Framkvæmdir hafnar við nýja bryggju við Grundarfjarðarhöfn

Grundarfjarðarhöfn hefur hafið framkvæmdir við gerð nýrrar stálþilsbryggju sem mun leysa litlu bryggjuna af hólmi.  Nýja bryggjan verður mun stærri en sú eldri,  um 65  löng annars vegar og 85 m löng hins vegar og 20 m breið. Tæplega 50 metra löng jarðvegsfylling er út að nýju bryggjunni.  Verktakafyrirtækið Berglín, sem var lægst í útboði verksins fyrr í vor með tilboð uppá tæpar 84 milljónir kr., sér um framkvæmdina.  

Jökulhálstryllir varð að Tankatrylli

Eftirfarandi frétt er á vef Skessuhorns:   Fjallahjólabrunkeppnin sem fram fór í fyrsta sinn á síðasta sumri á Jökulhálsi sem sérstakt norðurslóðaverkefni með tilstyrk Evrópusambandsins, var áformuð öðru sinni laugardaginn 29. júlí. Þegar til átti að taka voru forsvarsmenn Hjólreiðafélags Reykjavíkur ekki ánægðir með brautina sem slíka og var því ákveðið að flytja hana í brekkurnar ofan við Grundarfjörð. Þar lá leiðin framhjá vatnstanki Grundfirðinga og flaug einum keppenda í hug að kalla þetta Tankatrylli. Þar fór keppnin því fram á laugardag með þátttöku 6 hjólreiðakappa úr Hjólreiðafélagi Reykjavíkur sem sýndu snilldartakta á hjólum sínum. Teymdu þeir hjól sín upp en brunuðu síðan niður tvær ferðir hver.  

Vel heppnuð bæjarhátíð

Bæjarhátíðin „Á góðri stund”, sem haldin var í Grundarfirði um helgina, tókst einstaklega vel í alla staði.  Hátíðin hefur fest sig í sessi sem ein besta bæjarhátíð á landinu þar sem lögð er áhersla á að eiga góða stund með vinum og vandamönnum.  

Strandvegagangan

Jón E. Guðmundsson, sem gengur strandvegi landsins til styrktar Krabbameinsfélagi Íslands, mun ganga í gegnum Grundarfjörð núna í hádeginu, kl. 12.30.   Allir áhugasamir eru hvattir til að ganga á móti honum sem og að styrkja Krabbameinsfélagið. Söfnunarsíminn er 907 5050. Heimasíða strandvegagöngunnar. 

Dagskrá sunnudags

10:00 Dorgveiðikeppni fyrir yngri kynslóðina. 11:00 Opna Soffamótið í golfi. Upplýsingar á golf.is. 13:00 Barnaskemmtun á hafnarsvæði. Skemmtiatriði fyrir börnin og           veitt verða verðlaun fyrir dorgveiðikeppnina. 13:30 Tónlistarflutningur hefst í Grundarfjarðarkirkju 14:00 Hátíðarmessa í Grundarfjarðarkirkju. Hr. Karl Sigurbjörnsson           biskup predikar. 15:30 40 ára vígsluafmæli Grundarfjarðarkirkju. Kaffisamsæti í Samkomuhúsinu,           ávörp og myndasýning.

Dagskrá laugardags

  Laugardagur 11:30 Víðavangshlaup UMFG. Þátttökugjald 400 kr. Mæting á           íþróttavellinum. 12:00 Kajakferðir. Mæting við Suðurgarð. Verð 2500 kr. fyrir           klukkustund. 12:00 Kveðjutónleikar Friðriks Vignis Stefánssonar í           Grundarfjarðarkirkju. 13:00 Gengið á Kirkjufell. Þátttökugjald 1000 kr. Skráning í           Sögumiðstöð. 13:00 Reiðhjólakeppnin Jökulhálstryllir verður haldin í gilinu fyrir ofan            vatnstank. Hjólreiðasnillingar sýna listir sínar. 13:30 Varðskipið Ægir tekur á móti gestum. 14:00 Hátíðardagskrá hefst á hafnarsvæði. Gunni og Felix kynna. 14:00 Kaffihús Kaffi 59 opnar í vigtarskúrnum. 14:00 Alþjóðakaffi opnar í Sögumiðstöð. 15:00 Berserkur - Hátíð unga fólksins. Tónleikar í Sögumiðstöð. 15:30 Verðlaunaafhending fyrir Jökulhálstrylli á túninu við            heilsugæsluna. Á eftir sýna hjólreiðakappar listir sínar á            þvottaplaninu við Essó. 15:30 Söguganga með Inga Hans á Grundarkamp. Skráning í           Sögumiðstöð og ekkert gjald. 16:00 Hálandaleikar sterkustu manna Íslands. Á lóð samkomuhússins 21:00 Skrúðgöngur og skemmtiatriði. 22:30 Bryggjuball. Feik skemmtir með aðstoð leynigesta. 23:30 Sæbrenna í höfninni. 24:00 Hljómsveitin Jamie´s Star spilar í Félagsmiðstöðinni Eden.            Aðgangseyrir 500 kr. 16 ára aldurstakmark. 24:00 Hljómsveitin 60's spilar á Kaffi 59. Aðgangseyrir 1500 kr. 24:00 Ásgeir Páll skemmtir í Krákunni. Enginn aðgangseyrir.

