfirði samþykkja það.

6. Mynd á forsíðu.

Guðlaugur lagði fram drög að forsíðu bókarinnar frá Freyju Bergsveinsdóttur grafískum hönnuði. Á forsíðunni verður mynd af Kirkjufelli í sumabúning.  Við eigum eftir að útvega góða heppilega mynd.

7. Næsti fundur

Næsi fundur verður á Grand Hótel kl. 20, fimmtudaginn 6. júní 2002.