Auglýsing vegna úthlutunar byggðakvóta á fiskveiðiárinu 2014/2015

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 652/2014 um úthlutun byggðakvóta til fiskiskipa á fiskveiðiárinu 2014/2015   Grundarfjarðarbær (Grundarfjörður) Borgarfjarðarhreppur (Borgarfjörður eystri)   Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 948/2014 í Stjórnartíðindum   Snæfellsbær  (Arnarstapi, Hellissandur, Rif og Ólafsvík) Sveitarfélagið Skagaströnd Breiðdalshreppur (Breiðdalsvík)   Umsóknum skal skilað til Fiskistofu á eyðublaði sem er að finna hér.  Umsóknum þarf að fylgja samningur við vinnslu á eyðublaði sem er að finna hér.  Vakin skal athygli á því að umsóknin telst ekki gild nema samningur um vinnslu fylgi.   Umsóknarfrestur er til og með 17. nóvember 2014.   Fiskistofa 31. október 2014  

Íþróttamaður ársins, tilnefningar.

Þessa dagana fara fram tilnefningar á íþróttamanni ársins. Eins og reglur um kjörið segja til um eru forsvarsmönnum íþróttafélaga á staðnum afhent eyðublöð sem svo skal skilað á bæjarskrifstofuna.  Þeir sem hafa áhuga á að koma hugmyndum að tilnefningum á framfæri er bent á að hafa samband við forsvarsmann viðkomandi íþóttafélags. Starfandi íþróttafélög í Grundarfjarðarbæ eru:UMFGGolfklúbburinn VestarrHesteigendafélag Grundarfjarðar Skotgrund Félag eldri borgara  

Ljósmyndasamkeppnin

Frestur til að skila inn myndum í ljósmyndasamkeppnina rennur út á miðnætti í kvöld, föstudaginn 31. október.

Allir lesa

Notendur Bókasafns Grundarfjarðar geta skráð sig í opinn hóp á allirlesa.is. Hægt er að stofna fleiri hópa t.d. barnahópur, bekkir í grunnskólanum, afa- og ömmuhópur. Notandanafn og lykilorð er BokaGrund.  

Starfsdagur

Föstudaginn 24. október nk. verður bæjarskrifstofan opin milli kl. 10 og 12 fyrir hádegið. Vegna starfsdags starfsmanna verður skrifstofan lokuð eftir hádegið.  

Frá Tónlistarskóla Grundarfjarðar

Verkfall tónlistarkennara í FT hefst miðvikudaginn 22.október. Starfsemi  Tónlistarskóla Grundarfjarðar leggst af þar til samningar við sveitarfélögin hafa náðst.   Skólastjóri.      

Íbúð til leigu

Grundarfjarðarbær hefur til leigu 3ja herbergja íbúð í parhúsi. Íbúðin er 90 ferm. og er laus frá 1. desember nk.   Nánari upplýsingar eru veittar á bæjarskrifstofu í síma 430 8500 eða með því að senda tölvupóst á netfangið grundarfjordur@grundarfjordur.is   Umsóknarfrestur er til 2. nóvember 2014.  

Ræstingastarf

Grundarfjarðarbær óskar eftir að ráða sem fyrst starfsmann til að sinna ræstingu á einni af húseignum bæjarins. Um er að ræða 2 klst. á viku. Vinnutími er sveigjanlegur.   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala- og Snæfellsness (SDS).   Nánari upplýsingar eru veittar á bæjarskrifstofu í síma 430 8500 eða á netfangi grundarfjordur@grundarfjordur.is   Umsóknarfrestur er til 30. október nk.    

Bæjarstjórnarfundur

178. fundur bæjarstjórnar Grundarfjarðar verður haldinn í Ráðhúsi Grundarfjarðar fimmtudaginn 16. október 2014, kl. 16:30.  

Fiskiveisla Northern Wave

Fiskiveislan vinsæla verður haldin laugardaginn 18. október. Öllum er heimilt að taka þátt í fiskiréttakeppninni. Þátttakendur þurfa aðeins að senda tölvupóst á info@northernwavefestival.com en einnig er hægt að hafa samband við okkur á facebook . Reynt verður að útvega keppendum það fiskhráefni sem það þarf í réttina, keppendur eru beðnir um að koma með gashitara með sér ef þeir vilja halda réttunum heitum. Allir keppendur fá armband og drykki að vild í fiskiveislunni. Í verðlaun eru tvö gjafabréf á Fisk/Grillmarkaðinn í smakkmatseðil þar sem hægt verður að prófa allt það besta af matseðlinum.