Opnunartími bæjarskrifstofu um áramót

Lokað 2. janúar opnar aftur 3. janúar. Gleðilega hátíð.  

Glæsilegir jólatónleikar Tónlistarskóla Grundarfjarðar

    Jólatónleikar Tónlistarskóla Grundarfjarðar voru haldnir í Grundarfjarðarkirkju þann 15. desember síðastliðinn. Að vanda voru tónleikarnir stórglæsilegir og ánægjulegir. Það er virkilega gaman að sjá hversu miklir hæfileikar leynast í bænum okkar og hvað nemendur eru einbeittir og færir í að koma fram. Það fer ekkert á milli mála að mikið og gott starf er unnið í tónlistarskóla bæjarins.  

Myndaseríur bókasafnsins

Jólaauglýsing bókasafnsins er í Jökli vikublaði. Á facebook má skoða myndaseríur, m.a. af bókakápum. Bókamyndir á bæjarsíðunni. Opið á Þorláksmessu kl. 13-20. Annars virka mánudaga-fimmtudaga kl. 13-17.    

Notalegar heimsóknir yngstu nemendanna í Sögumiðstöðina

    Það var notaleg stemmning í Sögumiðstöðinni þegar ungir nemendur úr Grunnskóla Grundarfjarðar og leikskóladeildinni Eldhömrum litu inn. Unga fólkið naut sín vel með kakó og smákökur frá Kaffi Emil og lásu bækur. Krakkarnir á Eldhömrum horfðu einnig á skemmtilega jólamynd inni í Bæringsstofu.  

Viltu skipta um hlutverk við Breta í viku fyrir BBC?

    Breska sjónvarpsstöðin BBC leitar að einstaklingi á aldrinum 25-50 ára sem er til búinn að skipta um hlutverk við breskan einstakling í 7-10 daga fyrir heimildaþáttaröð stöðvarinnar. Þættirnir eru sex talsins og fer einn Breti á einhvern einstakan stað í hverjum þætti til að upplifa nýtt ævintýri. Á sama tíma fer sá einstaklingur sem skipt er við til Bretlands til að upplifa líf viðkomandi einstaklings þar. Allur kostnaður af skiptunum er greiddur af BBC.  

Auglýsing vegna úthlutunar byggðakvóta á fiskveiðiárinu 2016/2017

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 641/2016um úthlutun byggðakvóta til fiskiskipa á fiskveiðiárinu 2016/2017.    

Ferðamálastofa styrkir rekstur upplýsingamiðstöðvar í Sögumiðstöðinni

    Grundarfjarðarbær fékk á dögunum styrk frá Ferðamálastofu til vetraropnunar upplýsingamiðstöðvar. Gríðarlega mikilvægt er að veita góðar og réttar upplýsingar til ferðamanna yfir vetrartímann og vegna þeirrar miklu fjölgunar sem hefur orðið á ferðamönnum hér í bæ gegnir upplýsingamiðstöðin í Sögumiðstöðinni æ stærra hlutverki er varðar öryggi þeirra.  

Skemmtilegri jólahurðasamkeppni lokið í Grunnskóla Grundarfjarðar

  Vinningshurðin er af Rúdolf hreindýri sem mistókst lending á Kirkjufellinu.   Það er alltaf eitthvað skemmtilegt um að vera í skólum bæjarins og ekki síst á aðventunni. Í dag voru tilkynnt úrslit í jólahurðasamkeppni grunnskólans en nemendur höfðu með aðstoð kennara sinna skreytt alls 18 hurðir í skólanum.   

Boðskort á útskrift FSN 20. desember 2016

  Útskriftarhátíð Fjölbrautaskóla Snæfellinga verður haldin þriðjudaginn 20. desember í  hátíðarsal skólans í Grundarfirði. Hátíðin hefst kl.15:00 Allir velunnarar skólans eru velkomnir.Skólameistari  

Fjárhagsáætlun Grundarfjarðarbæjar árið 2017

Fjárhagsáætlun Grundarfjarðarbæjar A- og B-hluta sjóða fyrir árið 2017 var samþykkt á  fundi bæjarstjórnar 8. des. sl.