Bókaverðlaun barnanna 2012

Foreldrar hjálpið börnunum að finna bækur ársins 2011 svo þau geti kosið bestu barnabókina fyrir 19. mars.  6-12 ára börn (og þau sem eru orðin 13 ára á árinu) fá kjörseðla í grunnskólanum og í bókasafninu. Veggspjöldin eru í grunnskólanum, bókasafninu, leikskólanum, Hrannarbúð og Samkaupum. Sjá einnig á vef Borgarbókasafnsins sem sér um verkefnið. Tvær þátttökuviðurkenningar verða afhentar á skólaslitum grunnskólans í vor. Sjá fréttasíðu bókasafnsins, maí-júní síðustu fjögur árin.    

Karlakaffi

Karlmenn munið eftir karlakaffinu í dag í Verkalýðsfélagshúsinu á Borgarbraut 2 klukkan 14:30 í dag þriðjudag. 

Átt þú frábæra uppskrift af fiskrétti eða fiskisúpu?

Hin vinsæla Fiskiveisla Northern Wave Kvikmyndahátíðarinnar, verður haldin laugardaginn 3.mars næstkomandi. Veislan verður með nýju sniði í ár en nú verður keppt bæði í fiskisúpum og fiskiréttum. Ef þú átt t.d. bestu plokkfisk uppskrift í heimi eða kannt að gera gómsæta fiskisúpu eða langar bara að prófa eitthvað nýtt, þá er um að gera að skrá sig. 

Kirkjuskólinn fellur niður á miðvikudaginn

Kirkjuskólinn fellur niður á morgun Öskudag. 

Öskudagsball

Öskudagsball  miðvikudaginn 22. febrúar :) Fyrir leikskóla og 1. - 6. bekk , fyrir 7. - 10. bekk sjá auglýsingu hér.  

Karlmenn

Karlmenn munið karlakaffið alla þriðjudaga í Verkalýðsfélagshúsinu Borgarbraut 2. Klukkan 14:30 til 16:00. 

Spilavist

Spilavist verður í Samkomuhúsinu miðvikudaginn 15. febrúar kl 20:00 Allir hjartanlega velkomnir. Stjórn Félags eldri borgara.  

Boccia leiðsögn og kennsla

Flemming Jensen verður með kennslu og leiðsögn í Boccia laugardaginn 25. febrúar í íþróttahúsi Grundarfjarðar, hefst það klukkan 10:00. Seinna sama dag verður dómaranámskeið í Boccia. Áhugasamir láti skrá sig fyrir 22. febrúar hjá Elsu í síma 897-7047 og 438-6644, hjá Sverri í síma 869-9784.  

Atli Ágúst Hermannsson vann í eldvarnargetraun LSS

   Í nóvember síðastliðnum var árlegt eldvarnarátak Landssambands slökkviliðs- og sjúkraflutningamanna (LSS). Af því tilefni voru allir þriðju bekkingar landsins heimsóttir og fræddir um eldvarnir. Allir krakkarnir tóku þátt í eldvarnargetraun sem síðan var dregið úr nú á dögunum og þeir heppnu verðlaunaðir á 112 deginum sem fór fram á laugardaginn. Í Grundarfirði var það hann Atli Ágúst Hermannsson sem var einn af þessum heppnu þriðju bekkingum og hlaut hann í verðlaun reykskynjara, viðurkenningaskjal og iPod tónlistarspilara. Á myndinni til hliðar má sjá Atla Ágúst með verðlaunin góðu ásamt þeim Gústav Alex Gústavsson reykkafara og Valgeiri Magnússyni slökkviliðsstjóra.    

Vel tekið á móti á móti nýjum Grundfirðingum

Nýburahátíð var haldin í safnaðarheimili Grundarfjarðarkirkju s.l.fimmtudag. Þar mættu 15 ungbörn sem fæddust árið 2011 ásamt foreldrum sínum , og hlutu sængurgjafir. Nýburahátíðin er samvinnuverkefni Grundarfjarðarbæjar, heilsugæslunnar, leikskólans, Rauða krossins og Grundarfjarðarkirkju.