Fréttir & tilkynningar

Hjá Grundarfjarðarbæ eru lausar stöður skólastjóra grunnskólans og leikskólans. Jafnframt er laus staða leikskólakennara.   Sjá nánar hér!   Umsóknarfrestur er til 10. júní 2014.  

Komum skemmtiferðaskipa tl Grundarfjarðar mun fjölga talsvert í sumar frá árinu 2013 en alls verða þær 19 og hafa alrei verið fleiri.   Skemmiferðaskip hafa komið reglulega til Grundarfjarðar frá árinu 2001 og hafa að meðaltali 11 skip heimsótt okkur árlega þó nokkrar sveiflur séu fjölda þeirra frá einu ári til annars.   Fjöldi skemmtiferðaskipa 2001-2014.   Hér að neðan er listi yfir skip sumarsins 2014:  

Kjörfundur vegna sveitarstjórnarkosninga í Grundarfirði verður í samkomuhúsinu laugardaginn 31. maí 2014. Kjörfundur stendur yfir frá kl. 10:00 til kl. 22:00.   Kjósendur þurfa að framvísa persónuskilríkjum.   Talning atkvæða fer fram fyrir opnum dyrum í samkomuhúsinu að kjörfundi loknum og gefst kjósendum kostur á að fylgjast með eftir því sem húsrúm leyfir.   Kjörstjórn Grundarfjarðarbæjar  

Grundarfjarðarbær býður, líkt og hin síðari ár, lífeyrisþegum niðurgreidda þjónustu við garðslátt í sumar. Umsóknareyðublöð um garðslátt liggja á bæjarskrifstofu. Einnig er hægt að sækja um gegnum tölvupóst eða síma.   Gjaldskrá Umsóknareyðublað  

Starf framkvæmdarstjóra Svæðisgarðs Snæfellsness, sjá auglýsingu hér.   

Guðsþjónusta verður í Grundarfjarðarkirkju á fimmtudag, Uppstigningardag 29. maí kl.11:00. Dagur eldri borgara, ræðumaður er Óli Jón Ólason, kór eldri borgara syngur.   Allir velkomnir.

Dagskrá Sjómannahelgarinnar:

Síðastliðið haust sótti Grundarfjarðarbær um tvennskonar styrki til Menningarráðs Vesturlands.   Sótt var um styrk til Menningarsamnings Vesturlands að fjárhæð 800.000 kr. til hönnunar og skipulags á Paimpolgarðinum í Grundarfirði. Markmið verkefnisins er að gera garðinn að skemmtilegu og fallegu svæði sem nýtist bæjarbúum jafnt sem gestum. Þá er markmiðið að efla samstarf enn frekar við Paimpol í Frakklandi og hefja samstarf við Landbúnaðarháskóla Íslands. Grundarfjarðarbær fékk úthlutað 400.000 kr. til þessa verkefnis.   Þá sótti Grundarfjarðarbær um 400.000 kr. stofn- og rekstrarstyrk vegna verkefnis tengdu Bæringsstofu. Markmiðið með verkefninu er að bjarga myndefni sem að Bæring Cecilsson skildi eftir sig í Grundarfirði. Um er að ræða tuga klukkustunda af VHS upptökum sem koma á í stafrænt form. Markmiðið er að bjarga spólunum frá eyðileggingu og þannig að varðveita þann menningararf sem Bæring Cecilson skildi eftir sig í Grundarfirði. Myndefnið er ómetanleg heimild um uppbyggingu og sögu Grundarfjarðarbæjar. Menningarráð Vesturlands úthlutaði 200.000 kr. til verkefnisins.  

Sameiginlegur framboðsfundur D-listans og L-listans verður haldinn í samkomuhúsi Grundarfjarðar, sunnudagskvöldið 25. maí kl. 20:00.   Nú er tækifæri að kynna sér málefnin.   Vonumst til að sjá sem flesta.   Frambjóðendur í Grundarfirði

Skólastefna Grundarfjarðarbæjar var samþykkt í lok apríl og hefur henni verið dreift á öll heimili í sveitarfélaginu. Setning skólastefnu er mikilvægur áfangi í skólamálum en hún er sá grunnur sem skólarnir byggja starfsemi sína á.   Vinna við undirbúning að mótun heildstæðrar skólastefnu fyrir Grundarfjarðarbæ hófst af fullum krafti í september 2013. Gunnar Kristjánsson fyrrverandi skólastjóri, var ráðinn til að verkstýra ferlinu og kosin var stýrihópur af Bæjarstjórn.   Skólastefna Grundarfjarðarbæjar