Hátíð í bæ

Hverfastaurarnir í miðbænum   Hátíðin „Á góðri stund í Grundarfirði“ er hafin. Í gærkvöldi voru hverfin skreytt í gulum, rauðum, grænum og bláum litum. Hverfastaurarnir voru settir upp í miðbænum og er bærinn farinn að skarta sínu fegursta. Gestir eru farnir að streyma í bæinn og tjöld, tjaldvagnar, fellhýsi, hjólhýsi og húsbílar á víð og dreif um bæinn, ýmist á tjaldstæðum eða við heimahús. Veðrið er gott, hátt í 20 stiga hiti, sól og smá vindur og eru veðurspár hagstæðar fyrir helgina. Grundarfjarðarvefurinn óskar öllum Grundfirðingum og gestum góðra stunda um helgina.

Dagskrá föstudags

13:00 Leikfangasala í samkomuhúsinu. 15:00 Hverfakeppni í skák á kaupfélagsplaninu. Hverfin keppa um           Montbikarinn. 16:00 Grillveisla á kaupfélagsplaninu í boði Samkaupa strax og            Kaffi 59. 17:00 Kaffihús Kaffi 59 opnar í vigtarskúrnum. 18:00 Körfuboltaleikur í íþróttahúsinu. Lið Grundfirðinga keppir við            Brokey. Enginn aðgangseyrir. 20:00 Sylvía Rún og Máni halda tónleika í kirkjunni.            Aðgangseyrir 500 kr. 20:00 Hljómsveitin Stuðbandið heldur unglingaball í félagsmiðstöðinni            Eden fyrir 13-16 ára. Aðgangur 700 kr. 20:00 Gengið á Kirkjufell. Þátttökugjald 1000 kr. Skráning í            Sögumiðstöð. 21:00 Brenna á Grundarkampi 22:30 Djazztónleikar á Hótel Framnesi. Djazzkvartettinn Póstberarnir            Enginn aðgangseyrir. 23:00 Sævar og Stúlli skemmta í Krákunni. Enginn aðgangseyrir. 23:00 Stórdansleikur Papanna í Samkomuhúsinu.            Aðgangseyrir 2500 kr.  

Fólkið, fjöllin, fjörðurinn - 7. rit

Út er komið í sjöunda sinn ritið Fólkið, fjöllin, fjörðurinn, sem Eyrbyggjar – hollvinasamtök Grundarfjarðar standa að. Í ritinu í ár er að finna skrif um Skólahald í Eyrarsveit, Grundarfjarðarkirkju í 40 ár, flugslysið í Kolgrafafirði, sögu leikskólans, horfin hús o.fl. Þessa dagana er verið að ganga í hús og selja bækurnar. Þær verða einnig til sölu á hafnarsvæðinu um helgina og í Hrannarbúðinni eftir það. Bókin kostar 2.500 kr.

GULAR, GRÆNAR, RAUÐAR, BLÁAR!

Hver er sá bær, bjartur og fínn allur skreyttur blöðrum gulur, rauður ,grænn og blár gerður af Grundfirðingum sjálfum!   Skreytum hús með blöðrum!! UMFG hefur til sölu helíumblöðrur í hverfalitunum, fallegar blöðrur u.þ.b. 45 cm að stærð. Hægt að panta blöðrur hjá Hrannarbúðinni og hjá Eygló. Blöðrurnar þarf svo að sækja á milli kl 18:00 og 20:00 að Eyrarvegi 14 (hjá Eygló og Adda). Hver blaðra kostar aðeins 350 krónur!